1 Obwon fa niho ibwo noholong hetaleji, no fa nalo ngete nihaji ho lobo lolohitwahaji ho laharisak ninyesere nebune, ojo otiale fa sing ngete. 2 Obwon favlobo latwani ipadata to nabolori hohotwa. 3 Yesu ho nahifiasu lobo lahajianak hichihita ho Yahud cebu noho laharisak , ''otum ongida nihitingidarar to noholong hetaleji , kuya obu?'' 4 Nyuo hati ininge fa sing. Tinya Yesu ho nahinef ngete, ho nahitingidar ngete, cebu ho nasulariso ngete niger. 5 Ngete ho najiman nihosing, ''Ngai nihote la obwonitere ho lonyi kuya latamot ho hiteng la ohuya nidial niholong hetaleji obe opihu ngete niger?'' 6 Obu fa sing isieri nahitaranga niho hunya reji. 7 Lo fa natel Yesu nehoi na onyumerete lati hula ongeleni nahitwongita hosing, ngete ho natianya to nohorwong hotianya, ojo nihosing, 8 ''Nomo nahingeleu iji lobo latwani noloyamari , hetwongo nifok nimaji ho lahabolorok, tonanyuo lobo kuya habwon haba lobo latwani la ongeleni la obolo ohilany iji. 9 Nomo nesiahita ele twani lohingeleu ite fad, ojo ba niho ji, 'Isiarahi ale twani namaji hoji,' ora ba ariri nihoji nilojiere hitwengere nilohichungi. 10 Nyuo hati nangeleni iji, ilo itwonge nifok nimaji na ora alohichungi, ongida nalotu ele twani lohingeleu ite, ojo ba nihoji, 'morite ho ne, ilo nihide .' Tinya ohibayangi ba iji nihatemeni ho lati hula itwongete hoji. 11 Latwani la itingito nakwan hongete, itingirini hadi cebu latwani inyak nakwan hongete, otingi hadi." 12 Yesu cebu ho najiman nihele twani ongeleu ngete, 'Nesiarahi ji nanyasu kuya nakwamahino, hengeleu morit hoji kuya hilasira kuya lati hoji kuya lati hula imanyati hoji kuya lati hula osami, toho ohingeleni ba cebu sing iji, ojo ongida itulunyi iji. 13 Nyuo hati nasiarahiso ji nangirang, to ngeleu lahaparitak, lahariatak, lahangurak cebu lahangodok. 14 Ohijohi ba iji, tonanyuo obu sing otum odumahini nihoji. Odumahini hadi nihoji to hide.'' 15 Lo fa netiyir lobo niho sing la itwonge ho Yesu nilonyesere hunya reji, ngete ho najiman niho ngete, ''Ikie najwaha obwon niho ngete la ba onyasu nebune nihaji ho Najyok!'' 16 Nyuo hati Yesu ho najiman niho ngete ojo, ''Ihuhumahi lobo latwani nanyasu na obolo ho nangeleniso lati hula olwaji. 17 Lo fa nehuhumahino nanyasu, ngete ho nasulahiso lahegiamak ho ngete niho lati hula ongeleni, 'Ifwosu, ehuhumahini nareji fad tahanya.' 18 Sing fad ho nahichak iramahiso nahingunga. Lohichahi ho najiman niho ngete, 'Henyanginiso ne nafok , ajo ne alo itiala. Isiarahi ne alo etelino ngete.' 19 Cebu lobo ho najiman, 'Henyanginiso ne laharemok ho husuk tomon, ajo ne itejiana sing. Idahi alo ne.' 20 Cebu lobo ho najiman, 'Ahayeminiso ne nangorite, abu ne atum alotu.' 21 Lahegiamani ho nalotiniso hiramahiso lolohitwahaji hongete hunya reji. Tinya monye ho haji ho nalotiniso la ilongojita cebu hona najiman niho lahegiamani ho ngete, 'Ilo kerem kerem nihoi cebu ninguleji ho hang nobolo iyeni lahaparitak, lahariatak,lahangurang, lahangodok.' 22 Lahegiamani ho najiman,'Lolohitwahaji, nasinge na itianya ji igemi, nyuo hati ho bwon namaji.' 23 Lolohitwahaji ho najiman niho lahegiamani, 'Ilo niger hehoiha torosini sing ofwoni inyini, ongida nahaji ho ne ifut. 24 Ajo ne nihoji, obu ba lati hula fa ngeleni berien imangi nangirang ho ne.'' 25 Nalohoi ho lati ho nafoten ho ngete, ngete ho nahiibielo ho najiman nihosing, 26 ''Nalotu lobo niho ne nyuo hati obu oliwa niho monye hongete, iyang hongete, ngore, lemusak, hilasira ce bu hinasira--ee, ce bu nahisu ho ngete --habu ngete ora alohejek ho ne. 27 Latwani la obu oting nahite ho ngete na ikwala cebu obu ohijifino ne obu ngete ora alohejek ho ne. 29 Ngai nihote, lowak ifaha nahaji nohadu, obu soni itwongo nifok nihikianari narobia huja otum nituhohinere nahifaha? 28 Nomo natehehi ngete namorwo nyuo hati obu otuhohi ,lati fad hula oteli ngete ifwaha ho nahichak ikenitere ngete, 30 ojo, 'Ale twani ichak ifiaha nyuo hati obu otuhohi.' 31 Kuya ali hobu, lomo nalo ngete niho Lohobu lobo nirem, obu soni itwongo nifok nihorinere netenyita kuya hatum ngete olo to lati nalif tomon nilongalasere niho ele hobu la olotu niho ngete ta lati nalif nehrjek harik? 32 Nabu ora, ho lamaji ehule segere hilihe ho lamaji, ngete ho nasulahiso lahatianyani olo ifiasu nitenyita hoyomo. 33 Tinya inaha , lobo nihote la obu idahi nareji huja obwonitere ngete obu ora alolohejek ho ne. 34 Ongida namile , nyuo hati nomo nerwomohino namile,tatali ba otum isieri ngete olem hari? 35 Abu ngete ongida niho nafok kuya dobu ahetupupuhi ho fok. Ipireri niger. Ngete la obwon ho najohe nihitiyirari, ikie ngete itiyira.''