¹ . Bafalisai la balakié bé beko bayimaké oko Yelusalema, bayáaké boa bankuma mpika leka Yesu. ² . Bayene bayekoli bankina baka Yesu balè ba bô mbindo, elakia wè: ntasosaka ba bô, ³ . Itina Bafalisai la ba Yuda ntakole la ntasosi ba bô, botindo bo toma bonkaka bo bô. ⁴ . Ngengo eki bayimaka oko ndié le bato wuké, bakayekéeké ntondo le ndeke leke. ba memiaké wuké bonkaka bo bô! lokolimia nkonga botindo bo nsosa mpoké bi peko, ba kopo, bikutu la ntangé. ⁵ . La itina inki bafalisai la bakeli bébeko baoyuwuaké: itina bé bayekoli baawu ntaba totié bekengo beka bankaka, balekè la ba bô mbindo? ⁶ . Yesu akalua: nyo bato ba'ongala, Isaya ayalaké l'eswa enki ndé atepelaké itina dika Wangi, bato'aku bakomemia la munya, ntembe oko bebonda bée bô. ⁷ . Imemia dii bo oko lemi dilé mpamba, itina babengaké nkô bateyo banè banki bato baateyaké. ⁸ . Nyo nta bototié bebeko beka Wangi, bototia bonè beka bonkaka bó nyo. ⁹ . Atepela lonkina: nyo boboya bebeko beka Wangi, bomemia beka bonkaka bóo nyo. ¹⁰ . Ngaku Mose atepelaké: memia Isé la nyango lewu; onè ongo yàmba isé la nyango le ndé ango báa etumba le iwa. ¹¹ . Ngaku nyo, botepela oko bato: moto akoka ntepela la isé too pe la nyango le ndé: biemba binè bikanami mepaa, nkodia bio mipa ikapo oko wangi, ¹² . La batepela ngaku, bopekia asunga isé la nyango le ndé. ¹³ . Lenda botindo boboya nyo iteyo dika Wangi, la ntotia bène beyima oko bonkaka bonyo, pe bokela mbo bi botindo oku. ¹⁴ . La mbisa Yesu abesiaké lonkina bato bankumela, atepela ndè bondjoka mi nyoankuma, boyeba nga nè, ¹⁵ . Ntembe enè eloko bosalé boka boto, eyotua oko lendé ekoka ntika ndé mbindo, Ngako elé énè epasua oko eteyi le boto éoyaléa mbindo. ¹⁶ . La moto adia batoyi bandjoka yoka ayoké. ¹⁷ . Ngengo eki ndé ayitiaka oko lowu, bélè la esuku le bato, bayekoli ba ndé baoyiwua itina dika itandia diko. ¹⁸ . Atepela: La nyo ntabombia boyeli? ntoyeba ye, yemba eloko bosalé ekoyotua oko boto ntekoka ntika nde mbindo? ¹⁹ . Ngaku biemba biko ntingo yotoko oko bobonda bó ndé, kasi biyoto oko ibalé, la mbisa bingosa oko ipoku dii nseke. Atepelaké Ngaku itina eyebia ndè biemba binkuma bindekeleke bile peto. ²⁰ . Atepela lonkina: bi nè bipasua oko boto, bioyalia mbindo. ²¹ . Ngaku ndé: binè biloko eteyi le bobonda boka boto ekopasua batangeli bá bé: ekobo, bondumba, ndiaka boto, ²² . Duuba, ekoki, Wáangi, Yoomi, lokoso lo faanga, lolendo, nsikela, bongala Lokeyé loka mbo biolongo, ikalé, ²³ . Mbo biko binkumela biobé biyima oko eteyi, bio biko bikotika boto mbindo. ²⁴ . Yesu ayimaké oko ndié eku, asake oko mbotu bilé mpika la imonga di tyr la sidon. Ayotuaké oko lowu lomo, itina ntalangaka bayebe bwè aloko, ngaku ntakokaka monyeme, ²⁵ . Ngaku mweto omo adiki la wana loweto lo elenge ayaaké la bolimo bó bé ayokaké nsango le ndé, ²⁶ . Mweto oku adiki ngendia abotuaka oko Fenisié, oko etuka le Suri. Nkaku asaka isali sali oko Yesu, aya nkulu-abongo oko ntondo le ndé, aobotitia apasua bolimo bo bé oko mwana lo ndé. Ngaku Yesu aotepela: ²⁷ . Tuenya lèlo bana balè ntondo, mpamba ye Ntembe dilo nkumwa biemba bile bana la MPA oko mbwa. ²⁸ . Mweto aokalua: nta sóo nkumu, ngaku bana baka mbwa bileke ndambu le biemba bika bana baboka oko nsé le mesa. ²⁹ . Yesu aotepela: itina dika iyoyi diku, leka bolimo bó bé bopasua oko wana lowu lo weto. ³⁰ . Ngengo eki weto oku oyitiaka oko lowu, atanaké wana akotaama, bolimo bó bé boko pasua oko le ndé. ³¹ . Ngaku Yesu ayimaké oko mbotu bi Tyr, aleka oko ndjale le sido itina asé Galileya, alekaké mboka le ndja le Decapole, ³² . Baoyelaké ewuwu emo, babondelaké Yesu itina aonangié ba bó. ³³ . Yesu aobeaké wano bélè la bato, aoyotiaké besei oko batoyi, aowuta oko lolemi la nsoyi bii ndé; ³⁴ . Mbisa, alenda diko, aofula wembo pe atepela ewuwu: Efeta "elimbwa: kadipwama". ³⁵ . Nkoko ngengo eku batoyi bá ndé badipwamaké losélé la munya. nkoko mbale emo abanga ntepela dilo. ³⁶ .Nkia Yesu apekiaké batepela bato, ngaku bô batepelaké lonkina mpenda penda. ³⁷ . Bakabaké wuké, batepela: akela mbo bi nkuma la nta dilo, la biwuwu batepela pe bayene.