¹ Ikpei gb'ele kerare li mai bi Banabasi re̱ lode̱ vbi Jerusale̱m. Igbo wui Tito̱s re̱khai egbe. ² Ilodē erimidi khi Oise̱le̱bua e̱me̱n li lode̱. liza wewe eta si o̱hume̱me̱ vbie̱iain lo̱u khi wewe vbie̱i ekhe̱n Ge̱ntai. (Sokpe̱n ikpayi elecie̱n ukutu vb'use sian gui iyie̱nmi vbi uhe'egbe). Emo̱ze̱i lire̱ vbiyo̱ ikhi lae'mie̱n ula men i'deo̱'vbi ahoi. ³ Sokpe̱n airi utotomi o̱i o̱'o̱so lai rue̱'o̱i, re̱se̱vbi Tae̱to̱s lo̱kie̱n Griki. ⁴ O̱li iyie̱mina dumu vbo̱hio̱ si ea eso leo̱ do'o dube̱e̱ vbi o̱fure nimai mo̱e̱n vbi Jesu Kristi. Yiain ho'o nimai cie̱n oghumi si uhi. ⁵ Mai degbe rehe o̱vbo niain e̱ghe̱'ikhe̱ghe̱, lai re̱mie̱n khi ata si eta si o̱hume̱me̱n i'degbe delo̱ vbi o̱hio̱ se̱'e̱ . ⁶ Sokpe̱n ea li eso o̱i khekie̱in khi are̱khae̱n, ei mi ikho̱'obo̱ le rele̱me̱n. Eme kian ere̱me̱m i'mo̱i emo̱dewun reyi'me̱n. Oise̱le̱bua iya mo̱'obo̱ o̱vbi emi lo̱u khi agbo̱n ze̱i. ⁷ Sokpe̱n eremio̱in ebai'e̱me̱n ya wewe eta si o̱hume̱me̱n vbie̱ ea lo̱'o̱u khai rue̱'e̱. Elabai'i Pita yai wewe vbie̱ elo̱'o̱u kha rue̱'e̱i. ⁸ Erimidi Oise̱le̱bua lo̱ ri Pita bia li elo̱'o̱u kha'rue̱'e̱i, yio̱n o̱gbo re̱me̱n bia li elei mo̱n orue̱'e̱. ⁹ E̱ghe̱li Jemisi, Ke̱ifas, bi Jo̱ni lae̱n o̱vbi ele wui igbuloto̱i si O̱se̱, re̱ mi e̱seo̱he̱n li la reneme̱n, lekeza si mabi Banabasi ke̱'egbe. Evbiyo̱ li maimai reo̱ gi ekhe̱n Ge̱ntai ze, li iain gbore̱o̱ gi ela rue̱'e̱i ze. ¹⁰ Yiain gbo ho'o li mai gbo e'ei eli e̱so̱n'o̱gbe re. Me̱me̱ o̱gbo re̱ ho'o li bi obia liyo̱. ¹¹ E̱ghe̱li Ke̱ifasi re̱ vare vbi Antio̱k, eri kpayo̱i kha'erun bi khi'ile̱'e̱o so̱i erimidi ero̱ vbi afido̱n. ¹² O̱kpe̱se̱ khi ea eso zavbi isi Jemisi vare, Ke̱ifas ya kpayi ekhe̱in Ge̱ntai e'emae. Ekgeli eli ea'na kere̱ vare, lo̱iya keza debaian e'emae. Ero̱ mo̱in ilofe̱n si ea lian hoi orue̱'e̱. ¹³ Eleko̱'o̱re vbi ekhe̱in Jiusi debai Ke̱ifas vbi o̱li ue̱n si ai'zaghome̱n na. Ema zavbo̱ mie̱n ikhi Banabasi legbeso̱i reo̱'o̱vbi o̱li laikpe̱ zaghome̱n na. ¹⁴ Bikere̱ zawo'o̱i khi yiai re̱khan ata si eta si o̱hume̱me̱n, likere̱'o̱i Ke̱ifasi, vbi isao siain ere̱me̱n khi, "Ukha kie̱n Jiusi, luya e̱n bi ekhe̱n Ge̱ntai, ebulo̱kei kpayi ekhe̱n Ge̱ntai obo̱ re̱ ubi ekhe̱n Jiu?" ¹⁵ Mamai nimai kie̱in imoto̱i si Jiu nimai vbi "Ekhe̱in Ge̱ntai nia vbo̱kho̱'o̱" ¹⁶ e̱in khi aimio̱la re̱kie̱n o̱lo̱fuain vbo̱hio̱ si obia si uhi. Sokpe̱n, arian kie̱in e̱le̱fuain s̱ian vbi amie̱nho̱n o̱vbi Jesu Kriste. Main mie̱in Jesu Kristi ho̱n limai re̱ mo̱in awu'fuan vbe̱ke̱n amie̱nho̱n o̱vbi Kristi lo̱i vbi res̱ian vbi ukpo̱hio̱ si uhi. Erimidi akha mi o̱lo̱lo̱ meti mie̱in awufuan s̱ian vbi are̱o̱vbi uhi. ¹⁷ Makha ho'o awufuan vbobo̱ si Oise̱le̱bua s̱ian vbi obo̱ si Kristi ni mai kpe̱ evbi o̱kho̱'o̱, eri Kristi ke kien o̱lo̱gi o̱kho̱'o̱? Akha mi emiliyo̱! ¹⁸ Ikha e̱nhi egbe o̱vbi arudu'o̱vbi uhi lo̱'o̱u khi isin ovbi oto̱i, ikie̱in o̱lo̱ gbuhi'a vbo̱le̱ghe̱. ¹⁹ Ike u li uhi sian vbi e̱mo̱in uhi, laire̱ mie̱n khi irivbo̱ li Oise̱le̱bua. ²⁰ Ake kha'an me̱n yie̱n vb'o̱gbe̱n re̱khain Kristi. Me̱me̱ kike rivbo̱ legbeme, sokpe̱n Kristi o̱ke rivbi'e̱me̱n. Ue̱n liake e̱n yian yia e̱n'o̱in vbi e̱ke̱n amie̱nho̱n si Ovbi Oise̱le̱bua, lo̱ hume̱ke̱nme̱n, lo̱ ri egbe so̱i humo̱han ne̱me̱n. ²¹ Ikhata khi e̱seo̱he̱n si Oise̱le̱bua o̱ievbo̱, vbo̱hio̱ akha'ai khi o̱fuan rivbo̱ vbo̱hio̱ si uhi, e̱ghe̱ain Kristi u'o̱vbi oto̱'o̱san.