^{1 2 3} 1 ಅಪೋದು ವಂಡು ದೂತನು ತಳಯಿಲ್ಲರ ಬೀಗತ ಕೈನ ಬೇರ್ದು ಸರಪಣಿನ ತಟ್ಟು ಕೈಕುರು ಪುಡ್ಸ್ ಗೊಂಡು ಪರಲೋಕತಿಂಡು ಈಗ್ಜು ವರ್ತಾ ನಾನು ಪಾತೆ 2 ಅದು ಪಿಶಾಚ ಸೈತಾನ್ ಆಯಿಕ್ರ ಸರ್ಪ ಇಗ್ರ ಘಟಸರ್ಪನ ಪುಡ್ಸು ಸಾವಿರ ವಾಟ್ ಗಾಲು ಬಂದಿಸಿಂಚು . 3 ಆ ಸಾವಿರ ವಾಟ್ ಗಾಲು ಮುಗೀರ್ ತಂಕ ಅದು ಇನ್ನು ಜನಾಂಗತೆಯ ಮರುಳು ಸೈಯಾರ್ಕನ್ನಿ ದೂತನು ಅತಾತೆಯ ತಳ ಇಲ್ದೇ ಇಕ್ರ ತಗ್ಗುಕು ದೊಬ್ಬಿ ಅತಾತೆಯ ಮುಚಿ ಅತ್ ಮೇನಿ ಮುದ್ರೆ ಹೊಟ್ ಸು .ಆ ಸಾವಿರ ವಾಟ್ ಗಾಲು ಅನ್ ಬೇಸಲಿ ಅತ್ಗು ಸ್ವಲ್ಪ ಕಾಲ ಬಿಡುಗಾಡೆ ಅಕ್ದು ⁴ 4. ಸಿಂಹಾನನ ಪಾತೇ .ಅತ್ಮೆನಿ ಉಕೊಂಡಿಕ್ರಲ್ಕಿ ನ್ಯಾಯ ತಿರ್ಸ್ರ ಅಧಿಕಾರ ಕೊಡ್ತಿಂಚು .ಇದಲ್ಲದೆ ಯೇಸು ವಿಷಯವಾನ ಸಾಕ್ಷಿಯಿಂಡು ದೌರ್ ವಾಕ್ಯ ತಿಂಡು ತಲೈ ಬಟಿಚ್ಗೊಂಡ ಆತ್ಮನ ಮೃಗತ್ಗು ಅತ್ರ ವಿಗ್ರಹಾತ್ಗು. ^{5 6} 5. ಮಿಕ್ಕುನ ಸತ್ತಗ್ಯ ಆ ಸಾವಿರ ವಟ್ಗಾಳು ತಿರುರ್ತಂಕ ತಿರ್ಗಿ ಪಕ್ಕಿಲ ;ಇದೇ ಪ್ರಥಮ ಪುನರುಸ್ಥಾನ . 6. ಪ್ರಥಮ ಪುನರುಸ್ಥನತ್ಕುರು ಸೇರ್ರದು ದನ್ಯನು ಪರಿಶುದ್ದನು ಆಯಿದು .ಇಂಥಲ್ ಮೇನಿ ರಾಂಡ್ ನೇ ಮರಣತ್ಗು ಅಧಿಕಾರಯಿಲ್ಲ ;ಅನೇಕೆ ಆಗ್ಯ ದೌರ್ಕು ಕ್ರಿಸ್ತಂಕು ಯಾಜಕರಾಯಿ ಕ್ರಿಸ್ತ ನೆಂಟಿ ಆ ಸಾವಿರ ವಾಟ್ ಗಲು ಆಳಕ್ನು. ^{7 8} 7. ಆ ಸಾವಿರ ವಾಟ್ ಗಲು ಮುಗ್ಜ ಬೇಸಲಿ ಸೈತಂಕು ಸೇರಿಯಿಂಡು ಬಿಡುಗಡೆ ಹಕ್ದುಲ 8. ಅದು ಬೈಲ್ಕಿ ವಂದು ಭೂಮಿತ ನಾಲು ದಿಕ್ಕುಕುಯಿಕ್ರ ಗೋಗ್ ಮಾಗೋಗ್ ಇಕ್ರ ಜನಾಂಗತ ಮರುಳುಗೊಲಿಸಿಂದ ಅಲ್ ನ ಮರುಳು ಅಲ್ ನತೆಯ ಯುದ್ದತ್ಗು