¹ Ngete ho nangeleniso lolohejehi hongete tomon ho harik harabito, ho na hisiarahiso sing nahifirang ce bu nabolori niho nolohailongi huja iboti ce bu itingidari nediahita. ² Osulahi ngete sing niger ojo ongida ofwe itotoso nahang ho Najyok cebu itingidari lahadiahak. ³ Ojo ngete niho sing, '' Heyariti ibwo nasinge nedahati te kuya lahegiamak, kuya nolokobol ho robia, nabongoji harik. ⁴ Neruhisite niho ibwo nahaji, itwongete da many nadahatite tene maji. ⁵ Niho hula obu ohifwotini ite , nomo nedahatite niho ene hang, ituturoto namodie tehejiaha hote nihitetelehinere narohoji nihosing.'' ⁶ Tinya sing ho nadaha cebu ofwe to nahangite,eramahita natianya na ongida ce bu itingidare lati nimasik fad. ⁷ Tahanya Herode, lahitenyangani, ho nahitiyir nareji huja igiem fad ilongojita fa ngete bebe, tonanyuo otianye fa hilihe ojo ibuhu Yuwana Batista to yeyi, ⁸ cebu hilihe ojimi ojo aleyo Elija , ce bu ilihe cebu ojo lobo lafrofeta ho berien adeto nicu harie. ⁹ Herode ho na tianya, '' Angut ne nohou Herode, nyuo hati ngai laja la itiyira ne nahetiyiru nee huja reji? Cebu Herode honatiaman nihorihinere nehoi nitialari Yesu. ¹⁰ Lo fa nayitini lati hulo osulahini, sing ho nahiramahiso ngete nareji fad huja igiame sing. Ngete ho nahiyaru sing ho ngete, alo niger to no hotek ho ngete niho ibo nahang ojimi Betsaida. ¹¹ Nyuo hati nalohoi ho lati hula itiyiri ho nahijifaru ngete, ngete ho nahifwotiniso sing, cebu otianye nihosing tonahiram ho hang ho Najyok, cebu itingidari lati hula owahi nahitingidara. ¹² Alotiniso fa nolohichungi ho holong , cebu ehule tomon ho harik ho na fwoniso niho ngete ho najiman, ''Torohoye lati ohijifare ba iji nihangite nihorihinere nologetere cebu nangirang, ohibwon ijie ijini niloleng .'' ¹³ Ngete ho najiman nihosing, ''Isiarahisi sing ibwo nasinge onye.'' Sing ho najiman , ¹⁴ ''Ohibwon ijie ho nebune miyet cebu nahayem harik, mayak nahifwo ijie inyangino nangirang niho hul ati fad.''Obwoni fa laliawa namiya miyet da. Ngete ho najiman niho lolohejehi ho ngete, ''Isiarahisi sing itwonge nifok nehejek miyet-miyet.'' ¹⁵ Sing ho nahihon to ho iramahinerete , lati fad ho na hitwongo nifok. ¹⁶ Ngete ho nahiduhuniso ehwe buneji nahayem harik, honatiala nihide, ho najwahan sing, ho nabunyon sing hama, ce bu heciarahi niho lolohejehi inefi hobe nelulung. ¹⁷ Sing fad anyase cebu ifwongi, cebu nangirasi huja otongi ho nahiduduhuniso itufutahini nengeriaji tomon ho harik. ¹⁸ Obwon fa ibwo noholong, ngete omojo hama, obwoni fa ngete ho lolohejehi ho ngete, ngeten ho na hifiasu sing, ojo, ''Ojimi lati ngai ne?" ¹⁹ Sing ho nahitarang ojo, ''Yuwana Batista, hati hilihe ojimi Elija, cebu ihilihe ojimi lobo niho leheramahitak ho hiramita ho berien libuhuni .'' ²⁰ Ngete ho najiman nihosing ojo , ''Nyuo hati ijimatate ngai ne ?'' Petur ho najiman, ''Iji Kristo la olotu