^{1 2} 1. ಇಟ್ಟುಂಡೆದಾಯಿ ದೇವುಡು ವಿಶ್ರಾಂತಿಲ ಸೇರಾಲನೆ ವಾಗ್ದಾನ್ಮು ಇಂಕ ವುಂಡೆದಾಂಟ್ಲ ಮೀ ನೋನ ಯೋಡಾರ ಆ ವಾಗ್ದಾನ್ಮು ಫಲುಮ್ನಿ ಹೊಂದ್ಕುಣ್ಣ ತಪ್ಪೋಡಾಯಿನೋ ಅನಿ ಮಾಮು ಭಯ್ಮು ಪಡ್ದಾಮು . 2. ಮಾಕು ಸಾರೇದಿ ಆಯೇ ಆಯ್ತೆ ಆ ಕಾಲುಮ್ಲ ಇನಿನೋಳು ನಂಬ್ಕುಣ್ಣ ಪಾಯಿನ ಕಾರ್ಣು ಮಿಂಚ ಆ ವಾಕ್ಯುಮಿಂಚ ವಾಳ್ಕಿ ಪ್ರಯೋಜ್ನುಮು ಆವ್ಲೇದು . ³ . ದೇವುಡು ಕೆಲ್ಸಾಲ್ಲು ಲೋಕ್ಮುದಾವಿಂಚ ಮುಗ್ಸಿ ಪಾಯಿ ವಾಡ್ ವಿಶ್ರಾಂತಿ ಸಿದ್ಮಾಯುಂಟೆನು ವಾಡು ನಾ ವಿಶ್ರಾಂತಿಲ ವೂಳು ಸೇರೇಕೆ ಲೇದು ಅನಿ ಕೋಪ್ಮು ಸೇಸ್ಕೊನಿ ಪ್ರಮಾಣ್ಮು ಸೇಸೆ ಅನಿ ಸೋಪ್ತೆ ಅಂತೆ ನಂಬುಂಡೆ ಮಾಮಾಯ್ತೇನೋ ಆ ವಿಶ್ರಾಂತಿಮುಲ ಸೇರ್ತಾನೆ ವುಂಡಾಮು ⁴ . . ಒಕ್ ಸ್ಥಳ್ಮುಲ ಯೋಡ್ನೆ ದಿನಾಮ್ಲ ವಿಶ್ರಮಿಚ್ಕೋನೆ ಅನಿ ರಾಸಿಂದಿ . ⁵ . ಆಯ್ತೆ ಈ ಸ್ಥಳ್ಮುಲ ವೂಳು ನಾ ವಿಶ್ರಾಂತುಮುಲ ಸೇರೇಕೆ ಲೇದು ಅನಿ ಸೋಪ್ನಾಡು . ⁶ . ಇಟ್ಟುಂಡೆದಾಯಿ ಅವಿಶ್ರಾಂತ್ಮುಲ ಕೆಲುವ್ಲು ಸೇರಾಲನೆ ಮಾಟ ಇಂಕ ವುಂಡೆ ದಾನ್ನಿಂಚ ಮೊದ್ಲು ಶುಭ್ಮು ವಾರ್ತಾ ಮಾನ್ಮುನ್ನಿ ಇನಿನೋಳು ಅವಿಧೆಯ್ಮು ಆಯಿನ ಕಾರ್ಲು ಮಿಂಚ . ⁷ . ದಾಂಟ್ಲ ಸೆರ್ಕುಣ್ಣ ಪಾಯಿಂದಾನ್ನಿಂಚ ಹೆಕ್ವಕಾಲ್ಮು ಪಾಯಿನ್ಮಿಂದ ವಾಡು ದಾವಿದುಡು ನೋರಿಂಚಿ ಮಾಟ್ಲಾಡಿ ಈ ಬೋದ್ದೆ ಅನಿ ಒಕ್ಟಾನೋಕ್ಟಿ ದಿನ್ಮುನಿ ಗೊತ್ತು ಸೇಸ್ನಾಡು ಎಟ್ಟಂಟೆ -ಮೀರು ಈಬೋದ್ದೆ ದೇವುಡು ಶಬ್ದುಮ್ಕಿ ಶವ್ವಿಸ್ತೆ ಮೀ ಹೃದಯುಮ್ಲುನಿ ಕಠಣ್ಮು ಸೇಸ್ಕೋವದಂಡ್ರಿ ಅನಿ ಪೈನ ವಚನ್ಮುಲ ಸೋಪ್ತಾಡಂತೆ . ⁸ . ಯೆಹೋಶುವುಡು ವಾಳ್ಕಿ ಆ ವಿಶ್ರಾಂತ್ಮುಲ ಸೇರ್ಬಿಚ್ಚಿಂದಾಯ್ತೆ ಅಮಿಂದ ಇಂಕೊಕ್ಟಿ ದಿನುಮ್ನಿ ಕುರಿಚ್ಚಿ ಸೋಪ್ಪೆದಿ ಆಯ್ತವುಂಡ್ಲೆದು . ⁹ ದಾನ್ನಿಂಚ ದೇವುಡು ಜನಾಲು