^{1 2} 1 ಆ ಕಲಾತ ಸಬ್ಬತ್ ದಿನತ್ಕೊರು ,ಯೇಸು ಮತ್ತೆ ಅದಾಗ ಶಿಷ್ಯರು ಪೈರಿನ ಗದ್ದಿಕೊರು ನಡದುಗೊಂಡು ಹೋಗತಿಂಚುನು ,ಶಿಷ್ಯರುಲುಕು ಪೆಶಗ ವಂದಿಂಚು ,ಅತ್ರಿಂಡ್ ಮೋಶೆಯ ದರ್ಮ ಶಾಸ್ತ್ರತ್ಕೊರು ಸೋನ್ನಿಕ್ರತರ ಅಯಿಗ್ಯ ತೇನಿಲಾ ಅತ್ಗೊಂಡು ತಿಂಗಿರ್ಕು ಪ್ರಾರಂಬಸ್ ನು . 2 ಕೆಲವು ಪರಿಸಾಯರು ಅತ್ತ ಪಾತು ,ಯೇಸುಕು ಈ ತರ ಸೋನ್ನುಸುನು ,”ಪಾರು ! ನಿಟ ಶಿಷ್ಯರು ವಿಶ್ರಾಂತಿಯ ದಿನತ್ಕೊರು ಯಂದಪನಿ ಸೇಯ್ಯಿತಿನಿಂಡ್ ,ಅತ್ತ ಸೇಯಿರ್ಕು ಶಾಸ್ತ್ರತ್ಕೋರು ಅನುಮತಿ ಇಲ್ಲಯೇ. ^{3 4} 3ಅನೇಕೆ ಯೇಸು ಅಯಿಲಿಕಿ ಈ ತರ ಸೋನ್ನುಸು ,”ಅರಸನಾಯಿಕ್ರ ದಾವಿದ ಮತ್ತೆ ಜೋತಿಕೊರು ಇಕ್ಕ್ರಯಲಿಕಿ ಪೇಶ ವಂದಪ್ಪರೋ ಯಂತ ಸೆಂಚುನು ಇಂಡು ,ದವ್ರತ ವಾಕ್ಯತ್ಕೊರು ವರ್ಜಿದು ಇಂಡು ನಿಂಗ ಓದಿರಂಗ ,ಅನೇಕೆ ಅತ್ರ ಅರ್ಥತ ತಿಲ್ಜ್ ಗುಲ್ಲ ! 4 ದಾವಿದು ದವರಗುಡಿಕೋರು (ಆಲಯಕೊರು ) ಯಡಿಕಿ ಅಚಿಂದ್ದ ರಟ್ಟಿಲ್ಯ, ದವರ ಕುಮೋಟುತಿಂಗಿರುಕು ಕೋಟುಸು ,ಅಪ್ಪೋರು ಆ ಮಹಯಜಕ್ ರಟ್ಟಿಲ್ಯ ಅತ್ತೆಂದು ಕುಡ್ಚು ,ಅನೇಕೆ ಮೊಶೆತ ಧರ್ಮ ಶಾಸ್ತ್ರತ್ ಪ್ರಕಾರ ಆ ರಟ್ಟಿತ್ತೆಯಿ ಮಹಯಜಕು ಮಾತ್ರ ತಿಂಗಿರುದು ,ಅನೇಕೆ ದಾವಿದ್ ಮತ್ತೆ ಅದಾಗ ಶಿಷ್ಯರು ತಿಂಡರ್ಸುನು ,ಅತ್ತ ದವ್ರು ತಪ್ಪು ಇಂಡು ಬಾವುಸ್ಲ ! ^{5 6} 5 ನಿಂಗ ಮೋಶೆ ವರ್ಜಿಕ್ರತ್ತ ಓದಿರಂಗ ,ಯಜಕನು ಸಬ್ಬತ್ ದಿಂತ್ಕೊರು ಶಾಸ್ತ್ರಿಲ ಶಾಸ್ತ್ರತ ಪ್ರಕಾರ ದವ್ರ ಅಲಯತ್ಕೊರು ನಡೆದಾಡನೇಕೆ ತಪ್ಪಲ್ಲ ಇಂಡು ಓದಿರಂಗ . 