¹ ದೇವುಡ ದಾಸುಡು ಯೇಸು ಕ್ರಿಸ್ತುಡ ಅಪೋಸ್ತಲುಡು ಆಯಿನ ಪೌಲುಡು ಮಾಕಂದ್ರುಕು ² ಹುದುಮಾಯಿನ ನಂಬುಕ್ಮು ಸಂಬಂಧ್ಮುಲ ನಾ ನಿಜ್ಮು ಕುಮಾರುಡಾಯಿನ ತೀತುಡ್ಕಿ ರಾಸೇದೆಮಂಟೆ - ತಂಡ್ರಿಯಾಯಿನ ³ ದೇವುಡಿಂಚಾನು ಮಾ ರಕ್ಷಕುಡಾಯಿನ ಕ್ರಿಸ್ತು ಯೇಸುನಿಂಚಾನು ನೀಕಿ ಕೃಪಮು ಶಾಂತುಮು ಆವ್ನಿ . ದೇವುಡಾರ್ಪಿಕೊನೋಳಿನ ನಂಬುಕ್ಮು ಭಕ್ತಿನಿ ಉಂಟುಸೇಸೆ ಸತ್ಯುಮಿನ ಪರಿಜ್ಞಾನ್ಮು ವೃದ್ದಿಯಾಯೆಕೊಸ್ಕರ್ಮೆ ಅಪೋಸ್ತಲುಡಾಯಿನಾನು. ಆ ನಂಬುಕ್ಮುಕಿ ಸತ್ಯುಮಿನ ಪರಿಜ್ಞಾನಂಕು ನಿತ್ಯಜೂಡಿನ ನಿರೀಕ್ಷುಮೆ ಆಧಾರ್ಮಾಯಿಂದಿ . ಸುಳ್ಳುನಿ ಸೊಪ್ಲೇನಿನ ದೇವುಡು ಆ ನಿತ್ಯಜೂಡ್ನಿ ಇಸ್ತಾನನಿಂದಿ ಆನಾದಿ ಕಾಲುಮ್ಲ ವಾಗ್ಧಾನ್ಮು ಸೇಸಿ ದಾನ್ ಕ್ಲುಪ್ತಮು ಸಮಯುಮ್ಲ ವಾಗ್ಧಾನ್ಮು ನೆರ್ವೇರಿಚ್ಚಿ ಪ್ರಸಂಗ್ಮು ಮೂಲಕ್ಮು ಪ್ರಕಟಿಚ್ಚೆ . ಆ ಪ್ರಸಂಗೊಧ್ಯೋಗಮು ಮಾ ರಕ್ಷಕುಡಾಯಿನ ದೇವುಡು ಅಪ್ಪಣೆ ಪ್ರಕಾರ್ಮು ನಾಕಿ ಒಪ್ಪಿಚ್ಚಲ್ಪಟ್ಟಿಚಿಂದಿ . ⁴ ಸುಳ್ಳುನಿ ಸೊಪ್ಲೇನಿನ ದೇವುಡು ಆ ನಿತ್ಯಜೂಡ್ನಿ ಇಸ್ತಾನನಿಂದಿ ಆನಾದಿ ಕಾಲುಮ್ಲ ವಾಗ್ಧಾನ್ಮು ಸೇಸಿ ದಾನ್ ಕ್ಲುಪ್ತಮು ಸಮಯುಮ್ಲ ವಾಗ್ಧಾನ್ಮು ನೆರ್ವೇರಿಚ್ಚಿ ಪ್ರಸಂಗ್ಮು ಮೂಲಕ್ಮು ಪ್ರಕಟಿಚ್ಚೆ . ಆ ಪ್ರಸಂಗೊಧ್ಯೋಗಮು ಮಾ ರಕ್ಷಕುಡಾಯಿನ ದೇವುಡು ಅಪ್ಪಣೆ ಪ್ರಕಾರ್ಮು ನಾಕಿ ಒಪ್ಪಿಚ್ಚಲ್ಪಟ್ಟಿಚಿಂದಿ . ⁵ ನುವ್ವ ಕ್ಷೇತ್ರುಮು ದ್ವೀಪುಮ್ಲ ಇಂಕ ಕ್ರಮಂಕಿ ರಾನಿನ ಕಾರ್ಯಲ್ನಿ ಕ್ರಮುಮು ಪಡಿಚ್ಚಿ ಪಟ್ಟಣ್ಮು ಪಟ್ಟಣ್ಮುಲಾನು ಸಭೆ ಪೆದ್ದೊಳ್ನಿ ನೇಮಿಯಾಲನಿ ನಾನು ನೀಕಿ ಅಪ್ಪಣ್ಮು ಇಚ್ಚಿ ನಿನ್ನೀ ಅನ್ನೇ ಇಡ್ಸಿ ವಸ್ತೀ ಕದಾ ⁶ ಸಭೆ ಪೆದ್ದೋಡು ನಿಂದಮುಲೇನೋಡು ಒಕ್ಪೆಂಡ್ಲಾಮು ವುಂಡೋಡು ಆಯುಂಡಾಲ . ವಾಡ್ ಬಿಡ್ಳು ಕರ್ತುಡ್ನಿ ನಂಬ್ನೋಳಾಯುಂಡಾಲ , ⁷ ವಾಳು ದುರ್ಮಾರ್ಗಸ್ತುಲು ಅನ್ಬಿಚ್ಕೊನೋಳಾವ್ನಿ ಅಧಿಕಾರ್ಮುಕಿ ನೋನಾಯುಂಡೋಳಾವ್ನಿ ಆಯುಂಡ್ಗುಡ್ದು . ಎಂದ್ಕಂಟೆ ಸಭಾದ್ಯಕ್ಷುಡು ದೇವುಡು ಇಂಟ್ವಾರ್ತೆಯೋಡಾಯಿಂದಾನಿಂಚ ನಿಂದ್ಮು ⁸ ಇಂಟ್ವಾರ್ತೆಯೋಡಾಯಿಂದಾನಿಂಚ ನಿಂದ್ಮು ಲೇನೋಡಾಯುಂಡಾಲ , ವಾಡು ಸ್ವೆಚ್ಚಾಪರುಡಾಯುಂಟೆನು ಮುಂಗೊಪುಡಾಯುನ್ಟೇನು ತಾಗಿ ಜಗ್ಲುಮಾಡೋಡಾಯ್ತೆನು ಕೊಟ್ಲಾಡೋಡಾಯ್ತೆನು ನೀಚ್ಮುಲಾಭುಮ್ನಿ ಅಪೇಕ್ಷಿಚ್ಚೋಲಾಯ್ತೆನು ಆಯ್ಕುಣ್ಣ ಅತಿಥಿಸತ್ಕಾರ್ಮು ಸೇಸೋಡು ಮಂಚಿದಾನ್ನಿ ⁹ ಪ್ರೀತಿಚ್ಚೋಡು ಸ್ವಚಿತ್ತುಡು ನ್ಯಾಯ್ಮುವಂತುಡು ದೇವುಡು ಭಕ್ತುಡು ಜಿತೆಂದ್ರಿಯುಡು ಅಯುಂಡಿ ತಾನು ಸ್ವಸ್ತ್ಮು ಬೋಧನ್ಮು ಇಂಚ ಜನಲ್ನಿ ಎಚ್ರುಬಿಚ್ಚೆದಾಂಕು ಎದ್ರಿಚ್ಚೋಳಾ ನೋರ್ನಿ ಕಟ್ಟೆದಾಂಕು ಶಕ್ತುಡಾಯುಂಡಟ್ಗ ಕ್ರಿಸ್ತುಡು ಭೋಧನ್ಮು ಅನುಸಾರ್ಮಾಯಿ ನಂಬೆ ಅಟ್ಟ ವಾಕ್ಯುಮ್ನಿ ದ್ರುಡ್ಮಾಯಿ ¹⁰ ಅನೇಕುಲು ಬರಿ ಮಾಟ್ಳೋಡಾಯಿನು ಮೋಸ್ಮುಗಾರುಡಾಯಿನು ವುಂಡಿ ಅಧಿಕಾರ್ಮುಕಿ ನೋನಾವ್ಲೆನೋಳಾಯುಂಡಾಲಾಯಿನಾರು , ವಾಳ್ನೋನ ಹೆಕ್ವ ಜನಲು ಸುನ್ನತಿಯೋಳು . ¹¹ ವಾಳು ನೀಚ್ಮು ಲಾಭುಮ್ನಿ ಹೊಂದೆದಾನ್ಕಾಯಿ ಸೇನ್ಲೇನಿನ ಉಪದೇಶುಮ್ನಿ ಸೇಸಿ ಕುಟುಂಬ್ಮು ಕುಟುಂಬ್ಮುನಿ ಪಾಡ್ಸೆಸ್ತಾರಯಿಂದಾನಿಂಚ ವಾಳ್ ನೋರು ಮುಯ್ಬೇಕಾಯಿಂದಿ . ¹² ಕ್ಷೇತ್ರುಮೋಳು ಎಪ್ಡೂ ಸುಳ್ಳುಗಾರುಲು ದುಷ್ಟಮೃಗಾಲು ಸೋಮಾರಿಲಾಯಿನ ಕೊಡ್ಪುಬಾಕುಲು ಆಯ್ನಾರನಿ ವಾಳ್ಳಾನೆ ಪುಟ್ಟಿನ ಓಕ್ ಪ್ರವಾದಿ ಸೊಪ್ಪೆ . ¹³ ಈ ಸಾಕ್ಷಿ ನಿಜ್ಮೇ . ದಾನಿಂಚ ವಾಳು ಯೆಹೂದ್ಯುಲ ಕಲ್ಪನ್ಮು ಕಥೆಕು ಸತ್ಯುಮು ಭ್ರಷ್ಟುಲಾಯಿನ ಮನುಷ್ಯುಲ ವಿದಿಲು ಲಕ್ಷ್ಮುಮು ಇಯ್ಕುಣ್ಣ ಕ್ರಿಸ್ತ ನಂಬುಕ್ಮುಲ ¹⁴ ಸ್ವಸ್ಥ್ಮು ಚಿತ್ತುಲಾಯುಂಡಟ್ಗ ವಾಳ್ನಿ ಕಟಿಣ್ಮಾಯಿ ಕಂಡಿಯ್ಯಿ . ಶುಧ್ಧುಲ್ಕಿ ಅನ್ನೀ ಶುಧ್ಮೆ , ಆಯ್ತೆ ಮಲಿನ್ಮಾಯುಂಡೋಳ್ಕಿ ನಂಬುಕ್ಮು ಲೆನೋಳಿಕು ಯಾವ್ಡಿ ಶುಧ್ಮು ಕಾದು , ವಾಳ್ ಬುಧ್ಧಿ ಮನಸಾಕ್ಷಿ ರೊಂಡು ಮಲಿನ್ಮಾಯಿಂದಿ . ¹⁵ ವಾಳು ತಾವು ದೇವುಡ್ನಿ ಅರ್ಸ್ನೋಳನಿ ಸೊಪ್ಕೊಂಟಾರು , ಆಯ್ತೆ ವಾಳು ಅಸಹ್ಯುಲು ಅವಿಧೆಯುಲು ¹⁶ ಸತ್ಕಾರ್ಯುಲಿಕಿ ಅಂತ ಅಪ್ರಯೋಜುಕುಲು ಆಯುಂಡೆದಾನ್ನಿಂಚ ದೇವುಡ್ನಿ ಅರಿಲೆದನಿ ವಾಳ್ ಕಾರ್ಯುಲಿಂಚಾನೆ ಸೊಪ್ನಟ್ಗಾಯೆ .