¹ . Yesu abangaké ntepela bô lonkina oko batandia. Boto omo ayona vino. Ake dingelaké oko lopango, atima ipoku di bawé itina dika moi I to vino, adwa lowu lo bontalé itina dika mbatéla vino, la mbisa atika bafuteli, la mbisa aleka lokendo oko ntundu enkina. ² . Oko ngengo le nduka mbolo, atoma boti bonde oko bafuteli ba batia itina di mfua mbolo bi vino. ³ . Baowuta, baobola la biemba, baoyisena ba bô nto nto. ⁴ . Ayitia ntoma boti bonkina oko lèbo baoboka mpota oko botu la mbisa baowunda. ⁵ . Ayitia in tomato ma boti bo basato, baodiaka, atoma bati wuké lonkina, bayitia nko ndiaka. ⁶ . Adiki la wana lo wele, odia nde lolango wuké aotomaké nde oko le bô mbaé mbisa, ibango ale wana lomi nkika bango memia. ⁷ . Kasi bati bakatepela bô la bô bwè: Enda "wana lo ndé,"bo yaka todiaké, bomengo bongo ya boso." ⁸ . Pe baowuta, baodiaka, baoboka oko bosale bo itia. ⁹ . Ngaku bondua itia angokéa be? Ayaka ndiaka bati bankuma, apa itia oko bati bankina. ¹⁰ . Lelo ntabotangii bontika onè oko bekanda beka Wangi bwè: Iwé diki baludi babokaké dia, lisakoyala, iwé diwuta lowu lonkuma loka Isalael. ¹¹ . Lobo loko losokelwama la Wangi: elé pe itandia oko bèeso baa so. ¹² . Bankumu ba bayuda, baoyalwaké itina baowuté, mpamba ye bayebake bwè apake itandia diko itina dii bô. Ngako balotaké esuku le boto batuenya baleka la lóbô. ¹³ . Batomaké bafalisayi bankina, la bato baka nkumu Erode oko le ndé, itina bao yimbé la mbo binki nde atepelake nde nki ka. ¹⁴ . Ngako bayaké pe bao yiwua: Botei toyeba nta sôo, ntoko dimbé, ntoko loté bato, ntoko sole bato, ngako oteyaka mbo bi sô itina dika Wangi. Bebeko béeso bepekiaké nfuté mpakó eka bokonzi bônene bona Rome to ye? ¹⁵ . Yesu ayebake bobangié ba bô, atepela nghane: bóomeka itina be? Bondjé faanga emo l'epeko. ¹⁶ . Baoyela kio, ngako Yesu ayuwua: Boso, bonè la dina dinè dika nani? Baokalua nghane: dika Sezar. ¹⁷ . Atepela nghane: Bopàa Sezar binè bika Sezar, binè bika Wangi pe bo paa Wangi. Ngako bakalenda pe bakaba. ¹⁸ . Ngaku ba sadusé bayaké oko Yesu. Ele basadusé bato bakotepelaka bwè boto laso wa ntango kundwa. Ngaku ba oyuwuaké, ¹⁹ . boteyi, lenda mbo biki Mose akomaké: la mbale omo le ibotua, asowa ntaladié wana mbale lende abali mweto oku abota bana itina dika mbale oku esakowa. ²⁰ . Ngaku ediki la bana basambialé ba ibotwa dimo, lontondo abaké weto ntabota awa. ²¹ . Lwa pe abala mwete oku awa ntaba bota, lwa sato botindo bomo. ²² . Oko boo bankuma basambiale ntabota nkia wana. la mbisa eko mweto oko la nde awa. ²³ . Ngengo le nkundwa, nde ango yala mweto loka nani? Itina idiki ilaka dii bô bankumala basambiale. ²⁴ . Yesu akaluake nde: baloko iwungi ibango ntoyebe bakomi là pe nguya leka Wangi? ²⁵ . Ngako oko bakundwé bélé ntango bá beto, beto pe ntango bá bélé, ngako bangoya nkonga ntoma oko diko. ²⁶ . Itina dika lobo lo bakundwelo, nyo ntotangaka buku loka Mose, botepela Wangi nde, itina lika boté bonè boko peteke, Wangi atepelaka la Mose ngane: Nde Wangi boka Abalayama, Isaka, la Yakobo? ²⁷ . Wangi ntambe Wangi boka bawi, kasi ale Wangi boka bato bale oKo bomoyi, bolé oko iwungi dii nene. ²⁸ . Omo loka basoni ayokaké ngengo etoko bô ntepela bô la bô, ayeneke ndè Yesu akaluaké dilo, ngako akasisa mpika la ndé, aoyuwua nde: bobeko bé boopenda bebeko benkumela? ²⁹ . Yesu akalola: Bolenda bontondo: boyoka Isalele, Wangi bósó ale nko Wangi bomô. ³⁰ . Ngako ongo langa nkolo Wangi boowu oko bobonda bowu bonkuma, bolimo, oko intangeli pe nguya lewu enkuma. ³¹ . Lenda bonè bobi pele: Olanga mbalé lewu nkonga ekalanga wu wu nkika. ³² . Bosomi aatepela nde, ele nko ngaku, moteyi otepela ntasoo media nko Wangi bomo, ntembia bonkina nga nde. ³³ . Langa nde la bobonda bowu bonkuma, batangeli bawu bankuma, oko bolimo bowu bonkuma, oko wembu bonkuma, pe langa mbalé lewu nkonga ndenge enkawu oka langa wu wu nkika, ependa ntumbela Wangi mbeka la mpa nde bakapo. ³⁴ . Ngengo enki Yesu ayeke nde asoyisena nkalo le dilo, aotepela ndè ntombé bèle la bonkumu boka Wangi ye. Nko losio eku nkia boto omo nta koka ndjisena nde nkia nkalo. ³⁵ . Yesu atoko nko nteyateya oko lowu lo Wangi, atepela: Nghamoni basoni batepela bwè Christo ale wana oko Dawidi? ³⁶ . Dawidi nde nkika atomuamake la bolimo bo tèe atepela nde: Nkolo atepeli la nkolo lemi nghane: Ya la mpiko la mi oko ndié le lumú tii oko ngengo engami ntika bayini oko nsé le bakolo baa wu. ³⁷ . Dawidi nde nkika aobesia Nkolo nkango ale wano londe nghomoni? Esuku lenene banyoka la nyinga. ³⁸ . Atopelake oko iteyo di nde: Boyalaka la nkepo la basoni, banè balanga ndata bisenda bi bitali la nkende la bio itina bao beke oko ndie bile bato wuké, ³⁹ . bayenga bibonga bi dilo oko eteyi le lowu lo Wangi. Lonkina oko ndié bi ntondo laa nteko ele oko. ⁴⁰ . Bakumwaké biemba bika weto losaka ilaka awa, pe babondeli ba bongala, bangoba etumbu le penda bonene. ⁴¹ . Yesu asaké ndjansé mpika la esaka le bakapo, ngaku alendaka ndenge etika bato faanga. Nuami batikaké faanga wuké. ⁴² . Weto omo osaka ilaka awa, ayaka, atika piase bipée bi bosio nio. ⁴³ . Ngaku Yesu abesia boyekoli baa nde atepela: "Metepela nta soo mbó le weto ene apá mpenda bato bankuma. ⁴⁴ . Pamba ye bato bankumala bapali faanga binè bi mpa ntimbia itina oko bôo, ngaku nde la bo mbôo bonde apali faanga binkuma bi kodiki la nde, bii koka mbikia nde."