^{1 2} 1 ಪರಿಸಾಯರು ಮತ್ತು ಸದ್ದು ಕಾಯರು, ದವ್ರಂಟಿ ವಂದು ನೀನು ಆಕಾಶತಿಂಡು ಒಂಡು ಸಾಕ್ಷಿತ್ತೆಯಿ ಕಟು ಇಂಡಸ್ ನು , 2 ದವ್ರು ಒಂಡು ಉತ್ತಾರತ ಕುಡ್ತಸು ,ಅಂದಿಬೇರಿ ಆಕಾಶ ಯಾರ್ರಂಡ ಅಯ್ಯಿಂದೇಕೆ ,ನಲ್ಲ ದಿನು ಇಂಗ್ಯರಂಗ. ^{3 4} 3 ನೋಸುಕೊಟ್ಲಿ ಆಕಾಶ ಮೊಡತಿ0ಡು ಯಾರ್ರಂಡ್ ಅಯ್ಯಿಂದೇಕೆ ,ಇಪ್ಪೋರು ಗಲಿ ಮಗ ವರದು ಇಂಗ್ಯರಂಗ ,ಓ ಕಪಟಿಲೆ ಆಕಾಶ ತ್ಕೊರು ಅಗ್ರ ಸೂಚನೆ ಪಾತು ನಿಂಗ ಗ್ರಹಿಸರಂಗ ,ಅನೇಕೆ ಸಮಯಲತ ಸೂಚನೆ ನಿಂಗ ಗ್ರಹಿಸ ಮಾಟಂಗಂಲ ? 4 ವ್ಯೆಬಿಚಾರಿ ಅಯಿಕ್ರ ಈ ಕೆಟ್ಟ ಸಂತತಿ ಸೂಚಕಕಾರ್ಯಾಲ ದವ್ವದುನು ;ಅನೇಕೆ ಪ್ರವಾದಿ ಅಯಿಕ್ರ ಯೋನನಂಚಿಂಲಿ ಅನಂತ ಸೂಚಕಕಾರ್ಯನೆ ಹೊರುತು ಬೇರೆ ಎದೆ ಸೂಚಕಕಾರ್ಯ ಇಯಿಲಿಕಿ ಕುಡುಕುರುಕಾಗುದಿಲ್ಲ್ಲ ಇಂಡಸ್ . ಪರುಗುಂಡ್ ಯೇಸು ಆಯಿಲ್ಯ ಉಟ್ಟೋಟು ಹೊಸುನು. ^{5 6 7 8} 5 ಶಿಷ್ಯರು ರಟ್ಟಿಲ್ಯ ಅಸ್ತೆ ಉಟ್ಟೋಟು ವಂದಿಂಚುನು ಅಪ್ಪೋರು ದವ್ರು ಮವುತ ವಿಷಯವಾಯಿ ಅಯಿಲಿಕಿ ತಿಳಿಸಿ ಸೋನ್ನುಸು . 6 ಸದ್ದುಕಾಯರು ಮತ್ತೆ ಪರಿಸಯರ ವಿಷಯವಾಯಿ ಎಚ್ಚರಿಕೆ ಅಯಿರಂಗೋ ಇಂಡಸ್ . 7 ಅತ್ಗು ಅಯಿಗ್ಯ ನಂಗ ರಟ್ಟಿ ಅತ್ತೆರೆಲ್ಯೇ ,ಅನಾಗೆ ಸೋನ್ನ್ತಿದೆ ಇಂಡು ಗೊಂಡುಸುನು . 8 ಅತ್ಗು ಯೇಸು ಅಯಿಲಿಕಿ –ಎಲ್ಯೆ ಅಲ್ಪ ವಿಶ್ವಾಸಿಲೇ ,ನಿಂಗ ರಟ್ಟಿಲ್ಯ ಅತ್ಗೊಂಡ್ ವರುಲ್ಲ ಇಂಡು ಯಂತ್ಗು ಸೋನ್ನರಂಗ. ^{9 10} 9 5ರಟ್ಟಿಲ್ಯ 5000 ಜನುತ್ಗು ಪಂಚುನ್ನಪರೋ ಎದ್ನು ರಟ್ಟಿಗ್ಯ ಉಳಿಚುನು ಇಂಡು ನಿಂಗುಲುಕು ಗೊತ್ತಿಲ್ಯ?. 10 ಇದಲ್ಲದೆ 7ರಟ್ಟಿಲ್ಯ ನಾಲು ಸಾವಿರ ಜನುತ್ಗು ಪಂಚನ್ನಪ್ಪೋರು ಎದ್ನು ಬುಟ್ಟಿಲ್ಯ ಮೆತ್ತಡಸನಂಗ ?. ^{11 12} 11 ಯೇಸು –ರಟ್ಟಿ ಕುರಿತು ನಾನು ನಿಂಗುಲುಕು ಕರನೇಕೆ ಸೋನ್ನರೆ ಎಚ್ಚರಾಯಿ ಇರಂಗೋ ಇಂಗಿರದು ನಿಂಗುಲುಕು ಇನ್ನು ಗೊತ್ತಗುಲ್ಲ್ಯ ?. 