ಕೊಡ್ಸಾಕು ;ಆಲ್ ಟ ಸಂಖ್ಯೆಯ ಸಮುದ್ರತ ಮರಳು ಅದ್ನು ಇಂಚು. ^{9 10} 9. ಆಗ್ಯ ಭೂಮಿ ಮೇನಿ ಆದಿ ಹರಡಿಗೊಂಡು ಪರಿಶುದ್ದರ ಮೇನಿ ಪ್ರಿಯ ಪಟ್ಟಣತ್ಗು ಮುತ್ತಿಕಿ ಓಟುಸ್ನು ಅಪೋದು ದೌರಿಂಡು ನೆರ್ಪು ಪರಲೋಕತಿಂಡು ಈಗ್ಜು ವಂದು ಅಲ್ ನತೆಯ ಮಿಗ್ ಸು . 10. ಇದಲ್ಲದೆ ಅಲ್ ನತೆಯ ಮರಳುಗೋಳ್ ಸಿಂದ ಸೈತಾನನ್ನ ಬೆಂಕಿ ಗಂಧಕ ಉರಿರ ಕೆರೆತ್ಗು ದೊಬ್ಬಲಪಟುಸು ;ಅಟಿ ಮೃಗ ಸುಳ್ಳು ಪ್ರಾವಾದಿಗ್ಯ ಸಹ ಇನು ;ಆಗ್ಯ ಪಗ್ ಮರ್ಲು ನಮರ್ಕು ಯಗಯುಗಾಂತರತ್ಗುರು ಯಾತನೆ ಪಡಕ್ನು. ^{11 12} 11. ಅನ್ಬೇಸಾಲಿ ವಲಾದಾಯಿಕ್ರ ಮಹಾಸಿಂಹಾನ ಅತ್ರ ಮೇನಿ ಉಕೊಂಡಿನ್ದ ತ ನಾನು ಪಾತೆ . ಆತನ ಅದ್ರು ಭೂ ಮ್ಯಾಕಾಶ ಓಡಿ ಹೊಸ್ನು ಅತ್ಗು ಸ್ಥಳ ಇಲ್ಲಾರ್ಕನ್ನಿ ಆಸು . 12. ಇದಲ್ಲದೆ ಸತ್ತಗ್ಯ ಚಿನ್ನಗ್ಯ ಬೆರಗ್ಯ ದೌರ್ ಮುಂಕು ನಿಡ್ರಿಕ್ರತ ನಾನು ಪಾತೆ ,ಅಪೋದು ಪುಸ್ತಕ ವಂಗಿನ್ಚು ;ಜೀವಗ್ರಂಥ ಇಗ್ರ ಇನೊಂಡು ಪುಸ್ತಕ ವಂಗಿಂಚು ;ಆ ಪುಸ್ತಕತ್ಕುರು ವರ್ಜಿಕ್ರ ಪ್ರಾಕಾರ ಪ್ರಾಕಾರ ಅಲ್ ಟ ಕೃತ್ಯತ್ಗು ಸರಿ ಸೇತಲ್ಕು. ^{13 14 15} 13. ಸಮುದ್ರ ತಟ್ಟುವುಳಿಂದತ ಸೇತ್ತಲ್ನ ಒಪ್ ಸುಸು ;ಮೃತ್ಯವು ಪಾತಾಳ ತಗ್ಟ ವಶತ್ಕುರು ಸತ್ತಲ್ನ ಒಪ್ ಸುಸು ; ಅತ್ಕುರು ಪ್ರತಿಯೊಂಡಲ್ಕು ಅಲ್ ಟ ಕೃತ್ಯತ್ಗು ಸರಿಯಾಯಿ ನ್ಯಾಯ ತೀರ್ಪು ಇಂಚು . 14. ಅನ್ಬೇಸಾಲಿ ಮೃತ್ಯು ನರಕ ನೆರ್ಪು ಕೆರಿಕಿ ದೊಬ್ಬಲ್ಪಟ್ಸು ;ಇದೆ ರಂಡ್ ನೆ ಮರಣ . 15. ಎತ್ರ ಪೇರು ಜೀವಗ್ರಂಥತ್ಕುರು ವರಿದೇ ಇಕಾಕೋ ಅದು ನೆರ್ಪು ಕೇರಿಕಿ ದೊಬ್ಬಲ್ಪಟುಸು.