^{1 2 3} 1 ಅಯಿಗ್ಯ ಯೆರೆಸೆಲೆಮು ಕಿಟ್ಟುಗು ವಂದಪೋರು ಅನ್ನಿ ಮರತ ಗಟ್ಟು ಬೇತ್ಪೆಗೆಕು ವನ್ದಾಪ್ಪೋರು ರಂಡಾಳು ಶಿಷ್ಯರಲಾ ಆಂಪ್ಪಿ ಅಯಿಲಿಕಿ 2 ನಿಂಗುಲತ ಎದುರುಕು ಇಕ್ಕರಾ ಪಳ್ಳಿಕಿ ಹೊಂಗೋ;ಅಪ್ಪೋರು ಒಂಡು ಕೊದ್ಯ ಅತ್ರ ಕುಟ್ಟಿ೦ಟಿ ಕಟ್ಟಿಕ್ರತ್ತ ಪಕಾರಂಗ;ಆಯಿಲ್ಯ ಇಚ್ಚಿ ನನಂಚುಂಗು ಅತ್ಗೊಂಡು ವಂಗೋ , 3 ಎದಾನ ನಿಂಗುಲುನಾ ಯಂತನಾ ಕೊಟೆಕೆ, ನಿಂಗ ಅತ್ಗು ಅದು ಕರ್ತನುಕು ಬೇಕಾಯಿದು ಇಂಡು ಸೋನ್ನಂಗೋ;ಅಪ್ಪೋರು ಅದು ತಕ್ಷಣ ನಿಂಗುಲುಕು ಆ ಕೊದುಲಾ ತಂದುಅಂಪ್ಪದು ಇಂಡಸ್. ^{4 5} 4 ಇದ್ದಾದ್ದಿ ಪ್ರವಾದಿ ಸೋನ್ನಿಕ್ರ ಪ್ರಕಾರನೆ ಅಸು,ಅದು ಯಂದಾದು ಇಂಡೆಕೆ 5 ಇಗೋ ನಿಟ ಅರಸನು ಸಾತ್ವಿಕನು,ಆತನೂ ಕೊದಾ ಮತ್ತೆ ಕೊದಾ ಕುಟ್ಟಿ ಮೇಕು ಅತ್ತಿಕ್ರಾದಾಯಿ ನಿನಂಚುಂಗು ವರಾದು , ^{6 7 8} 6 ಅಪ್ಪೋರು ಶಿಷ್ಯರು ಹೋಯಿ, ಯೇಸು ಅಪ್ಪಣೆ ಕೂಡತ್ತ ಕನೆ ಸೆಂಚುನು , 7 ಮತ್ತೆ ಅಯಿಗ್ಯ ಕೊದ ಮತ್ತೆ ಕೊದ್ ಕುಟ್ತ್ಯ ಅತ್ತೆಂದು ,ಅತ್ರ ಮೇಕು ತಂಗಲತ ಬಟ್ಟುಲಾ ಪಾಡುತೂ ಅತ್ತಮೇಕು ಅತನತ್ತೆಯಿ ಉಪ್ಪಿಚ್ಚಿಸುನು, 8 ಅಪ್ಪೋರು ಜನು ಸಮೂಹ ಕೂಡ ತಂಗಲತ ಬಟ್ಟಲ್ಲಾ ಏಗಿ ಮೆನಿ ಪಡುತುಸೂನು;ಬೇರೆಯ್ಯ ಮರತ ಕೊಂಬಿಲಾ ಬಟಿ ಎಗಿಮೆನಿ ಓಟುಸುನು, ^{9 10 11} 9 ಆತನ ಮುನ್ನಗಡ್ಲಿ ಮತ್ತೆ ಪರಾಗಡ್ಲಿ ವರ್ತಿಂದ ಜನು—ದಾವಿದ ಕುಮಾರುನುಕು ಹೊಸನ್ನ ;ಕರ್ತನ ಪೆರುಮೆನಿ ವರ್ರದು ದನ್ಯನು ;ಮಹಾನ್ನೊತನು,ಹೊಸಾನ್ನ ಇಂಡು ವದ್ರಿ ಸೋನ್ನುಸುನು , 10 ಆತನು ಯೆರೆಸೆಲೆಮುಕು ವಂದಾಪ್ಪೋರು ಪಟ್ಟಣ ಅದ್ದಿ ಕದಲಿ –ಈತನು ಎದು ಇಂಡು ಕೊಟುಸುನು , 11 ಅತ್ಗು ಜನು ಈತನು ಗಲಿಲಾಯಾತ ನಜರೆತಿನಾ ಪ್ರವಾದಿ ಯೇಸು ಇಂಡಸ್ನು. ^{12 13 14} 12 ಯೇಸು ದವ್ರು ಗುಡಿಕಿ ಹೋಯಿ ಅತ್ತುಲ್ಲಿ ಕ್ರಯ ಮತ್ತ್ತೆ ವಿಕ್ರಯ ಸೇಯ್ಯಿರಲ್ಯ ಅದ್ದಿನು ಬೆಲಿಕಿ ಹೋಟು ದುಡ್ದುಲಾ ಬದಲಾಯಿಸ್ರಯ್ಯಲಾತ ಮೇಜುಗ,ಪಾರಿವಾಳ ಇಕ್ಕ್ರಯಲಾತ ಆಸಾನಾಲಾ ಬುಡಿಪ್ಪಿಚ್ಚೋಟುಸು, 13 ಆತನು ಅಯಿಲಿಕಿ ನಟ ಉಡು, ಪ್ರಾರ್ಥನೆಯ ಉಡು ಇಂಗಿಪ್ಪಿಚಿಗಾದು ಇಂಡು ವರೆಯಲ್ಪಟ್ಟಿದು ;ಅನೇಕೆ ನಿಂಗ ಅತ್ತ ಕಳ್ಳರ ಗವಿ ಸೇಂದಿರಂಗ ಇಂಡಸ್ 14 ಅಪ್ಪೋರು ಕುರುಡುರು ಕುಂಟುರು ದೇವಾಲಯತ್ಕೊಕು ವಂಚುನು; ಆತನು ಅಯಿಲ ಆರಾಮು ಸೆಂಚು. ^{15 16 17} 15 ಆತನು ಸೇಂದ ಅದ್ಬುತ ಕಾರ್ಯಾಲ ಮತ್ತೆ ಮಕ್ಕಿಗ್ಯ ದೇವಾಲಯಾತ್ಕೊರು –ದಾವಿದ ಕುಮಾರನುಕು ಹೊಸಾನ್ನ ಇಂಡು ವದ್ರತ್ತ ಪತು ಪ್ರಾದಾನ ಯಜಕರು ಶಾಸ್ತ್ರೀಗ್ಯ ಯಾಸುರು ಸೆಂದುಗೊಂಡು 16 ಅತನುಕು ಇಯಿಗ್ಯ ಸೋನ್ನರದು ಯಂದಾದು ಇಂಡು ಕೊಕಾರ್ಯ ಇಂಡು ಕೋಟಪ್ಪೋರು ,ಯೇಸು ಅಯಿಲಿಕಿ –ಅಂಬೋ ಚಿಂನ್ ಮಕ್ಕಿಗ್ಯ ಮತ್ತೆ ಮೊಲೆಕೂಸುಲ ವಯಿಂಡು ಸ್ತೋತ್ರತ ಸಿದ್ದಿಕಿ ಅತ್ತೆಂದೇ ಇಂಗ್ರಾತ್ತ ನಿಂಗ ಎಮಾನು ಓದುಲ್ಲ್ಯ?ಇಂಡಸ್ 17 ಆತನು ಆಯಿಲ್ಯ ಉಟ್ಟೋಟು ಪಟ್ಟಣತಿಂಡು ಬೆಥ್ಯನುಕು ಹೋಯಿ ಅಟಿ ಉಳುಜ್ ಗೊಂಡ್ಸು ^{18 19} 18 ನಸುಗೋಟಲೇ ಪಟ್ಟನಕು ಪದ್ದಿರಿಗಿ ವರಾಂದು ಆತನು ಪೆಸ್ತುಗೊಂಡಿಂಚು. 19 ಅಪ್ಪೋರು ಆತನು ಒಂಡು ಅಂಜೂರ ಮರತ ಪಾತು, ಅತ್ತಂಚುಗು ವಂದಪ್ಪೋರು ಎಲುಲಾ ಉಟ್ಟೆಕೆ ಯಂದದು ಇಕ್ಕಿಲ್ಲ ,ಅತ್ಗು ಯೇಸು ಆ ಮರುತ್ಗು –ಇನ್ನಿಮೆನಿ ಎಮಾನು ನೀನು ಪಲು ವರಾದೆ ಇಕ್ಕೆಟು ಇಂಡಸ್, ತಕ್ಷಣ ಆ ಅಂಜೂರತ ಮರು ನೋಡ್ದುಹೊಸು. ^{20 21 22} 20 ಶಿಷ್ಯರು