12 ಯೇಸು ಸದ್ದುಕಾಯರುಕು ಮತ್ತೆ ಪರಿಸಾಯರುಕು ರಟ್ಟಿ ಬಗ್ಗೆ ತಿಳಿಸಿ ಕುಡ್ತುಸು ^{13 14 15 16} 13 ಯೇಸು ಕ್ರಿಸ್ತನು ಪಿಲ್ಲಿಪ್ಪಿನ ಕೈಸೆರೆಯ ಪ್ರಾಂತ್ಯತಗು ವಂದಪ್ಪೋರು ಯೇಸು ತಟ ಶಿಷ್ಯರುಕು ,ಜನು ನನ್ನ ಯಂದದು ಇಂಡು ಅಕ್ಯನು ಇಂಡು ಕೊಟುಸು . 14 ಅಪ್ಪೋರು ಅಯಿಗ್ಯ –ನಿನ್ನತ್ತೆಯಿ ಕೆಲವರು ಸ್ನಾನಿಕನಾಯಿಕ್ರ ಯೋಹಾನನು ,ಇಂಗ್ಯನು ಕೆಲವರು ಎಲಿಯನು ,ಮತ್ತೆ ಬೆರೆಯ್ಯ ಯೇರೆಮಿಯನು ,ಇಲ್ಲವೇ ಪ್ರವಾದಿಲಿಕೋರು ಒಂಡು ಇಂಗ್ಯನು . 15 ಅಪ್ಪೋರು ಯೇಸು ಅಯಿಲಿಕಿ –ನಿಂಗ ನನ್ನ ಯಾರು ಇಂಗ್ಯರಂಗ ಇಂಡಸ್ . 16 -18 ಅತ್ಗು ಸೀಮೋನ ಮತ್ತೆ ಪೇತ್ರ ಅತ್ಗು –ನೀನು ಕ್ರಿಸ್ತನು ,ಜೀವವುಳ್ಳ ದವ್ರು ಇಂಡು ಸೋನ್ನುಸುನು. ^{17 18} ಅಪ್ಪೋರು ಯೇಸು ಅತ್ಗು ಯೋನನ ಮವ್ವು ಅಯಿಕ್ರ ಸೀಮೋನನೆ ,ನೀನು ಧನ್ಯನು ;ಯಂತ್ಗು ಇಂಡೆಕೆ (ಮಣುಸ್ ರಲ್ಲ )ಪರಲೋಕತ್ ಕೋರು ಇಕ್ಕರ ದವ್ರೆ ಅತ್ತ ನಿನುಕು ಪ್ರಕಟ ಪಡಿಸಿದು ಇಂಡಸ್ . 18 ನಾನು ಸಹ ನಿನುಕು ಸೋನ್ನರದು ಯಂದದು ಇಂಡೆಕೆ ನೀನು ಪೆತ್ರನು ,ಈ ಬಂಡೆತ ಮೆಕು ನಾನು ನನ್ನ ಸಭೆಯತ್ತ ಕಟ್ಟರೆ;ಅತ್ತ ನರಕತ ದ್ವಾರಗ ಅತ್ತ ಜಯಿಸಿದಿಲ್ಲನು. ^{19 20} 19 ನಾನು ನಿನಕು ಪರಲೋಕ ರಜ್ಯಾತ ಬೀಗತ ಕೀಲಿತ್ತೆಯಿ ತರ್ರೆ ;ನೀನು ಎತ್ತ ಭೂಮಿಮೆಕು ಯಂತ ಕಟ್ಟರಯೋ ಅದು ಪರಲೋಕತ್ಕೊರು ಕಟ್ಟಲ್ ಪಡದು ;ನೀನು ಯಂತ ಇಚ್ಚರಯೋ ಅದು ಪರಲೋಕತ್ಗೊರು ಇಚ್ಚಲ್ ಪಡದು ;ಇಂಡಸ್. 