ಅದ್ಯಾಯ 13
1
2
1 ನಾನು ನಿಗ್ಲೆಂಚುಗು ವಂದದು ಮುಡ್ನೆರಕ . ರಂಡಳು ಮೂಡಲ್ತ ಸಾಕ್ಷಿಯ ವಯಿಂಡು ಪ್ರತಿಯೊಂಡು ಓಕು ಸ್ಥಪಾನೆಯಾಗುರ್ದು .
2 ನಾನು ರಂದು ಸರಿ ನಿಗ್ಲಂಚಿ ಇಕ್ರಪೋದು – ನಾನು ತಿರ್ಗಿ ವನ್ದೇಕೆ ನಿಗ್ಗುಲ್ನ ಶಿಕ್ಷಿಸ್ದೆ ಹೊಡುಮಾಟೆಯಿಂಡು ಹೆಂಗು ಸೋನೆನೋ ಹಾಂಗೆ ಇಪೋದು ಪೂರ್ವತ್ತ ಪಾಪಕ್ರುತೆಲ್ಯ ಇನ್ನು ನಡುಸಾರ್ಲ್ಕಿ ಮಿಕಿಕ್ರಲದೆರ್ಕು ನಾನು ವರ್ಯಾರೆ.
3
4
3 ಕ್ರಿಸ್ತನ್ಕುರು ಇಂದು ವಾಸೆತರೆಯಿಂಡು ನಿಂಗ ಪ್ರಮಾಮಣನ್ನ ಹುದುಕ್ತಯಿರಂಗ ಅದು ನಿಗ್ಟ ವಿಷಯಾತ್ಕುರು ಬಲಹೀನಹಗ್ದೆ ನಿಂಗುಲ್ಕುರು ಬಲಿಷ್ಟವಾಗ್ದು .
4 ಬಲಹಿತೆಯಿಂಡು ಅತ್ತ ಶಿಲುಬೇಕು ಹೊಟಪೋದು ದೌರ್ ಬಲತಿಂಡು ಇನ್ನು ಜೀವಿಸಕು ; ನಂಗುಲು ಅತೆಂಟಿ ಬಲಹಿನರಾಯಿರೋ, ಅನೇಕು ನಂಗ ನಿಂಗುಲ್ಕೊಸ್ಕರ ದೌರ್ ಬಲತಿಂಡು ಅತೀಂಟಿ ಜೀವಿಸರೋ.
5
6
5 ನಂಬಿಕೆಕುರು ನಿಂಗ ಇರಂಗ್ಲೋ ಎಂದೋ ಗೊತ್ತಿಲ ನಿಗುಲ್ನ ನಿಂಗೆ ಪರೀಕ್ಷೆ ಸೇದ್ಗೊಂಗೋ ; ನಿಂಗುಲ್ನ ನಿಂಗೆ ಪರಿಶೋದ್ದಿಸ್ಗೊಂಗೋ ; ನಿಂಗ ಭ್ರಷ್ಟರಲ್ಗುಂತಿನ್ದೇಕೆ ಯೇಸು ಕ್ರಿಸ್ತನು ನಿಂಗುಲ್ಕುರುಯಿದುಯಿಂಡು ನಿಗ್ಲಷ್ಟತ್ಗು ನಿಗ್ಲೆ ತಿಳಿಜ್ಮಟಾ೦ಗ್ಲ ?
6 ಆನೇಕೆ ನಗುಲಂತೂ ಭ್ರಷ್ಟರಲ್ಲಯಿಂಡು ನಿಂಗುಲ್ಕು ಗೊತ್ತಗುರ್ದುಯಿಂಡು ನಾನು ಭಾರವಾಸವುಳ್ಳವಾನಯಿರೆ.
7
8
7 ನಿಂಗ ಕೊಟತ್ಯ ಸೈಬರ್ದುಯಿಂಡು ನಾನು ದೌರ್ ನ ಪ್ರರ್ಥಿಸಾರೆ ; ಇತ್ಕುರು ನಾನು ಯೋಗ್ಯರಾಯಿ ಕಂಗುರ್ದುಯಿಂಡಲ್ಲ ,ನಾಂಗ ಬ್ರಷ್ಟರೆನ್ಸ್ಗೊಂಡಿನ್ದೆಕು ನಿಂಗ ನಾಲ್ಲತ ಸೈರಲಗುರ್ದು .
8 ಸತ್ಯತ್ಗು ವಿರುದ್ದವಾಯಿ ನಂಗ್ಲು ಯೆಂತು ಸೈದೆ ಸತ್ಯತ್ಕಾಯಿ ಸೈಯಾರೊ.
9
10
9 ನಾಂಗ ಬಲಹಿನರಯಿಂದೆಕು ನಿಂಗ ಬಲಿಷ್ಟರಾಯಿಕ್ರತಿಂಡು ಸಂತೋಷಪಡರೋ .ಇದಲ್ಲದೆ ನಿಂಗ ಪರಿಪೋರ್ಣವಾಗೂರ್ದುಯಿಂಡು ನಟ್ಟು ಇಷ್ಟ.
10 ಇತ್ಕಾಯಿ ನಾನು ನಿನ್ಗುಲ್ಕುರುಯಿಕ್ರಪೋದು ಈ ಒಕುನ್ನ ವರ್ಜೆ ; ನಿಂಗುಲ್ನ ಬುಗ್ಟುರ್ದುಯಿಂಡಲ್ಲ, ಕಟ್ಟುರ್ಕಾಯಿ ದೌರು ನಂಕು ಕೊಟ್ತಿಕ್ರ ಅದಿಕಾರತ ಪ್ರಯೋಗತ್ಕುರು ನಿಂಗುಲನ್ಚುಗು ವಂದಪೋದು ಕಾಠಿಣ್ಯಕಾಟುರ್ಕು ಅವಕಾಶಯಿಕ್ಬಾರ್ದುಯಿಂಡು ನಾನಿಷ್ಟ.
11
12
11 ಕೊನೆ ಒಕುಯೇನ್ದಯಿಂಡೆಕೆ , ನಿಂಗುಲ್ಕು ಶುಭಾವಗೋಟು . ಸಂಪೂರ್ಣವಯಿರೊಂಗೋ ,ಅದರ್ಣೆಯುಳರಾಯಿ , ವಂದೇ ಮನಸ್ಸುವುಲ್ಲವರಯಿ , ಸಮಾದನತ್ಕುರು ಜೀವಿಸೊಂಗೋ; ಅಪೋದು ಪ್ರಿತಿಯುಳ್ಳ ದೌರು ನಿಂಗ್ಲೆಂಟಿ ಇಕ್ಕು .
12 ಪವಿತ್ರವನ ಮುತ್ತುಕುಡ್ತು ವಂಡಲ್ನ್ ವಂಡಲು ವನ್ದಿಸಂಗೋ.
13
14
13 ಪರಿಶುದ್ದರದೆರು ನಿಂಗುಲ್ಕು ವಂದನೆ ಸೋನಕ್ನು
14 ಕರ್ತನಾನ ಯೇಸುಕ್ರಿಸ್ತನ ಕೃಪೆ ದೌರ್ ಪ್ರೀತಿ ಪವಿತ್ರಾತ್ಮನ ಅನ್ಯೋನ್ಯತೆ ನಿಗ್ಲದೆರಂಟೆ ಇಕೊಟ್ಟು . ಆಮೇನ್ .