^{1 2} 1 ಮುಡ್ನೆ ನಲ್ತುಗೋರು ಗಲಿಲಾಯತ್ಗೊರು ಕಾನಾ ಉರ್ ಕೊರು ಕನ್ನೆಲ್ ಸಂಭ್ರಮ ನಾಡುಕ್ತ ಇಂಚು. ಅಟ್ಟಿ ಯೇಸು ಅಮ್ಮ ಅಟಿಂಚು. 2 ಆ ಕನ್ನೆಲ್ಕು ಯೇಸು ಮತ್ತೆ ಅತ್ರ ಶಿಷ್ಯರತ್ತೆಯ ಕನ್ನೆಲ್ಕು ಆಗ್ಸಿಂಚ್ನು. ^{3 4 5} 3 ಐಗ್ಯ ಕಾನೆಲ್ಕು ವಂದಲ್ಕಿ ಅದ್ಯರ್ಕು ದಾಕ್ಷರಸ ಕುಡುಕ್ತ ಇಂಚ್ನು ಮತ್ತೆ ಐಲ್ಯಂಚ್ಲಿ ಇಂದ ಅದ್ದಿ ದ್ರಾಕ್ಷಾರಸ ಕಾಲಿ ಐಯೋಸು ,ಯೇಸು ಅತ್ಗಮ್ಮ ಅತ್ಗು ‘’ಐಲ್ಯಂಚ್ಲಿ ದಾಕ್ಷರಸ ಇಲ್ಲ ‘’ಇಂಡು ಸೋನ್ಸು , 4 ಯೇಸು ಅತ್ಗು ‘’ಅಮ್ಮ ,ನಟ ಗೊಡವೆ ನಿಂಕ್ಯತ್ಗು ?ನಾನು ಸೈರ ಕಾರ್ಯತ್ಗು ಆರಿಸಲ್ಪಟ್ಟ ಸಮಯ ಇನ್ನೂ ವಂದಿಲ್ಲ ‘’ಇಂಡು ಸೋನ್ಸು , 5 ಯೇಸುವಿನ ಅಮ್ಮ ತಿರ್ಗಿ ಅಟಿಕ್ರ ಪನಿ ಅಳುಲ್ಕು ,’’ಅದು ನಿಂಗ್ಲುಕು ಎಂತು ಸೋನ್ನಕೋ ಅತ್ತೆ ಸೈಯಂಗೋ ಇಂಡು ಸೋನ್ಸು ‘’ ^{6 7 8} 6 ಅಟಿ ಆರು ಖಾಲಿ ಅನಾ ಕೆಲ್ಲು ಬಾನೆಗ್ಯ ಇಂಚು .ಅಟ್ಗು ವಂದ ಅದ್ದಿ ಸಮನ್ದಿಕ್ರು ಮತ್ತೆ ಪನಿಆಳುಗ ತಂಗ್ಲ ಕಾಲು ಮತ್ತೆ ಕೈಲತ್ತೆಯ ಕೊವುರ್ಕು ಅಟಿ ತನ್ನಿ ಅಚಿಂಚ್ನು ಮತ್ತೆ ಪ್ರತಿ ಬಾನೆಕು ಅಗ್ರುಕತ್ತುಹಂಜ್ರಿಂಡು ನೂರಪದ್ನಂಜು ಲೀಟರ್ ಪುಟಿಕ್ತಯಿಂಚು , 7 ಯೇಸು ಪನಿ ಅಳುಲ್ಕು ,’’ಬಾನೆಕೋರು ತನ್ನಿ ತುಂಬಂಗೋ ಇಂಡು ಸೋನ್ಸು !ಐಗ್ಯ ಕಂಠತ್ ತಾನ್ಕ ಮೆತಡುಸುಸ್ನು . 8 ಅನ್ಬೇಸಲಿ ಅದು ಅಲ್ಕಿ ,’’ಇಪೋದು ,ಬಾನೆಕೋರು ಇಕ್ರ ತನ್ನೆತ್ತೆಯ ವಂಗಿ ಅತ್ತ ಕನ್ನೆಲು ಸೈರ ಅದಿಕಾರಿಕು ಕುಡಂಗೋ ಇಂಡು ಸೋನ್ಸು ‘’ಅದೇ ತರ ಪನಿಆಳ್ಗ ಸೇ೦ಚ್ನು. ^{9 10} 9 ಕನ್ನೆಲು ಸೈರ ಅದಿಕಾರಿ ಅಪೋದು ತಾನೇ ದಾಕ್ಷರಸವಾಯಿ ಮಾರ್ಪಟ್ನ ತನ್ನೆತ್ತೆಯ ರುಚಿ ಪಾಚು ,ದ್ರಾಕ್ಷಾರಸ ಎಟಿ೦ಡು ವಂಚೋ ಇಂಡು ಅತ್ಗು ತಿಳ್ಜಿಕ್ಲ ,ಅದು ಪನಿ ಅಳುಲ್ಕು ಮಾತ್ರ ತಿಳ್ಜಿಂಚು ,ಅತಿಂಡು ತಾನೇ ಮದಲಿಂಗ ಇಂಡು ಅಗ್ಸುಸ್ನು , 10 ಅದ್ದಿ ಉತ್ತಮ ಅನಾ ದ್ರಾಕ್ಷಾರಸತ್ತೆಯ ಮುನ್ನಿ ವಡಿ೦ಚ್ಚಿ ಅನ್ಬೇಸಲಿ ಸಂಬಂದಿಕ್ರಗ್ಯ ಸೇನ ಕುಡ್ಸು ಉತ್ತಮ ವಹಿಕ್ರತ ಮುಗ್ಜನಪೋದು ,ಚಿನ್ನತ್ತ ತರಾಕ್ನು ,ಅನೇಕೆ ನಿಂಗ ಉತ್ತಮ ವಾಹಿಕ್ರತ್ತ ಇನ್ನೂ ಅಚ್ಗೊಂಡಿರಂಗ ‘’.ಇಂಡ್ಸು. ¹¹ 11 ಯೇಸು ಸೇಂದ ಒಂಡನೇ ಅದ್ಬುತಕಾರ್ಯ ವಯಿಂಚು, ಯೇಸುಆತ್ತೆಯ ಕುರಿತು ಸತ್ಯವನು ಕಾಟ್ಸು, ಅದು ಇತ್ತ ಗಲಿಲಾಯ ಪ್ರಾಂತ್ಯಾತ ಕಾನಾ ಉರ್ಕೊರು ಸೆಂಚು, ಅದು ಇನ್ನೂ ಆಶ್ಚರ್ಯ ಕಾರ್ಯತ್ತೆಯ ಕಾಟ್ಸು. ಅತಿಂಡು ಶಿಷ್ಯರು ಅತ್ಮೆನಿ ನಂಬಿಕೆ ಅಚುಸ್ನು. ¹² 12 ಇದನ್ಬೇಸಲಿ ಯೇಸು ಮತ್ತೆ ಅತ್ಗಮ್ಮ ಮತ್ತೆ ತೆಂಬಿ ,ಅತ್ರ ಶಿಷ್ಯರು ಜೊತೆ ಕಪೆರ್ನೌಮ್ ಪಟ್ಟನತ್ಗು ಇಗಿಜು ಹೋಯಿ ಆಟೇ ಸ್ವಲ್ಪ ನಾಲು ಇಂಚ್ನು. ^{13 14} 13 ಅಪೋದು ಯೆಹೊದ್ಯರ ಪಸ್ಕ ಆಚರಣೆ ಕಿಟ್ಗು ವಂದತ್ಗು ಯೇಸು ಮತ್ತೆ ಅತ್ರ ಶಿಷ್ಯರು ಯೆರುಸಲೇಮ್ಕು ಹೊಸ್ನು . 14 ಅಟಿ ದವ್ರು ಆಲಯತ್ಗೊರು ಮಾಡು ,ಕುರ್ಬಡು ,ಪಾರಿವಾಳ ಇಕ್ರ ಮಂದಿಲ್ಯತ್ತೆಯ ಪಾಚು ,ದೇವಾಲಯತುಲ್ಲಿ ಪ್ರಾಣಿಲ್ಲತ್ತೆಯ ಇಕ್ತಯಿಂಚ್ನು .ಮತ್ತೆ ಮೇಜುಮೇನಿ ಉಕೊಂಡು ದೇವಾಲಯತ ದುಡ್ಲತ್ತೆಯ ಇಕ್ತಯಿಕ್ರತ್ತ ಪಾಚು. ^{15 16} 15 ಯೇಸು ಚರ್ಮತ ಹಗ್ಗತ್ತೆಯ ಕೊರಡೆ ಸೆಂದು ಅತಿಂಡು ಕುರ್ಬಡು ,ಮಾಡು ಅದ್ದಿ ದೇವಾಲಯತಿಂಡು ಬೈಲ್ಕಿ ಹೋಟ್ಸು ,ಅದು ದುಡ್ಲ ಬದ್ಲಯಿಸ್ರ ಮೇಜುಲ್ಲತ್ತೆಯ ತಿರ್ಗಿ ಪಾತು ,ಐಲ್ತ ನಾಣ್ಯತ್ತೆಯ ನೆಲ್ತ್ಗು ಸೇಲ್ಯೋಡ್ಸು . 16 ಪಾರಿವಾಳ ಇಕ್ರಲ್ಕಿ ‘’ಪರಿವಾಳತ್ತೆಯ ಇಟಿಂಡು ಅತ್ಗೊಂಡು ಹೊಂಗೋ !