^{1 2 3} 1 ಆದಿಕೊರು ವಾಕ್ಯಯಿಂಚು .ಆ ವಾಕ್ಯ ದವ್ರಂಚ್ಲಿ ಇಂಚು ಮತ್ತೆ ಆ ವಾಕ್ಯ ದವ್ರಯಿಂಚು. 2 ಸೃಷ್ಟಿ ಆಗ್ರುಕಿಂತ್ತ ಮುನ್ನೆ ಅದು ದವ್ರಂಚ್ಲಿ ಇಂಚು. 3 ಅದ್ದಿ ಸೃಷ್ಟಿ ಸೈರುಕಾಯಿ ಅದು ಒಂಡೇ ದವ್ರ ಅಜ್ಞೆಯತ್ತೆಯ ಸೆಂಚ, ಅಂಬೋ ಸೃಷ್ಟಿ ಸೇಂದ ಅದ್ದಿ ಅದು ಇಲ್ದೆ ಒಂಡು ಆಗುಲ್ಲ. ^{4 5} 4 ಅತಂಚ್ಲಿ ಜೀವಯಿಂಚು ;ಆ ಜೀವ ಮನ್ಸುರ್ಕು ವಲ್ಕಯಿಂಚು . 5 ಆ ಒಲ್ಕು ಕತ್ಲುಕೊರು ಪ್ರಕಾಸುಸಾಕು ;ಕತ್ಲು ಅತ್ತತೆಯ ಮುಚೋಡ್ಲ. ^{6 7 8} 6 ದವ್ರ ಆಂಪ್ನ ಒಂಡು ಮನ್ಸು ವಂಚು, ಅತ್ರು ಪೇರು ಯೋಹಾನ ,ಈ ಯೋಹಾನು ಸಾಕ್ಷಿಕಾಯಿ ವಂಚು. 7 ಆ ವಲ್ಕ್ತು ವಿಷಯವಾಯಿ ಸಾಕ್ಷಿ ಸೋನ್ದ್ರುಕು ವಂಚು. ಅದು ಸೊಂಡ್ರದು ಸತ್ಯವಯಿಂಚು ಮತ್ತೆ ಅದು ಸೊಂಡ್ರದು ಅದ್ದಿ ನಂಬ್ರು ತರ ಸೋನ್ಸು. 8 ಯೋಹಾನ ಆ ವಲ್ಕಲ್ಲ, ಅನೇಕೆ ಆ ವಲ್ಕುತ್ ಬಗ್ಗೆ ಸೊಂಡ್ರುಕು ವಂದಿಂದಾದು. ⁹ 9 ಕರನ್ಕೆ ಈ ವಲ್ಕು ಅದ್ದಿ ಮೇನಿ ಪ್ರಕಾಸುಸಕು ಮತ್ತೆ ಆ ವಲ್ಕು ಈ ಲೋಕುತ್ಗು ವರದೈಂಚು. ^{10 11} 10 ಆ ವಾಕ್ಯ ಈ ಲೋಕುತ್ಗೊರು ಇಂಚು ಅದೇ ಈ ಲೋಕುತತ್ತೆಯ ಸೆಂಚು ಆ ಲೋಕುತ್ಗೊರು ಎತ್ಗು ಅದು ಗೋತಗ್ಲ. 11 ಅದು ತಾನೇ ಈ ಲೋಕುತ್ಗು ವಂಚು ಮತ್ತೆ ಅತ್ರ ಸ್ವಂತ ಜಂನ್ಡ್ರಣ ಯೋಹೊದ್ಯರು ಅತ್ತತೆಯ ತಿಳಿಲ್ಲ. ^{12 13} 12 ಅನೇಕೆ ಅನೇಕೆ ಎದು ಅತತ್ತೆಯ ಆಲ್ತ ಜಿವುನ್ಕೊರು ಸ್ವಿಕಾರ ಸೆನ್ಚ್ನೋ ಮತ್ತೆ ಅತ್ ಮೇನಿ ನಂಬಿಕೆ ಅಚುಸ್ನೋ, ಐಲ್ಕಿ ದವ್ರ ಮಕ್ಯ ಆಗ್ರಾ ಅದಿಕಾರಿ ಕುಡ್ಚು. 