¹ .ಪ್ರಿತಿನ್ನಿಅಭ್ಯಾಸಮು ಸೇಸುಗರಿ ಅನ್ನರು ಪವಿತ್ರಾತ್ಮನಿಂಕಾ ಉಂಟೈನ ವರಮುಲ್ನಿ ಅವುಟ್ಲ ಲೋಗ ವಿಶೇಷ ಮೈನಾ ಪ್ರವಾದಿಚ್ಚಿನ ವರಮುನ್ನೇ ಆಶಕ್ತಿನಿಂಕಾ ಪಡಸುಗ್ಗೋರಿ . ² .ವಾಣಿನಿ ಆಡಿನಾವಾಡು ದೇವುಡು ಜೋತ್ಲಾ ಮಾಟ್ಲಾ ಆಡುತ್ತದೋ ಹೊರತು ಮನುಷ್ಯಲ ಜೋತ್ಲಾ ಮಾಟ್ಲಾಲು ಆಡೇಲ್ಲ್ಲೇ ವಾಡು ಆತ್ಮ ಪ್ರೇರ ಅಪ್ ನುಡು ಆಯಿ ಸತ್ಯಮೈನಾ ರಹಸ್ಯಲ್ನಿ ಸೋಪ್ತವುಂಡೆ ಯೋಳು ತಿಲುಚ್ಚಿ ಗೊನ್ನಲೇ . ³ .ಪ್ರವಾದಿಚ್ಚಿನ ವೇಳೆನ ಮನುಷ್ಯಲ ಜೋತ್ಲಾ ಮಾಟ್ಲಾ ಡುತ್ತಾ ವಳಿಕಿ ಭಕ್ತಿ ವೃದ್ದಿಸಿ ಪ್ರಾಸ್ತಮಂ ಸೇಸ್ತ ಸಂತೃಸ್ತ ಸೇಸ್ತವುಂಡೆ ⁴ .ವಾಣಿನಿ ಸೋಪ್ಪೆವಾಡು ವಾಡಿಗಿ ಮಾತ್ರಮುಂ ಭಕ್ತಿವೃದ್ದಿನಿ ಉಂಟು ಸೇಸ್ತಾಡು ಪ್ರವಾದಿಚ್ಚಿನ ವಾಡು ಸಬೆಗಿ ಭಕ್ತಿವ್ರುದ್ದಿಸಿ ಉಂಟು ಸೇಸ್ತಡು . ⁵ .ಮಿರಂದ್ರ ವಾಣಿಲ್ನಿಆಡಲ ಅನಿ ನಾನು ಅಪೇಕ್ಷಿ ಇಚ್ಚೀನ ದಾನಗಿಂತ ಮೀರು ಪ್ರವಾದಿಯಲ ಆನಿ ನಾ ಇಷ್ಟಮು ವಾಣಿಲ್ನಿ ಆಡಿನವಾಡು ಸಭೆಗಿ ಭಕ್ತಿವೃದ್ದಿನಿ ಕಾಯಿ ಆ ವಾಣಿನಿ ಅರ್ಥಮನಿ ಸೋಪ್ಪುಗುನ್ನ ಪಾತೆ ವಾಡ ಗಿಂತ ಪ್ರವಾದಿಚ್ಚಿನ ವಾಡು ಪ್ರವಾದಿಸ್ತಡೂಶ್ರೆಷ್ಟಮೈನಾವಾಡು ಅಣ್ಣದೊಂಬುಡ್ಲಾ ⁶ .ನಾನು ಅತ್ತಿರಗಿ ಹೊಚ್ಚಿ ದೇವುಡು ಸೋಪ್ಪಿದಾನಿ ಪ್ರಕಟಿಸ್ತ ಜ್ಞಾನಮೈನಾ ವಾಕ್ಯನಿ ಹಾಡುಗುನ್ನ ಪ್ರವಾದಿನಿ ಸೋಪ್ಪೆಗುನ್ನ ಉಪದೆಶಮುಂ ಚೈಗುನ್ನ ವಾಣಿಲ್ನಿ ಮಾತ್ರಂ ಸೋಪ್ಪಿನವಾಡು ಐನಾಳು ನಮ್ನಿನಕಾ ಮಿಕೇಮಿ ಪ್ರಯೋಜನಮುಂ ಆಯಿಂದಿ . ⁷ .