^{1 2 3} 1ಸಭಾದ್ಯಾಕ್ಷನ ಉದ್ಯೋಗ ಪಡ್ಜುಗುರ್ದುಯಿಂಡು ಆಸೆ ಪಡ್ರಾದು ನಾಲ್ಲ ಪನ್ನಿನಾ ಆಸೆಪಡಕು ಇಗ್ರ ಓಕು ಸತ್ಯವಾಯಿದು .2ಸಭಾದ್ಯಕ್ಷನು ದೋಷಾರೋಪಣೆಯಿಲ್ಲದೆಯಿಕ್ರದು ವಂಡೆ ಪಡ್ಇಕ್ರದು ಜಿತೆಂದ್ರಿಯನು ಸ್ವಸ್ಥಚೀತ್ತನು ಅತಿಥಿಸತ್ಕಾರಸೈರದು ಬೋದಿಸ್ರತ್ಕುರು ಪ್ರವೀಣ ಅಯಿಕ್ರುದು . 3 ಅದು ಕುಡಿಕ್ರದು ಅಯಿಕ್ಬಾರ್ದು .ಮತ್ಗ್ಯಡಿಕ್ರಡು ಅಯಿಕ್ಬಾರ್ದು ,ದ್ರವ್ಯಶೆಯಿಕ್ರದು ಅಯಿಕ್ಬಾರ್ದು ;ಆನೇಕೆ ತಾಳ್ಮೆ ಯಿಕ್ರದು ಕೋಟತ ಸೈದೆಯಿಕ್ರದು ದುರಾಶೆಯಿಲ್ಲರದು ಹಾಯಿಕ್ಕುರ್ದು. ^{4 5} 4 ಪೂರ್ಣ ಗೌರವತಿಂಡು ತಟ್ಟ ಮಕ್ಕಿಲ್ನ ಅಂಚಿಲಿ ಅಚ್ಗೊಂಡು ಸ್ವಂತ ಉಟ್ನಾ ನಾಲ್ಗು ಪತ್ಗ್ರದಯಿಕುರ್ದು . 5 ( ಸ್ವಂತ ಉಟ್ನಾ ಪತ್ಗ್ರದು ಗೊತ್ತಿಲರತ್ಗು ದೌರ್ ಸಭೆನ್ನ ಹೆಂಗು ಪತ್ಗಾಕು )? ^{6 7} 6 ಅದು ಪುದಿಯಾದಯಿಕ್ರಬಾರ್ದು ; ಅಂಥದಾನೇಕೆ ಉಬ್ಬಿಗೊಂಡು ಸೈತಾನ ಶಿಕ್ಷವಿದಿಕಿ ಒಳಗಾಕ್ದು . 7 ಇದಲ್ಲದೆ ಅದು ನಿಂದೆಕಿ ಗುರಿಯಾಗರ್ಕಾನಿ ಸೈತಾನ ಉರ್ಲುಕು ಸಿಕ್ಕಿ ಬೊಕ್ದೆಯಿಕ್ರಾರ್ಕಾನಿ ಬೈಲ್ಯಲಿಂಡು ನಾಲ್ಲ ಸಾಕ್ಷಿನ ಹೊಂದಿಕ್ರದಾಯಿಕ್ರುರ್ದು. ^{8 9 10} 8 ಸಭಾ ಸೇವಾಕ್ರು ಗೌರವುಲ್ಲವರಯಿರುರ್ದು ;ಆಗ್ಯ ರಂಡು ನ್ಯಲ್ಕಯಿಕ್ರಗಯಿಕ್ಬಾರ್ದು . ಶ್ಯಾನ ದ್ರಾಕ್ಷರಸನ ಕುಡಿಕ್ರದು ನೀಚ ಲಾಭ ಆಸೆ ಪಡ್ರದು ಆಯಿಕ್ಬಾರ್ದು . 9 ನಂಬಿಕೆ ಮರ್ಮನ ಶುದ್ದ ಮನಸ್ಸಾಕ್ಷಿಕುರು ಪುಡ್ಸುಗುರ್ದು . 10 ಅಲ್ನ ಮುನ್ನಿ ಪರಿಕ್ಷಿಸ್ಸುರ್ದು ; ಅಗ್ಯಾ ದೋಷರಹಿತ ಕಡ್ವಂದೆಕೆ ಸಭಾ ಸೇವಾಕರ ಉದ್ಯೋಗನ ಸೈಯೋಟ್ಟು. ^{11 12 13} 11 ಹಂಗೆ ಆಗ್ಯ ಪಡ್ನ ಗೌರವಯುಳ್ಳವರಯಿಕರ್ದು ;ಚಾಡಿ ಸೋನುದೆಯಿಕ್ರದು ಸ್ವಸ್ಥಬುದ್ದಿಕ್ರದು ಆದಿ ವಿಷಯತ್ಕುರು ನಂಬಿಗಸ್ತರಯಿಕುರ್ದು . 12 ಸಭಾ ಸೇವಕರು ವಂಡೇ ಪಡ್ರಿಕ್ರದು ತಗ್ಟ ಮಕ್ಕಿಲ್ನ ಉಟಾಲ್ನ ನಲ್ಗು ಪತ್ಗುರ್ದು ಅಯಿಕ್ರದು . 13 ಸಭಾ ಸೇವಕರಯಿ ನಲ್ಗು ಪನ್ನಿ ಸೇದಗ್ಯ ತಗುಲ್ಕು ನಾಲ್ಲ ಪದವಿನ ಕಇಸ್ತ ಯೇಸುಕುರುಯಿಕ್ರ ನಂಬಿಕೆಯ ಸಂಬಂದವಾಯಿ ಶ್ಯಾನ ದೈರ್ಯನ ಸಂಪಾದಿಸ್ಗಯಕ್ನು. ^{14 15} 14 ದೌಡು ನಿಗ್ಲಂಚುಗು ವರೆಯಿಗ್ರ ನಿರಿಕ್ಷೇಯಿಂಡು ನಾನು ನಿಂಕು ಈ ವಿಷಯನ ವರ್ಜಿರೆ . 15 ಆನೇಕೆ ವಂಡು ವೇಳೆ ನಾನು ತಡಸೇದೆಕು ಸತ್ಯತ್ಗು ಸ್ತಂಭ ಆದಾರವಾಯ್ಕುರ್ದು ದೌರ್ ಉಟ್ಕುರು ಅಂಡೆಕೆ ಜೀವಸ್ವರೂಪಾನ ದೌರ್ ಸಬೇತ್ಕುರು ನಡ್ದುಗುರ್ಬೇಕನ ರೀತಿ ನಿಂಗುಲ್ಕು ಗೊತ್ತಾಗುರ್ದು . ¹⁶ 16 ದೌರ್ ಭಕ್ತಿಯ ಮಾರ್ಮನ ಮಹತ್ವವುಳ್ಳದು ಅದು ಎದಿಂಡೆಕೆ ದೌರು ಶರೀರದಾರಿಯಾಯಿ ಪ್ರತ್ಯಕ್ಷಯಾಸು ;ಆತ್ಮ ಸಂಬಂದವಾಯಿ ನೀತಿವಂತನಿಂಡು ನಿರ್ಣಯಿಸಲ್ಪಟ್ಸು ;ದೊತರ್ಕು ಕಂಡುಸು ;ಅನ್ಯ ಮಂದಿಕಿ ಸಾರಲ್ಪಟ್ಸು ;ಲೋಕತ್ಕುರು ನಂಬಲ್ಪಟ್ಸು ;ಮಹಿಮೆಕಿ ಸೇರ್ಸು .