¹ ಇದು ಯೇಸು ಕ್ರಿಸ್ತನ ಜೀವನತ ಚರಿತ್ರೆ ಅರಸ ಅನಾ ದಾವೀದು ಮತ್ತು ಅಬ್ರಹಮನಾ ವಂಶತದು ² ಅಬ್ರಹಾಮನ ಮವ್ವು ಇಸಾಕು,ಇಸಾಕನ ಮವ್ವು ಯಾಕೋಬು,ಯಾಕೋಬನನ ಮಕ್ಯ ಯೂದ ಮತ್ತು ಅದಗ್ ಅನ್ನ ತೆಂಬಿಗಿನ. ³ ಯೂದನ ಮಕ್ಯ ಪೆರೆಚ ಮತ್ತೆ ಜೆರಹರ ಇದಗ್ ಅಮ್ಮ ತಾಮಾರಳು, ಪೆರಚನ ಮವ್ವು ಹೆಚ್ರೋನ, ಹೆಚ್ರೋನನ ಮವ್ವು ಅರಾಮನ. ^{4 5 6} 4 ಅರಾಮನ ಮವ್ವು ಆಮ್ಮಿನಾದಬನ ,ಆಮ್ಮಿನಾದಬನ ಮವ್ವು ನಹಾಶೂನನ ,ನಹಾಶೂನನ ಮವ್ವು ಸಲ್ಮೊನ 5 ಸಲ್ಮೊನನು ರಾಹಾಳಲಿಂಡ್ ಬೋವಜನ ಪರ್ಚು ,ಬೋವಜನು ಮತ್ತೆ ರೂತಲಿಂಡ್ ಒಬೇದನ ಪರ್ಚು ,ಒಬೇದನಿಂಡ್ ಇಷಯ ಪರ್ಚು 6 ಇಷಯನಿಂಡ್ ಅರಸನಾಯಿಕ್ರ ದಾವೀದ್ ಪರ್ಚು ,ದಾವೀದ್ನಿಂಡ್ ಸೋಲೋಮೊನನ ಪರ್ಚು , ದಾವೀದ ಪರ್ಗುಂಡು ಕನೆಲ್ಅನಾ ಊರಿಯನ ಪಂಡು ಸೋಲೋಮೊನನ ಅಮ್ಮ. ^{7 8} 7 ಸೋಲೋಮೊನನ ಮವ್ವುರೆಹಬ್ಬಾನ, ರೆಹಬ್ಬಾಮನ ಮವ್ವುಅಬೀಯಮನ ,ಅಬೀಯಮನ ಮವ್ವು ಆಸನ, 8 ಆಸನನ ಮವ್ವು ಯೆಹೊಷಾಟನ , ಯೆಹೊಷಾಟನ ಮವ್ವು ಯೆಹೋರಾಮನ, ಯೇಹೊರಾಮನ ಮವ್ವು ಉಜ್ಜಿಯನ. ^{9 10 11} 9 ಉಜ್ಜಿಯನ ಮವ್ವು ಯೋತಾಮನ, ಯೋತಾಮನ ಮವ್ವು ಆಹಾಜನ, ಆಹಾಜನನ ಮವ್ವು ಹಿಜ್ಜಿಕಿಯ, 10 ಹಿಜ್ಜ್ಕಿಯನ ಮವ್ವು ಮನಸ್ಸೆಯ, ಮನಸ್ಸೆಯನ ಮವ್ವು ಆಮೋನನ ಆಮೋನನ ಮವ್ವು ಯೋಷೀಯನ, 11 ಯೋಷೀಯನ ಯೋಕೊನ್ಯ ಮತ್ತೆ ಅದಗ್ ಅನ್ನ ತೆಂಬಿಗಿನಲ್ಲುಕ್ ತಾತಾಯಿಂಚು ,ಇಸ್ರಯೇಲರು ಬಾಬೇಲ್ಕು ಸೆರೆಹೊನಾಪರ್ಗು ಇಯಾ ಇಂಚುನು. ^{12 13 14} 12 ಇಸ್ರಯೇಲ್ಯರು ಬಾಬೇಲ್ಕು ಸೆರೆಹೊನಪರ್ಗುಂಡು ಯೋಕೊನ್ಯನಿಂಡ್ ಪರ್ದಿಕ್ರದು ಶೆಯಲ್ತಿಯೇಲನು, ಶೆಯಲ್ತಿಯೇಲನು ಜೆರುಬ್ಬಾಬಲನಕು ತಾತ್. 13 ಜೆರುಬ್ಬಾಬಲನ ಮವ್ವು ಅಬಿಹೊದನ ,ಅಬಿಹೊದನನ ಮವ್ವು ಎಲಕ್ಯಿಮನ, 14 ಎಲಕ್ಯಿಯಮನ ಮವ್ವು ಅಜೋರನ, ಅಜೋರನ ಮವ್ವು ಸದೋಕನ, ಸದೋಕನ ಮವ್ವು ಅಕೀಮ. ^{15 16 17} 15 ಅಕೀಮನ ಮವ್ವು ಎಲಿಹೊದನ , ಎಲಿಹೊದನ ಮವ್ವು ಎಲಿಯಾಜನ , ಎಲಿಯಾಜನನ ಮವ್ವು ಮತ್ತಾನನ ,ಮತ್ತಾನನ ಮವ್ವು ಯಾಕೋಬ . 