15 ಅದ್ಯಯಮು
1
.ಅನ್ನದೊಮುಡ್ಲಾಲ ನಾನು ಮೀಕಿ ತಿಲಿಬಿಚ್ಚಿನ ಸುವಾರ್ತೆನಿ ಮೀ ನೆನಪಿಗಿ ಎತ್ತಗನಿ ವಸ್ತನು ಮೀರು ದಾನಿ ಸ್ವೀಕರಿ ಇಚ್ಚಿನಿಂಕಾ ದಾಟ್ಲಾ ನಿಲಚಿನಗ್ಗರು.
2
.ನಾನು ಯಾವ ಸಂಗತಿಲ್ನಿನಿ ಸೋಪ್ಪಿ ಮೀಕಿ ಸುವಾರ್ತೆ ನಿ ತಿಲಿಬಿಚ್ಚಿನೆನೂ ಮೀರು ದಾನಿ ಗಟ್ಟಿಗ ಪಟ್ಟುಗನಿ ಮಲ್ಲಿ ಮೀ ನಂಬಿಕೆನಿ ನಿರ್ದಾರಮು ಆಯಿನ ಪಕ್ಷನಿಗಿ ಆ ಸುವಾರ್ತೆನಿಂಕಾ ಮೀಕಿ ರಕ್ಷಣೆ ಆಯಿತ್ತದೆ.
3
.ನಾನು ಮೀಕಿ ತಿಲಿಬಿಚ್ಚಿನ ಮೊದಲನೆಯ ಸಂಗತಿಲೋಗ ಒಕ್ಕಟ್ಟಿ ಸಂಗತಿನಿ ಮೀಕಿ ತಿಲಿಬಿಚ್ಚಿನಾನು ಆದಿ ನಾನು ಸಹ ನೆರಸಿಗಾನು ಆದಿ ಹೇಮಿ ಅಂಟ್ಟೆ ಶಾಸ್ತ್ರಮುಂಲ ಮುಂದ್ರ ತಿಲಿಬಿಚ್ಚಿನ ಪ್ರಕಾರಂ ಕ್ರಿಸ್ತುಡೂ ಮಾಪಾಪಲ್ನಿನಿ ಮನಕಾಯಿ ಸಚ್ಚಿ.ಪ್ರಡಾಸಿ .
4
.ಶಾಸ್ತ್ರಾಮುಂ ಪ್ರಕಾರಂ ಮೂಡಸಿ ದಿನಮುಲ ಲೇಶಿನಾಡು .
5
.ಕೆಫನಿಗಿ ಅಮಿಂದ ಪನ್ನೆಂಡು ಮಂದಿ ಅಪೋಲಸ್ತಲಿಗಿ ಕಮ್ಮಡಿ ಚಿಗನ್ನಡೂ .
6
.ಅಮಿಂದ ಒಕ್ಕಟ್ಟೆ ಐನುರು ಜನನ್ಗಿ ದೃಷ್ಟಿ ಮೊಗಳಗಿ ಕಮ್ಮಡಿ ಚಿನನ್ನಡೂ ಉಳು ದಾಟ್ಲಾ ದೃಷ್ಟಿ ಇನಿಗಂಟ ಉಂಡಳು ಬೇರೆ ಜನಮು ನದ್ರ ಪತವುಟ್ರೀ .
7
.ಅಮಿಂದ ವಾಡು ಯಕೊಬಡಿಗಿ ಅಮಿಂದ ಅಪೋಲಸ್ತರಿಗಿ ಕಮ್ಮಡಿ ಚಿಗನ್ನಡೂ .
8
.ಕಟ್ಟೆ ಕಡೆ ವರಗುಮುಂ ದಿನಮುಂ ನಿಪ್ಪಿಗಿಂತ ಪುಟ್ಟಿನವಾಡು ರೀತಿಲ ಉಂಟಾಡು ನಾಕಿ ಕಮ್ಮಡಿಚಿಗಟ್ಟಡು.
