^{1 2} 1.ಪರಲೋಕತ್ಕುರು ಮಹಾ ಅದ್ಬುತ ಕಂಡುಸು ;ಅಟ್ಟಿ ಸೂರ್ಯನ್ನ ದರಿಸ್ ಕೊಂಡಿಂದ ವಂಡು ಪಮ್ಲಾದು ಇಂಚು ;ಅತ್ರು ಕಾಲು ತರ್ಗಿಲಿ ಚಂದ್ರ ಇಂಚು. ಅತ್ರ ತಲೈ ಮೇನಿ ಪನೆಂಡು ನಕ್ಷತ್ರ ಇಕ್ರ ವಂಡು ಕಿರೀಟ ಇಂಚು. 2.ಅದು (ಆಕೆ ) ಸೆರ್ ನಿಡ್ರು ಪ್ರಸವ ನೋಪಿ ಯಿಂಡು (ವೇದನೆ)ಪೆಕಿರ್ಕು ಸಂಕಟ ಪಡ್ತಾ ವಾದ್ ರುತ ಇಂಚು. ^{3 4} 3. ಪರಲೋಕತ್ಕುರು ಇನೊಂಡು ಅದ್ಬುತ ಕಂಡುಸು ;ಅಪೋದು ಇಗೋ ,ಹೇರದು ಮಹಾ ಘಟಸರ್ಪ ಇಂಚು .ಅತ್ಗು ಓಗು ತಲೈ ಪತ್ತು ಕೊಂಬು ಇಂಚು ;ಅತ್ರ ತಲೈ ಮೇನಿ ಓಗು ಕೀರಿಟ ಇಂಚು . 4. ಅತ್ರ ಬಾಲ ಆಕಾಶತ್ಕುರು ಇಕ್ರ ನಕ್ಷತ್ರತ್ಕುರು ಮೂಡ್ ಕುರು ವಂಡು ಭಾಗನ ಇಗ್ ತು ಭೂಮಿಕಿ ಹೋಟ್ಸು .ಪೆಕ್ಕಿರ್ಕು ಸಿದ್ದವಾಯಿಂದ ಆ ಪಮ್ಲಾದು ಪೆಚ್ ನಪೋದು ಮಿಗುರ್ದು ಇಂಡು ಆ ಘಟ ಸರ್ಪ ಅತ್ರ ಮುಂಕು ನಿಡ್ ರಿಂಚು. ^{5 6} 5. ಅತ್ರ (ಆಕೆಯ ) ಜನಾಂಗನ ಕಬ್ಬಿಣತಿಂಡು ಆಳ ಬೇಕಾಯಿಕ್ರ ವಂಡು ಅಮ್ ಲಾ ಮೌನ ಪೇಚುಸು ;ಆ ಚಿನುದು ದೌರ್ ಅಂಚುಗು ಆತ್ರ ಸಿಂಹಾಸನ ಅಂಚುಗು ಎತ್ತಲ್ಪಟ್ಟುಸು . 6. ಆ ಪಮ್ಲಾದು ಅರಣ್ಯತ್ಗು ಓಡಿ ಹೊಸು ;ಅಟ್ಟಿ ಅತ್ಗು ಸಾವಿರದ ರಂಡು ನೂರ ಅರ್ ಕಪಾತ್ತು ನಾಲು ಪೋಷಣೆ ಆಗುರ್ದು ಇಂಡು ದೌರ್ ಸ್ಥಳನ ಸಿದ್ದ ಸೇಂದಿಂಚು. ^{7 8 9} 7. ಇದಲ್ಲದೆ ಪರಲೋಕತ್ಕುರು ಯುದ್ದ ಆಸು .ಮಿಕಾಯೇಲ ಅತ್ರ ದೂತರು ಘಟ ಸರ್ಪತ್ಗು ವಿರೋದವಾಯಿ ಯುದ್ದ ಸೇನ್ಚುನು ;ಘಟ ಸರ್ಪನು ಆತ್ರ ದೂತರು ಯುದ್ದ ಸೆಂದು ಸೋತು ಹೊಸ್ನು . 8. ಆಪೋದು ಪರಲೋಕತ್ಕುರು ಇಕ್ರ ಅಲ್ ಟ ಸ್ಥಾನ ಇಲ್ದೆ ಹೊಸು . 