1. ಅನ್ಬೇಸಾಲಿ ಅದು ಸ್ಪಟಿಕ ತಿರ್ಲಿ ಇಕ್ರ ಶುದ್ದವಾನ ಜೀವಜಲತ ನದಿನ ನಂಕು ಕಟ್ಸು ;ಅದು ದೌರ್ತ ಕುರಿಯಾದಾತನ ಸಿಂಹಾಸತಿಂಡು ವರದು ಆಯಿಂಚು . 2. ಅತ್ರ ಬೀದಿತ ಮದ್ಯತ್ಕುರು ಆ ನದಿತ ರಂಡುಜಯಿ ಜೀವವೃಕ್ಷ ಇಂಚು .ಅದು ಮದ್ ಮದು ಫಗ್ ಉಡ್ತಾ ಪನೆಂಡು ತರಯಿಂದ ಫಗ್ ಅತೆಯ ಕುಡ್ ಕಂಚು ,ಆ ಮರತ ಎಲೆ ಜನಾಂಗತ ವಾಸಿ ಸೈಯಿರ್ಕು ಇಂಚು. ^{3 4 5} 3. ಇನ್ನು ಶಾಪ ಎಂದು ಇಕ್ ದಿಲ್ಲ ;ಅತ್ಕುರು ದೌರ್ತ ಕುರಿಯಾದತನ ಸಿಂಹಾಸನ ಇಕಾಕು .ಅತ್ರ ಸೇವಕರು ಅತಾತೆಯ ಸೇವಿಸಾಕ್ನು 4. ಆಗ್ಯ ಅತ್ರ ಮುಗುನ ಪಕಕ್ನು ;ಅಲ್ ಟ ಹಣೆ ಮೆಂಕು ಅತ್ರ ಪೇರು ಇಕಾಕು . 5. ಅಟಿ ಇನ್ನು ನಾಮಾರ್ ಇಕ್ದುಲ್ಲ .ಅಲ್ ಕಿ ದೀಪ ಹಾಗೋಟು ಸೂರ್ಯನ ವಲ್ಸುರು ಹಗೋಟು ಬಿಕಾಕ್ದುಲ ;ಎಂತುಗು ಇಂಡೆಕೆ ದೌರ್ ಆಯಿಕ್ರ ಕರ್ತನು ಅಲ್ ಕಿ ವಲ್ಸುರು ತರಕು .ಆಗ್ಯ ಯುಗಯುಗಾಂತತ್ಕುರು ಅಳಕು. ^{6 7} 6. ಅನ್ಬೇಸಾಲಿ ಅದು ನಂಕು –ಈ ಓಕು ನಂಬುರದು ಸತ್ಯವಾಯಿದು ;ಪರಿಶುದ್ದರ ಪ್ರವಾದಿ ದೌರಯಿಕ್ರ ಕರ್ತನು ದೌಡು ಸಂಭವಿಸುರ್ಕು ಇಕ್ರತ ತಟ್ಟು ಸೇವಕರ್ಕು ಕಟ್ಟುರ್ಕು ತಟ್ಟು ದೂತನ ಅಮ್ಪಕು . 7. ಇಗೋ ,ನಾನು ದೌಡು ವರ್ರೆ .ಈ ಪುಸ್ತಕತ್ಕುರು ವರ್ಜಿಕ್ರ ಪ್ರವಾದನೆನ ಕಾಪಡ್ರದು ಧನ್ಯನು ಇಂಡು ಸೋನ್ಸು. ^{8 9} 8. ಯೋಹನ ಇಗ್ರ ನಾನೇ ಈ ಸಂಗತಿನ ಕೊಟು ಪಾತಿಗ್ರದು .ನಾನು ಕೋಟು ಪಾತ ಈ ವಿಷಯನ ನಂಕು ಕಟ್ನ ದೂತನಾತೆ ಆರದಿಸುರ್ದು ಇಂಡು ಅತ್ರ ಪಾದತ್ಗು ಬುದ್ದೆ . 9. ಅಪೋದು ಅದು ನಂಕು ಇತಾತೆಯ ಸೈಮಾನ ಪಾರು ;ಎಂತುಗು ಇಂಡೆಕೆ ನಾನು ಪ್ರಾವಾದಿಯಾಯಿಕ್ರ ನಿಟ್ಟು ಸಹೋದಾರರ್ಕು ಈ ಪುಸ್ತಕತ್ಕುರು ಸೋನ್ನಿಕ್ರತ ಕೈಗೊಂಡು ನಡ್ ಕ್ರಲ್ಕು ಸೇವಾಕನಾಯಿರೆ ;ದೌರ್ ನ ಆರಾದಿಸು ಇಂಡು ಸೋನ್ಸು. ^{12 13} 12. ಇಗೋ ನಾನು ದೌಡು ವರೇ ;ನಾನು ಪ್ರತಿಯೊಂಡಲ್ಕು ಅದು ಸೆಂದಿಕ್ರ ಪನೀಕಿ ಸರಿಯಾಯಿ ಪ್ರತಿಫಲ ತರ್ರ ದು ನನ್ನಂಚುಲಿ ಇದು . 