¹ Sain age Jerusalem ono hu calein, odimeig Betpeis ca Betani ca cemenela ono, Oliv Aluh na ono, Jesus Malogom leis ma alen. ² "Ale Jobon naha cisec leti lesia. Sain ale ono li calimesi, ale cesel oso halu na qagec tataweb fowasan. Cesel eu dana oso ogogdoh na qe tobibilel, aale halu cufalimesi hewi ahutesia. ³ Eu qa dana oso, eu ceta nu odoina ec ma aleceb fi, madosia Meca uqa cabi utigian nu sul leceb howa dosi alen. Cabi qe meceb wele sul docomun hugian ec madosia alen." ⁴ Ale belimesi Cesel halu na qagec jic gesac na, Jo qeih na tatawen fimesi cufali hewi nuwesin. ⁵ Dana ail ono tawain eu ma alein, eu ceta nu Cesel eu cufalasina alen. ⁶ Odocob ale Jesus je malen odi madecebil age culalabil hosin odi ceselesin. ⁷ Malogom lecis ale Jesus Cesel u ahutumesi, alena jamel huli Cesel gogodo na duitocobil, Jesus uqa tobi bilimei nuwen. ⁸ Dana geh bahic age agena Jamel ca na bagac ca na batac ca duwin. ⁹ Leih age casac aqunegin, leih age hib todudu culaug u uta i ein. "Dana i uqa Dogon ijan na eldoc mebahic ahona." ¹⁰ "Eldoc hona eu ege memige Devit uqana cul na dec bahic! culaug oiga." ¹¹ O-dodon uqa Jerusalem ono Dogon na gun Jo dunuh len. Uqa waldu meci imei ceteteh cunug meciaden. Sain wesu na tu gihododon Betani Jobon belein. ¹² Del osona age Betani dec ceceseli bileig Jesus uqa wen docob meci imei na dan oso bagac fimei gugca nacocobi len. ¹³ Uqana dan aig oso ihoc figian imei len. Qa ceteh oso ca qe, bagac himec, uqana gisec sain qe. ¹⁴ Jesus uqa na dan madon, "dana oso inana aig qoc eu qe u jeaun." ¹⁵ Jesus uqa na dan madon eu, uqana Malogom dahmuden, odi cocobi Jerusalem tein. Jerusalem ono timeig, Jesus uqa gun jo dunuh len. ¹⁶ Uqa dana oso qe cudeceb sul doc ceteh oso hewi gun jo dunuh len. ¹⁷ Uqa iwal adimei odimei odi ma aden, "jaqoc je ha odi madena, ijana jo eu mahamaha cunug agena ihanec jo." Qa age odocobil heje dana agena jo cinwe calen. ¹⁸ Qa ihanec dana ca sisi mec jaqoc dana ca age uqana je dahmimeig, qocobil cal migian nu je uh mein. Age cucuiein eu ceta nu, dana caja ca am mati age Jesus na iwaldoc je nu wawaga fogodon. ¹⁹ Sain witic meceb age Sasai ben culdimeig belein ²⁰ Odocob age qasil na odi cocobi lein, age fein eu na dan eu batac na dec galal i ni gug na calen. ²¹ Odocob Petrus uqa cis dumei maden, "iwalgec faga ceteh na eu ina je meqec madom eu wele cunug galalen." ²² Odocob Jesus uqa odi ma aden, "age na wawaga mele ec eu Dogon na nu dih. Mele bahic ija ma adigina, "cel dana oso uqa aluh odi ma dugian, casi meg ina dodoc macas dunuh noga." ²³ Uqa waug lecis ca qe minun, odinu uqa cel ceteh uqa madea odi caligian. ²⁴ Odi nu ija mahigina: ceteh cunug nu ina inondoc na sisil agana eu, inana wawin mele ec todoc eu odi caligian. ²⁵ Saen ina tawi inon dogan ha, dana oso uqa ina nu balijina eu, ina cagasi toc nu inondoga. Odi nu ege memige sau na bilina ha inana silail cagasi higian. ²⁶ Qa age cotoga oso na silsil qe cagasitoqaga qa, memige sau na bilia ha inana silsil qe cagasihejaun. ²⁷ Age haun Jerusalem hoin, odocob Jesus uqa gun jo dunuh cocobon, dana ilo caca uqa ca hoin. ²⁸ Age uqa madoin, "ina cel gagadic odoc na cabi i ogona, in gagadic odoc i ihen nu cabi i ogona?." ²⁹ Odocob Jesus uqa jejenaga hewi ma aden, "ija sisil ec oso sisil cadigen. Matecebil ija gagadin odoc anadec om eu, ma adigen caden. ³⁰ Johanes na wajoc eu sau jobon na dec fo, o qe dana na dec fo, wadacduteiga." ³¹ Qa age dodoc je kokobilili mam caden, "ege jejeg eu sau na dec fo, uqa ma aden." Eu age ceta nu Johanes nu wawaga qe mele el. ³² Odocob age jejeg hewi dana eu i fob, "ege dana caja ca nu cucui oqona, ceta nu dana caja ca cunug age, Johanes nu eu wawaga mele en. Dogon nu age Jesus je wadac dutoin, ege qe doqona doin. ³³ Odocob Jesus uqa ha wdacdumei ma aden ija ha gagadic ana dec omeu qe ma adigaun aden.