ಕೋರಲು ವೀಣೇ ಉದಲೈನಾ ಅಚೆತನಾ ವವೃಲ್ಲ ಸ್ವರಮುಲ್ನಿ ಯಾವ ಬೇದಮುನಿ ಸೋಪ್ಪಿಚ್ಚಿನವಾಳೆನ್ನ ಉಂಡಿದ್ದಿ ಐನ ಕೊಟ್ಟಿನ ವಾಡೈನಾ ಇಂಟೈನ ಅನಿ ಯಟ್ಟ ಗೊತ್ತಾ ಅತ್ತದಿ ⁸ .ತುತೂರಿಯ ಗೊತ್ತಲೆಗುನ್ನ ಶಬ್ದಮುನಿ ಇಸ್ತೆ ಯೋಳು ಯುದ್ದನಿಗಿ ಸಿದ್ದಮುಂ ಸೇಸಗಟ್ಟರು . ⁹ .ಅಟೆಹೆ ಮೀರು ತಿಲಿಚ್ಚಿಗನ್ನೆದೀ ಭಾಷೆನಿ ನೋಟಿನಿ೦ಕಾ ಹಾಡುಗುನ್ನಾ ಪಾತೆ ಮೀ ಮಾತಿನ ಅರ್ಥಮನಿ ಯೇಟ ಚಿಲಚಿಗನೆವಿ ಮೀರು ಗಾಲುಜೋತ್ಲ ಮಾಟ್ಲಡಿ ನ ಅಟ್ಟೆ ಹೈನಾರು. ¹⁰ .ಲೋಕುಮುಲ ಎತ್ತೋವಿದಮೈನಾ ಬಾಷೆಲು ಎನ್ನನು ಅವುಟ್ಲಾ ಒಕಟೈನಾ ಅರ್ಥಮು ಅಲೈದು. ¹¹ .ಭಾಷೆನಿ ಅರ್ಥಮುನಿ ನಾಕಿ ಗೊತ್ತಲೆಗುನ್ನ ಎಂಟೆ ಮಾಟ್ಲಾಡಿ ವಾಡು ನಾನು ಅನ್ಯವೆಶಮೈನ ವಾಡು ಆಯಿಟ್ ಮಾಟ್ಲಾಡಿನ ವಾಡು ನಾಕಿ ಅನ್ಯದೆಶಮೈನಾವಾಡು ಆಯಿಟ್ಟಡು . ¹² .ಅಟೆಹೆ ಮೀರು ಆತ್ಮ ಪ್ರೇರಿತ ಆಯಿ ನುಡಿಲ್ನಿ ಸೊಪ್ಪೇ ವಾನಿಕಿ ಅಪೇಕ್ಷ ಇಚ್ಚಿವಾಳೆನ ಸಭೆಗಿ ಭಕ್ತಿವುದ್ದಿನಿ ಉ೦ ಟು ಮುಂ ಐನಟ್ಟಗ ದಾನಕಿಂತ ಹೆಚ್ಚು ಅನೈನ೦ ಟ್ಟಗ ಸೇಸೆವಾನಿಕಿ ಪ್ರಯತ್ನಮುಂ ಸೇಯರಿ. ¹³ .ಅದಿಕಗುನ್ನ ವಾಣಿಲ್ನಿ ಆಡಿನವಾಡು ನಾಕಿ ದಾನಿನ ಅರ್ಥಮುನಿ ಸೋಪ್ಪೆದಾನಿಕಿ ಉಂಟು ಕಾವಲ ಅನಿ ದೇವುಡ್ಲಾ ಪ್ರತಿನಿ . ¹⁴ .ಎಂದುಗು ಅಂಟೆ ನಾನು ವಾಣಿನಿ ಸೊಪ್ತ ದೆವುಡುನಿ ಪ್ರತಿಸ್ತ ನಾ ಅತ್ಮಮುಂ ಪ್ರತಿಸ್ತ ವರುತ್ತು ನಾ ಬುದ್ದಿ ಪ್ರಯೋಜನಮುಂ ಆಯಿಂಟದಿ ಆಟಂ ಟೈ ಹೇಮಿ. ¹⁵ .ನಾನು ಅತ್ಮನಿಂಕಾ ಪ್ರಾರ್ತಿಸ್ತ ಬುದ್ದಿನಿಂಕಾ ಪ್ರಾರ್ತಿಸ್ತ ಆತ್ಮನಿಂಕಾ ಆಡುತ್ತಾ.ಬುದ್ದಿನಿಂಕಾ ಆಡುತ್ತನು. ¹⁶ .ನುವಾ ಅತ್ಮನಿಂಕಾ ಮಂತ್ರಮು ದೆವುಡುನಿ ಸ್ತೋತ್ರಮುಂ ಸೇಸ್ತೆ ಆ ವಾರಮುನಿ ವಂದಿನವಾಡು ಸಭೆಗಿ ನುವಾ ಸೋಪ್ಪಿದ್ದಿ ಗೊತ್ತಾಲೆಗುನ್ನ ಉಂಟ್ಟೆ ನುವಾ ಸೇಸೇನಾ ಕ್ರುತಜ್ಞ್ಯ ಸುತ್ತಿಲಿನಿ ವಾಡು ಆಮೆನ್ ಅನಿ ಯೋವ ಸೋಪ್ತಡೂ ¹⁷ .ನುವೈನ ಭಾಗ ಕೃತಜ್ಞ ಸ್ತುತ್ಲಿನಿ ಸೇಸ್ತ ಅವ್ನು ಅಂಟ್ಟೆ ಬೆರಗೋಡು ಭಕ್ತಿವೃದ್ದಿನಿ ಹೊಂದಲೆ. ¹⁸ .ನಾನು ಮಿಕ್ಕದರುಗಿಂತ ಜಾಸ್ತ ಆಯಿ ವಾಣಿಲ್ನಿ ಆಡತನು ಅನಿ ದೇವುಡು ಕೊಂಡಾಡುತ್ತಾ. ¹⁹ .ಆಯಿನಾನು ಸಭೇಲ ವಾಣಿನಿಂಕಾ ಪದಿಸಾವಿರಲು ಮಾಟು ಆಡದಾ ಗಿಂತ ನಾ ಬುದ್ದಿನಿಂಕಾ ಐನು ಮಾತ್ಲಡಿ ಬೇರೊಲ್ಗಿ ಉಪದೆಶಮುಂ ಸೇಸೆದಾನಿಕಿ ನಾಕಿ ಇಷ್ಟಮುಂ ಆತದಿ . ²⁰ ನುವೈನ ಭಾಗ ಕೃತಜ್ಞ ಸ್ತುತ್ಲಿನಿ ಸೇಸ್ತ ಅವ್ನು ಅಂಟ್ಟೆ ಬೆರಗೋಡು ಭಕ್ತಿವೃದ್ದಿನಿ ಹೊಂದಲೆ. .ನಾನು ಮಿಕ್ಕದರುಗಿಂತ ಜಾಸ್ತ ಆಯಿ ವಾಣಿಲ್ನಿ ಆಡತನು ಅನಿ ದೇವುಡು ²¹ ಕೊಂಡಾಡುತ್ತಾ..ಆಯಿನಾನು ಸಭೇಲ ವಾಣಿನಿಂಕಾ ಪದಿಸಾವಿರಲು ಮಾಟು ಆಡದಾ ಗಿಂತ ನಾ ಬುದ್ದಿನಿಂಕಾ ಐನು ಮಾತ್ಲಡಿ ಬೇರೊಲ್ಗಿ ಉಪದೆಶಮುಂ ಸೇಸೆದಾನಿಕಿ ನಾಕಿ ಇಷ್ಟಮುಂ ಆತದಿ . ²² .ಅವಿ ಕಾಗುನ್ನ ವಾಣಿಲ್ನಿನಿ ಅಡೆವಿ ನಮ್ಬೇವಲವಿ ಸೂಚನಾಮುಂ ಅಯಿದೆ ಒರತ್ ನಂಬಿನವಾಳಗಿ ಸೂಚನಾಮುಂ ಅಯಿಂದ್ದಿ ಅನಿ ತಿಳಿಚಿಗೋವಲ್ಲ ಆತೆ ಪ್ರವಾದಿನಿ ನಂಬಿನ ವಾಳ ಗೊಸ್ಕರಮುಂ ಕಾದು ನಂಬಿನವಾ ಳಕಿ ಅಯಿದೆ. ²³ .