ಅನುಭವಿಚ್ಚೆ ದಾನ್ಕಿವುಂಡೆ ಸಬ್ಬತ್ ಅನೆ ವಿಶ್ರಾಂತಿ ಇಂಕ ವುಂಡಾದಿ . ¹⁰ . ಎಟ್ಟಂಟೆ ದೇವುಡು ದಾನ್ ಕೆಲ್ಸಾಲ್ನಿ ಮುಗ್ಬಿಚ್ಚಿ ಎಟ್ಟ ವಿಶ್ರಮಿಚ್ಕೊನ್ನೋ ಅಟ್ಟೆನೆ ವಾಡ್ ವಿಶ್ರಾಂತಿಲಾ ಸೇರುಂಡೋಡು ಸಿಂಹ್ಮು ವಾಳ್ ಕೆಲ್ಸುಮ್ಲು ನೀ ಮುಗ್ಬಿಚ್ಚಿ ವಿಶ್ರಮಿಚ್ಕೊನ್ನಾಡು. ¹¹ . ದಾನ್ನಿಂಚ ಮಾಮು ಆ ವಿಶ್ರಾಂತಿಲ ಸೇರೆದಾನ್ಕಿ ಪ್ರಯಾಸ್ಮು ಪಡ್ದಾಮು ಮಾಲಾ ಒಕ್ಳಾಯ್ತೆನೂ ವಾಳ್ ಅವಿಧೇಯತ್ವುಮುನಿ ಅನುಸರಿಚ್ಚೆ ವಾಳು ಅವ್ಗುಡ್ದು ¹² . ಎದ್ಕಂಟೆ ದೇವುಡು ವಾಕ್ಯುಮು ಸಜೂಡು ಆಯಿಂದಿ ಕಾರ್ಯುಮು ಸಾದಕ್ಮು ಅಯಿಂದಿ ಯಾದ್ಡಿ ಇಬ್ಬಾಯಿ ಕತ್ತಿಕ್ಕಿಂತಾನು ಹದ್ಮು ಆಯಿಂದಿ ಪ್ರಾಣ್ಮು ಆತ್ಮುಲ್ನಿ ಕಿಲು ಮಜ್ಜೆಲ್ನಿ ವಿಭಾಗಿಚ್ಚೆ ಅಂತ ಮಟ್ಟಿಕು ತೂರಿ ಪಾಯೇ ಅಂಟೇದಿ ಹೃದಯ್ಮು ಆಲೋಚ್ನೆಲ್ನಿ ಉದ್ದೇಶ್ಮುಲ್ನಿ ವಿವೇಚಿಚ್ಚೆ ಅಂಟೆದಿ ಆಯಿಂದಿ . ¹³ . ಮಾಮು ಯೋವ್ಡಾರಲೆಕ್ಮು ಒಪ್ಪಿಯಾಲನುಂಡಾಯೋ ವಾಡ್ ದೃಷ್ಟಿಕಿ ಸಮಸ್ತಮಂ ಮೂಸಿ ಮರಲೆಂದಿ ಆಯಿನು ಬೈರಾಯಿಂದಿನು ವುಂಡಾದಿ ವಾಡ್ ಸನ್ನಿದಾನ್ಲ ಆಗೋಚರ್ಮುಆಯುಂಡೆ ಸೃಷ್ಟಿ ಒಕ್ಡೂಲೇದು . ¹⁴ . ಆಕಾಶ್ಮು ಮಂಡಲ್ಮುನಿ ದಾಟಿ ಪಾಯಿನ ದೇವುಡು ಕುಮಾರುಡು ಆಯಿನ ಯೇಸು ಅನೆ ಶ್ರೇಷ್ಠ ಪೆದ್ದ ಯಾಜಕುಡು ಮಾಕುಂಡೆದಾನ್ನಿಂಚ ಮಾಮು ಸೇಸುಂಡೆ ಪ್ರತಿಚ್ಚೆನಿ ಇಡಿಕುಣ್ಣ ಪಟ್ಕೋoದಾಮು . ¹⁵ . ಎoದ್ಕಂಟೆ ಮಾಕುಂಡೆ ಪೆದ್ ಯಾಜಕುಲು ಮಾ ನಿರ್ಬಲಾವಸ್ಸೇನಿ ಕುರಿಚ್ಚಿ ಅನುತಾಪ್ಮುಲೆ ನೋಡುಕಾದು ವಾಡು ಸರ್ವಮು ವಿಷಯುಮ್ಲ ಮಾಲಾಕನೆ ಶೋಧನೆಕಿ ಗುರಿಯಾಯೇ . ¹⁶ . ಪಾಪ್ಮು ಮಾತ್ರ ಸೇಯ್ಲೆದು ದಾನ್ನಿಂಚ ಮಾಮು ಕರುಣ್ಮುನಿ ಹೊಂದೆ ಲಾಕನು ಸಹಾಯ್ಮು ಮಾಕಿ ದೊರ್ಸೆಲಾಕನೂ ದೈರ್ಯುಮಿಂಚ ಕೃಪಾಸನ್ಮು ಮುಂದ್ರ ವತ್ತಾಮು.