13 ಆ ಮಕಿಗ್ಯ ದವ್ರಿಂಡು ಪರ್ದ, ಗ್ಯ ಐಗ್ಯ ಸಾಮಾನ್ಯ ಮನ್ಸೂಕು ಪರ್ ದಿಕ್ರು ತರ ಮನ್ಸುಂತ ಆಸೆ ಅಗೋಟು ಮತ್ತೆ ಮನಾಗು ಅವೂ ಆಗ್ರಾ ಆಯ್ಕೆ ಯಗೋಟು ಇಲ್ಲ. ಇಪೋದು ಆ ವಾಕ್ಯ ನಿಜ ಅನಾ ಮನ್ಆಯಿ ನಂಗ ಸ್ವಲ್ಪು ಕಾಲು ಜೀವಿಸ್ರು ತರ ಇಟಿ ಜೀವಿಸುಸು. ^{14 15} 14 ತಂದೆ ಒಂಡೇ ಮಾವ್ನ ಸ್ವಬಾವತ್ತೆಯ .ಅತ್ರ ನಡವಳಿಕೆಯಾತ್ತೆಯ ನಂಗ ಪಾತಿರೋ .ದವ್ರ ನಂಬಿಕೆ ಇಕ್ರ ಪ್ರೀತಿಯತ್ತೆಯ ನಂಗ್ಲುಕು ಕಾಟಿ ಮತ್ತೆ ಅತ್ರ ಸತ್ಯತ್ತೆಯ ನಂಗ್ಲುಕು ಕೆಪ್ಪಿಚ್ಚಿದೂ , 15 ಒಂಡು ನಾಲು ಸ್ನಾನಿಕ ಅನಾ ಯೋಹಾನ ಆ ವಾಕ್ಯತ ವಿಷಯವಾಯಿ ಮಂದಿಲ್ಕಿ ಸೊಂಡ್ರಪೋದು ಯೇಸು ಅತಂಚ್ಗು ವಂಚು ,ಯೋಹಾನ ಸುತ್ತ ಇಂದ ಮಂದಿಲ್ಕಿ ಜೋರಾಯಿ ಕೂಗಿ ,ನಟ ಪರ್ಗ್ಲಿ ಒಂಡು ವಾರಕು ಇಂಡು ನಾನು ನಿಂಗ್ಲುಕು ಸೋನ್ನಿರೆ ,ಅದು ನನ್ಕಿಂತ ಬೇರಾದು .ನನ್ಕಿಂತ ಮುನ್ನಿ ಪರ್ ದಿಕ್ರದು ,ಆ ಮನುಷ್ಯ ಇಟ್ಟಿ ಇದೂ !ಈ ಮನುಷ್ಯನ ಕುರಿತು ವಸೇತ್ತಯಿಂದೆ !” ^{16 17 18} 16 ಅದು ಸೇಂದ ಅನುಕೂಲ ಕಾಯಿ ನಂಗ ಅದ್ದಿ ಅನುಕೂಲತ್ತೆಯಿ ಹೊಂದಿಗೊಂಡ್ರೋ ಮತ್ತೆ ಮತ್ತೆ ನಂಗ್ಲುಕು ದಯೆಯತ್ತೆಯ ಕಾಟಿದೂ, 17 ಮೋಶೆ ಯೆಹೋದ್ಯರ್ಕು ದವ್ರ ಧರ್ಮ ಶಾಸ್ತ್ರತ್ತೆಯ ಸಾರುಸು. ಯೇಸು ಕ್ರಿಸ್ತನು ದವ್ರ ವಿಷಯತ್ತ ಸತ್ಯತ್ತೆಯ ನಂಗ್ಲುಕು ಉದರವಾಯಿ ಕೆಪ್ಪಿಚ್ಚಿದು, 18 ಎದೂ ಎಂದು ದವ್ರತ್ತೇಯ ಪಾತಿಲ್ಲ, ಅನೇಕೆ ದವ್ರ ಒಂಡೇ ಮಾವ್ವು, ಹೇದೂ ಅವ್ಕು ಎಪೋದು ಅತ್ರ ಇಕ್ಯಾಕೋ ಅತ್ತತ್ತೆಯ ತಿಳೀರ ತರ ಸೆಂಚು. ^{19 20 21} 19 ಅತ್ತೆ ಯೋಹಾನು ತಟ ಸಾಕ್ಷಿಯತ್ತೆಯ ಕುಡುಚ್ಚು: ಯೆಹೊದ್ಯರು ಯೆರುಸಲೆಮುತಿಂಡು ಅಮ್ಪ್ನ ಯಾಜಕರು ಮತ್ತೆ ಲೇವಿಯರು: ಯೋಹಾನನತ್ತೆಯ. ”ನೀನು ಏದು ?”