¹ Del leih hedocob, Jesus uqa Kapernaum dec ceselihocob, Danacaja ca mati age Jesus jona bilia ec dahmein. ² Age cunug cegulein eu, Jo dunuh ono cudun caqec, jic cebec taldoc na ha gihac doc fein, Jesus uqa je iwaladen. ³ Leih age dana oso jaih cebn ca lalegmec Jesus ca ehudi ahoin, Dana waloso age gahidoin. ⁴ Age Jesus cemenug lecweqe, ceta nu Danacaja am ben bahic. Qe nu age Jo qab tatac Jesus tawen na bahic iwigeldu helo mudimeig age gabagab na, Dana laleg mec eu felaculdecebil toni non. ⁵ Uqa agena wawaga mele ec eu fimei Jesus dana eu madon, "Melami , ija ina silail cagasiga. ⁶ Qa Dogon na meje nu doc Dana benben leih ono bilein eu, age dodoc wawaga na Jesus na je inu tumatuma i bilien. ⁷ Adi nu Dana i je edi madigian? uqa Dogon qe, Dogon uqa himec silail cagasena nu. ⁸ Age filfil adi cisdodogin, Jesus uqana kis wele madon. Odocob maaden, Adi nu wawaga nu odi cisdogina? ⁹ Ceta oso cacanig caqe, Dana lalegmec i madoc nu, inana silail wele cagasea, O madoc nu "cajaga ina na gabagab oga, odimeg coboga." ¹⁰ Qa age odi doqagan, Dana melah uqa maha ina silail cagasec nu gagadic odoc ihoc, uqa laleg Dana madon. ¹¹ Ija mahigina, cajaga, inana taeg oga, odimeg Jo na nuga. ¹² Uqa mahuc bahic caji taeg umei Jo dunuh dec cali li cunug olanaga na calen. Odocob age cunug tetecul imeig Dogon binan susuli bileig age madein, "ege wele ceteh oso edi qe folom, " ein. ¹³ Jesus uqa cocobi wa gad agoc na cisec nuwen, Danacaja am mati age uqa ca hohobil uqa mele je iwaladen. ¹⁴ Uqa wolaadi cocobi lilibili, Levai Alfius melah men qaik och Dana men coh cudun na bibilen fimei, "totaga don." Odocob uqa casi todon. ¹⁵ Jesus uqa Levi na Jo na sab jejen men qaik coh dana ca silail danacaja age Jesus uqana malogom gemic sab jein ceta nu geh bahic age todoin. ¹⁶ Sain sisimec je todoc dana, Farisi adeqina age Jesus uqa silaia jaum adec dana, Uqa na mologom madein, "ceta nu uqa jaum adec dana, men qaik cedec dana ca gamic sabjegina?" ¹⁷ Age je mamadegin Jesus dahmimi, uqa wadacdu maden, dana age dewenega gagadic ca eundec, age hag bal mec dana qe cesuladena. Leih age hag ca eundec himec hag bal dana ehudegina, aden. Ija ititom dana nu qe holom, ija silail dana age nu hom aden. ¹⁸ Johanes na malogom, Farisi age na malogom ca age cud bibilegin age humeig madoin, "ceta nu Johanes na malogom, Farisi age na malogom ca cud bibilegin inana malogom qa qe ec madoin." ¹⁹ Odocob Jesus wadacdu maaden, dana age caja ca sisi jelalec na hogina eundec, age cois cud bibilebil dana caja ca sisi jelec eundec osoben ca fi, cud qa bilecdain aden. ²⁰ Dana caja oc sisi jelec eundec uhewi beloqagan nu uqana del dodol dodob, age del odi na, age cud biluqagan. ²¹ Dana oso lotoc haun umi lotoc hilac ca hagalalec weqe. Ceta nu lotoc haun eu hilac tidocob helo ben calena nu. ²² Dana oso wain hilac basec docob belelek ganac hilah dunuh noc weqe. Eu qa wain, belelek ganac ca ale osoben qemoasan. Uqa wain haun eunduc umei belelek ganac ha haun haun eundec na bahic basec dugian. ²³ Sabat del na Jesus uqa wit cabi dunuh cocobon, uqana malogom age osoben cocobi bileig wit aig cecedi ein. ²⁴ Farisia dana age Jesus sisildoin, "dahmaga ceta nu inana malogom age ccha fec del gunna cabic ceteh oso cainodowain ec sisimec madena eu cogog doiga ceteteh codogina. ²⁵ Odocob Jesus maade, " mahana age jaqoc je oso qe saniji felein fa, sain David uqana danah gamic wen bibileig odoin nu eu." ²⁶ Sain Abiata uqa hetpris bibilen, David uqa Dogon Yawe na jo dunuh len. Dogon Yawe ola na sab jen, Jo eu na hetpris himec Jo eu dunuh sab jegina nu, Ge dana caja cunug qe jegina eu madena, qa uqa leih ha adeceb jein. ²⁷ Jesus uqa haun maaden, "Dogon Yawe na del gun eu dana caja ca agena, eu danacaja age na del gun qe, ena." ²⁸ Odinu dana melah ha binan ca uqa ben bahic nu Dogon Yawe na del gun eu cofdona.