^{1 2} 1 ಹೆಚ್ಚಳ ಪಡ್ರದು ಹೆಂಗು ನಾಲ್ಲದಿಲ್ ಡುಂಟಿಕು ಅದು ನನಗು ಆವಶ್ಯವಾಯಿದು; ಇತಿಂಡೆ ದೌರು ನಂಕು ದಯಪಲಿಸಿಕ್ರ ದರ್ಶನ ಪ್ರಕಟಣೆ ವಿಷಯಾವಾಯಿ ಸೋನ್ನಾರೆ. 2 ಕ್ರಿಸ್ತನತ್ಕುರು ಇಂದ ವಂಡು ಮನುಷ್ಯ ನಂಕು ಗೊತ್ತಿದು, ಪದ್ನಾಲು ವಟ್ಗಲ್ಕಿನ್ ಮುನೇ ಮೊಡ್ನೆ ಪರಲೋಕತ್ಗು ಒಯ್ಯಲ್ಪಟ್ಸು (ಅದು ವಡ್ಮು ಸಹಿತವಾಯಿ ಹೋಸೋ ಇಲ್ಯ ನಾನು ಸೋನ್ಮಟ್ಟೆ; ದೌರ್ಕೆ ಗೊತ್ತಿದು). ^{3 4 5} 3 ಅಂಥ ಮನುಷ್ಯನ್ನ ನಂಕು ಗೊತ್ತಿದು ;(ಅದು ವಡ್ಮುತಿಂಡಿದೋ ಇಲ್ದೆ ವಡ್ಮುಯಿಲ್ದೆಯಿದೋ ನಾನು ಸೋನ್ಮಟೆ ,ದೌರ್ಕೆಗೊತ್ತಿದು;) 4 ಅಂಥ ಮನುಷ್ಯ ಪರಲೋಕತ್ಗು ಒಯ್ಯಲ್ಪಟು ಮನುಷ್ಯ ವಸ್ಹೇತ್ರುಕು ಹಗ್ದೆಯಿಕ್ರ ಒಕುನ ಕೋಟಿದು . 5 ಅಂಥಲ್ಯ ಪಾತು ಹೆಚ್ಚಳಪಡಾರೆ , ನಟ್ತ ಕುರಿತು ನಾನು ನಿರ್ಬಲಾವಸ್ಥೆಕುರು ಮಾತ್ರ ಬೇರೆ ವಿಷಯಾತ್ಕುರುಲ್ಲ. ^{6 7} 6 ಹೊಗಳಿಗುರ್ಕು ನಂಕು ಮನ್ಸಿನ್ದೆಕು ನಾನು ಬುದ್ದಿಯಿಲ್ಲದಾವನಗ್ಮಾಟೆ . ಯೆನ್ತಿಗಿಂಡೆಕೆ ಸತ್ಯನೇ ಸೋನ್ತಯಿರೆ . ಆನೇಕು ಯೇದು ನನ್ನ ಪಕುರ್ಕಿಂತ ನನ್ನಿಂಡು ಕೊಕುರ್ಕಿನ್ನ ನನ್ನ ಕುರಿತು ತಿಲಿಜಗ್ಬರ್ದುಯಿಂಡು ನಾನು ಮೌನವಯಿರೆ 7 ಇದಲ್ಲದೆ ಶ್ಯನ ಪ್ರಕಟಣೆಯಿಂಡು ನಾನು ಮಿತಿಮೀರಿ ಹೆಚ್ಚಿಸ್ ಕೊಳ್ಳಬರ್ದುಯಿಂಡು ಇನ್ಗಿರ್ಕಾನಿ ನನ್ನ ಗುದ್ದುರ್ಕಾಯಿ ಸೈತಾನ ದೊತಂಕಾನಿ ನಟ್ಟು ಶರೀರತ್ಕುರು ವಂದು ಮುಳ್ಳುನಂಕು ಕೊಡಲ್ಪಟ್ಟಿದು ; ಹಿಂಗು ನಾನು ಮಿತಿಮೀರಿ ಹೆಚ್ಚಿಸ್ಗದೆಯಿಕ್ರಕಾನಿ ಆಸು. ^{8 9 10} 8 ಈ ವಿಷಯಾವಾಯಿ ಅದು ನನ್ನ ಹುಟೊಟ್ಟು ಹೋಗುರ್ದುಯಿಂಡು ಮೂಡು ಸಾರಿ ಕರ್ತನ ಬೇಡಿಗೊಂಡೇ 9 ಅತ್ಕು ಅದು ನಟ್ಟು ಕೃಪೆ ನಿಂಕು ಶ್ಯನ; ಬಲಹಿನತೆಕುರು ನನ್ನ ಬಲ ಪರಿಪೋರ್ವವಕ್ದು ಇಂಡು ನಂಕು ಸೋನುಸು. ಕ್ರಿಸ್ತನ ಬಲ ನನ್ಕುರು ನೆಲೆಸುರ್ದುಯಿಂಡು ನಂಕು ಅನಾ ನಿರ್ಬಲವೆವಸ್ಥೆಕುರು ಶ್ಯನ ಸಂತೋಷತಿಂಡು ಹೆಚ್ಚಳ ಪಡಾರೆ 10 ನಾನು ಕ್ರಿಸ್ತನ ವಿಷಯವಾಯಿ ನಿರ್ಬಲವೆವಸ್ಥೆಕುರು ಅವಮಾನತ್ಕುರು ಕೊರತೆಕುರು ಹಿಂಸೆಕುರು ಇಕ್ಕಟ್ಟುತ್ಕುರು ಸಂತೋಷವಾಯಿರೆ; ಯೆಂತಿಗಿನ್ದೇಕೆ ನಾನು ಯೆಪೋದು ನಿರ್ಬಲವಕ್ರೆನೋ ಅಪೋದು ಬಳವುಲ್ಲವನ್ಕ್ರೆ. ^{11 12 13} 12 ಆದಿ ತಲ್ಮೆಕುರು ಸೋಚಕಕಾರ್ಯಾತ ಅದ್ಬುತನ ಮಹತ್ಕಾರ್ಯನ ನಡಿಸ್ರತ್ಕುರು ಅಪೋಸ್ತಳರಲ್ಕಿ ಇರ್ಬೇಕನ ಲಕ್ಷಣ ನಿಜವಾಯಿ ನಿಂಗುಲ್ಕುರು ಕಂಡುಸು . 13 ಬಾರತ ನಾನು ನಿಂಗುಲ್ಮೆನಿ ಹೊಡುಲ್ಲ ವಂಡೇ ವಿಷಯಾತ್ಕುರು ಇನೆದು ವಿಷಯಾತ್ಕುರು ನಿಗುಲ್ನ ಮಿಕ್ಕಾ ಸಬೇಲ್ಕಿತ ಕಡಿಮೆ ಸೈಯಿಲ್ಲ ; ನಾನು ಸೇಂದ ಈ ಅನ್ಯಾಯನ ಕ್ಷಮಿಸಂಗೋ ^{14 15} 14 ಇಗೋ , ನಾನು ನಿಂಗ್ಚುಗು ವಾರುರ್ಕು ಸಿದ್ದವಾಯಿಕ್ರದು ಇದು ಮುದ್ನೆರಕ ; ನಾನು ನಿಂಗುಲ್ಕು ಭರವಗ್ಮಟ್ಟೆ ; ನಾನು ನಿಗ್ಟ ಸೋತತೆಯಾ ಅಸೆಪಡ್ಡೆ ನಿಂಗುಲ್ನ ಆಸೆಪಡರೆ .ಯೆಂತಿಗಿಂಡೆಕೆ ಮಕಿಕ್ಯ ಆವಾ ಅಮ್ಮುಕುಗೋಸ್ಕರ ಆಸ್ತಿನ ಕೂಡಿಸ್ರದು ಸರಿಲ್ಲ , ಆವಾ ಅಮ್ಮ ಮಕಿಲ್ಕಿ ಕೂಡಿಸ್ರದು ಸರಿ. 