¹ Je ie Dogon melah jesus kristus uqan me je. ^{2 3} Galolo je madec dana Aisaia na jaqoc je na odi madena, "Meci ie feiga, ija dana oso aquni surdugen eu agena jic tutuc mudi adigen. jejeg oso uqa maha gararec na odi uta ena. jic ebec sacija doiga! jic tutuc mudega. ⁴ Wa jojadec Jon uqa maha wadau garar ec na, Dogon na me je odi madena, Silail qasili madi meig wa joc ocib agena silail agasigen. ⁵ Odocob juda hatu na dana aja ca Jerusalem dec ca unug odi li jon fein. Odocob jordan wa na wa joc ocib agena silail unug agasen. ⁶ Jon uqa jamel eu sipsip ganac na mudec tacori odi mei olgam um na taqori, ''Aria uqan sab jec eu qa,sis ca mehud ca uqan wa eu joroi ⁷ Uqa gagadic bahic uta ie odi maden ,Dana ija hibiromi hona eu uqan gagadic odoc eu ijan gagadic odoc eu woldoc bahic. ⁸ Ija uqan jaih ganac tacec na halu eu cufali toc dana me bahic qe. Ija age wa na wa jojadigina, Uqa age kis gun na wa jojadigien. ⁹ Hatu oso ijan galili, uqa yobon nag eu ija n nasaret odi nu jesus uqa ono dec hocob Jon uqa jordan wa na wa joiden. ¹⁰ Sain jesus uqa wa uidi mei casi beben secao cebec hudocob kis gun nen eu uqa man fururec oso cuhudid egina eu inigwe nenen fen. ¹¹ Uta ec oso sao na dec jejeg eu odi calen mel ie ijan, Ija uqa geh gawigina. ¹² Odocob kis gun uqa jesus heudi maha wadao oso dana ca qena nuwen, uqa maha wadao dana ca qe na bibiren satan uqa humei temdoni . ¹³ Uqa dor cus gaum birein, odocob ensel age humeig cesur doin. ¹⁴ Sain Jon be qetein sain na Jesus uqa me je odi maden ¹⁵ ''Sain hedoja sao ur amas migian odi nu turu ie falic dumeig me je doiga!'' ¹⁶ Sain Jesus uqa galili wa corcor cobi humei Saimon Endru ca cusec qelowais ododosin guruc aren. ¹⁷ Jesus uqa odi maaren, are hu ija to tecib ija dana cedec nu iwal arigen aren. ¹⁸ Odocob are mahuc odi bahic arena cusec cuimeis li todosin. ¹⁹ Jesus uqa nag od ca obi li mei Jems , Seebedi melah uqa waliag Jon ca memera gaum age na cusec tutuc mumudegin feci aren, odi imei maaren. '' Are hu to tesia.'' ²⁰ Odocob are mahuc odi bahic arena cusec eu, memera uqan cabi dana gaum cudimeis li todosin. ²¹ Uqa cuha der oso na Kapenaum dunuh na li mei Juda agena cuha jo na li mei iwal aden. ²² Uqa iwal adeceb madi bahic age dadan ein. ²³ Juda agena cuhu jo dunuh na ono dana oso uqa kis meqec ca uqa uta ie Jesus madon , ''Ina ege adi odigeg hoga.'' '' ²⁴ Jesus Nasaret dec ina ege adi odigeg hoga! Ege doqona ina Dogon melah ina gun bahic.'' ²⁵ Odocob Jesus jejeg hei mei madon ali humeig beradeiga don. ²⁶ Odocob Kis meqec uqa eu suli qelecb totonon, Geh baahic odi uta ie cali hu nuon. ²⁷ Dana caja ca age odoc ie fimeg firicit ein, ''Odi meig odi madein,'' Ie eu cel odoc! Eu je haun oso fo? Uqa Kis meqec ha maadeceb dah ²⁸ mudegina.Odi nu je ie galili yobon nagnag unug na ihoc len. ²⁹ Odimeig age juda age juda agena cuha jo dunuh dec cali humei li Saimon ca Andru ca Jon caJames ca agena jo na ³⁰ len.Odocob Malogom age Jesus odi madoin. ''Pita aideg anag uqa hag gagadic bahic nija doin,'' Odocob jesus uqa limei Pita aideg anag na hag qe mudon ton. ³¹ Odocob uqa asi mei sab sacija du aden. ³² Cam nonon sain na Dana otogaer hag caca eu age ca Kis meqec wawaga na birec eu unug edi hawein. ³³ Odocob dana aja ca madi bahic age Jo ebec na cegurein. ³⁴ Jesus uqa dana aja ca hag gug firfir ca hoin eu me madi mei Kis meqec ha itatac adeceb alein, Oodi mei uqa kis meqec eu je mu ahac adein , '''El nu age uqa nu dogina.'' ³⁵ Jesus uqa qasir were bahic asi mei udun sos Dana caqe na nui mei inon don ³⁶ .Saimon gaum age Jesus qe fimeig nu age uqa megein. ³⁷ Age li guruc dumaig odi madoin, Dana aja ca ina megi hegina doin. ³⁸ Jesus uqa odi maaden ege jobon ben oso na li moqc ija me je madigen. Ija cabi icon dec nu toni nem. ³⁹ Jesus uqa Galili yobon nagnag unug na le mei Dogon na je qasali madi mei Juda agena cuha jo dunuh na le mei Kis meqec itatac aden. ⁴⁰ Dana oso uqa deweg na Lepra hag ca,Uqa humei Jesus odi scebisir don,Ina ija me mitec nu nijiceb fi ois me mitiga don. ⁴¹ Jesus uqa waug qoc ca bahic,Odi nu uqa ebeh meceb leceb deweg hei feceb hag medon. ⁴² Odocob mahuc odi bahic lepra hag eu dana eu deweg udi qisac don. ⁴³ Odi mei Jesus uqa je gagadic bahic madu mei sur docob nuwen. ⁴⁴ Jesus uqa odi madon ina nui meg ceteh ie nu je itac oso ain mudugon don, Ina dewen helimeg Ihan ec dana ihac doga don. Odi meg ina dewen na hag qe meja eu ecun nu ihan aga don, Moses maden odi.Odocob Dana Aja ie nu doqaigen. ⁴⁵ Dana eu uqa nui mei Jesus uqa deweg na hag qe mudih ton nu dana aja ca madi bahic saaden.Odocob nu Jesus uqa Jobon ben oso dundh na qe ler.Uqa jobon benqisac du gesac na bibiren Dana Aja ca age ono hu fein.