ಇಟ್ಟುಪ್ಪೆದಾನಿಂಕ ಸಭೆ ಅನ್ನಿನ್ನು ಒಗಟೆ ಸ್ಥಾಳಂಲ ಕೂಡಿವಚ್ಚಿ ಅಪ್ಪುಡು ಅಂದರುನು ವಾಣಿಲ್ನಿನಿ ಅಡಿನಾರು ಈ ವಾಹನಿ ವೊಂದಿನ ಉಪ್ಪೆದಾನಿಂಕಾ ಸಭೆವಾಳು ಅನಿನ ಕ್ರಿಸ್ತಡೂ ನಂಬಿಕೆಲ ಲೇನ ವಾಡು ಲೋಗಲ ವೋಚ್ಚಿ ಚೂ ಸಿ ಹುಚ್ಚು ಮಿಕು ಪೊಟ್ಟಗೊನ್ನದಿ ಅನಿ ಸೋಪ್ಪೇಲೇದ . ²⁴ .ಅತೆ ಮೀರು ಅಂದರು ಪ್ರವಾದಿ ಸೇಸ್ತ ಉನ್ನಪ್ಪುಡು ಕ್ರಿಸ್ತನಂಬಿಕೆ ಲೆನೋಳುಕಾಣೆ ಈ ವಾರಮುಲ್ನಿನಿ ಲೋಕುನ್ನ ಕಾಣೆ ಲೋಗೊಕಿ ವಸ್ತೆ ವಾಡು ಅಂದ್ರು ಮಾಟ್ಲಾನಿ ಹಿನಿ ವಾಡು ಪಾಪಿ ಅನಿ ಅರುಹನ್ನು ಹೊಂದಿನಿ ಅಂದ್ರು ಮಾಟ್ಲಾ ನಿಂಕಾ ಪರಿಶುದ್ದ ಅಥಡು. ²⁵ .ವಾಡು ಹೃದಯಂ ರಹಸ್ಯಲು ಬೈಲ್ ಅತವಿ ಮಲ್ಲ ಹಟ್ಟಪೋಡಿ ದೇವಡುನಿ ಆರಾಧಿಚ್ಚಿ ದೇವಡು ನಿಜಮೈನ ಮಿದಾಂಟ್ಲಾ ಉಂಡಾಡು ಅನಿ ಪ್ರಚಾರಮು ಪಡಬಿಸ್ತಡು . ²⁶ .ಅಟ್ಟ ಅಂಟೆ ಹೇಮಿ ಅನ್ನದೊಮ್ಬುಡಲ ಮೀರು ಕೂಡಿ ವಚ್ಚಿನ ಅಪ್ಪಡು ಅಡ ತಡು ಇಂಕೊಗಡು ಉಪದೆಶಂ ಸೇಸ್ತಾಡು ಇಂಕೊಡು ವಾಡಗಿ ಪ್ರಕತಿಸ್ತಡು .ಸೋಪ್ತಡೂ ಇಂಕೋಡು ವಾಣಿ ಅಡೆದಾನಿ ಒಗಡೂ ದಾನ ಅರ್ಥಮನಿ ಸೋಪೆದೀ ಉಂಟಂತೆ ಮೀರು ಹೇಮೆ ನಾಡಿಪ್ಪಿಚಿನ ಭಕ್ತಿವೃದ್ದಿ ಆಯಿ ನಡೆಯಿರಿ . ²⁷ ವಾಣಿಲ್ನಿನಿ ಅಡುವಾಳು ಆತೆ ಇದ್ದರು ಲೇದ ಅವಶ್ಯಮತೆ ಮೂಗರು ಗಿಂತ ಹೆಚ್ಚು ಲೇಗುನ್ನ ಒಗಡಿಗಿ ಒಗಡಯಿ ಮಾಟ್ಲಾಡಲ್ಲ ಮಲ್ಲಿ ಒಗಡೂ ಅರ್ಥಮನಿ ಸೊಪ್ಪಲ್ಲ . ²⁸ .ಅರ್ಥಮನ್ನಿ ಸೋಪ್ಪೆದೀಲೇಡು ಅಂಟ್ಟೆ ವಾಣಿನಿ ಅಡೆ ವಾಡನಿ ಸಭೇಲ ವಿರುಕ್ಕುನಿ ವಾಡು ಜೋತ್ಲ ದೇವಡು ಜೋತ್ಲ ಮಾಟ್ಲ್ಲು ಅಡಗನಿ . ²⁹ .ಪ್ರವಾದಿಲು ಇದ್ದರು ಅಯಿನು ಮೂಗರು ಅಯಿನು ಮಾಟ್ಲಾಡನಿ ಮಿಕ್ಕನವಾಳು ಇನಿ ವಿವೆಚನಮುಂ ಸೈನಿ . ³⁰ .