¹ Ebi uro'o bi aihin uro'o egbe egbe na za vare vbi use'e vba? Vbeken ao'o lobe vba lou khian gbegbe vbi ekein vba? ² Wa hoi emi lou ki u'umoen. Wa gbe wa wun wa khi emi li obo'se'e ise'se. Vba khoen vba ro'o, oreriyo, usekpe mi emuaho'o ohio khi umiain Oiselebua. ³ Umian umie̱n, o̱hio̱umian lo̱se̱n, o̱hio̱ uho lu weo̱ legbe se̱. ⁴ vbava li vba me̱he̱n gai o̱do̱n vba e̱'e̱n khi o̱li kpa o̱li agbo̱n na wui o̱mo̱'o̱, o̱be si Oise̱le̱bua o̱? O̱mo̱'o̱ ri egbe so̱i chie̱n o̱be si Oise̱le̱bua. ⁵ Da ue'gbe ebe lo̱fuan tai fia khi "Eti lo̱zo̱i dia vbi e gbe mai o̱mo̱i imon'eo? ⁶ Ama Oise̱le̱bua wui e̱seo̱he̱n lo̱bun re̱ zien labi ebe lo̱fuan ta "Oise̱le̱bua o̱sain'hi elian kha egbe yi ohumi , ama o̱ wui e̱seo̱he̱n ni elian 'gbere. ⁷ Iyo̱ wui egbe se̱ ni Oise̱le̱bua hui esun, o̱lo̱ lanai. ⁸ Sike̱i Oise̱le̱bua, o̱lo̱ sikiae̱, kpobo̱ se̱ fuan, vbava li vba vbi o̱kho̱, zi udu se̱ fuan, vbava li vba mo̱i udu eva. ⁹ Gbiaikue̱ vie̱, zi oje̱ sē chie̱i ikho'ēke̱n, egho̱ngho̱n se̱ chein o̱lo̱ mo̱i ituegbe. ¹⁰ De'egbe se̱ re yi Oise̱le̱bua, o̱lo̱ khuae̱ yi ohumi. ¹¹ Vba ya tali egbe shan, imio̱n. o̱lo̱ teta si omio̱n shan dai o̱ ghai omio̱n shan, o̱teta lo̱i khume̱ re̱yi uhi, o̱gbo ghai uhi si Oise̱le̱bua.Ukha ghai uhi, uya re̱hain o̱li uhi, ama uvbi o̱lo̱ ghai oli uhi. ¹² Oto̱kpa lo̱ gbu' uhi, lo̱ ghai e̱zo̱n. Yo̱in khi o̱lo̱lo̱ meti fan mai, lo̱lo̱ gbo meti ria emi'a. O̱khi we̱we̱, lu wa ghai e̱zo̱n si ozeva se̱? ¹³ Eyan daeho̱n, we̱we̱ lu tai "E̱na da akho̱ ma lo̱ yi o̱li e̱vo na, wei ukpe o̱kpa, duki gbi egho." O'e̱e̱n emi lo̱lo̱ ruan akho̱, emi khi eda'gbo̱n se̱. Uvbi ou lo̱ kha gianre, o̱kha we̱ o̱dahoa. ¹⁵ Sokpe̱n, ya tai "O̱lo̱mo̱e̱mai kha ama, mai lo̱ o̱na dai o̱na. ¹⁶ Ama, wa ruo̱ e̱mo̱i amama si ikhua egbe yi ohumi se̱ uruomi lo̱be kho̱ai. ¹⁷ O̱hio̱ o̱lo̱ e̱e̱n emi le̱se̱n lo̱lo̱'u o̱vbo̱. re yo̱ o̱kho̱'o̱.