ಅತ್ತ ಪಾತು ಆಶ್ಚರ್ಯತಿಂಡು –ಎದ್ನು ಬೇಗ ಮರು ನೋಡ್ದುಹೊಸು ಇಂಡಸ್ನು , 21 ಯೇಸು ಅಯಿಲಿಕಿ –ನಾನು ಕರಾಣೆಕೆ ಸೋನ್ನರೆ –ನಿಂಗುಲುಕು ನಂಬಿಕೆಯಿಂದ್ದು ಮತ್ತೆ ಅನುಮಾನು ಪಡಾದೆಹೊನಕೆ ,ಈ ಅಂಜೂರತ ಮರುತ್ಗು ಸೆಂದುಕನಿ ಸೇಯ್ಯಿರದಲ್ಲದೆ, ನಿಂಗ ಗಟ್ಟುಕು –ನೀನು ಪಿಚ್ಚುಗೊಂಡು ಹೋಯಿ ಸಮುದ್ರುತ್ಕೊಕು ಬೂಗು ಇಂಡೆಕೆ ಅದು ಅಕ್ಕುದು, 22 ನಿಂಗ ನಂಬುರಂಗಯ್ಯಿ ಪ್ರಾರ್ಥನೆಕೋರು ಯಂತೆ ಕೊಟೇಕು,ಅತ್ತದ್ದಿ ಹೊಂದಾರಂಗ ಇಂಡಸ್. ^{23 24} 23 ಆತನು ದೇವಾಲಯತ್ಗು ವಂದು ಬೋದಸ್ತಿಂದಪ್ಪೋರು ,ಪ್ರಾದನಯಾಜಕರು ಬೆರಯ್ಯ ಅತಂಚುಗು ವಂದು –ಎ ಅದಿಕಾರತಿಂಡು ನೀನು ಇತ್ತದ್ದಿ ಸೇಯ್ಯಿತಿರ?ಈ ಅದಿಕಾರತ ನಿಕು ತಂದಾದು ಎದು?ಇಂಡು ಕೊಟುಸುನು, 24 ಅತ್ಗು ಯೇಸು ಅಯಿಲಿಕಿ ನಾನು ಸಹ ಒಂಡು ವಿಷಯಾತ ನಿಂಗಲಾ ಕೊಕರೆ;ಅತ್ತ ನಿಂಗ ಸೋನ್ನಕೆ ನಾನು ಎ ಅದಿಕಾರತಿಂಡು ಇಯಿಲ್ಯ ಸೇಯ್ಯಿತಿರೆ ಇಂಡೂ ಸೋನ್ನರೆ ಇಂಡೋಟು. ^{25 26 27} 25ಯೋಹಾನನಕು ದಿಕ್ಷಸ್ನಾನ ಸೇಯ್ಯಿರ ಅದಿಕಾರ ಎಟ್ಟಿ೦ಡು ವಂಚು?ಪರಲೋಕತಿಂಡ ?ಇಲ್ಲ ಮಣುಸ್ರಿಂಡ? ಇಂಡಸ್ ,ಅಯಿಗ್ಯ ಪರಲೋಕತಿಂಡು ಇಂಡೆಕೆ ಆತನು—ನಿಂಗ ಯಂತುಗು ಅತ್ತ ನಂಬುಲ್ಲ ಇಂಗ್ಯಾದು, 26 ಮಣುಸ್ರಿಂಡು ಇಂಡೆಕೆ ,ನಂಬುರು ಜನತ್ಗು ಬಿತ್ಗರೋ ;ಯಂತ್ಗು ಇಂಡೆಕೆ ಯೋಹಾನನತ್ತೆಯಿಪ್ರಾವದಿಯಿಂಡುಗೊಂಡಿನು 27 ಪರ್ಗುಂಡು ಅಯಿಗ್ಯ ಯೇಸುಕು ---ನಂಗ ಸೋನ್ನುಮಾಟೊ ಇಂಡಸ್ನು ,ಅತ್ಗು ಯೇಸು ಅಯಿಲಿಕಿ ನಾನು ಸಹ ಎ ಅದಿಕಾರತಿಂಡು ,ಇತ್ತದ್ದಿ ಸೇಯ್ಯಿತಿರೆ ಇಂಡು ಸೋನ್ನುಮಟೆ ಇಂಡಸ್. ^{28 29 30} 28 ನಿಂಗ ಯಂದಾದು ಇಂಡುಗಾರಂಗ ?