¹ O̱na ikhi Ipo̱lu li uvbiodogho. Li chie̱n uvbiodogho zavbi abo si ea vare sokpe̱n shian vbobo̱ si Jesu Kristi bi Oise̱le̱bua li Era, lo̱ nwuo̱in zavbi eu chiere. ² Mai bi imio̱main li mai rivbo li are̱ vin o̱li ebe na yi o̱se si Galasian. ³ E̱seo̱he̱n re̱yi e̱ bi o̱fure isi Oise̱le̱bua li Eramai bi Jesu Kristi, ⁴ lo̱ri egbo̱i re vbi o̱hio̱ si o̱kho̱o̱ mai lo̱i re̱ demain chiere vbi o̱re̱i si o̱kho̱o̱ na, vbi e̱ke̱n ahoo si Oise̱le̱bua bi era. ⁵ Re̱yi o likhi o̱khai re̱le̱ re̱le̱. ⁶ O̱yiame̱, unuan khi vba deli udu yi eta leyi o̱dan e̱je̱ e̱je. O̱yiame̱ unuan khi vba deli egbe sho̱ vbi isi o̱lo̱ e chie e̱ vbi e̱ke̱n e̱seo̱he̱n isi Kristi. ⁷ Eta si o̱hume̱me̱n o̱vbe i evbo̱, sokpe̱n ea eso nia nwuin okpokpo yi vba nian ho'o nian fi osughu o̱vbi etasi o̱hume̱me̱n si Kristi. ⁸ Mamain da'a e̱hi isi okhumeimi kha vare oya wewi eta o̱vbe'e yio̱dan yi o̱nima wewe ubievba, ukhueo lo̱lo̱ mie̱n. ⁹ Mai tai ebi mai kpao gboi tai te̱le̱ khi, "Akha mi o̱ia lo̱ wewi eta o̱vbe yi o̱dan yi o̱livba ga obo̱ mie̱n, o̱li o̱ia chie̱n o̱la khuei." ¹⁰ Eri ake ho li agbo̱n mo̱ obo̱ me̱ vbo̱ da'a Oise̱le̱bua? Eriake ho o̱li vbemi ebi agbo̱n o̱i ho o̱i? Ikha kpe̱i vbi emi lire vbi ahoo si agbo̱n'u, ivbi o̱lo̱ gi Kristi. ¹¹ Ihoo li vba e̱n, imio̱nme̱n, khi eta isi o̱hume̱me̱n lia wewe o̱i za vbi obo̱ si agbo̱n vare. ¹² Oiza vbi obo̱ si agbo̱n vare yime̱n, o̱ia i gbo vbie̱ me̱ o̱in. Sokpe̱n, o̱ shan vbi obo̱ si are̱vbie̱ isi Jesu Kristi yime̱n. ¹³ Vba hoi vbi e̱mo̱in awee me̱n li gheghe vbi ugami isi ekhein Jiu, ebi yai khui ighogho si elemie̱ho̱n shan bi ebi riakha'a lire khue elemie̱ho̱n o. ¹⁴ Eri mo̱i iyao vbi ugami isi ekhein Jiu lei ireme̱n mo̱i, vbi e̱ke̱in ebome̱n. Re̱se̱ vbiyo̱ li'i mo̱in iriakha'a vbi awee si ebome̱n. ¹⁵ Sokpe̱n Oise̱le̱bua lo̱ ze̱ime̱n vbi e̱ke̱in isi iyo̱n me̱n, lo̱ e chie me̱n vbi e̱seo̱he̱n so̱i, ¹⁶ o̱ri ovbio̱i vbie̱ vbi e̱ke̱in me̱n vbi egho̱gho̱n so̱i li re wewe o̱i vbi usee isi ekhe̱in Ije̱ntai, imo̱in ooso li mai o̱i eta. ¹⁷ Ilode̱ vbi Jerusale̱m vbisi enian chie̱n kpao vbi ivbiodogho khe̱me̱n, sokpe̱n Arebia li lode̱ li chie za chie vare vbi Damaskos. ¹⁸ Ikpe'ea ke rare, lire lode vbi Jerusalem lire̱ o̱ e̱n Keifas, li kere̱ dia kpe̱n o̱n ikpe̱de̱ igbeihie̱n. ¹⁹ I chie mi uvbiodogho o̱vbee rai Jemisi li omio̱i O̱lo̱mo̱e̱nmai. ²⁰ Reyi emi li vin yi vba na, itai vbi e̱ke̱n ata vbi isao isi Oise̱le̱bua khi e̱he̱n kia mo̱e̱n.= ²³ Eriain ho̱in khi atai kho̱'o̱, "O̱ia lo̱ kpao ke̱in o̱lo̱ gbi O̱se̱ lo̱ke kie̱n o̱lo̱ wewi eta si amie̱nho̱n lo̱'o̱u kh'o̱kpao khusian. ²⁴ O̱hio̱ so̱na ian re̱ ri o̱khai yi Oise̱le̱bua vbi o̱hio̱ me̱n.