ಅದ್ಯಾಯ 3
1
2
3
1 ದವ್ರ ಮಕ್ಕ್ಯಯಿಂಗ್ರ ಪೇರತ್ತೆಯ ನಂಗ್ಲುಕು ಕುಡುಕ್ರತ್ಗೋರು ಅವೂ ಎಂಥಾ ಪ್ರೀತಿಯತ್ತೆಯ ನಂಗ್ಲು ಮೇನಿ ಅಚ್ಚಿದೂ ಪರಂಗೋ; ನಂಗ ಅತ್ರ ಮಕ್ಕ್ಯಯೈರೋ, ಈ ಕಾರಣತಿಂಡು ಲೋಕ ನಂಗ್ಲತ್ತೆಯ ತಿಳ್ಜುಗ್ದಿಲ್ಲ, ಅದು ಅತ್ತತ್ತೆಯ ತೆಲ್ಜುಗ್ಲ ಇಲಾಲ್ಯ,
2 ಪ್ರಿಯರೇ, ಇಪೋದು ದವ್ರ ಮಕ್ಕ್ಯಯೈರೋ, ಮುನ್ಕು ನಂಗ ಎಂದದಕ್ಕ್ರೋನೋ ಅದು ಇನ್ನೂ ಪ್ರತ್ಯಷವಾಗುಲಾ ಕ್ರಿಸ್ತನು ಪ್ರತ್ಯಷಅನೇಕೆ ನಂಗ ಅತ್ರ ತರ ಹೈರೋಯಿಂಡು ಗೊತ್ತು;
3 ಯಂತ್ಗುಯಿಂಡೆಕ್ಯ ಅದು ಇಕ್ರ ತರನೇ ಅತ್ತತ್ತೆಯ ಪಾಕರೋ, ಅತ್ರು ಮೇನಿ ಈ ನಿರೀಕ್ಷೆಯತ್ತೆಯ ಅಚ್ಚಿಕ್ರ ಪ್ರತಿಯೊಂಡು ಕ್ರಿಸ್ತನು ಶುದ್ದಅಯಿಕ್ರು ತರ ತನ್ನತ್ತೆಯ ಶುದ್ದಿಸೆನ್ ದ್ಗಾಕು.
4
5
6
4 ಪಾಪ ಸೈರ ಅದ್ಯಾರು ಅಧರ್ಮತ್ತೆಯ ಸೈರಾದುಯೈದ್ನು; ಪಾಪವು ಅಧರ್ಮ,
5 ಪಾಪಲತ್ತೆಯ ಓಡಿಪಿಕ್ಕಿರ್ಕಿ ಕ್ರಿಸ್ತನು ಪ್ರತ್ಯಕ್ಷ ಆಸುಯಿಂಗ್ರದು ನಿಂಗ್ಲುಕು ಗೋತೈದು;
6 ಅತಂಚ್ಲಿ ಪಾಪಯಿಲ್ಲ, ಅತಂಚ್ಲಿ ನೆಲೆಗೊಂಡಿಕ್ರದೂ ಪಾಪಸೇಯಿದಿಲ್ಲ, ಪಾಪಸೇಯಿರದೂ ಅತ್ತತ್ತೆಯ ಪತಾದೂ ಅಲ್ಲ, ತಿಳ್ಜ್ಗೊಂಡಿಕ್ರದು ಅಲ್ಲ.
7
8
7 ಪ್ರಿಯರಾನ ಮಕ್ಕಿಲೇ ,ನಿಂಗ್ಲತ್ತೆಯ ಸನ್ಮಾರ್ಗತಿಂಡು ತಪ್ಸುರ್ಕು ಎತ್ಗು ಅವಕಾಶ ಕುಡ್ಕಮನಂಗ ,ಕ್ರಿಸ್ತನು ಏನ್ಗು ನೀತಿವಂತನೈದೋ ಅನ್ಗೆ ನೀತಿಯತ್ತೆಯ ಅನುಸರ್ಸ್ರದು ನೀತಿವಂತನೈದು ,
8 ಪಾಪಸೇಯಿರದೂ ಸೈತಾನನಿಂಡು ಪರ್ದಿಕ್ರದೈದೂ ;ಆದಿಯಿಂಡು ಸೈತಾನನು ಪಾಪ ಸೇಯಿರದುಯೈದಲ್ಯ ,ಸೈತಾನನ ಪನಿಯತ್ತೆಯ ಲಯ ಸೇಯಿರ್ಕಾಯಿಯೇ ದವ್ರುಮೌವು ಪ್ರತ್ಯಕ್ಷ ಅಸೂ .