15 ನಾನು ನಂಕಿಕ್ರತ ನಿಂಗುಲ್ಕೊಸ್ಕರ ಶ್ಯನ ಸಂತೋಷತಿಂಡು ಬಲ್ಸಾರೆ, ನನ್ನೇ ಬಲ್ಸಾರೆ (ವೆಚ್ಚ ) ಸೈಯರೇ . ನಾನು ನಿಂಗುಲ್ನ ಶ್ಯಾನ ಪ್ರಿತಿಸಿನ್ದೇಕೆ ನಿಂಗ್ಲು ನನ್ನ ಕಡಿಮೆ ಪ್ರಿತಿಸೈಯರಂಗ. ^{16 17 18} 16 ಅದಿಕೊಟ್ಟು, ನಾನು ನಿಂಗುಲ್ಕು ಬಾರವಲ್ಲಗುಂಟೆಕು ಯುಕ್ತಿಯಿಂಡು ನಾನು ನಿಂಗುಲ್ನ್ ಉಪಾಯತಿಂಡು ಪುಡ್ಸೆ. 17 ನಿಂಗ್ಲಂಚುಗು ಅಪುನಾಲ್ಕೂರು ಎತ್ರುಮೂಲಕವಗೋಟು ನಿಂಗಿಲಿಂಡು ನಾನು ಲಾಭ ಪದ್ಕೊಂಡೆನೋ? 18 ನಾನು ತೀತನು ಆಸೆಪಟ್ಟು ಅತ್ರುರೆಂಟೆ ವಂಡು ದೆಮ್ಬಿನ ಅಪ್ನೆ; ತೀತ ನಿಂಗುಲ್ಲಿಂಡು ಎಂದನ ಲಾಭ ಪಡ್ಜಗೊಂಡುಸ? ನನ್ರಂಡಾಳು ವಂಡೇ ಆತ್ಮನಿಂಡು ನಡುಕುಲ್ಯ? ನಂಗ ವಂಡೇ ತರ ಹೆಜ್ಜೆ ಜಾಡುಕುರು ನಡುಕುಲ್ಯ? ¹⁹ 19 ನಂಗ ತಪ್ಪಿಲ್ರಗ್ಯಯಿಂಡು ನಿಂಗುಲ್ಕು ಸೋನರೆಯಿಂಡು ನೆನ್ಸರಂಗ್ಲ ? ದೌರ್ ಸನ್ನಿದಿಕುರು ನಂಗ ಕ್ರಿಸ್ತನ್ಕುರುಯಿಂದು ವಾಸೆತಾರೆ . ನಂಗ ವಸೆತ್ರದದಿನು ನಿಂಗ್ಟ ಭಕ್ತಿ ವೃದಿಕಾಯಿ ಸೈಯಾರೊ. ^{20 21} 20 ನಾನು ವನ್ದಪೋದೂ ವಂಡು ಸಮಯತ್ಕುರು ನಿಂಗ ನಟ್ಟು ಅಸೆ ಪ್ರಕಾರ ಇಕಿದಿಲ್ಯ, ನಾನು ನಿಂಗ್ಟ ಇಷ್ಟತ ಪ್ರಕಾರ ಕಂಗ್ದಿಲ್ಯ, ವಂಡು ಸಮಯಾತ್ಕುರು ವಗ್ವಾದಾಗ ಹೊಟ್ಟೆಕಿಚ್ಚು ಕೋಪ ಜಗಳ ಜಾಡಿ ಸೋನ್ರದು ಕಲಹ ಹದಿಪೀಕ್ರದು ಇಗ್ಯದಿ ಕೊಂಗಕುಯಿಂಡು ಸಂದೇಹಯಿದು 21 ಇದಲ್ಲದೆ ನಾನು ತಿರ್ಗಿ ನಿಗುಲ್ನಚುಗು ವಂದಪೋದು ನಿಗ್ಟ ಮದಿತ್ಕುರು ನಾನು ಕುಂದಿಹೊಗುರ್ಕಾನಿ ದೌರು ಸೈಯಾಕುಯಿಂಡು ಅಶುದ್ದತ ಬಂಡುತತಿರ್ಲಿ ನಡುದ್ಗೊಂಡು ಪಶ್ಚಾತ್ತಾಪ ಪಡ್ಡೆ ಅಪೋದೆ ಪಾಪಸೇದು ಬೇರೆಲ್ಯ ವಿಷಯಾವಾಯಿ ನಾನು ವ್ಯೆಥೆಪಡ್ರದಾಕ್ದುಯಿಂಡು ನಂಕು ಭಯಯಿದು.