¹ Po̱lu, li ovbiodogho si Jesu Kristi elabi uhi si Oise̱le̱bua re̱o̱'vboto̱i bi O̱simuan li Jesu Kristi lo̱kie̱n aruduo̱ mai, ² re̱yi Timoti, o̱mata vbe̱ke̱n amie̱nho̱n: E̱seo̱he̱n, itue̱ke̱n, bi o̱fure si Oise̱le̱bua li Era bi Jesu Kristi o̱lo̱ mo̱nmai. ³ Ze̱n elabi ta lavba ho̱n e̱ghe̱ lire̱ lode̱ vbi Mase̱donia, vba dia vbi E̱phe̱sus li vba re̱ kpase̱ li ea eso nian'eo̱ vbie̱ agbo̱n ue̱n o̱dan. ⁴ Nian'eo̱ gbo ya mo̱n idaeho̱n o̱vbi okhai bi itan o̱do̱dan. Ena o̱si ikhaeru re̱ yo̱dan yi ikho̱obo̱ yi amaman si Oise̱le̱bua, lo̱zavbi amie̱nho̱n vare. ⁶ Agbo̱n eso efi ukpode̱ do̱n, e delegbe s̱io̱vbi ukpodata re̱ yi ukpodi eta si oruru. ⁷ Yian ho le kian enian vbie̱ agbo̱n e̱mo̱n uhi, sokpe̱n eli e̱mo̱n o̱i wuin yiain e̱o kuere. ⁸ Sokpe̱n main e̱in khi eri uhi hume̱n e̱ghe̱ li ari e̱ke̱n ata ro̱is̱an. ¹⁰ enian ghe̱'e̱, enian me̱he̱n kpe̱n imo̱he labian, enian wuin o̱ia oghumi re̱ kie̱n o̱vie̱n, enian mo̱n e̱he̱n, enian fi o̱se̱'e̱ e̱he̱n, bi re̱yi emikhemi lo̱i dewuin uvie̱nmi si ue̱n le̱se̱n. ¹¹ Oli ivbie̱'emi nan re̱khain o̱khai si eta si o̱hume̱me̱n si Oise̱le̱bua lo̱mo̱in ihianba li me̱me̱ za'amo̱n ivbie̱'emi. ¹² Ikhue̱mi Jesu Kristi o̱lo̱mo̱e̱nmai. O̱ri eti lo̱totoi ne̱me̱n, o̱hio̱ khi o̱'e̱nme̱n o̱vbi o̱lo̱ mie̱nho̱n, lo̱re̱ re̱me̱n o̱vbi obia so̱i. ¹³ Eri'ya kian o̱lo̱ mo̱n eta lo̱be vbunu, o̱lo̱ gbi ea lerivbi ukpode̱ si amie̱nho̱n, bi o̱ia si o̱ria. Sokpe̱n imie̱n itue̱ke̱n erimidi khikpao e̱in emia'u bi amie̱nho̱n li'kpao se̱ mo̱e̱n. ¹⁴ Sokpe̱n e̱se'o̱he̱n si o̱lo̱mo̱e̱nmai vo̱n re̱yi amie̱nho̱n bi ihume̱nke̱n lo̱rivbi Jesu kristi. ¹⁶ Sokpe̱n vbo̱hio̱ so̱na lare̱ mo̱n itue̱ke̱n yime̱n, laire̱ mie̱n khi vbo̱hio̱ se̱me̱n Jesu ri ozie̱n so̱i vbie̱. Ero̱ vbena re̱kie̱n aghuan re̱yi elo̱'lo̱ degbe diudu'an re̱yi agbo̱n lo̱imo̱n ire̱so. ¹⁷ O̱l'e̱ghe̱na re̱yi Oje si ore'e, lo̱rivbo̱ re̱le̱'re̱le̱, li yio̱n ukpo̱kpa vbi Oise̱le̱bua, nikhi ekpe̱n bi o̱khai re̱le̱'re̱le̱. Ise̱'e̱. ¹⁹ Vbo̱na lai mie̱n khi umo̱in amie̱nho̱n bi ao lo̱se̱n. Ea eso e'aman vbi elemina; o̱hio̱ so̱na emo̱in idobo̱ye̱n vbi uvie̱mi si amie̱nho̱n. ²⁰ Ea labi Haēme̱nao̱s bi Ale̱zanda, ea lo̱'o̱u khi iwun li Esun liain re̱ r'obo̱ s̱o̱vbi uro'o̱be re.