9
.ನಾನು ಮಾತ್ರ ಅಪೊಲಸ್ತಲ ಕನಿಷ್ಟಮು ಅಂತ್ತೆ ನಾನು ದೇವುಡು ಸಭೆನಿ ಅವಮಾನಮುಂ ಪಡಬಿಚ್ಚಿನ ದಾನ್ ನಿಂಕಾ ಅಪೋಲಸ್ತಡು ಅನಿ ಬಿಚ್ಚಿಗನೆ ದಾನಕಿ ಯೋಗ್ಯಮು ಕಾದು .
10
.ಆತೆ ನಾನು ಅನಾತು ಆಯಿನಾನ ದೇವುಡು ಕ್ರುಪೆನಿಂಕಾ ಅನಾತುಡು ಅಯಿನಾನು ವಾಡನಿಂಕಾ ವಾಡಕೃಪೆಮು ಪ್ರಯೋಜಮು ಕಾಲೆ ನಾನು ವಾಳ ಅಂದಗಿಂತ್ತ ದೃಷ್ಟಿ ಪ್ರಯಾಸಮು ಪಾಟ್ನಾ ಆತೆ ಪ್ರಯಾಸಮು ಪಟ್ಟಿವಾಡು ನಾನು ಕಾದು ನಾ ಜೋತ್ಲ ಉನ್ನವಾಡೇ ದೇವುಡ ಕೃಪಮು.
11
.ಅಟ್ಟ ಅಂಟ್ಟೆ ನಾನು ಅಂಟ್ಟೆ ಹೇಮಿ ಯೋಳಂತೆ ಹೇಮಿ ಆ ಸಂಗತಿಲ್ನಿನಿ ಸಾರುತ್ತನು ಅವುಟ್ಲನಿ ಮೀರು ನಂಬಿನಾರು .
12
.ಕ್ರಿಸ್ತಡೂ ಸಚ್ಚಿನವಾಳ ಲೋಗನಿಂಕಾ ಲೇಶಿನಾಡು ಅನಿ ಸಾರುನಾಳು ಅನಿ ಮಿದಾಟ್ಲಾ ಕೊಂಚ್ಚಮು ಜನಮು ಸಚ್ಚಿವಾಳಗಿ ಪುನರುತ್ಥಾಮು ಲೇದು ಅನಿ ಸೋಪ್ಪೆದೀ ಯಟ್ಟ.
13
.ಸಚ್ಚಿನವಾಳಗಿ ಪುನರುತ್ಹಾನ ಲೇದು ಅನಿ ಕ್ರಿಸ್ತುಡೂ ಅಯಿನಾ ಲೇಸಿ ರಾನಿ
14
.ಕ್ರಿಸ್ತುಡೂ ಲೇಸಿರಾಗುಂಡಪಾತೆ ಮಾ ಪ್ರಸಂಗಮು ಹುರುಳಿಲೆನಾದೀ ಮಲ್ಲಿ ಮೀ ನಂಬಿಕೆ ಹುರುಳಿ ಉಂಡದಿ .
15
.ಇದಿಕಾಗುಣ್ಣ ಸಚ್ಚಿವಾಳು ಲೆಸಿವಚ್ಚೇಲೆ ಅನಿ ನಿಜಮು ಅಯಿನಾ ಪಕ್ಷಮುಲ ದೇವುಡು ಕ್ರಿಸ್ತುಡಾನಿ ಲೆಪಲೇ ಲೆಪಿನಾಡು ಅಣಿ ಸಾಕ್ಷಿ ಇಚ್ಚಿನ ಮಾಮು ದೇವುಡು ವಿಷಯಮುಲ ಸಾಕ್ಷಿಲು ಸೋಪ್ನಮು ಅನಿ ವಚ್ಚಿಂದಿ.
16
.ಸಚ್ಚಿವಾಳು ಲೆಸಿವಚ್ಚೇಲೆ ಅಂಟ್ಟೆ ಕ್ರಿಸ್ತುಡೂ ಲೇಸಿ ರಾಲೆ .