ಇಂಡು ಕೊಕುರ್ಕು ವಂಚ್ನು. 20 ಅಪೋದು ಯೋಹಾನ ಅಲ್ಕಿ “ನಾನು ಕ್ರಿಸ್ತ ನಲ್ಲ !”ಇಂಡು ಸೋನ್ಸು. 21 ಅನ್ಬೇಸಲಿ ಐಗ್ಯ “ನಿಟ ಬಗ್ಗೆ ನೀನು ಎಂದ ಸೋನ್ನರ ?ನೀನು ಎಲಿಯನೋ? ’ಇಂಡು ಕೊಟುಸ್ನು .ಅದು “ಇಲ್ಲ" ಇಂಡ್ಸು. ಐಗ್ಯ ಮತ್ತೆ ವರಬೇಕಾಯಿಂದ ಪ್ರವಾದಿನ ಇಂಡು ಕೊಟತ್ಗು. ಯೋಹಾನ ಇಲ್ಲ ಇಂಡು ಉತ್ತರ ಕುಡುಚ್ಚು. ^{22 23} 22 ಇನೊಂಡ್ರಕ ಅತತ್ತೆಯ ಕೊಟುಸ್ನು ನೀನು ಎದೂ ಇಂಡು ಸೋನ್ಗ್ಯರ ?ನಂಗ್ಲುಕು ಸೋನ್ನು ಪರ್ದಿರ್ಗಿ ಹೋಯಿ ನಂಗ್ಲತ್ತೆಯ ಅಮ್ ಪಿಕ್ರಲ್ಕಿ ನಂಗ ಸೊಂಡ್ರುದು. ನಿಟಾ ವಿಷಯ ವಾಯಿ ಎಂದ ಸೋನಾರ ? 23 ಪ್ರವಾದಿ ಅನಾ ಯೆಶಾಯ ವರ್ಜ ತರನೆ ಸೋನ್ಸು. "ನನ್ನೊಂಡೆ ಕಾಡುಕೋರು ಕೂಗ್ತಾಯಿಂದೇ". ನಂಗ್ಲಚ್ಗು ಕರ್ತನು ವರು ತರ ದಾರಿಯತ್ತೆಯ ಸರಿಯಾಯಿ ಸೈಯಂಗೋ. ^{24 25} 24 ಯೋಹಾನನಂಚ್ಗು ವಂದಗ್ಯ ಫರಿಸಾಯರ್ ಐಜಲ್ಯಗ್ಯ. 25 ನೀನು ಕ್ರಿಸ್ತನು ಅಲ್ಲ. ಎಲೀಯನು ಅಲ್ಲ, ಪ್ರವಾದಿನು ಅಲ್ಲ ,ಮತ್ತೆ ನೀನು ಯಂತ್ಗು ದೀಕ್ಷಾಸ್ನಾನ ಸೈಯಾರ. ^{26 27 28} 26 ಯೋಹಾನನು ನಾನು ತನ್ನಿಂಡು ದೀಕ್ಷಾ ಸ್ನಾನ ಸೈಯಾರೆ, ಅನೇಕೆ ನಿಂಗ ತಿಳುಜುಗ್ದೆ ಇಕ್ರ ಒಂಡು ನಿಟ ಮದ್ಯ ಕೋರು ನಿ೦ಡ್ರಿದೂ, 27 ಅದು ನಟ ಪರ್ಗ್ಲಿ ವಾರಕ್ಕೂ. ಅನೇಕೆ ಅತ್ರ ಸೇರ್ ಪತ್ತೆಯ ವಂಗೃಕು ಯೋಗ್ಯನಲ್ಲ. 28 ಇದದ್ದಿ ಯೋರ್ದನ್ ನದಿಯಾ ಪೂರ್ವ ದಿಕುಕ್ಕೂ ಇಕ್ರ ಬೇಥಾನ್ಯಕೊರು ಅಸೂ, ಯೋಹಾನನು