¹ Ichak fa Yesu idaha nihangite huja obolori cebu omutari, nihitotosere cebu itokwata nahiramita noho nihiramahinere natianya na ongida to nahang ho Najyok cebu ho lati tomon hoharik ho nafwoten ho ngete, ² ho hinihe nagorwo huja itingidari niho nolohailongi huja iboti ce bu nediahita.Orahi fa sing Maria na ongelese ojo Magadalina, no fa orohori nolohailongi huja iboti metaharik niho ngete , ³ Yuwanna, nguru ho Shusa, Nahatialsni ho mahatab Herode, Susanna, cebu nagorwo hinihe huja olwaji, huja isieri sing nareji ho sing. ⁴ Tahanya, lo fa natube nalohoi ho lati harabito, ho lati hula ofwonite to hangite hama hama, ngete ho natianya niho sing to netenyita huja idimare nafotirok. ⁵ ''Olo laharemeni iya nahinyemo. Nomo naya ngete, hinihe nahinyemo ho nahuyari nihoi lati ho nahirerie sing, nakeny ho nafwoniso ikukuruniso sing. ⁶ Hinihe nahinyemo ho nadohiso nimori nomo nabuji nabolori hosing many ningagu, sing ho na yohoji niger, tonanyuo obe sing obwoni ho nehwoyo. ⁷ Hinihe nahinyemo ohuyari nikiana huja orahi ekwa, nomo nabuji ho nabujuniso harabito ho nahinyemo ce ho na chuhon sing. ⁸ Nyuo hati nahinyomo hinihe ohuyari nifok na opupuk ho naturo nangamang ilany namiya .'' Lo fa nateny Yesu hunya reji,ngete ho nangelen ojo, ''Ngete la obwon ho najohe nihitiyirari, ikie ngete itiyir." ⁹ Tinya lolohejehi ho ngete ho nahifiasu nafwotiri hene tianya. ¹⁰ Yesu ho najiman niho sing, ''Esiarahini nihote nehoi ho jianan nadwarita ho hang ho Najyok, nyuo hati lati hilihe itejieni hadi sing to netenyita huja idimare nafotirok 'ojo ongida natiala obu ba sing oteli, cebu netiyire sing obu ba sing ojieni.' ¹¹ Tahanya ngete anyani nefotiri hohiram. Nahinyemoti ngete nahiram ho Najyok. ¹² Nahinyemo huja ohuyarahine niger hehoi sing lati hula itiyiri natianya, nyuo hati nolohailong nebot ho nalotuniso iyaru natianya to tajio hosing, ojo ongida sing obu iruhi ce bu italahine. ¹³ Huja , ohuyarahine nifok na ora amori sing lati hula, netiyiri natianya, ho nahifwotiniso tonakwama, nyuo hati obu obwoni ho namori; omuta nahiruk hosing, nomo nara niholong ho otiama sing ho nahuyari niger. ¹⁴ Nahinyemo huja ohuyari nikiana huja orahi ekwa sing lati hula itiyiri natianya, nyuo hati nomo nadahe nihoi ho sing, newahita cebu nebarita ho nekwamita ho hisu ho nachuhon sing , sing ho nabiangan itoboloriniso ibwo naturuhak. ¹⁵ Nyuo hati nahinyomo huja ohuyari nifok na opupuk, sing lati hula obwoni ho natajio huja irabiji ce ongidari, nomo netiyiri sing natianya, ho nahinef ana ongida ho nangijiniso naturuhak ho dihan. ¹⁶ Tahanya, obe lobo latwani, lomo netuwulorohi nahima ho nahimuk to narany kuya ihwana nifotir ho hegetit. Nyuo hati, ihwanahi ngete nimaji na otod ongida lati fad hula irute oteli nafangan. ¹⁷ Obe ibwo nasinge idimahino, ojo obu ihuhumi ongida ojien, kuya ibwo nasing na idimahini, na obu ojen