17
.ಕ್ರಿಸ್ತುಡೂ ಲೇಸಿ ರಾಲೇದು ಅಂಟ್ಟೆ ಮೀ ನಂಬಿಕೆ ಲೆನಾದಿ ಮೀರು ಇಂಕಾಮಿಂದ ಪಾಪಲಗಯಿ ಉಂಡಲು .
18
.ಇದಿ ಕಾಗುಣ್ಣ ಕ್ರಿಸ್ತುಡಾ ವಾಳಯಿ ನಿದ್ರಾ ಪಾತ ನಾಶಮೈನಾಳು.
19
.ಈ ಜೀವಮಾನ ಕಾಲಮಂತ ಪೂರ್ತಿಗ ಮನಮು ಕ್ರಿಸ್ತುಡ್ಲಾ ನಂಬಿಕೆ ಪೆಟ್ಟಗನಿ ಉಂಡದಾಮು ವರತೋ ಬೇರೆ ಹೇಮಿ ಅನ್ನಿ ಮನುಷ್ಯಲ ನಿರ್ಬಾಗಮೆ ಸರಿ.
20
.ಆತೆ ಕ್ರಿಸ್ತುಡೂ ಸಚ್ಚಿನವಾಳ ಲೋಗನಿಂಕಾ ಲೇಸಿ ವಚ್ಚಿನಾಡು ನಿದ್ರ ಪುಗುನ್ನವಾಳು ಪ್ರಥಮ ಫಲಮು ಅಯಿನಾಡು .
21
.ಮನುಷ್ಯಮುಲಕಂ ಮರಣಂ ಉಂಟೈನಾ ಪ್ರಕಾರಂ ಮನುಷ್ಯಲ ಮೂಲಕ ಸಚ್ಚಿನವಾಳಗಿ ಪುನರುತ್ಹಾನಮುಂ ಉಂಟಾತ್ತದಿ.
22
.ಯಾವ ಪ್ರಕಾರಂ ಅದಾಮನಿಂಕಾ ಸಂಬಂಧಮು ನಿಂಕಾ ಅಂದ್ರು ಸಚ್ಚಿನಾರೋ ಅದೇ ಪ್ರಕಾರಂ ಕ್ರಿಸ್ತುಡಾ ಸಂಬಂಧಮುನಿಂಕಾ ಅಂದ್ರು ಬದುಕುತ್ತಾರು.
23
.ಆತೆ ಪ್ರತಿ ಒಗ್ಗಡು ವಾಡುವಾಡಿನ ತರಗತಿಲ ಉಂಡೆದಾಂಟ್ಲ ಕ್ರಿಸ್ತುಡೂ ಪ್ರಥಮ ಫಲನಿ ಅಮಿಂದ ಕ್ರಿಸ್ತುಡಾ ಪ್ರಥ್ಯಕ್ಷಮುಲ ಅನಾಥಲು ಲೇಸಿ ವಸ್ತರು.
24
.ಅಮಿಂದ ವಾಡೂ ಬೇರೆ ಅನ್ನಿ ದೊರೆತನಮುನಿ ಅನ್ನಿ ಅಧಿಕಾರಮುನಿ ಬಾಲಮುನಿ ನಿರ್ವತ್ತಮು ಶೇಸಿ ತಂ ಡ್ರಿ ಅಯಿನಾ ದೇವುಡಗಿ ರಾಜ್ಯಮುನಿ ಒಪ್ಪಿಚ್ಚಿ ಇಚ್ಚೆ ಅಪ್ಪುಡು ಸಮಾಪ್ತಿ .
25
.ಎಂದಗು ಅಂಟ್ಟೆ ವಾಡು ಅನ್ನಿ ವಿರೋದಲ್ನಿನಿ ವಾಡು ಕಾಲ ದಿಗುನ ಹೇಸುಗನಿ ವರಗಮು ದೇವುಡ ರಜ್ಯನಿ ಅಳೆದೀ ಅವಶ್ಯಾಂ
26
ಮರಣಂ ತಟ್ಟು ಶತ್ರುಲು ಅಯಿನಾ ನಿರ್ನಯಿಚು ಉಂಟಾ.
