¹ Tahanyani laheduduhak ho mochoro cebu lahepalak hilihe honafwoniso niho Yesu itiyire niho ngete. ² Laharisak ho lahegierok ho nahigogworita nihiji hosing, ojo, ''Ale twani omojinita lahepalak, cebu onyasu hosing.'' ³ Yesu ho natianya nihosing to nohorwong ho tianya, ojo, ⁴ ''Ngai lobo nihote,la obwonitere ho nehoriangi namiya nyuo hati abito olitaya, obu idahi nehejek metongon ho metongon nitimere , ho nataharu na olitaya many horihi ngete? ⁵ Tinya nomo nahorihi ngete, ngete ho nahi kwalahiso nilohoye hongete ala okwama. ⁶ Nomo nalotu nihaji, ngete ho nangeleniso lamorit hongete cebu lati hula omanye hongete nihotwa ho hang harabito, ho najiman nihosing, 'Tokwamati ho ne, ahorihi ne nehoriang hone na olitaya.' ⁷ Ajo ne nihote otirahi, obwon hadi nakwama nihide niho lahepalani la iwahaya nepalita hongete, ilanyi niho lati hula ongidari nehejek metongon ho metongon hula obu owahi iwahariso nepalita hosing. ⁸ Nanyuo nangorite na obwon ho narobia tomon, nomo netilitaya ngete abito,ha obu ngete inwahahi nahima,ofia nahaji, ho natahan angida many ohorihi? ⁹ Nomo nahorihi ngete, ngete ho nangeleu morit hongete cebu lati hula omanye hongete nihotwa ho hang harabito, ojo, ' To kwamati ho ne, ahorihi ne narobiati no fa etilitaya ne.' ¹⁰ Dobu ora to hoja, ajo ne nihote,obwon nakwama nihatemeni ho Anjiloji ho Najyok to lahepalani la iwahaya nepalita.'' ¹¹ Tinya Yesu ho najiman, ''Obwon lobo latwani ho lemusak harik, ¹² lolokude nihosing ho najiman niho monye hongete, 'Paba, isiarahi ne tahanya nareji huja otum ne alunyohi.' Tinya monye hosing nareji ho nahichak ihwarahiso nasang hongete nihosing. ¹³ Hobu iyaru noholongi olwaji , ele lolokude ho nahitutufahiso nareji fad huja orahi anohongete ho nadaha to niho ibwo nihang na olama bebe, ngete ho naloten ipapalariso narobia hongete da niho nareji huja obu ngete owak. ¹⁴ Tahanya no fa natuhoyo ngete nareji fad, nahure ho nalotiniso nihene hang, ngete ho nahichak itahito. ¹⁵ Ngete ho naloten itenyangariso hona nakwan hongete niho lobo latwani ho hene hang, la isiarahi ngete olo ho itanyasu nebworohi nimana. ¹⁶ Hatum ngete okwama ninyesere namorodo huja onyese nebworohi tonanyuo obu lobo twani isiarahi ngete ibwo nanyasu. ¹⁷ Nyuo hati no fa nalotu lolokude igigilo, ngete ho najiman, 'Baya lahegiamak hula obwonitere monye ho ne hula igiama nihongete obwoni ho na ngirang na otumohino, ne ayeyiso inyini ho nahure! ¹⁸ Owak ne edahi inyi ,alo niho monye ho ne, ajo ba ne niho ngete, "Papa, epalaya ne niho nihide, epalaya ne niho nahide cebu nihatemeni hoji. ¹⁹ Obu otum ohingelese ne eha iji; itaraha ne ahegiamani hoji.''' ²⁰ Tinya ele hito ho na hidahiso ho naloten niho monyevhongete. Lo fa holama ngete, monye ho ngete ho natialaniso ngete, ho nakwama ho nahinamahiso nihongete, enef ngete ho na juran ngete. ²¹ Lonyi ho najiman niho ngete hona jiman niho ngete, 'Baba, ipalaya ne na orohojaya niho nahide cebu nihatemeni hoji. Obu osiriu ne ohingelese iha iji.' ²² Monye ho najiman niho lahegiamakbhongete, 'Iyenete nabongo kerem totwarahisi ningagu ho ngete, cebu itejiafahisi nabilet nihene ho ngete, cebu nihene hoji nahamuk nihejiaha hongete. ²³ Iyenete lahase la ofir toduhata. Anyesete. ²⁴ Aye fa iha ne nyuo hati esu ngete.Olitaya fa nyuo hat tahanya ahorihino.' Sing ho nahichak inyasu. ²⁵ Obwon fa iha langete lolohitwahaji nimana. Lo fa nalotu ngete onyihaji nihaji, ngete ho nahitiyir nahatar ho ce bu nakia. ²⁶ Ngete ho nangeleniso lobo lahegiamani abito ho nahifi ojo nohonyuo hunya reji . ²⁷ Lahegiamani ho najiman niho ngete, 'Alotu hilasi hoji cebu iduhahi monye hoji lahase la ofir, tonanyuo ayitu na ongida.' ²⁸ Lolokang ho nahilongojita ho nahidayariso nihiruhiso nihotwa ho hang, monye ho ngete ho nalotiniso niger ho nahilelia nihongete. ²⁹ Nyuo hati lonyi ho nahitarang monye ojo, 'Totiale, egem ne nihoji ningaji huja olwaji nyuo hati ji obu isiarahi ne lobo lahito ho hine ojo ongida ne ohinya ho morit ho ne, ³⁰ tahanya alotu iheji, la otuhohi nebarita hoji niho nahasomok,iji ifadahi nihongete lahase la ofir nihongete.' ³¹ Monye ho najiman niho ngete, 'Iha ne, ibwonita ji ho ne tihitik, nareji ho ne fad orahi anohoji. ³² Nyuo hati ongida do nihojie nikwamari,to najiman ale hilasi hoji aye fa nyuo hati tahanya esu;olitaya fa ngete, cebu ahorihino tahanya.'''