niho Najyok.'' ²¹ Nyuo hati Yesu ho nahiramahiso sing ojo ongida obu iramahini lobo latwani, ²² otianya ojo ongida iha lahito Najyok ohirihi nahitegiama to nareji huja olwaji cebu idayari hadi ngete laharisak cebu lahegierok, ifadari hadi ngete, ibuhu hadi ngete to noholongi hutik. ²³ Ngete ho najiman niho sing fad, ''Nawak lobo latwani ijifit ne, ongida ibalaya nakwan hongete, itingito nahite na ikwala tihitik, ce bu ohijifito ne. ²⁴ Latwani la owak ituna nesu ho ngete ongotihi hadi, nyuo hati latwani la ibalaya nahisu ho ngete to ne,otun hadi. ²⁵ Ani ngidari latwani ohorihi nabwon neget ho nafok fad, nanyuo hati ibalaya nakwan hongete? ²⁶ Latwani la iloriri to ne ho netenyita ngete ho ne,iloriri hadi iha Najyok nomo nalotu ngete to nakwatan hongete cebu nakwatan ho Monye ce bu nakwatan Anjiloji hula onyilaji. ²⁷ Nyuo hati atianya ne niho te natarihe, obwoni hilihe lihote hula obotie inyini, hula hadi obu imangi nayeyi many oteli sing nahaji ho Najyok.'' ²⁸ Niholongi ho metohutik Yesu ho najiman hunya tenyita ojo iyaru ngete Peturu, Yuana, ce bu Juma, ce bu afwo many nihe hodenge imojo. ²⁹ Lo fa na omojo ngete, nohomomo ho ngete hegayira, cebu nejefito ho ngete alotu puran cebu inuhohite. ³⁰ Obwoni fa hilihe lati harik hula otianye hongete! Ora fa Muse ho Elija, ³¹ hula itwenge to ho lahakwatak. Otianye sing naloten ho ngete, lo fa nanyiha ngete esiarahi ora tarihe niho Yerusalem. ³² Tahanya Petur cebu hula obwoni ho ngete ho na ngetoro bebe. Nyuo hati no fa nakenyini sing, sing ho nateliniso nakwatan hongete cebu lati hulo fa harik obotie hongete. ³³ Lo fa nadahe sing niger tiye ho Yesu, Petur ho najiman niho ngete, ''Lahaboloroni, ongida nahibwon ijie inyini ongida ijie hohuhumahi natitio hutik. Ikie ijie hohuhumahi abito niho ji, abito niho Muse, cebu abito niho Elija.'' Obu fa ngete ojien nanyuo fa ngete otianya. ³⁴ Lo fa hotianya ngete hunya reji, nedis ho nalotiniso hona himuk sing; sing ho nabayang no fa netik nedis sing. ³⁵ Namurut ho nalotiniso tedis, ojo, ''Ngete ale lahito ho ne na anuymu ne.Itiyirati nihongete.'' ³⁶ Lo fa natuhohi namurut, Obwon fa Yesu hama. Ininge sing, nihehwe holongi obu sing iramahini lobo latwni ehwe nareji huja oteli sing. ³⁷ Hubanyi hongete , no fa nangirini sing tode nifok, nalohoi ho lati ho nafwoniso niho ngete. ³⁸ Lobo latwani ho nayo to hiji ho lohoi , ojo, ''Lahetejianani,elelia ne ojo ongida ji itel iha ne,hora ngete ahito. ³⁹ Iyarita nolohailong ngete,cebu ihihira , ce bu isiarahi ngete nahitudeta ho nalohapoyok ifuruta to hutuk. Idahita ngete to nagolon, iriafu ngete na norohojaya nomo nedahi ngete. ⁴⁰ Elelia ne niho lolohejehi hoji ongida otohori ngete niger , nyuo hati ilanyu sing .'' ⁴¹ Yesu ho na hitarang ojo, ''Ite hule obu iruhoto cebu lahahoholisok, many anu hadi ne ohitwongo hote cebu ohingetito hote? Iyene