27
.ದೇವುಡು ಸಮಸ್ತಲ್ನಿನಿ ವಾಡಪಾದಲ ದೇಗ್ಗರ ಎಶಿ ವಾಡಗಿ ಅದಿನಮುಂ ಶೆಸಿನಾಡು ಅನಿ ಸೋಪ್ಪಿನಾಡು ಕದ ಸಮಸ್ತಮ ವಾಡಗಿ ಅದಿನಮು ಶೆಸಿನದಿ ಅನಿ ಸೋಪ್ಪಿನಪ್ಪುಡು ಸಮಸ್ತಮು ಅದಿನಮು ಶೇಶಿನವಾಡು ದಾಂಟ್ಲ ಸೇರ್ಲೆದು ಅನಿ ಸ್ವಸಂತಮು ಅಯಿಂದಿ.
28
.ಸಮಸ್ತಮು ವಾಡಗಿ ಅದಿನಮುಂ ಅಯಿನಮಿಂದ ಕೊಡುಕು ಸಮಸ್ತನಿ ನಾಕಿ ಅದಿನಮುಂ ಸೇಸಿ ಇಚ್ಚಿವಾಡಗಿ ಅದಿನಾಡು ಅಯಿತ್ತಡು ಇಟ್ಟ ದೇವುಡು ಸಮಸ್ತಲ ಸಮಸ್ತಮುಂ ಅತ್ತಾಡು .
29
.ಸಚ್ಚಿವಾಳಗಿ ಪುನರುತ್ಹಾನ ಲೇದು ಅಂಟ್ಟೆ ಸಚ್ಚಿವಾಳಗೊಸ್ಕರಂ ದಿಕ್ಷಾಸ್ನಾನಮು ಸೇಬಿಚ್ಚಿನವಾರು ಹೇಮಿ ಸೇಸ್ತಾರು ಸಚ್ಚಿವಾಳು ಲೆಸಿರಾಗು೦ಡಾ ಪಾತೆ ವಾಲ್ಗೊಸ್ಕರಂ ದಿಕ್ಷಾಸ್ನಾನಮು ಸೇಬಿಚ್ಚಿ ಗಟ್ಟರು .
30
.ಮಾಮು ಸಹ ಪ್ರತಿಒಗಗಳಿಗೆಲಎಂದಗು ಭಯಮುನಿಂಕ ಉಂಟಾಮು ಅನ್ನದೊಮಡ್ಲಾಲ.
31
.ಮಾ ಕರ್ತುಡೂ ಅಯಿನಾ ಕ್ರಿಸ್ತ ಯೇಸುಲ ಮೀಕಿ ತಿಲಚಿ ಮಾಕಿ ಉಂಡೆದಾತ್ಲ ಪೈನಾ ಅನೆ ಪೆಟ್ಟಿ ನಾನು ದಿನಮುನು ಸೇಸ್ತಾಉಂಡನು ಅನಿ ಸೋಪ್ತಡೂ .
32
.ನಾನು ಎಫೆಸಲ ಕಾಡುಮೃಗಲೂ ಜೋತ್ಲ ಯುದ್ದಮು ಸೇಸಿನಪ್ಪುಡು ಕೇವಲ ಮನುಷ್ಯಲ ಅಭಿಪ್ರಾಯಮು ರೀತಿ ನಾಕಿ ಹೇಮಿ ಪ್ರಯೋಜನಮು ಸಚ್ಚಿವಾಳು ಲೇಸಿ ರಾಗುಂಡ ಪಾತೆ ತಿಂದಮು ತಗುದಮು ರೇಪು ಸೇಸ್ತಮುಕದ .
33
.ಮೊಸಮು ಪುವದರಿ ದುರಸೇಲ ಪೋವದರೀ ಸಾದಚಾರನಿ ಸೇಡಾಪು ಅಟ್ಟಗ .