ba ce bu kwo nifangan. ¹⁸ Tinya tobwana angida tataliji itiyira, tonanyo nabwonitere lobo, niho ngete iciarahini ba nobolo, cebu la obu obwonitere, niho ngete iyare ba niger nanyuo ngete obwonitere.'' ¹⁹ Tinya iyang ho Yesu ce bu hilasira hobna fwoniso niho ngete, nyuo hati obu ofwoni onyiha niho ngete to nalwajan ho lati. ²⁰ Iramahini fa ngete ojo, ''Obotie iyang hoji ho hilasira hoji niger, owahi itiala iji.'' ²¹ Nyuo hati Yesu ho na hitarang ojo nihosing, ''Iyang ho ne ce bu hilasira ho ne sing lati hula itiyire natianya ho Najyok, ce bu iruhi.'' ²² Abwon fa niho hinihe noholongi Yesu ce bu lolohejek ho ngete ho nahiruhiso nitigol, cebu ojo niho sing, ''Afwasi niho ene ngati ho hari.'' Tinya sing ho na daha. ²³ Nyuo hati lo fa nadahe sing , Yesu ho na getoro, cebu ibwo nolomwangi na ogol ho na lotiniso to hari, cebu natigol ho sing ho na hichak nefut to na hari, ce bu sing obwoni norohoji bebe. ²⁴ Tinya lolohejehi ho Yesu ho nafwoniso niho ngete ho nahitedetiniso ngete, ojo, 'Lahaboloroni!, Lahaboloroni!, Ahiwak ijie yeyi!'' Ngete ho na detino, ho nahireng nolomwangi ho nahitihita ho hari sing ho nabotia. ²⁵ Tinya ngete ho na jiman nihosing, ''Aji nahiruk hote?'' Nabwanan hovnabayangi, ho natianya nikwanite hosing, ''Ngai hati ale la iramahita dobu ho nolomwangi ho nahari, sing ho na hiruk ngete?'' ²⁶ Isiahite sing nihang ho Gerasene, na onyihita ho Galileya. ²⁷ Lo fa nangiru Yesu nifok, lobo latwani to hang ho nahiriama hongete, obwon fa ele twani ho nolohailongi huja iboti. Etwong nengaji olwaji na obuijief nabongoji, cebu obu omanya nihaji, nyuo hati nihosiereji. ²⁸ Lo fa natelu ngete Yesu,ngete ho nayo, cebu ho ho nahuyari nihatiemeni ho ngete.To namurut na okwat ojo, ''Nanyuo ne epalaya hoji, Yesu, lahito ho Najyok Lahaboloroni? Amojo ne nihoji, hetegiama ne.'' ²⁹ Iramahiso fa Yesu nolohailong na ibot ongida olotu niger hele twani, to nanyuo noholongi fad obwarahita ngete dobu otori to nabilet ce bu dobu to nohofito itiese, many ongut nohofito nolohailong na ibot ho nahiyaru ngete nitimere. ³⁰ Yesu ho nahifiasu ngete, ''Ngai nafure hoji?''Ngete ho na jiman, ''lasegere,''eruhuni nolohailongi huja iboti niho ngete. ³¹ Itiringe sing ilelia nihongete ojo ongida Yesu obu iramahi sing ofwe toho Abiss. ³² Onyese fa nalohoi ho hebworohi neigum hodenge, nolohailongi huja iboti ho namojo nihongete ojo ongida isiarahi sing ofwe niho nebworohi. ³³ Tinya nolohailongi huja iboti ho nafwoniso niger ho nahiruhiso nibworohi, nebworohi ho nangiriniso todenge ho nahipuloro nihari. ³⁴ Lo fa nateli lati hulo fa ijohite nebworohi nidinge nasinge na idwong, sing ho nahinam nihiramahinere nihotwa ho hang cebu nihangite huja obwoni niger. ³⁵ Tinya lati hula itiyiri nasinge na idwong, ho nafwoniso niho Yesu ho nahorihiso latwani la idahini nolohailongi huja iboti niger. Itejefi fa ngete to