ihe ji inyini.'' ⁴² Lo fa nalotiniso ene naminingati ho nahipirehiso ngete nifok cebu ho nahitihihir ngete bebe. Nyuo hati Yesu ho nahireng nolohailong na ibot, cebu ho nahitingidar ele hito, ho nahisiarahiso ngete niho monye. ⁴³ Obayangi fa sing fad niho nabolori ho Najyok. Nyuo hati sing kwama niho nareji huja igem ngete, ngete ho najiman niho lolohejek ho ngete, ⁴⁴ ''Ikie hunya hiramita ofwe nihotwa ho hijohe hote, ofwe ba isiarahiso lahito ho Jyok nehede ho lati.'' ⁴⁵ Nyuo hati obu sing ojieni nanyuo anya hiram ojo, cebu idimahini niho sing, obu sing ojieni. Obayangi fa sing nahifiasu ngete ene hiram. ⁴⁶ Tinya nahigwogworita ho nabwanan nihiji hosing nijimitere ngai tohiji hosing moi lolotu bolori. ⁴⁷ Nyuo hati no fa najien Yesu nanyuo sing ihuyase nitaji ho sing, ngete ho nadinginiso lahito lahomuta, ho nahitobwojihiso niger ho ngete, ⁴⁸ ho najiman niho sing, ''Namoju lobo latwani lahito lomuta toho ale to na fure ho ne, efeotu ngete ne,ce bu nefeotu lobo latwani ne, efwotu ngete Latwani la ohisulu ne . Latwani la ora alohichungi nihiji hote fad ngete lobolo ilany.'' ⁴⁹ Yuwana ho nahitatang ojo , ''Lahetejianani, ohitel ijie lobo latwani orohito namininga to nafure hoji ahitobwoj ijie ngete, obu ngete ohijifito ijie.'' ⁵⁰ Nyuo hati Yesu ho najiman niho ngete, ''Hetobwajata ngete, ngete la obu idaya ite ora alo hote.' ⁵¹ Lo fa nanyihaji noholingi hongete nilojire nihide, ngete ho nahihwanahiso nohomom hongete nilojiere to ho odaha Yerusalem. ⁵² Ngete ho nadulahi lolohejehi hongete to nahatemeni ho ngete, sing ho nafwoten hiruhiso nihang ho Samaria nihihuhumahinere niho ngete. ⁵³ Nyuo hati lati hula obwoni da obu itarani ngete, to nanyuo ehuhumahino ngete noloten to Yerusalem. ⁵⁴ Tinya no fa nateli lolohejehi ho ngete bo Juma ojo Yuana anya,sing ho najiman, ''Lohobu, iwak ji ijie ohiramahi nahima olotu to hide nifok oswahaya sing?'' ⁵⁵ Nyuo hati ngete ho nangolo ho nahireng sing. ⁵⁶ Tinya sing ho nafwoten niho ibwo nahang. ⁵⁷ Lo fa nadahe sing nehoi ho sing, lobo latwani ho najiman niho ngete, ''Ahijifaru ba ne iji many nimaji na ilojiere ji.'' ⁵⁸ Yesu ho na jiman niho ngete, ''obwoni nolobeyohi honahayi, cebu nakeny ho nehide obwoni ho nahayi, nyuo hati Iha Latwani obe hebwo namaji na ituruhunere ngete nohou hongete.'' ⁵⁹ Tinya ngete ho najiman niho lobo latwani , ''Ijifine ne.'' Nyuo hati ele twani ho najiman ojo, ''Lohobu, eisiarahiso ne alo inuhahiso monye ho ne.'' ⁶⁰ Yesu ho najiman niho ngete, ''Idahi lahayeyak onuhahe nahayeyak ho sing, nyuo hati iji ilo iramahi nahang ho Najyok nimasik fad.'' ⁶¹ Lobo latwani cebu ho najiman, ''Ahijifito ba ne iji, Hobu, nyuo hati isiarahiso ne alo ichihino niho nati huja obwoni nihang ho ne." ⁶² Yesu ho najiman niho ngete, ''Obe lobo latwani, lobo nechak iremo ongolo to ho nihalu, otumohini nihang ho Najyok.''