9
10
9 ದೌವ್ರಿಂಡು ಪರ್ ದಿಕ್ರದೂ ಪಾಪ ಸೇಯಿದಿಲ್ಲ ಜೀವ ಅತಂಚ್ಲಿ ನೆಲೆಗೊಂಡಿದೂ,ಅದು ದೌರಿಂಡು ಪರ್ದಿಕ್ರತಿಂಡು ಪಾಪಸೇಯಿರದು ಹೈಕ್ದಿಲ್ಲ,
10 ಈಗ್ಯ ದೌರ ಮಕ್ಯಯಿಂಗ್ರ ಐಗ್ಯ ಸೈತಾನನ ಮಕ್ಯಯಿಂಗ್ರದು ಇತಿಂಡು ವ್ಯಕ್ತಅಕ್ದು ,ನೀತಿಯತ್ತೆಯ ಅನುಸರ್ಸ್ದೆ ತಟ ಅನ್ನಾ ತೆಂಬಿ ಮಾರ್ಲ ಪ್ರೀತುಸ್ದೆಯಿಕ್ರದು ದವ್ರಿಂಡು ಪರ್ದಿಕ್ರದಲ್ಲ.
11
12
11 ನಂಗ ಒಂಡಲ್ನೊಂಡು ಪ್ರೀತುಸುರ್ದೆಯಿಂಗ್ರದೆ ನಿಂಗ ಮುನ್ನಿಂಡು ಕೋಟ ವಾಕ್ಯಯೈದೂ.
12 ಕೆಡುಕನಿಂಡು ಪರ್ ದುತಟ ತೆಮ್ಬಿಯತ್ತೆಯ ಕೊಂಡ್ರೋಟ ಕಾಯಿನನಂತೆ ನಂಗ ಇಕ್ಕಿರ್ದಂಚು. ಎ ಕಾರಣತಿಂಡು ಅತ್ತತ್ತೆಯ ಕೊಂಡ್ರೋಡ್ಸು? ತಟ ಕೃತ್ಯಗ ಕೊಟ್ಯದೂ ತಟ ತೆಂಬಿ ಕೃತ್ಯ ನೀತಿಗೆ ಸರಿಯಾಯಿಕ್ರತಿಂಡೆ.
13
14
15
13 ಅನ್ನಾತೆಂಬಿಮಾರ್ಲೆ, ಲೋಕ ನಿಂಗ್ಲತ್ತೆಯ ದ್ವೇಷಿಸ್ನೇಕ್ಯ ಆಶ್ಚರ್ಯಪಡ್ಮನಂಗ.
14 ನಂಗಂತೂ ಕ್ರಿಸ್ತ ಅನ್ನಾತೆಂಬಿ ಮಾರ್ಲ ಪ್ರೀತುಸ್ರಗ್ಯ ಐಕ್ರತಿಂಡು ಮರಣತಿಂಡು ಪಾರಾಯಿ ಜೀವುತ್ಗೋರು ಸೇರಿರೋಯಿಂಗ್ರದು ನಂಗ್ಲುಕು ಗೋತೈದೂ. ಪ್ರೀತುಸ್ದೆ ಇಕ್ರದು ಮರಣತ್ಗೊರೆ ಇದೂ.
15 ತಟ ಅನ್ನಾ ತೆಂಬಿ ಮರ್ಲ ದ್ವೇಷಿಸ್ರದು ಕೊಲೆಗಾರಯೈದು, ಮತ್ತೆ ಎ ಕೊಲೆಗಾರನಂಚ್ಲಿ ನಿತ್ಯಜೀವ ಇಕ್ದಿಲ್ಲ ಇಂಗ್ರದು ನಿಂಗ್ಲುಕು ಗೋತೈದೂ.
16
17
18
16 ಕ್ರಿಸ್ತನು ನಂಗ್ಳುಕೋಸ್ಕರ ತಟ ಪ್ರಾಣತ್ತೆಯ ತಂದತ್ಗೋರೇ ಪ್ರೀತಿ ಇಂಥದುಯಿಂಡು ನಂಗ್ಲುಕು ತಿಳ್ಜು ವಂದಿದೂ, ನಂಗ ಸಹ ಅನ್ನಾ ತೆಂಬಿ ಮಾರ್ಲುಕು ನಂಗ್ಲ ಪ್ರಾಣತ್ತೆಯ ಕುಡುಕ್ರ ಹಂಗುಕೋರು ಇರೋ.