nabongoji cebu nihou ho ngete, itwongo nihejiaha ho Yesu, sing ho nabayangi . ³⁶ Lati hula oteli nanyuo idwong ho nahiramahiso hilihe tatali latwani lo fa inefite namininga italihino. ³⁷ Lati fad to hang ho Gerasene cebu nahangite huja onyihaji ho nahifiasu Yesu ongida olo tiye ho sing, obwoni fa sing ho nabayangi bebe. Ngete ho na hiruhiso nitigol nohoyitita. ³⁸ Latwani lo fa idahini nolohailongi huja iboti ho ho nahilelia niho Yesu ojo ongida idah ngete olo ho ngete, nyuo hati Yesu ho narohoriso ngete niger, ojo, ³⁹ ''Toyiteye nihaji hoji ce bu ikian nareji fad huja igem Najyok nihoji. ''Ele twani ho naloten tenehoi ho ngete, nihiramahinere nareji fad huja igem Yesu niho ngete huja obolori. ⁴⁰ Lo fa nayitoyo Yesu, nalohoi ho lati ho nahifwotiniso ngete, itilase fa sing fad ngete. ⁴¹ Obwon fa lobo latwani la onya nafure ho ngete Jairus, ce bu ora ngete alohitwahiji ho Kelesia. Jairus ho nahuyari nihejiaha ho Yesu ho nahilelia niho ngete ojo ongida olotu nihaji ho ngete, ⁴² obwon ngete ho ngarini abito, nengaji tomon ho harik, owak fa yeyi. Nyuo hati no fa nadaha ngete, nalohoi ho lati ho nahitugulasu ngete. ⁴³ Obwon fa ibwo nagorite da na itihita nohoto niho ngete nigaji tomon ho harik ce bu atuhohi narobia hongete niho lahetingidarani, nyuo hati obe lobo latwani otum itobwoji . ⁴⁴ Ngete ho nalotiniso niho Yesu ho natiron neger ho bongo, nohoto nejuho ho nabotia. ⁴⁵ Yesu ho najiman, ''Ngai lohitir ne?'' Lo fa namoni sing fad, Petur ho najiman, ''Lolohitwahaji, itufude lati iji cebu iluri iji.'' ⁴⁶ Yesu ho najiman, ''Ahitir ne lobo latwani , ajien ne ojo ahidahiso ne nahifirang .'' ⁴⁷ No fa natel ene ngorite ojo abu ngete atum edimaru niho nasinge na ihon ngete, ngete ho nalotiniso na ihihira. Ho nahuyari nihatemeni ho Yesu, ngete ho nahiramahiso nahiram na isiarahi ngete otir Yesu nihatemeni ho lati fad ngete ho nangidari. ⁴⁸ Tinya ngete ho najiman, ''Ngara ne, na hiruk hoji ahisiarahi iji ingida. Ilo to nayomo.'' ⁴⁹ Lo fa ngete ho tianya, lobo latwani lolohitwahaji ho kelesia ho najiman, '' Aye ngare ji. Hetegiama lahetejianani.'' ⁵⁰ Yesu ho nahitiyiriniso , ho nahitarang ngete ojo, ''Hebayang.Iruho, ongida ba ngete.'' ⁵¹ Lo fa nalotu ngete nihaji, obu ngete iruk lobo latwani iruhi ho ngete, mayak Peturu, Yoana ce bu Juma, monye hene hito, ce bu iyang ho ngete. ⁵² Lati fad hulo fa obwoni ayie ce bu ilulwe niho ngete, nyuo hati ngete ho najiman, ''Helulwete. Obu ngete oye, nyuo hati ogetoro .'' ⁵³ Sing ho na kenita niho ngete, ojien hati ojo aye ngete. ⁵⁴ Ngete ho natinginiso ene hito to nehene, ho nangialan ojo, ''Hito, todete.'' ⁵⁵ Nolohailong hongete ho nayitiniso, ngete ho nadetino. Yesu ho nahiramahiso ojo ongida isieri ibwo nanyasu nihongete. ⁵⁶ Monye ho ho hotenge ho nabayangi, nyuo hati, Yesu ho nahiramahiso sing ojo ongida obu iramahini lobo latwani nanyuo lidwong.