¹ O̱hio̱ sona, o̱kpa, vba zuan mien khi vba vbi, vba li ero̱mo̱n gbo ri ekhuemen yi Oise̱le̱bua yi agbo̱̱n ere̱me̱n, ² reyi evbai Oba bi ele̱mo̱̱n e̱vbo, laire̱̱ mie̱̱n o̱̱ia ikhi o̱ia re̱ mi o̱fure vbi e̱ke̱n Oise̱le̱bua bi ekpe̱n. ³ O̱na vbi emi lo̱o̱u khi o̱humi Oise̱le̱bua vbe̱o lo̱kian o̱̱̱mie̱nfuan mai. ⁴ Eri Oise̱le̱bua hoi li o̱iaikho̱ia re̱ mo̱in awuin eokuere si ukpodata. ⁵ Oise̱le̱bua o̱kpa lo̱rivbo̱, o̱mie̱unu o̱pka lorivbi esese̱ si Oise̱le̱bua bi agbo̱n, lo̱kie̱n Jesu Kristi. ⁶ O̱ri egbeso̱i humohan vbi are̱'haosa vbi o̱hio̱ si agbo̱n ere̱me̱n, vbi are̱vbi O̱se̱i e̱ghe̱li e̱ghe̱ re̱se̱. ⁷ Vbi o̱hio̱ so̱na lare̱ ze̱me̱n uko̱ bi uvbiodogho. Ata lia tana. Imo̱n e̱he̱n Ovbie emi si Je̱ntai li'u vbe̱k̂e̱n amie̱nho̱n bi ata ⁸ O̱hio̱ so̱na, iho li imo̱he vbi aikhan lie ero̱mo̱n, egbo khua abo̱ si o̱fuan yi okhumi vbe̱ke̱n aimi iriae̱ke̱an da'a azio'va. ⁹ Re̱gboyi eliikposo, ihoi li yiain ya wuei ikpu le humen vbe̱o vbi ukpode̱ si ekpen bi ue̱nle̱sen. Ekha yabenhi eto sian bi emi o̱vbe, da niain ya ri e̱o ovbi e̱umi, e̱kan da ivie,nda ukpu si ugbo'oghae̱n. ¹⁰ Ya ho lian ya wuei emi lo̱diain reyi ikposo lian e̱n ue̱n si ele e̱n Oise̱le̱bua s̱iain vbi obia le̱se̱n. ¹¹ O̱kposo mo̱en lo̱lo̱za ya maman bi kho̱i t'eta, o̱ya gbo re̱o̱vbi ematai. ¹² I'iri ehe o̱vbo̱ li okposo ya vbie̱ e̱mi da lo̱iya kpase̱ li o̱mo̱he, sukpe̱n lo̱iya vbi agbo̱n vbi uha'a. ¹³ Erimidi Adamu li akpao ma, akpe mi Efa. ¹⁴ Adamu niki esun te̱'e̱e̱ sokpe̱n o̱li o̱kposo li esun te̱'e̱e̱ ovbi e̱ke̱n o̱kho̱'o̱. ¹⁵ Sokpe̱n o̱lo̱ amie̱nfan siain vbi o̱mo̱n uvbiami, ̂e̱ghe̱ le totobo̱ vbi amie̱ho̱n bi ihume̱ke̱n bi o̱fuan vbe̱ke̱n udu lo̱se̱n