ದಿಕ್ಷಾಸ್ನಾನ ಕುಡುಕ್ತ ಇಂದ ಜಾಗು. ^{29 30 31} 29 ತಿರ್ತಜಲ್ಲಿ ಯೋಹಾನ ತಟ ಜಾಯಿ ವರ್ತಯಿಕ್ರ ಯೇಸು ಆತ್ತೆಯಪಾತು, ಪರಂಗೋ! ದವ್ರ ಕುರ್ಬಡೂ, ಲೋಕ್ತ ಪಾಪತ್ತೆಯ ನಿವಾರಣೆ ಸೈರುಕಾಯಿ ತಟ ಪ್ರಾಣತ್ತೆಯ ಯಜ್ಞವಾಯಿ ಅರ್ಪಿಸಕು ಇಂಡು ಸೋನ್ಸು. 30 ನಾನು ಸೋನ್ನ ಒಂಡೇ ಇದೈದ್ದು ,ನನ್ನ ಅನ್ಬೇಸಲಿ ವಾರಾಕು ನನ್ಕಿಂತ್ತ ಯೋಗ್ಯ ಆಯಿದೂ, ಯಂತ್ಗು ಇಂಡೆಕ್ಯ ಅದು ನಾನ್ಕಿಂತ ಮುನ್ನೆ ಪೂರ್ವ ಕಾಲುತ್ಗೊರುನಾನು ಪರ್ಕುರ್ಕ್ಕಿಂತ ಮುನ್ನೆ ಇಕ್ರದು. 31 ಮುನ್ನಿ ನಾನ್ಕು ಗೋತಿಕ್ಲ ,ಅನೇಕೆ ಇಪೋದು ಅದು ಎದು ಗೊತ್ತಸ್ಸು, ತಂಗ್ಲ ಪಾಪತ್ಗಾಯಿ ಪ್ರಾಯಚ್ಚಿತ್ತ ಪಟ್ಟು ತಿರಿಗೊಂಡ ಮಂದಿಲ್ಕಿ ದಿಕ್ಷಾಸ್ನಾನ ಕುಡುಕ್ರದೂ ಮತ್ತೆ ಅತ್ತತ್ತೆಯ ಇಸ್ರಾಯೇಲ್ಯರು ತಿಳಿಯಪಡುಸ್ರಾದೆ ನಟ ಪನ್ನಿ ^{32 33 34} 32 ಯೋಹಾನ ಪಾತಿಕ್ರತ್ತ ನಂಗ್ಲುಕು ಸೊಂಡ್ರದೆ ಅತ್ರ ಪನ್ನಿ, ಅದು ಹಿನ್ಗೆ ಸೋನ್ಸು ದೇವರಾತ್ಮ ಪಾರಿವಾಳ ತರ ಆಕಾಶತಿಂಡು ಇಗಿರಾತ್ತ ಪಾತಿರೆ, ಆತ್ಮನು ತಾರ್ಕಿ ಇಗಿಜು ಯೇಸು ಮೆನೀ ನಿ೦ಡ್ರುಗೊಂಡಿ೦ಚು, 33 ನಾನು ಮುನ್ನೆ ಅತ್ತತ್ತೆಯ ತಿಳ್ಜಿಕ್ಲ, ಅನೇಕೆ ತಂಗ್ಲ ಪಾಪ್ತ ಎಕ್ಕಿಂಡು ತಿರಿಗೊಂಡು ಮಂದಿಲ್ಕಿ ತನ್ನಿಂಡು ದಿಕ್ಷಾಸ್ನಾನ ಕುಡುಕ್ರದಾಯಿ ದವ್ರು ನನ್ನತ್ತೆಯ ಅಂಪಿದ್ದು, ಎ ಮನುಷ್ಯ ಮೆನ್ನಿ ನಟ ಆತ್ಮ ಇಗಿಜು ವಂದು ಆಟೇ ಇಕ್ರತ್ತ ಪಾಕರಯೋ ಅದೇ ನಿಂಗ್ಲದೆರ್ಕು ಪವಿತ್ರಾತ್ಮನ ದಿಕ್ಷಾಸ್ನಾನ ಸೈಯಾಕು. 