9. ಬೊಲೋಕತ್ಕುರು ಇಕ್ರಲ್ ಆದೇರ್ನು ಮೋಸಗೊಳಿಸ್ರ ಆ ಮಹಾ ಘಟ ಸರ್ಪ ಅಂಡೆಕೆ ಪಿಶಾಚ ಇಂ ಡು ಸೈತಾನ ಇಂಡು ಪೆರಿಕ್ರ ಪುರಾತನ ಸರ್ಪ ದೊಬ್ಬಲ್ಪಟ್ಟು ಭೂಮಿಕಿ ಬೂಚು ;ಅತ್ರ ದೂತರು ಆತೆಂಟ್ಟಿ ದೊಬ್ಬಲ್ಪಟುಸ್ನು. ¹⁰ 10. ಆಪೋದು ಪರಲೋಕತ್ಕುರು ಮಹಾ ಶಬ್ದನ ನಾನು ಕೊಟೆ.ಅದು ಇಪೋದು ರಕ್ಷಣೆಯ ಶಕ್ತಿ ನಗ್ಟ ದೌರ್ಕು ರಾಜ್ಯತ ಆತ್ರ ಕ್ರಿಸ್ತನ ಅಧಿಕಾರ ವಂಚು ;ಎಂತ್ ಗಿಂಡೆಕೆ ಪಗ್ಮಾರ್ಕು ನಮಾರ್ಕು ನಗ್ಟ ಅನ್ನಬೇಮ್ಬಿಮಾರ್ ಮೆನ್ನಿ ನಗ್ಟ ದೌರ್ ಮುಂಕು ದೂರು ಸೋನ್ನಿಕ್ರ ದೂರು ಗಾರರ್ನ ದೂಬ್ಬಿದು. ^{11 12} 11. ಆಗ್ಯ ಪ್ರಾಣತ್ ಮೇನಿ ಪ್ರೀತಿ ಕಾಟ್ಟಿ ಕುರಿಮರಿಯದಾತನು ರಕ್ತ ತಿಂಡು ತಗ್ಟ ಸಾಕ್ಷಿಯ ವಾಕ್ಯ ತಿಂಡು ಅಲ್ನ ಜಯಿಸುಸ್ನು . 12. ಆತಿಂಡು ಪರಲೋಕ ಆತ್ಕುರು ವಾಸ ಸೈರಗ್ಲೆ ,ಹರ್ಷ ಪಡಂಗೋ ಭೂಮಿ ಮೇನಿ ಸಮುದ್ರತ್ಕುರು ಇಕ್ರಲ್ಕಿ ಆಯ್ಯೋ ! ^{13 14} 13. ಘಟ ಸರ್ಪ ತಾನು ದೋಬ್ಬಲ್ಪಟ್ಟ ಭೂಮಿಕಿ ಬೂದಿಕ್ರತ ಪಾತು ಅಮ್ ಲಾ ಮೌನ ಪೇಚ ಪಮ್ಲಾತ ಹಿಂಸೆ ಸೆಂಚು . 14. ಆ ಪಮ್ಲಾದು ಅರಣ್ಯತ್ಕುರು ಇಕ್ರ ತಟ್ಟು ಸ್ಥಾಳತ್ಕು ತಾನು ಹಾರಿ ಹೋಗುರ್ಕು ಅತ್ಗು ಬೇರ್ದು ಗದ್ದಾತ ರಂಡು ರೆಕ್ಕೆ ಕೋಡ್ ತಿಂಚು ;ಅಟ್ಟಿ ವಂಡು ಕಾಲ,ಕಾಲತ್ಕುರು ,ಅರ್ಧ ಕಾಲತ ಸರ್ಪತ ಮೊಗುತ್ಗು ಮರೆಯಾಯಿ ಪೋಷಣೆ ಹೊಂದಾಕು. ^{15 16 17} 15. ಆ ಪಮ್ಲಾ ತ್ನ ಪ್ರವಾಹ ಬಡ್ ಜ್ಗೊಂಡು ಹೋಗುರ್ದು ಇಂಡು ಅತ್ರ ಪರ್ಕು ಸರ್ಪ ತಟ್ಟು ವಯಿಂಡು ತನ್ನಿನ ಪ್ರವಾಹ ಕನಿ ಉಟುಸು . 16. ಆನೇಕೆ ಭೂಮಿ ಆ ಪಮ್ಲತ್ರ ಸಹಾಯತ್ಗು ವಂಚು ತಟ್ಟು ವಾಯಿ ವಗ್ಗಿ ಉಟ್ಟಿಕ್ರ ಪ್ರವಾಹನ ಮಿಗೋಡ್ಸು . 17. ಆಪೋದು ಘಟಸರ್ಪ ಪಮ್ಲಾತ್ ಮೇನಿ ಕೊಪಿಸ್ಗೊಂಡು ಅತ್ರ ಸಂತಾನತ್ಕುರು ಉಳಿಜಿಕ್ರ ಅಲ್ ಮೇನಿ ಯುದ್ದ ಸೈಯಿರ್ಕು ಹೊಸು.