34
.ಇಟ್ಟ ದಾನಿಂಕ ಎಚ್ಚರ ಮೇಗಿ ನಿತಿವಂತಲಕಾರಿ ಪಾಪಮುನಿ ಇಡಸಿ ಬೇರೆವಾಳಗಿ ದೇವುಡ ವಿಷಯಮುಲ ಜ್ಞಾನಾಮೆ ಲೇದು ಮೀಕಿ ನಾಚಿಕೆ ಪಡಬಿಯಲ್ಲ ಅನಿ ಡಿಸ್ ನಿ ಮೀಕಿ ನಾಚಿಕೆಹುಟ್ಟಮು ೦ ಮಿಂದು ಸೋಪ್ಪೆಲೆ
35
.ಸಚ್ಚಿನವಾಳು ಎಟ್ಟ ಲೇಸಿವಸ್ತರು ಎಟ್ಟ ದೇಹಮುನಿಂಕಾ ವಸ್ತರು ಅನಿ ಒಗಡೂ ಅಡಗುತ್ತಡು .
36
.ವಡ್ಡು ಡು ನುವಾ ನುವಾ ಬಿತ್ತಿನ ಬೀಜಮುನಿ ಸಾಯಗುಣ್ಣ ಉಂಟೆ ಜಿವಂಚೆ ಲೇದ.
37
.ಸೂಡಿ ಒಗ ವೇಳ ಗೊದಿಗಂಜಲು ಕನಿ ಬೇರೆ ಯಾವುದೇ ಬೀಜಮುಕಾನಿ ಬಿತ್ತಿನಪ್ಪುಡು ಬರೀ ಬತ್ತಿನಮಾತ್ರ ಕಾನಿ ಮುಂದ್ರ ಅಯಿಬೆಕನದಿ ದೇಹಮುನಿ ಕೂಡ ಬಿತ್ತೇಲೆ.
38
.ಅತೆ ದೇವುಡು ನಾ ಇಷ್ಟ೦ ಪ್ರಕರಂ ದಾನಗಿ ದೇಹಮು ಇಸ್ತಡು ಒಗೋಗದಾನಗಿ ಬೀಜನಗಿ ದಾನದಾನ ಪ್ರಕಾರಂ ದೇಹಮುನಿ ಇಸ್ತಡು .
39
.ಅನ್ನಿ ಶರಿರಲು ಒಕ್ಕಟ್ಟೆ ವಿಧಮೈನಾದಿ ಕಾದು ಮನುಷ್ಯುಡ ಶರಿರಮು ಬೇರೆ ಪಶುಲದೀ ಶರಿರಮು ಬೇರೆ ಗುವುಲದಿ ಶರಿರಮು ಬೇರೆ ಶಾಪಲ್ದ ಬೇರೆ.
40
.ಇದಿಕಾಗುನ್ನ ಪರಲೋಕಮು ಅಯಿನಾ ದೇಹಲು ಉಂಡವಿ ಭೂಲೋಕಮುಲ ದೇಹಲು ಉಂಡವಿ ಆತೆ ಪರಲೋಕ ದೇಹಲು ಮಹಿಮ ಬೇರೆ ಭೂಲೋಕಂ ದೇಹಲು ಮಹಿಮ ಬೇರೆ.
41
.ಸುರ್ಯಾಡಾ ಮಹಿಮ ಒಕ್ಕಟ್ಟಿ ವಿಧಮುಂ ಚಂದ್ರಡಿನ ಮಹಿಮ ಬೇರೆ ಒಕ್ಕ ವಿಧಮುಂ ನಕ್ಷತ್ರಲದಿ ಮಹಿಮ ಇಂಕಾ ಒಕ್ಕಟ್ಟಿ ವಿಧಮೈನಾ ಮೈಮೇಲ ಒಕ್ಕಟ್ಟಿ ನಕ್ಷತ್ರನಿಕಿ ಇಂಕೋಕ್ಕಟ್ಟಿ ನಕ್ಷತ್ರನಿಕಿ ಹೆಚ್ಚು ಕಡಿಮೆ ಉಂಡಾದೀ .