34 ನಾನು ಅತ್ತ ಪಾತು ದವ್ರ ಮೋವೆಂದು ಸಾಕ್ಷಿ ಕೂಡ್ತಿರೆ. ^{35 36} 35 ತಿರ್ತಾಜಲಿ ಸ್ನಾನಿಕ ಅನಾ ಯೋಹಾನ ಮತ್ತೆ ಅತ್ರ ರಂಡು ಶಿಷ್ಯರು ಅದೇ ಜಾಗುತ್ಗೊರು ಇಂಚ್ನು. 36 ಯೇಸು ಅಟಿ ಒಗ್ರತ ಪಾತಪೋದು, ಅದು ‘’ಪರಂಗೋ !ತಟ ಪ್ರಾಣತ್ತೆಯ ತರುಕಾಯಿ, ದವ್ರು ನೇಮಿಸ್ನ ದವ್ರ ಕುರ್ಬಡು, ಇಸ್ರಾಯೇಲ್ ಮಂದಿಗ್ಯ ತಂಗ್ಲ ಪಾಪ್ತ ಬಿಡುಗಡೆಕಾಯಿ ಕುರ್ಬಡತ್ತೆಯ ದವ್ರತ್ತೇಯ ಕೊಲಾಕ್ನು ಇಂಡ್ಸು. ^{37 38 39} 37 ಯೋಹಾನನ ರಂಡು ಶಿಷ್ಯರು, ಇತ್ತತೆಯ ಕೋಟಪೋದು ಯೋಹನತ್ತೆಯ ಉಟೋಟ್ಟು ಯೇಸು ಆತ್ತೆಯ ಹಿಂಬಾಲಿಸುಸ್ನು, 38 ಯೇಸು ಪರ್ದಿರ್ಗಿ ಐಗ್ಯ ತಟ ಪರುಗ್ಲಿ ವರತ್ತಾ ಪಾತು, ಅದು ಅಲ್ಕಿ ನಿಂಗ ಎಂತ ದೊವ್ತಯಿರಂಗ ?”ಇಂಡು ಕೋಟುಸು, ಅತ್ಗು ಆಗ್ಯ “ರಬ್ಬಿಯೇ, {ರಬ್ಬಿ ಇಂಡೆಕೆ ಗುರುವೇ ಇಂಡು ಅರ್ಥ }ನೀನು ಎಟಿ ಇಕ್ಯಾರ ಇಂಡು ಕೊಟುಸ್ನು , 39 ಅದು ‘’ನನ್ನ ಜೋತೆವಾ೦ಗೋ ನಿಂಗ ಪಕಾರಂಗ !’’ಇಂಡು ಸೋನ್ಸು ,ಐಗ್ಯ ವಂದು ಯೇಸು ಇಕ್ರ ಜಗತ್ತೆಯ ಪಾಚ್ನು ಮತ್ತೆ ತಡ ಅನಾತ್ಗು ಆ ನಾಲು ಆಟೇ ಇಂಚ್ನು ,(ಅಪೋದು ಸುಮಾರು 4 ಗಂಟೆ ಅಯಿಂಚು ). ^{40 41 42} 40 ಅತ್ತ ಹಿಂಬಲಿಸ್ನ ರಂಡು ಶಿಷ್ಯರ್ ಕೊರು ಒಂಡು ಅಂದ್ರೆಯ: ಇದು ಸಿಮೋನನ ತೆಂಬಿ. 41 ಅಂದ್ರೆಯ ಮುನ್ನೆ ಹೋಯಿ ತಟ ಅನ್ನನತ್ತೆಯ ದೊವ್ಸು .’’ಮೆಸ್ಸೀಯ ನಂಗ್ಲುಕು ಸಿಕ್ಸು ಇಂಡು ಸೋನ್ಸು ,(ಮೆಸ್ಸೀಯ ಇಂಡೆಕೆ ಕ್ರಿಸ್ತನು )!’’ 42 ಅಂದ್ರೆಯ ಸಿಮೋನನ್ನತ್ತೆಯ ಯೇಸು ವಂಚ್ಗು ಅಗುಸ್ಗೊಂಡು ವಂಚು .ಯೇಸು ಪೇತ್ರನತ್ತೆಯ ಪಾತು ,’ನೀನು ಸಿಮೋನ ,ನಿಟ ಅವೂ ಪೇರು ಯೋಹಾನ ,ನಿನ್ಕು ಕೆಫ ಇಂಗ್ರ ಪೇರು ಇದೂ .’’