ಕುಚ್ಚುಕೊನ್ನೇ ವಾಡು ಬೇರೆ ಒಗ್ಗಡಿಗಿ ಪ್ರಕಟನೆ ಉಂಟತೆ ಮೊದಲೇ ಮೊದಲಿನವಾಡು ಉರಂ ಕಾಣೆ . ³¹ .ಮೀರು ಅಂದರು ಒಗ್ಗೋಳ ಆಯಿ ಪ್ರವಾದನಮುಂ ಸೇಸೆದಾನಿಕಿ ಅಡ್ಡಿ ಲೇದು ಇಟ್ಟ ಸೇಸ್ತೆ ಅಂದರುನು ನೆರಸಕೊಂಟರು ಅಂದರುನು ಹೆಚ್ಚರ ಮೇಗಿ ಉಂಟ್ಟರು . ³² .ಪ್ರವಾದಿಲ್ನಿ ಆತ್ಮಲ್ನಿನಿ ಪ್ರವಾದಿ ಸ್ವಾಧಿನ್ಲಿ ಉಂಡವಿ. ³³ .ದೇವುಡು ಸಮಾದಾನನಿಗಿ ಕಾರಣಮುಂ ಹೊರತು ಗಲಿಬಿಲಿಗಿ ಕಾರಣಂ ಕಾದು. ³⁴ .ದೇವಡೂ ಜನಮೈನಾ ಅನ್ನಿ ಸಭೆಲ ಮಾರ್ಯದಿ ಪ್ರಕರಣಂ ಅಡವಾಳು ಸಭೆ ಕೂಟ್ಲ ಉರಕುನ್ನಿ ಮಾಟ್ಲಾಡ ದಾನಿಕಿ ವಾಳಗಿ ಅಧಿಕಾರಂ ಲೇದು .ಅಳು ಅಧಿನಲ ಉಂಡಲ್ಲ ಧರ್ಮಶಾಸ್ತ್ರ ಆ ಇಟ್ಟ ಸೋಪ್ಪಿಂದೀ ಕದ. ³⁵ .ವಾಳು ಯೇಮೈನಾ ಗೋತ್ತಾ ಲೆಗುಡ ಉಂಟೆ ಇಟ್ಲಾ ವಾಳು ಮೊಗಳು ಅತ್ರ ಅಡಗನಿ ಅಡದಿ ಸಭೆಲ ಮಟ್ಲಾ ಡೆದೀ ನಾಚಿಕೆ ತನಮುಂ ಕೆಲಸಂ ಅಯ್ದಿಲನೋ. ³⁶ .ದೇವಡು ವಾಕ್ಯಮನಿ ಮಿನಿಂಕಾ ಪೈನಾದಿ ಮೀಕಿ ಮಂತ್ರಮೆ ವಚ್ಚಿಂದಿ . ³⁷ .ಯೋಡು ಆಯಿನ ವಾಡನಿ ಪ್ರವಾದಿನಿಂಕಾ ಕಾನಿ ದೇವಡು ಅತ್ಮನಿಂಕಾ ನಡುಭಿಚ್ಚಿನವಾಳು ಕಾನಿ ಒಂದಿಚ್ಚಗಟ್ಟೆ ನಾನು ನೀಕಿ ರಾಶಿ ಉಂಡೆದಿ ಸಂಗತಿಲ್ನಿ ಕರ್ತುಡಾ ವಿಧೆಯೇ ಅನಿ ಭಾಗ ತಿಲುಚ್ಚುಗಟ್ಟ . ³⁸ .ಯೋಡು ಆಯಿನ ನಾಕಿ ಇದೀ ಗೊತ್ತಲೆದು ಅನಿ ವಾಡು ಗೊತ್ತಿಲೇನ ವಾಡು . ³⁹ ಅದಿಕಾಗುಣ್ಣ ನಾ ಅನ್ನದೊಮ್ಬುಡ್ಲಾಲ ಪ್ರವಾದಿ ಇಚ್ಚಿದಾನಿಕಿ ಆಸಕ್ತಿನಿಂಕಾ ಅಪೆಕ್ಸಿಸಿರಿ ಮಲ್ಲಿ ವಾಣಿನಿ ಆಡೆ ದಾನಿಕಿ ವದ್ದು ಅನಗೊಡದ್ದು . ⁴⁰ .ಆತೆ ಅನಿನ್ನ ಮರ್ಯಾದೆನಿಂಕಾ ಕ್ರಮನಿಂಕಾ ನಡೆನಿ.