42
.ಸಚ್ಚಿವಾಳಗಿ ಪುನರುತ್ಥಾನಮು ಅದೇ ಪ್ರಕಾರಮು ಆಯಿತ್ತದಿ ದೇಹಮು ಲಯವಸ್ತಮುಲ ಎರಚ್ಚಿ ಉಂಟಾದಿ ನಿರ್ಮಾಯ ವಸ್ತಲ ಲೇಸಿ ವಸ್ತದಿ ಇನಾ ಸ್ತಿಲ ಎರಚ್ಚಿ ಉಂಟಾದಿ.
43
.ಮಹಿಮಲ ಲೇಸಿ ವಸ್ತದಿ ನಿರ್ಮಾಯ ವಸ್ತಲ ಎರಚ್ಚಿ ಉಂಟಾದಿ.ಬಲಮೈನಾ ವಸ್ತಲ ಲೇಸಿ ವಸ್ತದಿ
44
.ಪ್ರಾಕೃತಮು ದೇಹಮು ಅಯಿನದಿ ಎರಚ್ಹ ಮುಟ್ಟಾದಿ ಆತ್ಮಿಕ ದೇಹಮು ಅಯಿಂದಿ ಲೇಸಿ ವಚ್ಚಿಂದಿ ಪ್ರಕೃತಿ ಮಯಿನ ದೇಹಮು ಅಯಿಂಟ್ಟೆ ಆತ್ಮಿಕ ದೇಹಮು ಉಂಟಾದಿ .
45
ಮೊದಲೇನಾ ಮನುಷ್ಯಲು ಅದಾಮುಲು ಬದುಕಿನ ಪ್ರಾಣೇ ಅಯಿನಾಡು ಅನಿ ರಾಶಿಂದಿ ಕದ ಕೊನೆ ಅದಾಮುಡು ಬದುಕಿಚ್ಚಿನ ಆತ್ಮ ಆತ್ಮಿಕ ಅಯಿನದಿ ಮೊದಲನೆದಿ ಕಾದು .
46
.ಪ್ರಕೃತಮು ಅಯಿನದಿ ಮೊದಲೆನದಿ ಅಮಿಂದ ಆತ್ಮಿಕ ಮೈನಾದಿ ಮೊದಲನೆದಿ ಮನುಷ್ಯಲು ಭೂಮಿ ಲೋಗ ನಿಂಕ.
47
.ಉತ್ಪತ್ತಿ ಆಯಿ ಮಣ್ಣಿಗಿ ಸಂಬಂಧಮು ಪಟ್ಟನಾಡು ರೋಡನಿ ಮನುಷ್ಯ ಪರಲೋಕನಿಂಕ ವಚ್ಚಿನಾಡು .
48
.ಮಣ್ಣಿನಿಂಕಾ ಪುಟ್ಟಿನವಾಡು ಎಟ್ಟವಾಡು ಮಣ್ಣಿಗಿ ಸಂಬಂಧ ಪಟ್ಟನಾಡು ಅಟ್ಟವಾಡೇ ಪರಲೋಕುಮುನಿಂಕಾ ವಚ್ಚಿವಾಳು ಅಟ್ಟವಾಡು ಪರಲೋಕಂ ಸಂಬಂಧನಿಂಕ ಪುಟ್ಟಿನವಾಡು ಅಟ್ಟ ವಾಡೆ.
49
.ಮನಮುಂ ಮೊನ್ನಿಂಕಾ ಪುಟ್ಟಿನ ಸ್ವರೂಪಮುನಿ ಧರಿಪಿಚ್ಚಿನ ಪ್ರಕಾರಮು ಪರಲೋಕನಿಂಕಾ ವಚ್ಚಿನ ಸ್ವರೂಪನಿ ಧರಚಿಕೊವಲ್ಲ .
50
.ಅಣ್ಣದೊಮಡ್ಲಾಲ ನಾನು ಸೋಪ್ಪೆದೀ ಹೇಮಿ ಅಂಟ್ಟೆ ರಕ್ತಪು ನಿಂಕ ದೇಹನಿಂಕ ದೇವುಡ ರಾಜ್ಯನಿಗಿ ಸೇರೆದಾನಿಕಿ ಅಯೆಲ್ಲೇ ಆದಿ ಅನ್ಯಾಮು ಅಯಿನಾದಿ ನಿರ್ಲಯಮು ಪಧವಿಗಿ ಪ್ರಯೋಜಮು ಅಯೆಲ್ಲೇ.