16 ಯಾಕೋಬನ ಮವ್ವು ಯೋಸೇಫಾನ ,ಯೋಸೆಪನು ಮರಿಯಳ ಮನಗ್ನಾಯಿಂಚು ಮತ್ತೆ ಮರಿಯಳುಕು ಯೇಸು ಪರ್ಚು , ಆ ಯೇಸುವೆ ಕ್ರಿಸ್ತ . 17 ಇನ್ಗೆ ಯೇಸು ಪರ್ಚು ಅಬ್ರಹಮನಿಂಡು ದಾವೀದನ್ ತನಕ ಒಟ್ಟು ಪದ್ನಲು ತಲ್ಮರು ಮತ್ತು ದಾವೀದನ್ ಇನ್ನು ಪಗ್ಸಿಂದ ಸಮಯತ್ಕೊರು ಇಸ್ರಯೇಲರು ಬಾಬೇಲ್ಕು ಸೆರೆ ಹೊಸ್ನು ಅಟಿ0ಡು ಕ್ರಿಸ್ತನ ತನುಕು ಪದ್ನಲ್ಲು ತಲೆಮಾರು. ^{18 19} 18 ಯೇಸು ಕ್ರಿಸ್ತನ ಪರಕರ್ಕಿಂತ ಮುನ್ನಿ ನಡದಿಕ್ರ ಲೆಕ್ಕ ಇದು .ಯೇಸು ಕ್ರಿಸ್ತನ ಅಮ್ಮ ಅಇಕ್ರ ಮರಿಯಳ ಯೋಸೆಪ್ಕು ಇಳೆವುಅಯಿಂಚು .ಅನೇಕೆ ಆಗ್ಯ ಕನೆಲ್ ಅಗ್ರಕಿಂತ ಮುನ್ನಿ ಅದು ಪವಿತ್ರಾತ್ಮನ ಶಕ್ತಿಯಿಂಡು ಸೇರ್ನಿಡ್ರಿ ಯಿಂಚು 19 ಅಪೋದು ಅತ್ಗು ಮನಗುಅಗ್ಬೇಕಹಿಂದ ಯೋಸೆಪು ದವ್ರ ಅಜ್ಞೆಕು ವೀದೇಯಅಯಿಕ್ರ ಮನುಷ್ಯ ಅಯಿಂಚು ಅತ್ರಿಂಡು ಅತ್ತತ್ತೆಯ ಕನೇಲು ಅಗ್ಮದಿಂಡು ಅಡ್ಗೋಯಿಂಚು ಅನೇಕೆ ಅತತ್ತೆಯ ಮಂದಿ ಮುನ್ಕುನಾಚಿಕೆ ಪಡ್ಸುದಂಚು ಇಂದ್ಗೊಂಡ್ಸು ಅತತ್ತೆಯ ಎತ್ಗು ಸೋಂದೆ ಊಟೋದ್ರುದು ಅಂಡ್ಗೋಡಿ0ಚು ,ಇನ್ಗೆ ಅದು ಚಿಂತುಸೈರಪೋದು ಅತ್ರ ಕೆನವ್ಕೊರು ದೆವದೂತುನು ಕಂಡ್ಸು ದೇವದುತು ಇನ್ಗು ಸೋನ್ಸು. ^{20 21} 20 ದಾವೀದನ ವಂಶತದ ಯೋಸೆಪು ಮರಿಯಳ ಕನೇಲು ಅಗ್ರುಕು ಬಿಥ್ಗುಮನ ಅದು ಸೇರ್ನಿಡ್ರಿಕ್ರದು ಪವಿತ್ರಾತ್ಮನ ಶಕ್ತಿಯಿಂಡು. 21 ಅದು ಒಂಡು ಮವ್ವು ಪಕ್ಯಕು ನೀನು ಅತ್ಗು ಯೇಸು ಇಂಡು ಪೆರು ಅಕಿರ್ದು ,ಯಂತ್ಗು ಇಂಡೆಕೆ ಅದೇ ಜನ್ರ ಪಾಪುಗಲಿಂಡು ಬಿಡಿಸ್ರದು. ^{22 23} 22 ಪರ್ಗ್ಲಿ ಪ್ರವಾದಿಯನಯೆಶಯನು ಸೊನ್ನ ಒಕು ನಡ್ಕ್ರತ್ಗಯಿ ಇದದ್ದಿ ಅಸು, ಯೆಶಯ ಸೋನದು ಯಂದದೂ ಅಂದೇಕೆ 23ಕೊರಂಗೋ ಒಂಡು ಕನಿಕೆ ಸೇರ್ನಿಟ್ರು ಮಾವ್ನತೆಯ ಪೆಕ್ಯದು ಅತ್ಗು ಇಮ್ಮಾನುವೇಲ್ ಇಂಡು ಅಕ್ಯಕು ಈ ಪೆರಿನ ಅರ್ತು ದವ್ರು ನಗ್ಲೆಂಟಿ ಇದೂ. ^{24 25} 24 ಅಪೋದು ಯೋಸೆಪು ಬುದ್ಗೊಂಡು ಅದಿಂದಪೋದು,ಕರ್ತನ ದೂತು ಅಪ್ಪಣೆ ಕುಡ್ತ್ಗನಿ ಮರಿಯಳತೆಯಿ ಅತ್ರ ಪಂಡಾಯಿ ಸೇನ್ದ್ಗೊಂಸು ಅನೇಕೆ ಆ ಮವ್ವು ಪರಕ್ರುತನಕ ಅದು ಅತ್ತತ್ತೆಯ ಕುಡ್ಲ ,ಪರ್ದಪೋದು ಯೋಸೆಪು ಮಾವ್ಕು ಯೇಸು ಅಂಡು ಪೆರಚುಸು.