2 ಅದ್ಯಯಮು
1
1 ನುವ್ವಾಯ್ತೇನೋ ಸ್ವಸ್ಥುಮು ಭೋಧನೆಕಿ ಅಣ್ಗುನ್ಮಾಯಿ ಉಪದೇಶ್ಮು ಸೆಯ್ಯಿ .
2
ಎಟ್ಟಂಟೆ ವೃಧ್ಧುಲು ಮಧ್ಯುಮಾಸಕ್ತುಲೇನೋಳು ಗೌರವ್ಮು ವುಂಡೋಳು ಜಿತೆಂದ್ರಿಯುಲು ನಂಬುಕ್ಮು ಪ್ರೀತಿ ತಾಳ್ಮೆ ಇವುಟ್ಲುಲ ಸ್ವಸ್ಥುಲು ಆಯುಂಡಾಲನಿ ಬೋದಿಯ್ಯಿ
3
ಅಟ್ಟೆನೆ ವೃದ್ದ ಆಡೋಳು ಚಾಡಿ ಸೊಪ್ಪೋಳು ಮದ್ಯಂಕಿ ಗುಲಾಮುಲು ಆವ್ಕುಣ್ಣ ದೇವುಡು ಭಕ್ತುಲುಕಿ ಯೋಗ್ಯುಮಾಯಿನ ನಡ್ತೆವುಂಡೋಳು ಸದ್ಬ್ಹೊಧನ್ಮು ಸೊಪ್ಪೋಳು ಆಯುಂಡಾಲನಿ ಬೋಧಿಯ್ಯಿ .
4
ಇದ್ಕಾಕುನ್ನ ವಾಳು ಪ್ರಾಯುಮು ಆಡೋಳ್ಕಿ - ಮೀ ಮೂಲಕ್ಮು ದೇವುಡು ವಾಕ್ಯಂಕಿ ದೂಷಣ್ಮು
5
ಆಯ್ನಟ್ಗ ಮೀರು ಮೊಗುಳ್ನಿ ಬಿಡ್ಳುನಿ ಪ್ರೀತಿಚ್ಚೋಳು ದಮೆವು೦ಡೋಳು ಪತಿವ್ರತೆಲು ಇಂಟ್ಳಾನೆ ಕೆಲ್ಸ್ಮು ಸೇಸೋಳು ಸುಸಿಲೇಯುಲು ಮೀ ಮೊಗುಳ್ಳುಕಿ ಅದೀನುಲು ಆಯುಂಡಾಲನಿ ಬುದ್ದಿ ನೇರ್ಪಿಚ್ಚೆ ಅಟ್ಗ ಸೊಪ್ಪು .
6
ಸೇಸೆದಾಂಟ್ಳ ನುವ್ವೇ ಮಾದರಿಯಾಯುಂಡು .
7
ನುವ್ವ ಸೇಸೆ ಉಪದೇಶ್ಮುಲ ಯಥಾರ್ಥರ್ತ್ವಮು ಗೌರವ್ಮು ಆಕ್ಷೇಪಣ್ಮುಕಿ ಆಸ್ಪದ್ಮುಲೇನಿನ ಸ್ವಸ್ಥ್ಮುಬುದ್ದಿ ವುಂಡಾಲ ,ಅಪ್ಡು ನನ್ನೀ ಎದ್ರಿಚ್ಚೋಳು ಮಾ
8
ವಿಷಯುಮ್ಲ ಶೆಡ್ದೇದೆಮಿ ಸೊಪ್ಪೆದಾನ್ಕಿ ಅವಕಾಶ್ಮು ಲೇಕುಣ್ಣಾ ನಾಚ್ಕೊನೋಳು .
9
ದಾಸುಲು ಅನ್ನಿದಾನ್ಟ್ಲಾನು ವಾಳ್ ಯಜ್ಮಾನುಡ್ಕಿ ಅಧೀನ್ಮಾಯುಂಡಿ ವಾಳ್ನಿ ಮೆಚ್ಚಿಚ್ಚೆದಾಂಕಿ ಪ್ರಯಾಸ್ಮು ಪಡ್ತಾ ಎದ್ರು ಮಾಟ್ಳಾಡ್ಕುಣ್ಣ ಯಾವುದ್ನಿ
10
ದೊಂಗ್ಲಿಚ್ಚ್ಕೊಕುನ್ನ ಪೂರ್ಮು ನಂಬಿಗಸ್ತುಲನಿ ಪೇರು ಪೊಂದಿ ಮಾ ರಕ್ಷಕುಡಾಯಿನ ದೇವುಡು ಉಪದೇಶುಮ್ಕಿ ಅನ್ನೀ ವಿಷಯುಮ್ಲನು ಅಲಂಕಾರ್ಮು ಆಯುಂಡಾಲನಿ ಬೋದಿಯ್ಯಿ .
11
ಎಂದ್ಕಂಟೆ ಅನ್ನಿ ಮನುಷ್ಯುಲ್ಕಿ ರಕ್ಷಣ್ಮುನಿ ಸೇಸೆ ದೇವುಡು ಕೃಪಮು ಪ್ರತ್ಯಕ್ಷುಮಾಯೇ ,
12
ಮಾಮು ಭಕ್ತಿ ಹೀನತೆನಿ ಲೋಕ್ಮು ಆಶೆಲ್ನಿ ವಿಸರ್ಜಿಚ್ಚಿ ಭಾಗ್ಯುಮುಕರ್ಮಾಯಿನ ನಿರಿಕ್ಷೆನಿ ಅಂಟೆ ಮಹಾದೇವುಡಾ ಮಲಿ ಮಾ
13
ರಕ್ಷಕುಡಾಯಿನ ಯೇಸು ಕ್ರಿಸ್ತುಡ ಪ್ರಭಾವ್ಮಿನ ಪ್ರತ್ಯಕ್ಷತ್ಮುನಿ ಎದ್ರುಸೂಸ್ತ ಇಹಲೋಕ್ಮುಲ ಸ್ವಸ್ಥ್ಮು ಚಿತ್ತುಲಾಯಿನು ನೀತಿವಂತುಲಾಯಿನು ಭಕ್ತಿವುಂಡೋಳಾಯಿನು ಬದ್ಕಾಲನಿ ಆದಿ ಮಾಕಿ ಭೋಧಿಸ್ತಾದಿ .
14
ವಾಡು ಮಮ್ಮುಲ್ನಿ ಸಕಲ್ಮು ಅಧರ್ಮುಮಿಂಚ ವಿಮೋಚಿಚ್ಚೆದಾಂಕು ಸತ್ಕ್ರಿಯೆಲ್ಲಾ ಆಸಕ್ತುಲಾಯಿನ ಸ್ವಕೀಯ ಜನಲ್ನಿ ತನ್ಕಾಯಿ ಪರಿಶುಧ್ಮು ಸೇಸೆದಾನ್ಕು ಮಾಕೊಸ್ಕರ್ಮು ತನ್ನೀ ಒಪ್ಪಿಚ್ಚಿ ಇಚ್ಛೆ .
15
ಈ ಕಾರ್ಯಾಲು ವಿಷಯುಮ್ಲ ಬೋಧಿಸ್ತ ಎಚ್ರಿಸ್ತ ಪೂರ್ಣಮು ಅಧಿಕಾರ್ಮಿಂಚ ಖಂಡಿಸ್ತ ವುಂಡು . ಯೋಳು ನಿನ್ನಿ ತಿರಸ್ಕರಿಚ್ಚಿನ ಅಟ್ಗ ಸೂಸ್ಕೋ .