13. ನಾನು ಅಲ್ಪಾಯೂ ಓಮೆಗ ಆದಿ ಅಂತ್ಯ ಮುನಿಂದಾದು ಕಡೆತಾದು ಆಯಿರೇ. ^{14 15} 14. ಅತ್ರ ಆಜ್ಞೆನ ಕೈಕೊಂಡು ನಡ್ ಕ್ರದು ಧನ್ಯನು ;ಅಯಿಲ್ಕಿ ಜೀವವೃಆಗಕ್ಷತ ಹಕ್ಕು ಇಕಾಕು ಮುನ್ ವಾಸ್ಲಿಂಡು ಆ ಪಟ್ಟಣತ್ಗು ಸೇರಕ್ನು. 15. ಆನೆಕೆ ನಾಯಿಗ್ಯ ಮಾಟಗಾರರು ಜಾರರು ಕೊಲೆಗಾರರು ವಿಗ್ರಹಾರಾದಕರು ಸುಲ್ಲಾದತಾದ್ದಿ ಪ್ರಿತಿಸ್ರಗ್ಯ ಬೈಲಿ ಇಕಾಕ್ನು ಇಂಡು ಸೊಂಸು. ¹⁶ 16. ಯೇಸು ಇಗ್ರ ನಾನು ಸಬೇತ್ಕುರು ಇತ್ರ ವಿಷಯವಾಯಿ ನಿಂಗುಲ್ಕು ಸಾಕ್ಷಿ ಸೋನುರ್ಕು ನಟ್ಟು ದೂತನ್ನ ಅಮ್ ಪರೇ .ನಾನು ದಾವಿದಾನ ಬೇರೂ ಸಂತತಿಯ ಉದಯ ಪ್ರಕಾಶ ನಕ್ಷತ್ರ ಆಯಿರೇ. ¹⁷ 17. ಆತ್ಮನು ಮದುಮೌಲ ವಾ –ಇಗ್ಯಕು ,ಕೊಕ್ರದು ವಾ ,ಇಗ್ ಯೋಟು ,ಬಾಯರಿಕ್ರದು ವರೋಟು .ಇಷ್ಟ ಇಕ್ರದು ಜೀವಜಾಲನ ಉಚಿತವಾಯಿ ಅತ್ಗೋಟು. ^{18 19} 18. ಈ ಪುಸ್ತಕತ ಪ್ರವಾದನ ವಾಕ್ಯನ ಕೊಕ್ರ ಪ್ರತಿಯೊಂಡಲ್ಕು ನಾನು ಸೊಂಡ್ರ ಸಾಕ್ಷಿ ಎಂದ ಇಂಡೆಕೆ ಯೆದಾನ ಎಂಥನ ಇತ್ ಗು ಸೇರುಸ್ನೇಕೆ ದೌರು ಈ ಪುಸ್ತಕತ್ಕುರು ವರ್ಗಿಕ್ರ ಉಪದ್ರವ ಸೇರ್ಸಾಕು . 19. ಎದಾನ ಈ ಪ್ರವಾದನ ಪುಸ್ತಕತ್ಕುರು ಇಕ್ರ ವಾಕ್ಯನ ವಾಗ್ ಯೋಟೆಕೇ ಜೀವಗ್ರಂಥತ್ಕುರಿಂಡು ಪರಿಶುದ್ದತಿಂಡು ಈ ಪುಸ್ತಕತ್ಕುರು ವರ್ಜಿಕ್ರತಿಂಡು ಅತ್ರ ಪಾಲತೆಯ ದೌರು ವಾಗ್ ಗಕು. ^{20 21} 20 ಇತ್ಗು ಸಾಕ್ಷಿಕಿ ಆಕೀರದು ಖಂಡಿತವಾಯಿ ನಾನು ದೌಡು ವರ್ರೆ ಇಂಡು ಸೋನ್ ಆಕು ,ಆಮೇನ್. ಹಾಂಗೆ ಹಗೋಟು; ಕರ್ತನೆ ಯೇಸುವೆ ವಾ 21 ನಗ್ ಟ ಕರ್ತನಾನ ಯೇಸು ಕ್ರಿಸ್ತನ ಕೃಪೆ ನಿಗ್ ಲೆಂಟಿ ಇಕೋಟು ,ಆಮೇನ್.