ನಟ ಅವ್ತ ಉಡತ್ತೆಯ ವ್ಯಾಪಾರ ಜಾಗಾಯಿ ಸೈಮಾನಂಗ ಇಂಡು ಆಜ್ಞಾಪಣೆ ಸೆಂಚು. ^{17 18 19} 17 ಅಪೋದು ಶಿಷ್ಯರ್ಕು ಸುಮಾರು ನಾಲು ಪರುಗ್ಲಿ ಒಂಡು ವ್ಯಕ್ತಿ ವರ್ಜ ‘’ನಿನ್ನ ಆಲಯತ್ತೆಯ ಸೇನ ಪ್ರೀತಿಸಿರೇ ,ಓ ದವ್ರೆ ಅತ್ಗಾಯಿ ನಾನು ಸಕ್ರೆ .’’ಇಂಗ್ರ ವಾಕ್ಯ ನೆನ್ಪುಗು ವಂಚು . 18 ಯೆಹೊದ್ಯ ನಾಯಕ್ರು ಅತ್ತತ್ತೆಯ ನೀನು ಸೈರ ಕಾರ್ಯಲತ್ತೆಯ ಸೈರುಕು ನಿನ್ಕು ದವ್ರಿಂಡು ಅಪ್ಪಣೆ ಇದುಯಿಂಡು ಕಾಂಗಕು ನಿನ್ನಂಚ್ಲಿ ಹೇದಾನ ಅದ್ಬುತತ್ತೆಯ ನಂಗ್ಲುಕು ಕಟಾರ್ಯ ?ಇಂಡು ಕೊಟುಸ್ನು 19 ಅತ್ಗು ಯೇಸು ಅಲ್ಕಿ ‘’ಈ ದೇವಾಲಯಾತ ಬೂಡಿಚೋಡಂಗೋ ಮತ್ತೆ ನಾನು ಮೂಡು ನಾಲ್ತುಗೋರು ತಿರ್ಗಿ ಕಟ್ಟರೇ ಇಂಡ್ಸು. ^{20 21 22} 20 ‘’ನೀನು ಅದ್ದಿ ದೇವಾಲಯಾತ ಬರಿ ಮೂಡುನಲ್ತ್ಗೊರು ಕಟ್ಟರ್ಯ ?’’ಇಂಡು ಐಗ್ಯ ಕೊಟುಸ್ನು .’’ಇತ್ತ ಕತ್ರುಕ್ಕು ನಲ್ದ್ರುಕಪೋತು ವಟ್ಗಲು ಪುಟ್ಸುಸು . 21 ಹೇನ್ಗೂ ,ಅದು ದೇವಾಲಯಾತ ಇಂಡೆಕೆ ತಟ ಸ್ವಂತ ವಡುಮ್ತು ವಿಷಯವಾಯಿ ವಸೇತ್ಸು ,ದೇವಾಲಯಾತ ಕಟ್ಟಡುತ್ ಬಗ್ಗೆ ಅಲ್ಲ , 22 ಅನ್ಬೇಸಲಿ ,ಯೇಸು ಸೇತನ್ ಬೇಸಾಲಿ ಮತ್ತೆ ದವ್ರು ಅತ ಬದುಕ್ಸುಸು ,ಅದು ದೇವಾಲಯಾತ ಕುರ್ತು ಸೋನ್ನ ಹೋಕು ನೆಂಪ್ಗು ವಂಚು ,ಐಗ್ಯ ವಾಕ್ಯತ್ಗೊರಿಕ್ರ ಮತ್ತೆ ಯೇಸು ಸೋನ್ನ ಒಕತ್ತೆಯ ನಂಬ್ರಗಸ್ನು. ^{23 24 25} 23 ಯೇಸು ಪಸ್ಕ ಪಂಡುಗ್ಲುಕೊರು ಯೆರೂಸಲೇಮ್ಕೊರಿಕ್ರ ಪೋದು ,ಅದು ಸೇಂದ ಅದ್ಬುತಲೇತ್ತೆಯ ಪಾತು ಅತ್ಮೆನಿ ನಂಬಿಕೆ ಅಚ್ಚುಸ್ನು . 24 ಅನೇಕು ಮಂದಿಗ್ಯ ಎ೦ದ ಇಂಗ್ರದು ಯೇಸುಕೂ ಗೊತ್ತಿಂಚು ,ಮತ್ತೆ ಐಲ್ ಬಗ್ಗೆ ಸೇನ ಗೊತ್ತಿಂಚು ,ಅದು ಅಲ್ಯತ್ತೆಯ ನಂಬುಲ್ಲ , 25 ಐಗ್ಯ ಏನ್ಗು ಇಕ್ರ ಮಂದಿಗ್ಯ ಇಂಡು ಸೊಂಡ್ರುಕು ಮನುಷ್ಯ ಅವಶ್ಯಕಇಕ್ಕಿಲ್ಲ .ಐಲ್ ಬಗ್ಗೆ ಅತ್ಗು ಅದ್ದಿ ಗೊತ್ತಿಂಚು.