¹ Haun Jesus uqa cegulec cudun oso na len. Ono dana ebeh laleg oso bilen. ² Age meci meci dudu ein, dana ebeh laleg eu me mudigian fo eu adi odimeig age uqana cahuldoc eu fimeig meqec muduqagabili. ³ Jesus uqa dana ebeh laleg eu madon, "casimeg cegulec gemo tawaga." ⁴ Odocob uqa dana cajaca odi ma-aden, "Eu na gadac oso bilia fo, jaen mudec del na me odoc nu fo, qe meqec odoc nu, dana cesul docnu, qe dana qagadoc nu?" Qa age cunug ca conog cufaqoin. ⁵ Uqa gemak na gagadic bahic meciaden, naha ha uqa waug qon eu cetanu, age wawaga qe fogodol. Odimei dana eu madon, " Eben ohis doga, " Dana ebeh ohis docob Jesus me muden. ⁶ Mahuc odi bahic Farisi age belimeig King Herod na dana iloca eu ma-adecebil age Jesus qocobil calmigiabili je mudein. ⁷ Odocob Jesus uqana malogo gami macas na belein. Dana caja am ben Galili dec ca, Judia dec ca, ⁸ Jerusalem dec ca, Idumea dec ca, Jodan hibilohu cisec dec ca, Taia Saidon ca aliladec ca, am ben age Jesus ceteh o-odien nu dah mimeig hoin. ⁹ Jesus uqa uqana Malogom ma-aden, wag oso utocnu, qe fifi dana caja am ben tabub dowain. ¹⁰ Uqa dana caja geh bahic me maden, dana caja geh bahic age hag filfil ca ha uqa memadec nu cisdoin. Odimeig bitac i qududoqagabili o-odien. ¹¹ Saen kis meqec age uqa fimeig, uqa ola na tonimahulimeg utaein. Ina Dogon melah." ¹² Uqa je gagadic ma-aden eu cain madecebil uqa nu dowain. ¹³ Uqa aluhna timei uqa gawaden, ecundec uta adeceb hoin. ¹⁴ Uqa ono calag leis gic leis dana ehaden odocob uqa na malogom alein. ¹⁵ Uqa gami bilimeg, suladeceb belimeig me je madoqagannu. ¹⁶ Kis meqecha ititac adoqagan nu ha gagadic aden. Uqa calag leis gic leis na eu, Saimon, uqa ijan oso Pita. ¹⁷ Odocob oso Jems, uqa waliag Jon, Zebedi melahul (Ijanala oso qon eu Boaneges, uqa na gug eu qeli qona) ¹⁸ Oso Andru, Pilip, Batelome, Matyu, Tomas, Jems, Alpeaus melah, odocob Tadeus, Saimon silot dogina. ¹⁹ Odocob Judas Iskariot, dana hib na dana meqec ebenega na mudigian. ²⁰ Hedocob uqa jobon nuwen. Dana caja geh bahic cegulein odocob sab jec ha ihoc qe. ²¹ Uqa na tal je dumeig, age ehuduqagabili belein. Age madein eu uqana cisdoc ihoc qe. ²² Sisimec jaqoc dana age jerusalem nein, age madein eu belsebul ca, kis meqec uqa ititac aden eu ca uqa dunuh lein. ²³ Jesus uta adeceb lecebil, galolo je na ma-aden, " kis meqec uqa adi kis meqec ititac dugian?" ²⁴ Cul oso uqa qatani leis dumei, uqa dodoc nu cad mi fei, cul eu qe tawec dain. ²⁵ Jo oso uqa dodoc qatani leis du fei, uqa qe tawec dain. ²⁶ Kis meqec uqa casimei uqa dodoc nu cadmimei qatanifei fi, uqa qe bilec dain, qa uqa qe migian. ²⁷ Dana oso uqa qe limei dana gagadic uqana jo dunuh uqana ceteteh heje ceditoc dain. Dana gagadic eu hewi qagimei casac qa uqa ceteteh heje ceditugian. ²⁸ Mele bahic ma-adina, dana caja silail megina ca, Dogon nu seil je madegina ca eu qa silail cagasec oqagan. ²⁹ Qa oso uqa kis gun nu seil je madi fei qa silail cagasec qe ocdain. Uqana silail eu bileceb catanigian. ³⁰ Jesus je i maden eu, age edi madecebil nu, "Jesus uqa kis meqec ca." ³¹ Uqa anag ca waliagul ca age hu mahagum tawi meig, Age je suldutoin. ³² Dana caja am ben alildu nijein eu madoin, "Ina anin, waliniel ca ina megihegina." ³³ Uqa je wadacdu odi ma-aden, "In uqa ijani au ca waliel ca?" ³⁴ Uqa meci imei, dana caja ca alildoin bibilegin feic adimei ma-aden, "Feciadeiga, i ijani au ca waliel ca. ³⁵ Indec oso uqa Dogon jejeg todu odona qa uqa ijani au ca, cebinami ca, waliel ca.