ಒಂಡು ಮಣುಸ್ನೂಕು ರಂಡು ಮಕ್ಕಿಗ್ಯ ಇಂಚುನು;ಅದು ಮೊದಲನೇ ಮಾವ್ವುನ೦ಚುಗು ಹೋಯಿ ಮಾವ್ವುನೆ ಈಮಾನು ನಟ ದ್ರಾಕ್ಷಿ ತ್ವಾಟುತುಗು ಹೊಯ್ಯಿ ಪಾನಿಸೇಯ್ಯಿ ಇಂಡಸ್ , 29 ಅತ್ಗು ಅದು ನಾನು ಹೋಗುಮಾಟೆ ಇಂಡಸ್ ,ಪರುಗುಂಡು ಪಶ್ಚಾತಾಪಪಟ್ಟು ಹೊಸು , 30 ಪರುಗುಂಡು ರಂಡನೆ ಮಾವ್ವುನಂಚುಗು ಹೊಯ್ಯಿ ಅತ್ತೆ ಸೋನ್ನುಸು, ಅನೇಕೆ ಅದು ಹೊಕ್ಕ್ರೆ ಇಂಡೋಟು ಹೋಗುಲ್ಲ, ^{31 32} 31ಈ ರಂಡಾಳುಕೋರು ತೋಪುನುಕು ಇಷ್ಟ ವಂದಕನಿ ಸೇಂದಿಕ್ರಾದು ಇಂಡು ಕೊಟ್ಟತ್ಗು ಅಯಿಗ್ಯ –ಮೊದಾಲೆನೆದು ಇಂಡಸ್ನು,ಅಪ್ಪೋರು ಯೇಸು ಅಯಿಲಿಕಿ –ಸುಂಕತ್ತಯ್ಯ ಸೂಳೆಗ್ಯ ನಿಂಗುಲುಕ್ಕಿಂತ ಮುನ್ನೆ ಅಯ್ಯಿಗ್ಯ ಪರಲೋಕ ರಾಜ್ಯಾತಗು ಸೇರಾನು, 32 ಯಂತ್ಗು ಇಂಡೆಕೆ ಯೋಹಾನನು ನೀತಿ ಮಾರ್ಗತ್ಕೊರು ನಿಂಗಲಾಂಚುಗು ವಂಚು ,ಅನೇಕೆ ನಿಂಗ ಅತ್ತ ನಂಬುಲ್ಲ ;ಅನೇಕೆ ಸುಂಕತ್ತಯ್ಯ ಮತ್ತೆ ಸೂಳೆಗ್ಯ ಅತ್ತ ನಂಬುಸುನು ;ನಿಂಗ ಅತ್ತದ್ದಿ ಪತ್ತಪ್ಪೋರು ನಂಬ್ರಾ ಮನುಸ ಸೇಯ್ಯಿಲ್ಲ. ^{33 34} 33 ಇನೊಂಡು ಸಾಮ್ಯತ ಸೋನ್ನರೆ ಕೊರಂಗೋ ಒಂಡು ಯಾಜಮಾನು ದ್ರಾಕ್ಷಾ ತ್ವಾಟುತ ಸೆಂದು ,ಅತ್ತರ ಸುತ್ತಲು ಎಲಿ ಹೋಟು ಅತ್ತುಲಿಕಿ ತೊಟ್ಟಿಕಟ್ಟಿ ಪನಿಯ್ಯಲಿಕಿ ವಾರತ ಪ್ರಕಾರ ವಸ್ಸೆತ್ತೆಟು ಹೊಸು , 34 ಪಲತ ಸಮಯ ವಂದಪ್ಪೋರು ಪಲತ ಪಾಡಿರಿಕು ತಟ ಸೇವುಕನಾ ಅಂಪ್ಪುಸುನ. ^{35 36 37} 35 ಅಪ್ಪೋರು ಆ ಒಕ್ಕಲಿಗರು, ಅತ್ರ ಸೇವಕನ ಮತಿ ,ಇನೊಂಡು ಸೇವಕನ ಕೊಂಡ್ರುಸುನು ಇನೊಂಡುಕು ಕೆಲ್ಲುಲ ಪೇಟುಸುನು, 36 ಅದು ಪರುಗುಂದು ಜಾಸ್ತಿ ಸೇವಕರಲಾ ಅಂಪ್ಪುಸು ,ಅನೇಕ ಅಯಿಗ್ಯ ಮತ್ತೆ ಅಯಿಲಿಕಿನು ಅದೇರೀತಿ ಸೆಂಚುನು, 37 ಅಪ್ಪೋರು ಆ ಯಜಮಾನು