51
.ಇನ್ನರಿ ಇಂತು ಪೆದ್ದು ಗುಪ್ತಮೈನಾ ಸಂಗತಿಲನಿ ಸೋಪ್ಪನಾನು ಮಾಮು ಅಂದರು ನಿದ್ರಮು ಪೋಯೆಲ್ಲೇ .
52
.ಆತೆ ಕಡೆ ದಿನಮುಲ ತುತೂರಿ ಶಬ್ದಮು ಅಯೇದಿ ಮನಮು ಅಂದರು ಒಕ ಕ್ಷಣಮುಲ ರೆಪ್ಪಲು ಕೊಟ್ಟೆ ಲೋಗ ಎಚ್ಚರಮು ಕಾವಲ ತುತೂರಿ ಊದಿನ ಸಚ್ಚಿವಾಳು ನಿರ್ಮಲಯಿ ಲೆಸ್ತರು ಮನಮು ಒದು ಉತ್ತಮು .
53
.ಲಯಮೈನಾ ಈ ದೇಹಮುನಿ ನಿರ್ಮಲಮೈನಾ ದಾನಿ ದರಿಪಿಚ್ಚೆ ದಾನಕಿ ಆತರು ಈ ದೇಹಮು ಅಮರತ್ಮನಿ ಧರಿಬಿಚ್ಚೆ ವಾಡು ಅವಶ್ಯ.
54
.ಲಯಮೈನಾ ಈ ದಿನಮುನಿ ನಿರ್ಲಯಮು ಆಯಿನ ವರಬಿಚ್ಚಿನ ಈ ದೇಹಮುನಿ ಅಮರತ್ಮನಿ ವರಬಿಚ್ಚಿಗನಮುನಿ ರಬಿಚ್ಚಗನದಿ ಮಾಟ ನೆರವೆರಿಂದಿ ಆ ಮಾಟ ಹೇಮಿ ಅಂಟೆ ಮರಣಮುನಿ ನುಂಗಿ ಪೈಯಂದಿ ಜಯಮು ಅಯಿಂದಿ .
55
.ಮರಣಮೆ ನೀ ಜಯಮುಲ ಮರಣಮೆ ನೀ ವಿಷಯಮುಲ ಮರಣಮು ಕೂಡಿ ಮರಣಮು ಜ್ಞಾನ ಮರಣಮು ಕೂಡಿ ಪಾಪಮೆ .
56
.ಮಲ್ಲಿ ಪಾಪಮು ಎಡಮುದಿಕ್ಕಿ ಆಧಾರಮು ಧರ್ಮಶಾಸ್ತ್ರಮೇ .
57
.ಆತೆ ದೇವುಡು ಮಾ ಕರ್ತೋಡು ಆಯಿನ ಯೇಸು ಕ್ರಿಸ್ತುಡಾ ಮೂಲಕ೦ ಮಾಕಿ ಜಯಮುದಿ ಇಚ್ಚಿನಾಡು .ವಾಡಗಿ ಸ್ತೋತ್ರಂ .
58
.ದಾನ ನಿಂಕಾ ನಾ ಪ್ರಿಯಾ ಅನ್ನದೊಮಡ್ಲಾಲ ಎಚ್ಚರ ಮೈಯಿ ಉಂಡು ನಿರ್ಮಲ ಮೈಯಿ ಉಂಡಾದೀ.ಮೀರು ಕರ್ತೋಡು ಸೇವೆಲ ಪಡೆ ಪ್ರಸಮು ಅಯೇಲೆ ಅನಿ ತಿಲಿಚ್ಚಿಕೊವದಲಿ ಕರ್ತೋಡ ಕೆಲಸಮು ಯಪ್ಪುಡುನು ಆಶಕ್ತಿನಿಂಕಾ ಸೇಯಾರಿ .