6 ಅತ್ರ ಅರ್ಥ ನಾನು ನಿಂಗಲುಕು ಸೋನ್ನರೆ ,ನಾನು ವಂದಿರೆ ,ಮತ್ತೆ ನಾನು ದವ್ರ ಅಲಯಕ್ಕಿಂತ ಮುಖ್ಯವಯಿಕ್ರವ ,ಅತ್ರಿಂಡು ಸಬ್ಬತ್ ದಿನತ್ಕ್ಕಿಂತ ಮುಖ್ಯವಯಿಕ್ರತ್ತ್ ನಾನು ನಿಂಗಲ್ಕು ಕೆಪ್ಪಿಚ್ಚುತರ್ರೆ. ^{7 8} 7 ದವ್ರು ಸೋನ್ನಿಕ್ರ ಈ ವಾಕ್ಯತ ಬಗ್ಗೆ ಯೋಚನೆ ಸೇಯ್ಯಂಗೋ :ಯಜ್ಞತ ತರದಲ್ಲದೆ ,ಜನುರುಕು ಕರುಣೆ ಕಟಂಗೋ ಇಂಡು, ನಿಂಗ ಅತ್ರ ಅರ್ಥ ತಿಲ್ಜ್ ಗೊಂಡಿoದ್ದೇಕೆ ನಟ ಶಿಷ್ಯರು ತಪ್ಪ ಸೆಂದ್ದಿಕ್ರ ಅಪಾರದಿಗ್ಯ ಇಂಡು ಸೋನ್ನಕಿಲ್ಲ 8 ದವ್ರ ಕುಮಾರನಯಿಕ್ರ ನನ್ಕು ಸಬ್ಬತ್ ದಿಂತ್ಕೊರು ಜನುರುಕು ಯಂತ ಸೇಯಿರುದು ಇಂಡು ಸೋನ್ನರ ಅದಿಕಾರ ನನುಕಿದು. ^{9 10} 9 ಪರುಗುಂಡು ಯೇಸು ಅಟ್ಟಿoಡು ಸಾಭಾಮಂದಿರತ್ಗು ಹೊಸು . 10 ಅತಿ ಕೈ ಬತ್ತಿಕ್ರ ಒಂಡು ಮಣುಸ್ ಇಂಚು ,ಅತಿ ಪರಿಸಾಯರು ಸಬ್ಬತ್ ದಿನತ್ ಬಗ್ಗೆ ಯೇಸು ಮೆಕು ತಪ್ಪ ಹೊರುಸ್ರುದು ಇಂಡು ಕಕ್ತಿಂಚುನು ಅತ್ರಿಂಡ್ ಅತ್ಗೊರು ಒಂಡು ಅತ್ತ್ಗು, ಇ ತರ ಕೊಟುಸು, ವಿಶ್ರಾಂತಿ ದಿನತ್ಕೊರು ಜನರ ವಸಿ ಸೇಯಿರ್ಕು ದವ್ರು ಅನುಮತಿ ಕುಡ್ತಿದಾ? ಅಯಿಗ್ಯ ಯೇಸು ತಪ್ಪ ವಸೆತ್ತಿ ಪಾಪಾತ ಸೇಯ್ಯದು ಇಂಡುಗೊಂಡಿಂಚುನು. ^{11 12} 11 ಅಪ್ಪೋರು ಯೇಸು ಅಯಿಲಿಕಿ ಈ ತರ ಸೋನ್ನುಸು ,”ನಿಂಗಲಂಚಿಲಿ ಒಂಡು ಕುರುಬಡ್ ಇಂದು ,ಆ ಕುರುಬಡ್ ಆಳವಯಿಕ್ರ ಗುಂಡಿಕೊಕು ಬೂದಪ್ಪೋರು ,ನಿಂಗ ಅತ್ತ ವಂಗದೇ ಅಟೆಗೆ ಉಡಂದಂಗಲ ?ಇಲ್ಲ ವಂಗಂದಂಗಲ ?ಸಬ್ಬತ್ ದಿನು ಇಂಡು ಆಟಿಗೆ ಉಡoದಂಗಲ ? 12 ಕುರುಬಡ್ ಕ್ಕಿಂತ ಮಣುಸ್ ಹೆಚ್ಚಿನದು , ಬೇರೆ ದಿಂತ್ಕೊರು ಅಗೋಟು, ಸಬ್ಬತ್ ದಿಂತ್ಕೊರು ಅಗೋಟು ,ಬೆರೆಯಲ ವಸಿ ಸೇಯ್ಯರದೆ ನಲ್ಲದು ಅಲ್ಲ್ಯ.! ^{13 14} 13 ಪರುಗುಂಡು ಯೇಸು ಆ ಮಣುಸ್ ನುಕು,”ನೀನು ಕೈ ಚಾಚು !ಇಂಡಸ್ ಅದು ಬತ್ತಿ ಹೊಯಿಕ್ರ ಕೈ ಚಾಚ್ ನಪ್ಪೋರು, ಅತ್ತ್ರ ಕೈತ್ತೆಯಿ ಯೇಸು ನಲ್ಲುಗು ಸೆಂಚು ! 14 ಪರುಗುಂಡ್ ಪರಿಸಾಯರು ಯೇಸು ಅತ್ತೆಯಿ ಎನ್ನಗು ಕೊಲ್ಲುರ್ದು ಇಂಡು ಯೋಚನೆ ಸೇಯಿತಲ್ಸುನು. ^{15 16 17} 15 ಪರಿಸಾಯರು ತನ್ನತ್ತೆಯಿ ಕೊಲ್ಲುರುಕು ಯೋಚನೆ ಸೇಯಿತಿನು ಇಂಡು, ಯೇಸುಕು ಗೊತ್ತಿಂಚು, ಅತ್ತಗೆ ಯೇಸು ಅದಾಗ ಶಿಷ್ಯರಲ ಅಸ್ಗೊಂಡು ಅತ್ತಿಂಡು ಎಲ್ಲೇಸು. ಅಯಿಲ್ಲ್ಯಂಟಿ ಅದ್ದಿತರತ ರೋಗಿಗ್ಯ ,ಮತ್ತೆ ಶನ ಜನು ಹೊಸುನು ಮತ್ತೆ ಅಯಿಲ್ಲೆತ್ತೆಯಿ ಯೇಸು ಗುಣಪಡಿಸಸು 16 ಅನೇಕೆ ಯೇಸು ಅಯಿಲಿಕಿ ಯೆತ್ತ್ಗು ಸೋನ್ನುಮಾನಂಗ ಇಂಡು ಸೋನ್ನುಸು. 17 ಯೇಸು ನಲ್ಲದು ಇಂಗ್ಯರ್ ತ್ಗು ,ಆ ಕಲ್ತ್ಕೊರು ಪ್ರವಾದಿಯಯಿಕ್ರ ಯೆಶಯನು ವರ್ಜಿಕ್ರದು ನೆರವೆರುಸು. ¹⁸ 18 “ಎದು ನಾನು ಪೆರಿಕಿಗೊಂಡಿಕ್ರ ಸೇವಕು ,ನನಕು ಮೆಚ್ಚಿಯಯಿಕ್ರ ನಟ ಪ್ರಿಯನು ,ಇತ್ತಂಚಲಿ ನಟ ಅತ್ಮತ ಅಚ್ಚಿರೆ ,ಅನ್ಯ ಜನುರುಕು ನ್ಯಾಯತ ಮತ್ತೆ ರಕ್ಷಣೆತ ಅತ್ತೆರದು. ^{19 20 21} 19 ಅದು ಜನರಂಟಿ ಲಡಾಯಿ ಸೇಯ್ಯಿದಿಲ್ಲ ,ವದ್ರದಿಲ್ಲ ಮತ್ತೆ ಒಣಿಲಿಕೋರು ವದ್ರದಿಲ್ಲ . 20 ಬಲಹಿನರಕು ದಿನಾಮನಸು ಇಕ್ಕರದಯ್ಯಿ :ಜಜ್ಜಿಹೊಯಿಕ್ರಲಾ ಕೊಲ್ಲದೆ ,ತೀರ್ಪು ಸೆಂದು ಅದ್ದಿಕು ನ್ಯಾಯ ಹೊದಗುಸ್ ರದು ಮತ್ತೆ ತಪ್ಪಿಗ್ರಸ್ತರಲ್ಲ್ಲ ಇಂಡು ಸರ್ರದು . 21 ಅತ್ರಿಂಡ್ ಅನ್ಯಜನು ಅತ್ತ ಬಲವಾಯಿ ನಂಬನು. ^{22 23} 22 ಒಂಡುನಾಲು ದವ್ವು ಪುಡಿಸಿಕ್ರ ಮುಕ್ಕ್ಯದು ಮತ್ತೆ ಕುರಡು ಅಯಿಕ್ರಾಂತ ,ಒಂಡು ಮಣುಸ್ ನ ಅಸ್ಗೊಂಡು ವಂಚುನು ,ಅಪ್ಪೋರು ಯೇಸು ಆ ದವ್ವತ್ತೆಯಿ ಉಡಿಪ್ಪಿಚ್ಚು ಅತ್ತ ನಲ್ಲುಗು ಸೆಂಚು .ಪರ್ಗುಂಡು ಆ ಮಣುಸ್ ವಸೆತ್ರುಕು ಮತ್ತೆ ಅತ್ಗು ಕನ್ನುಗು ವಂಚುನು. 23 ಈ ಮಹತ್ಕರ್ಯಲ ಪತಂತ ಜನು ,”ನಂಗ ಕಕತಿಕ್ರ ದಾವಿದ್ ವಂಶತ ಕ್ರಿಸ್ತನು ಈದೆ ಮಣುಸ್ ನೇನಾ ?ಇಂಡು ಅಯಿಲಿಕೊರೆ ವಸ್ಸೇತ್ರುಕು ಶುರುಸೆಂಚುನು. ^{24 25} 24 ಈ ಅದ್ಬುತ ಕಾರ್ಯಲ ಸೆಂದಿಕ್ರತ್ತ ಕೊಟ್ಟನ೦ತ ಪರಿಸಾಯರು ,ಇತ್ತ ದವ್ರು ಸೇಯ್ಯಿಲ ,ದವ್ವಂಗಲ ಒಡೆಯನಯಿಕ್ರ ಬೆಲ್ಜೆಬೂಲನ ಸಹಾಯತಿಂಡ್ ದವ್ವಂಗಲ ಉಡಿಪ್ಪಿಕ್ಯದು !ಇಂಡು ಸೋನ್ನುಸುನು . 25 ಅನೇಕೆ ಅಯಿಲಿತ ಆಲೋಚನೆ ಯೇಸು ಗೊತ್ತೇ ಇಂಚು ,ಅತ್ರಿಂಡ್ ಯೇಸು ಅಯಿಲಿಕಿ ,”ಒಂಡು ದೇಶತ್ಕೊರು ಜನು ಆಯಿಲ್ ಅಯಿಲೆ ಲಡಾಯಿ ಸೆಂದುಗೊಂಡು ,ಅಯಿಲಿತ ಅಯಿಲಿತ ದೇಶತ ನಾಶ ಸೆಂದ್ ಗನು ,ಅದೇ ಉರುಕೊರು ಇಕ್ಕ್ರ ಜನು ಅಥವಾ ಉಟಯ್ಯ ಸಹ ಲಡಾಯ ಸೆಂದ್ಗನು ,ಕರನೇಕೆ ಅಯಿಗ್ಯ ಒಂಡು ಗುಂಪಾಯಿ ಅಥವಾ ಒಂಡು ಕುಟುoಬವಯಿ ನಿಕ್ಕಿದಿಲ್ಲನು ಇಂಡು ಸೋನ್ನುಸು. ^{26 27} 26 ಅದೇ ರಿತಿಯಾಯಿ ,ಸೈತಾನನು ತಟ ಸ್ವಂತ ದವ್ವಂಗಲ ಉಡಿಪ್ಚಿಕೆ ,ಅದು ಅತ್ತಮೆನಿ ಅದೇ ಅತ್ತ್ಗೆ ವಿರುದ್ದವಾಯಿ ಕುಸ್ತಿ ಸೆಂದ್ ಕನಿ ಅಕ್ಕುದು ,ಇನಾಗು ಇಂದಪ್ಪೋರು ಅದು ತಟ ರಜ್ಯಾತ ಸೇವಕರ್ಲ ಏನಾಗು ಆಳ್ವಿಕೆ ಸೇಯ್ಯದು ! 