17 ಈ ಲೋಕ್ತ ಸಂಪತ್ತು ಇಕ್ರ ಎದಾನ ಅನೇಕು ಕೊರತೆಕೊರು ಬುದಿಕ್ರ ತಟ ಅನ್ನಾ ತೆಂಬಿ ಮಾರ್ಲ ಪಾತು ಕರುಣಿಸ್ದೆ ಇಂದೆಕ್ಯ ದವ್ರು ಪ್ರೀತಿ ಅತಂಚ್ಲಿ ನೆಲೆಗೊಂಡಿಕ್ಯಾಕ?
18 ಪ್ರಿಯರಾನ ಮಕ್ಕಿಲೇ ನಂಗ ಬರೀಹೊಕಿಂಡು ಅಗೋಟು ವಾಯಿಉಪಚಾರತಿಂಡಗೋಟು ಪ್ರೀತುಸ್ರಾಗ್ಯಐಕ್ರುದಂಚು; ನಿಂಗ್ಲ ಪ್ರೀತಿ ಕೃತ್ಯತ್ಗೋರು ಸತ್ಯತ್ಗೋರು ಕಾಟ್ರುದು.
19
20
21
22
19 ನಂಗ ಸತ್ಯತ್ಗು ಸೇರಿರೋಯಿಂಗ್ರದು ಇತ್ತಿಂಡು ನಂಗ್ಲುಕು ಗೊತಕ್ದು,
20 ಮತ್ತೆ ನಂಗ್ಲ ಹೃದಯ ಎ ವಿಷಯತ್ಗೊರನಗೋಟು ನಂಗ್ಲತ್ತೆಯ ದೋಷಿಗ್ಯಯಿಂಡು ನಿರ್ಣಿಸ್ನೇಕು ದವ್ರು ನಂಗ್ಲ ಹೃದಯಕ್ಕಿಂತ್ತ ಬೆರದೈಯಿಂದು ಅದ್ದಿಯತ್ತೆಯ ತಿಳ್ಜ್ಗೊಂಡಿದುಯಿಂಡು ನಂಗ ತಿಳ್ಜು ದವ್ರ ಸಮಕ್ಷತ್ಗೋರು ನಂಗ್ಲ ಹೃದಯತ್ತೆಯ ಸಮಾಧಾನ ಪಡ್ಸರೋ.
21 ನಂಗ್ಲ ಹೃದಯ ನಂಗ್ಲತ್ತೆಯ ದೋಷಿಗ್ಯಯಿಂಡು ನಿರ್ಣಿಸ್ದೆಯಿಂದೆಕ್ಯ ನಂಗ್ಲುಕು ದವ್ರ ವಿಷಯತ್ಗೋರು ದೈರ್ಯಯಿದೂ.
22 ಮತ್ತೆ ನಂಗ ಅತ್ರ ಆಜ್ಞೆಯತ್ತೆಯ ಕೈಗೊಂಡು ಅತ್ರ ಎಣಿಕೆಕೋರು ಮೆಚ್ಚಿಗೆ ಅನಾ ಕಾರ್ಯಲತ್ತೆಯ ಸೇಯಿರಗ್ಯ ಐಕ್ರತಿಂಡು ಯಂತೆ ಬೇಡಿಗೊಂಡೆಕು ಅತಿಂಡು ಹೊಂದ್ಗ್ಯರೋ.
23
24
23 ದವ್ರ ಆಜ್ಞೆ ಏದುಯಿಂಡೆಕ್ಯನಂಗ ಅತ್ರ ಮೌವಾನ ಯೇಸು ಕ್ರಿಸ್ತನ ಪೇರತ್ತೆಯ ನಂಬಿ ಕ್ರಿಸ್ತನು ನಂಗ್ಲುಕು ಅಪ್ಪಣೆ ತಂದ ಪ್ರಕಾರ ಒಂಡಲ್ನೊಂಡು ಪ್ರೀತುಸ್ರುದುಯಿಂಗ್ರದೆ.
24 ಅತ್ರ ಆಜ್ಞೆಯತ್ತೆಯ ಕೈಗೊಂಡು ನಡ್ಕ್ರದು ಅತಂಚ್ಲಿ ನೆಲೆಗೊಂಡಿದು ,ಅದು ಇತ್ತ೦ಚ್ಲಿ ನೆಲೆಗೊಂಡಿಕ್ಯಾಕು ,ನಂಗ್ಲ೦ಚ್ಲಿ ನೆಲೆಗೊಂಡಿದುಯಿಂಡು ಅದು ನಂಗ್ಲುಕು ಅನುಗ್ರೈಸ್ನ ಆತ್ಮನಿಂಡೇ ತಿಳ್ಜ್ಗೊಂಡ್ರೋ.