¹ . Ngengo eki yesu apasuaké oko lowu lo wangi, boyekoli bó ndé bomo atepela: Boteyi, lenda bawé bá nene ngane, la lowu loénene ngane! ² . Yesu aokalola: oyene mbu biku Bienne? nkia iwé dimo ntingo tikaa oko ndié lekio. binkuma biku bango'epanza. ³ . Ngaku Yesu aleka ndja ansé oko ngomba le olivie, oko mbisa eka lowulu lo Wangi. Ngaku Petelo, Jake, Yowani,la Andele baoyiwua oko moseme itina dika eluki eko. ⁴ . Baotepela, mbo biku bingokeluama ngengo bé? edimbetelo bé engolakia wè mbo binè bikanokoka? ⁵ . Ngaku Yesu atepela ngane: Boyala la nkepo, boto omo ye, ntaedimbaké. ⁶ . Ngaku bato wuké bangoya la dina diimi, la ntepela, elé mi, bango dimba bato wuké. ⁷ . Ngengo enga nyo boyoka bitumba, nta boloté, itina mbo biku binkuma bingo ya. ntengoya ikumelo. ⁸ . Ngako bitumba bingo ya oko ndja la ndja, ntundu la ntundu, mbotu bingo sukasana ndié binkuma, ndjala engo yala. Ngaku engoya nko ibangelo dii mbali. ⁹ . Boyala lankepo nyonkika. Bangoebela oko tibinale, bongo'ebete miekwa oko mbu bi lobotitia láa dimi, bangobea oko ntondo eka bankumu ba ndja, pe bankumu ba bituka bi ndja, itina bobaa mboka le ntepela bô itina dii mi. ¹⁰ . Ebongo la ntondo nteya nsango le dilo, oko ntundu binkuma oko bolongo. ¹¹ . Ngengo enga baya itina baewuta, nta bokieteneke wuké itina di mbo binga nyo boa atepela, botepela bine bingo yala oko ngengo eku, itina ntembe nyo bato bango atepela, elé bolimo bó tèe. ¹² . Ba mbalé bango teke mbalé le bô itina boo diaka, isé bango teka bana. Bana bango kamba imemia oko baboti baa bô, engo'abea oko iwa. ¹³ . Bato bankuma bangoeyina itina la dina dimi, ngaku moto ongo yika mpiko tii oko ikumio ango bika. ¹⁴ . La boyene nta bopiti bosoya oko ndié énè lempa nte bongo la ndé ndja yala, one ongo tangé mbo binè ayalaka la nkepo, ngaku banè bango yalé oko yude bango lota oko ngomba. ¹⁵ . One ongoyaa oko diko di botondo ntango tulwa ye pe ntango yotwa itina afwa yemba oko lowu lo ndé, ¹⁶ . One ongoyaa oko itia ntango yitia mbisa itina afwa bonkoto boo ndé. ¹⁷ . Mpasi oko béeto bane bango yaa bienge bipele (ibalé), là banè ba minia bana oko nsio biku! ¹⁸ . Bobotitia itina mbo biko nta biyake oko ngengo le mpio. ¹⁹ . Mpamba ye nsio biku mbali lé wembu engo yala, mbali le ndenge eku nteyeli nkia mbala emo, yima nko ibangelo bika biemba binkuma tii laku boko ntengo yene lonkina. ²⁰ . Là Wangi ntangolanga nyimia ndambu bii nsio, boto omo nta kana mboka, ngaku alangaki nyimia itina la bato basaka ndé asôo. ²¹ . là boto omo asoétepela: Yesu alé anè, "to: aloko, nta bo yambaké. ²² . Oko ngengo eku, biangi, basakoli béengala bango pasua wuké, bango kela bienua iti dii ndimba dimba nkia banè baki Wangi asako sóo. ²³ . Boyala la nkepo, meyebéaka ntondo mbo bingo yáa, ²⁴ . Oko nsio biku bato bango nyokwama wuké, la mbisa, wané ntongo pasua lonkina wembu, wedi ntongo kèse lonkina. ²⁵ . Bièeto beyimaka oko diko, bekita oko nsé, nguya ekdiki oko diko nsukisana. ²⁶ . La ngako bongo yène wana loka boto oko eteli bii diko akita, la nguya le wembu pe kembo leka Wangi. ²⁷ . Ango toma báandjelu balamia ndié emo, banè baki ndé asako sô oko bolongo bonkuma. ²⁸ . Lokodimia loka bosuké (boté) éeteya: là pandi bikio bilembe, biboka nkasi, ngaku, boyene ngengo le nduka mbô biyáa mpika. ²⁹ . Nko ngaku, ngengo lengo nyò boyene mbo biku bisoya, éledilo boéyeba: wana loka boto akano ya, aloko ekuke le nyo. ³⁰ . Métepela, elé nta só: là mbo biku bi bèe, bato ba iyalo inè ntangowa bô bankuma. ³¹ . La diko, la mbotu engo wungha, bayoti báa mi ntongo wungha nkia losio lomô ye. ³² . Là losio, là ngengo enga mbo biku bingo yáa nkia boto ntayeba yè: nkia b'andjelu baka Wangi, pe nkia wana. Tata ndé nkika boto oyeba ngengo eko. ³³ . Boyala la nkepo! nto tanaka ye. ibango, ntoyeba ngengo lenga mbo biku bingo yáa. ³⁴ . Elé nkonga lokodimia, là boto omo akanosa lokendo. ayima oko lowu lo ndé aétikiéa oko bato béesa. apaa boto la boto bosala akela, pe apa betindo oko onè okó ya oko ekuké le lopango, yala la nkepo! ntongo yeba ngengo enè. ³⁵ . Yáa la nkepo! ntongo yeba ngengo enki bondwa lowu ango yáa. engo yáa la ngengo d'ikôo, la pe l'eteteyi le bô tio, la ngengo enga nkoko abeka, la pe la mpembu, ³⁶ . L'asoyaa nko mbalé emo, ntengo yáa dilo ye l'asoétana oko isilo. ³⁷ . Enè étepela mi, ntepela bato bankuma: boyala la nkepo.