27 ನಾನು ಸೈತಾನತ ಅದಿಕರತಿಂಡೆ ದವ್ವಂಗಲ ಉಡಿಪಿಕ್ಕ್ಯರದೆ ಕರ ಅನೇಕೆ , ನಿಂಗಲತ ಶಿಷ್ಯರು ಸಹ ದವ್ವಂಗಲ ಉಡಿಪ್ಪಿಕ್ಯನು ,ಅಯಿಲು ಸಹ ದವ್ವಂಗಳ ಸಹಾಯತಿಂಡೆ ಸೇಯ್ಯನ ?ಇಲ್ಲ !ನಿಂಗ್ಲ್ತ ಆಲೋಚನೆ ಸರಿಯಿಲ್ಲ ಇಂಡು ಕಂಗದು. ^{28 29 30} 28 ಅನೇಕೆ ನಾನು ದವ್ರ ಅತ್ಮತಿಂಡೆ ದವ್ವಂಗಲ ಉಡಿಪ್ಪಿಕ್ಯಂದು ದವ್ರ ರಾಜ್ಯ ವಂದಾಸು ಇಂಡು ದವ್ರು ತಾನೇ ಕಟದು 29 ಯಂತಗು ನನಿಂಡ್ ದವ್ವಂಗಲ ಉಡಿಪ್ಪಿಕ್ಯರುಕು ಸಾದ್ಯ ಒಂಡು ಮಣುಸ್ ಒಂಡು ಗಟ್ಟಿ ಮಣುಸ್ ನತ ಉಟ್ ಗು ಹೋಯಿ ಮೊದಲು ಅತ್ತ ಕಟ್ಟಿಹೊಡ್ದ್ ದಿಂದೆಕೆ ಅತ್ರ ಅಸ್ತಿ ಅತ್ಗುರುಕು ಅಗದಿಲ್ಲ .ಅನೇಕೆ ಆ ಮಣುಸ್ ನ ಕಟ್ಟಿಹೋಟೆಕೆ ಅತ್ರ ಅಸ್ತಿ ಅದ್ದಿ ಅತ್ಗೊಂಡ್ ಹೋಗುಬೋದು . 30 ಎದು ಸಹ ಸ್ವಬಾವಿಕವಯಿ ಇಕ್ಕಿದಿಲ್ಲನು ,ಎದಾನ ನಾನು ಪವಿತ್ರಾತ್ಮನಿಂಡ್ದವ್ವಂಗಲ ಉಡಿಪ್ಪಿಕ್ಯರೆ ಇಂಡು ಯೋಚನೆ ಸೇಯ್ಯದಿಂದೇಕೆ ,ನನಕು ವಿರೋದಿ ಅಯಿಂದೇಕೆ, ಮತ್ತೆ ಎದಾನ್ ನಟ ಶಿಷ್ಯರಲ ಕುಡ್ಸದಿಂದೇಕೆ ,ಅಥವಾ ಕುಡ್ಸ್ರುಕು ಉಡದಿಂದೇಕೆ, ನನಿಂಡ್ ನಟ ಶಿಷ್ಯರುಲ ತೂರು ಸೆಯ್ಯಿರಯ್ಯ ಅನೇಕೆ. ^{31 32} 31 ನೀನು ಸೋನ್ನರದು ನಾನು ದವ್ವಂಗಲ ಉಡಿಪ್ಪಿಕ್ಯತ್ತ ಇಕ್ಕ್ರದು ಪವಿತ್ರಾತ್ಮನಿಂಡ್ ಅಲ್ಲ ಇಂಡು ,ಹನಗನೇಕೆ ನಾನು ನಿಂಗಲುಕು ಸೋನ್ನರೆ “ಎದಾನ ಪಾಪ ಸೆಂದು ಬೇರೆಯಲಾ ಎದೆರಿತಿನಾ ನಾಚಿಕಿಪಡಿಸಿ ,ದವ್ರಂಚ್ಲಿ ಕ್ಷಮಾಪಣೆ ಕೊಟೆಕೆ ,ಅಂತಯಲ್ಯ ದವ್ರು ಕ್ಷಮುಸದು ಅನೇಕೆ ಪವಿತ್ರಾತ್ಮನ ವಿರುದ್ದವಾಯಿ ವಸೆತ್ತಿ ನಾಚಿಕಿ (ಅವಮಾನ )ಪಡ್ಸ್ ನೇಕೆ ದವ್ರು ಆಯಿಲ್ಯ ಕ್ಷಮುಸುದಿಲ್ಲ . 