ಕೆಫ ಇಂಗ್ರದು ಆರಾಮಿಯ ಪೇರಾದು ಅತ್ರ ಅರ್ಥ “ದೃಡವಾದ ಬಂಡು “ (ಪೇತ್ರ ಇಂಡೆಕೆ ಗ್ರೀಕ್ ಕ್ಕೊರು ಇದೇ ಅರ್ಥು ). ^{46 47 48} 46 ನತಾನಿಯೇಲನು ಪ್ರತ್ಯುತ್ತರವಾಯಿ ,’’ನಜರೇತಿಯಿಂಡು ?ನಲ್ಲದು ಎದನ್ನ ನಜರೇತಿಂಡು ವರಾಕ? “ವಂದು ಪಾರು ,! 47 ಯೇಸುವಿನ೦ಜ್ಗು ವರ್ತಯಿಕ್ರಪೋದು ನತಾನಿಯೇಲನು ವರುಕ್ಕಿಂತ ಮುನ್ನೆ ಇದು ಕಾರನ್ಕೆ ಮತ್ತೆ ಯಥಾರ್ಥ ಇಸ್ರಾಯೇಲರು ,ಎತ್ತು ಮೋಸ ಸೈಹಿಲ್ಲ , 48 ನತಾನಿಯೇಲನು “ನಾನು ಇಂತವ್ನಿಂಡು ನಿನ್ಕು ಏನ್ಗು ಗೊತ್ತು ಇಂಡು ಕೋಟುಸು ,ಯೇಸು ಅತ್ಗು ,ಪಿಲಿಪ್ಪನೆ ನಿನ್ನತ್ತೆಯ ಅಕಿರ್ ಕ್ಕಿಂತ ಮುನ್ನೆ ನೀನು ಆ ಅಂಜೂರ ಮರ್ತ ತರುಗ್ಲಿ ನೀನು ಉಕೊಂಡಿಕ್ರಪೋದೆ ನಿನ್ನತ್ತೆಯ ಪಾತೇ ಇಂಡು ಸೋನ್ಸು". ^{49 50 51} 49 ಅಪೋದು ನತಾನಿಯೇಲನು ‘’ಗುರುವೇ ,ನೀನು ದವ್ರು ಮೊವು ಐಕ್ಯಾರ !ನಂಗ ಕಾಕ್ತಯಿಂದ ಇಸ್ರಾಯೇಲರ ಅರಸ ನಿನ್ನೆ !’’ಇಂಡ್ಸು , 50 ಅತ್ಗು ಯೇಸು ಅತ್ಗು ‘’ಆ ಅಂಜುರ್ತ ಮರ್ತ ತರುಗ್ಲಿ ನಿನ್ನತ್ತೆಯ ಪತೇಯಿಂಡು ಸೋನಾತ್ಗು ನನ್ನತ್ತೆಯ ನಂಬರ್ಯ ?ಇತ್ಕಿಂತ ಬೆರು ಕಾರ್ಯತ್ತೆಯ ಪಾಕರ ಇಂಡ್ಸು ,’’ 51 ಅಪೋದು ಯೇಸು ಅತ್ಗು ‘’ನಾನು ನಿನ್ಕು ಸತ್ಯತ್ತೆಯೇ ಸೋನ್ನಾರೆ ;ಅನೇಕೆ ಸ್ವಲ್ಪ ವಟ್ಗಲ್ ಪರುಗ್ಲಿ ಮೂಲ ಪಿತೃ ಅನಾ ಯಾಕೋಬನು ಪಾತ ದರ್ಶನತ್ ತರಾನೆ ,ಅದೇ ನಲ್ ನಿಂಗ ಪರಲೋಕ ತೆರಿರತ್ತ ಮತ್ತೆ ನಿಂಗ ದವ್ರ ದೂತ್ರು ಮನುಷ್ಯ ಕುಮಾರು ನನ್ನ ಮೇನಿ ಏರಿ ಹೋಗ್ರತ ಮತ್ತೆ ಇಗಿಜು ವರತ್ತ ಪಕಾರಂಗ ‘’.