20 ಪರುಗುಂಡ್ ತನು ಯೇಸು ಕ್ರಿಸ್ತನು ಇಂಡು ಎತ್ತ್ಗು ಸೋನ್ನುರುದಲ್ಲ ಇಂಡು ಅಜ್ಞಾಪಿಸ್ ಸು. ^{21 22 23} 21 ತಾನು ಯರೂಸೆಲೆಮುಕು ಹೋಯಿ ಬೆರಯಲಿಂಡು ಪ್ರಧಾನ ಯಜಕರಲಿಂಡು ಶಾಸ್ತ್ರಿಲಿಂಡು ಬಹುಶ್ರಮೆ ಅನುಬಾವಿಸಿ ಕೊಲ್ಲಲ್ಪಟ್ಟು ಮೂಡ ನೆ ದೀನತಕೊರು ತಿರುಗಿ ಅದ್ದಿಂದು ವರ್ರೆ ,ಇಂಡು ಯೇಸು ಅಮಾನಿತಿಂಡು ಸೋನ್ನುರುಕು ಶುರುಸೆಂಚು. 22 ಪರುಗುಂಡ್ ಪೇತ್ರನು ಆತನ ಕೈ ಪುಡ್ಸು ಕರ್ತನೆ ,ಅದು ನಿನ್ನಿಂಡು ತೂರು ಇಕ್ಕೆಟು ;ಇಂತದು ನಿನುಕು ಅಗುರದಲ್ಲ ಇಂಡು ಸೋನ್ನಿ ಅತ್ತ ತಡಿರಿಕು ಪ್ರಯತ್ನ ಸೆಂಚು . 23 ಅನೇಕೆ ಯೇಸು ತಿರುಗಿ ಪೆತ್ರನುಕು ಸೈತಾನನೆ ,ನನ್ನತ್ತೆಯಿ ಉಟ್ಟೋಟು ಹೋ ;ನೀನು ನನುಕು ಅಭ್ಯಂತರವಯ್ಯಿರ ; ನೀನು ದವ್ರತ ಆಲೋಚನೆಯಂತೆ ಅಲ್ಲ ಮಣುಸ್ ರಾ ಆಲೋಚನೆಯಂತೆ ಸೇಯ್ಯರಂಗ ಇಂಡಸ್. ^{24 25 26} 24 ಪರುಗುಂಡ್ ಯೇಸು ಶಿಷ್ಯರುಕು –ಎದಾನ ನನ್ನ ಪರುಗೋಟೆ ವಾರ್ರುಕು ಅಪೇಕ್ಷೆ ಸೆಂದೇಕೆ ಅದು ತನ್ನತ್ತೆಯಿ ತಾನೇ ನಿರಾಕರಿಸಿ ತ ಟ ಶಿಲುಬೆ ಸಮುದುಗೊಂಡು ನನ್ನ ಹಿಂಬಾಲಿಸೊಟು , 25 ಯಂತ್ಗು ಇಂಡೆಕೆ ತಟ ಜೀವುತ ಉಳಿಸಿಗ್ರದು ಅತ್ತ ಕಳಜುಗಾದು ;ಮತ್ತೆ ನನ್ನ ನಿಮಿತ್ತವಯಿ ತನ್ನ ಜೀವುತ ಕಳ್ಜುಗ್ರದು ಅತ್ತ ಕಂಡಗದು . 26 ಒಂಡು ಮನುಸ್ ಇಡಿ ಲೋಕತ ಸಂಪದಿಸಿಗೊಂಡು ತನ್ನ ಆತ್ಮವನ್ನು ನಷ್ಟ ಪಡಿಸಿಕೊಂಡೇಕೆ ಅತ್ಗು ಲಾಭ ಯಂದದು? ಇಲ್ಲ ತಟ ಆತ್ಮಕು ಬದಲಾಯಿ ಒಂಡು ಮಣುಸ್ ಯಂತ ತಾನೇ ತರದು? ^{27 28} 27 ಯಂತ್ಗು ಇಂಡೆಕೆ ಮಣುಸ್ ಕುಮಾರು ತಟ ತೋಪುನ ಮಹಿಮೆಕೊರು ತನ್ನ ದೂತರ0 ಟಿ ವಂದಪ್ಪರು ಆತನು ಪ್ರತಿಯೊಂಡು ಆಳುಕು ಅಯಿಲಿತ ನಡುವಳಿಕೆಕೆ ತಕ್ಕಂತೆ ಪ್ರತಿಪಲತ ಕುಡುಕದು ಇಂಡಸ್ , 28 ನಿಂಗುಲುಕು ಕರಣೆಕೆ ಸೋನ್ನರೆ ಇಟಿ ನಿಂಡಿರೀ ಕ್ಕ್ರಯಲೋಕೋರು ಕೆಲುವುರು ಮಣುಸ್ ಕುಮಾರುನು ತಟ ರಾಜ್ಯತ್ಕೊರು ವರ್ರತ್ತ ಪಕುರುತನಕ ಸಗುದಿಲ್ಲನು ಇಂಡಸ್.