32 ಮಣುಸ್ ಕುಮರನಯಿಕ್ರಾ ನನುಕು ವಿರುದ್ದವಾಯಿ ವಸೆತ್ತೆನೇಕೆ ದವ್ರು ಕ್ಷಮುಸದು ,ಎದಾನ ಪವಿತ್ರಾತ್ಮನ ವಿಷಯವಯ್ಯಿ ಕೊಟ್ತ್ಯತ್ತ ಸೋನ್ನೇಕೆ ಆಯಿಲ್ಯ ದವ್ರು ಕ್ಷಮುಸ್ ದಿಲ್ಲ ಇಂಡು ನಾನು ನಿಂಗುಲುಕು ಎಚ್ಚರ್ಸ್ತಿರೆ.ಈಪ್ಪೋರನಾ ಸರಿ, ಮುನುಕು ವರ್ರ ದಿನತ್ಕೊರು ಅನಾ ಸರಿ , ದವ್ರು ಕ್ಷಮುಸ್ ದಿಲ್ಲ. ^{33 34 35} 33 ನಿನ್ಹ ಪಂಗ ಮಾರತ ಪತ್ತಪ್ಪೋರು ,ಅತ್ರ ಫಲ ನಲ್ಲಗಿದೋ !ಅಥವಾ ಕೊಟ್ಟಿದೋ !ಇಂಡು ತಿರ್ಮಾನಸರಂಗ ,ಫಲು ನಲ್ಲದಯಿಂದೆಂದೆಕೆ ಮರು ಕೂಡ ನಲ್ಲದಾಯಿಕ್ಯದು ,ಹನಗೆ ನಾನು ನಲ್ಲತ ಸೇಯ್ಯಂದು ನಾನು ನಲ್ಲವನೋ ಅಥವಾ ಕೊಟ್ತ್ಯವ್ನೋ ಇಂಡು ನಿಂಗ್ಲುಕು ಗೊತ್ತಗುರದು . 34 ಅನೇಕೆ ನಿಂಗ ಸರ್ಪ ಜಾತಿಯ ಮಕ್ಕಿಲ ತರ ,!ಯಂತು ಒಂಡು ನಲ್ಲತ ವಸೆತ್ತ್ ಮಟ0ಗ ,ಯಂಗು ಇಂಡೆಕೆ ನಿಂಗ ಕೊಟ್ತ್ಯಂಗ ಮಣುಸ್ ನ ವುಲ್ಲಿ ಯಂದಂದು ಇದು ಕಂಗದು . 35 ನಲ್ಲ ಜನ ನಲ್ಲತೆ ವಸೆತ್ತನು ,ಅದು ನಲ್ಲ್ಜನು ತಂಗಲಾತ ನಲ್ಲ ವಸ್ತುಲಾ ಹಾಳಾಗರಕಾನಿ ಇಕ್ಕರ ಜಗ್ತ್ಕೊರು ಅಚ್ಚು ತಕ್ಕ ಸಮಯಾತ್ಕೊರು ಬೆಲಿಕಿ ವಂಗರಾ ಕನಿ ,ಅನೇಕೆ ಕೊಟ್ಟಿ ಜನು ಕೊಟ್ತ್ಯತ್ತೆ ವಸೆತ್ತನು ಕೊಟ್ಟಿ ವಸ್ತುಲ ಅಚ್ಚು ಎ ಸಮತ್ಕೊರನ ವಂಗರ ತರ. ^{36 37} 36 ಜನು ಬೇರೆಯಲೈಕಿ ನೊಪ್ಪಿ ಸೆಂದು, ವಸ್ತತಿಕ್ಕ್ರ ಪ್ರತಿಯೊಂಡು ವೋಕುಲುಕು ದವ್ರು ನ್ಯಾಯ ತಿರ್ಸರ ದಿನತ್ಕೊರು ಅಯಿಲ್ಯ ಅಗುಸು ,ಅತ್ತ್ಗು ಉತ್ತರತ ಕುಡ್ಕ್ರ್ಕನಿ ಸೇಯ್ಯದು , ಮತ್ತೆ ಆ ವೋಕುಲುಕು ನ್ಯಾಯತ ತಿರ್ಸದು . 