ನಮ್ ಮಾವ್ವುನಾನ ಸನ್ಮಾನಿಸ ಬಹುದು ಇಂಡು ಮಾವ್ವುನ ಅಂಪ್ಪುಸು. ^{38 39} 38 ಅನೇಕೆ ಅ ಒಕ್ಕಲಿಗರು ಆ ಮಾವ್ವುನ ಪಾತು , ಇದೆ ಬಾದ್ಯಸ್ಥನಾಯಿಕ್ಕಿದು ವಂಗೋ ;ನಂಬುರು ಇತ್ತ ಕೊಂಡ್ರು ಇತ್ರತ್ತದ್ದಿ ನಂಬ್ರೆ ಅತೊಗೋಮು ಇಂಡಸ್ನು , 39 ಅಯಿಗ್ಯ ಅತ್ತ ಪುಡ್ಸು ಕೊಂಡ್ರು ,ತ್ವಾಟುತಿಂಡು ಬೆಲಿಕಿ ಹೊಟುಸುನು. ^{40 41} 40 ಅನಾಗನೇಕೆ ಇಪ್ಪೋರು ,ತ್ವಾಟುತ ಯಜಮಾನು ವಂದಪ್ಪೋರು ಆ ಒಕ್ಕಲಿಗಾರುಕು ಯಂತ ಸೇಯ್ಯದು ಇಂಡಸ್ , 41 ಅಯಿಗ್ಯ ಅತ್ಗು ---ಅದು ಆ ಕ್ರೂರ ಮಣುಸ್ರ ಕೊಲ್ಲದು .ಮತ್ತೆ ತಕ್ಕ ಕಲಾತ್ಕೊರು ತನುಕು ಪಲತ ತಾರಂತ ಯಿಲಿಕಿ ಕೂಡಕ್ಕಾದು, ಇಂಡಸ್ನು. ⁴² 42 ಯೇಸು ಅಯಿಲಿಕಿ ---ಕಟ್ಟರ್ ಯ್ಯ ತಿರಸ್ಕಾರಿಸಿಕ್ಕ್ರ ಕೆಲ್ಲೇ ಮುಖ್ಯವಾಯಿಕ್ರ ಮೂಲೇಗೆಲ್ಲಸೂ ;ಮತ್ತೆ ಇದು ಕರ್ತನಿಂಡೆ ಅಸು,ಅದು ನಿಂಗುಲುಕು ಆಶ್ಚರ್ಯವಾಯಿಕ್ರಾದು ಇಂಡು ಬರಹಲುಕೋರು ನಿಂಗ ಓದುಲ್ಲ್ಯ? ^{43 44} 43 ಅತ್ರಿಂಡು ನಾನು ನಿಂಗುಲುಕು ಸೋನ್ನರಾದು –ದವ್ರುತ ರಾಜ್ಯಾ ನಿಂಗುಲುಜಾಯಿಂಡು ವಂಗಿ ;ಅತ್ರ ಪಾಲು ಕುಡಕ್ಕ್ರಜಾನಂಗತ್ಗು ಕೊಡಕಲ್ಪಡದು, 44 ಈ ಕೆಲ್ಲುಮೆನಿ ಬುಗ್ರಾದು ತುಂಡುತುಂಡುಕ್ಕಾದು; ಅನೇಕೆ ಅದು ಎತ್ತ್ ಮೆನಿ ಬುಗಾದೋ ಅತ್ತ ರಕೀ ಪುಡಿಪುಡಿಸೇಯ್ಯದು, ಇಂಡಸ್ ^{45 46} 45 -46 ಪ್ರಾದನ ಯಜಕರು ಪರಿಸಾಯರು ಆತನ ಸಾಮ್ಯಲಾ ಕೋಟು,ಅದು ತಂಗಲುಬಗ್ಗೆನೇ ವಸ್ಸೇತ್ತಿದು ಇಂಡು ತಿಲ್ಜ್ಗೊಂಡುಸುನು, ಅನೇಕೆ ಅಯಿಗ್ಯ ಅತ್ತ ಪುಡಿಕ್ಕ್ರಿದು ಇಂಡು ಪ್ರಯತ್ನ ಪಟ್ಟುಸುನು,ಅನೇಕೆ ಜನ್ತ್ಗು ಬಿತ್ಗೊಂಡುಸುನು ; ಯಂತ್ಗು ಇಂಡೆಕೆ ಅತ್ತ ಪ್ರಾವದಿಇಂಡು ಗೊಂಡಿ೦ಚುನು.