37 ದವ್ರು ಸಹ ನಿಂಗ ವಸೇತ್ರ ವೋಕುಲಿಂಡೆ ,ನಿಂಗಲ್ ನಿತಿವಂತರು ಇಂಡು ನಿರ್ಣಯಿಸದು ,ಅಥವಾ ನಿಂಗ ಏನಾಗು ವಸೆತ್ತರಂಗೋಲೋ ಹನಗೆ ದವ್ರು ನಿಂಗಲನ ಖಂಡಸದು. ^{38 39 40} 38 ಪರಗುಂಡ್ ಯೇಸು ಅಯಿಲಿಕಿ ,”ನಂಬುರು ತಿಲಜ್ ಗ್ರ ಅದ್ಬುತತ ನಮ್ಬುರು ಪಕುರ್ದು ಇಂಡು ಬಯಸರೋ , 39 ಅಪ್ಪೋರು ಯೇಸು ಅಯಿಲಿಕಿ ,”ಇಪ್ಪೋರೆ ನಿಂಗ ನಾನು ಸೆಂದಿಕ್ರ ಅದ್ಬುತ ಕಾರ್ಯಾಲ ಪತಿರಂಗ ,ಅನೇಕೆ ಕೊಟ್ಟಿ ಜನು ಅಯಿಕ್ರ ನಿಂಗ ,ನಂಬಿಗಸ್ತರಯಿ ದವ್ರ ಆರದಸ್ ಮಾಟಾ0ಗ ,!ಅನೇಕು ಸಹ ದವ್ರು ನನ್ನತ್ತೆಯಿ ಆಂಪ್ಪಿದು ಇಂಡು ಅದ್ಬುತಲ ಸೆಂದು ಕಾಟುರುದ ?,ಅನೇಕೆ ಪ್ರವದಿಯಯಿಕ್ರ ಯೋನನ್ಕು ಅಯಿಕ್ರ ಅದ್ಬುತ ಮಾತ್ರ ಸೆಂದು ಕಟುರುದ್ದಕ್ದು. 40 ದವ್ರು ಯೋನನುಕು ಮಿನುತ ವರುಗಿಂಡು ಬೆಲಿಕಿ ವರ್ಕು, ಅಪ್ಪಣೆ ಕುಡ್ಕರಕ್ಕಿಂತ ಮುನ್ನೆ, ಯೋನನು ಮಿನುತ ವರುಕೊರು 3ನಮರಿ 3 ಪಗಮರಿ ಇಂಚು ,ಅದೇರೀತಿ ಮಣುಸ್ ಕುಮಾರನಯಿಕ್ರ ನಾನು ಮಡ್ ನಮರಿ ಪಗಮಾರಿಕಿ ಭೂಮಿಯ ಅಳವಯಿಕ್ರ ಬಾಗತ್ಕೊರು ಇಕ್ಕ್ಯರೆ ಮತ್ತೆ ದವ್ರು ನನ್ನ ತಿರುಗಿ ಜಿವಸೃಕನಿ ಸೇಯ್ಯದು. ⁴¹ 41 ದವ್ರು ಅದ್ದ್ದಿಕು ನ್ಯಾಯತ ತಿರಸಂದು , ನಿನವೇ ಪಟ್ಟಣತ್ಕೊರು ಜನುರು ದವ್ರು ಮುನುಕು ನಿಂಗಲತ ಪಕ್ಕತ್ಕೊರು ನಿಕ್ಯನು ,ಯೋನನು ಎಚ್ಚರಸನಪ್ಪೋರು ಅಯಿಗ್ಯ ಪಾಪತ ಸೇಯ್ಯರತ್ತ ನಿಪ್ಪಿಚ್ಚುಸುನು ,ಇಪ್ಪೋರು ನಾನು ಯೋನನಕಿಂತ ಮುಖ್ಯವಯಿಕ್ರವ ,ನಿಂಗಲಂಚುಗು ವಂದಿರೆ ಅನೇಕೆ ನಿಂಗಲತ ಪಪಾಲ ನಿಪ್ಪಿಕಿಲ್ಲ ,ಅತ್ರಿಂಡ್ ದವ್ರೆ ನಿಂಗುಲುಕು ನ್ಯಾಯ ತಿರಿಸದು. ⁴² 42 ಆ ಕಲತ್ಕೊರು ಇಂದ ದಕ್ಷಿಣ ದೇಶತ ಇಸ್ರಯೇಲತಿಂಡು ರಾಣಿ ಶೆಭಾ , ಸೋಲೋಮೊನತ ಜ್ಞಾನ ಬೋದನೇತ ಕೊಕುರುಕು ತುರಿಂಡ್ ವಂದಿಂಚು ,ಆ ಸೋಲೋಮೊನನಕ್ಕಿಂತನು ನಾನು ಹೆಚ್ಚಿನವ ವಂದಿರೆ ಅನೇಕು ನಿಂಗಲತ ಪಾಪಲತ್ತೆಯಿ ಉಡುಲ್ಲ .ಅತ್ರಿಂಡು ದವ್ರೆ ನಿಂಗುಲುಕು ನ್ಯಾಯ ತಿರಸಂದು ಶೆಬಾ ರಾಣಿ ದವ್ರ ಮುನುಕು ನಿಂಡರು ನಿಂಗ ಅಪಾರದಿಗ್ಯ ಇಂಡು ಸೋನ್ನದು. ^{43 44 45} 43 ಕಟುಕೊರು ದವ್ವಂಗ ಮನುಸ್ರಲ ಉಟ್ಟೋಟು ಹೋಗಂದು ಅಯಿಗ್ಯ ಯೆತ್ತಿಂಡ್ನಾ ವಿಶ್ರಾಂತಿ ಸಿಕ್ಕದ ಇಂಡು ಪಕಾನು ,ಅಯಿಲಿಕಿ ಎದು ಸಿಕ್ಕದಿಂದೇಕೆ , 44 ನಾನು ಎ ಮಣುಸ್ ನ್ಕೊರು ಇಂದೆನೋ ,ಅದೇ ಮಣುಸ್ ನ್ಕೊರು ಇಕ್ಕ್ಯರೆ ಇಂಡು 45 ಮತ್ತೆ ವಂದು ದವ್ರು ಆತ್ಮ ಇತ್ತುಲಿ ಆಳುತಿಲ್ಲ ಇಂಡು ವರದು ,ಆ ಮುನುಸ್ ನಾತ ಜೀವಿತ ಆ ದುವ್ವುಕು ತುಗುತು ಚಂದುಸೆಂದ ಉಟ್ ತರ , ಮತ್ತೆ ಅದು ಪರುಕು ಹೋಯಿ ಇನ್ನು 7 ದವ್ವಂಗಲ ಅಗುಸ್ಗೊಂಡ್ ಆ ಮಣುಸನ್ ವುಲ್ಲಿಕಿ ಸೇರದು, ಅಪ್ಪೋರು ಆ ಮಣುಸ್ ನಾತ ಸ್ಥಿತಿ ಮೊದಲಕ್ಕಿಂತ ಹೆಚ್ಚು ಕೆಟ್ಟದ್ ಯಿ ಇಕ್ಕ್ಯದು ,ನಟ ಉಪದೇಶ ಕೊಕರಂತ ನಿಂಗುಲುಕು ಅದೇ ತರ ಕೆಟ್ಟದ್ದಕ್ಕುದು. ^{46 47} 46 ಯೇಸು ಆ ಜನತಾ ಗುಂಪುಕೊರು ಇನ್ನು ವಸೆತ್ತಂದೆ ,ಅದಾಗ ಅಮ್ಮ ಮತ್ತೆ ಅನ್ನಾ ತೆಂಬಿಗಿನ, ಯೇಸುನಂಟಿ ವಸೆತ್ರುಕು ವಂದು ಬೆಲಿಕಿ ನಿಂಡಿರೀ0ಚುನು , 47 ಅಪ್ಪೋರು ಒಂಡು ವಂದು ,”ನಿಂಗ ಅಮ್ಮ ಮತ್ತೆ ತೆಂಬಿಗಿನ ನಿನಂಟಿ ವಸೆತ್ರುದು ಇಂಡು ಬೇಲಿ ಕಕತಿನಿ ,”ಇಂಡು ಸೋನ್ನುಸು.