¹ Jesus uqa cudun culdimei Judia hatu na nuen eu Jodan wa woldu naha cisec nuen, odocob dana caja ca am mati age uqa todu nuein. Uqa age meje iwaladigian nu, eu odi uqa sain gaid odoloi odi odom. ² Odocob Farisia dana age humec uqa tem doqagan nu sisil doin. "Eu dana cajaca ale ocobocob ec eu gemuk cois cagugian fo?" ³ Odocob Jesus uqa jejenaga hevi maaden, "Age ocobocob ec eu cagocnu Moses na sisije eu cetaena aden", ⁴ Odocob age madoin, Moses na sisije eu odi madena, dana oso aidekca ocobocob ec eu cois cagugian doin. Gemuk uqa ocobocob ec cagocnu pepa oso jaqi aidek utimei suldocob nuigian doin. ⁵ Odocob Jesus maaden, euqa age wawa dunuh eu tol eu nu Moses uqa sisije i jaqiaden. ⁶ Eu qa wele gugna ifanen sain na Dogon uqa dana cajaca ifani maden. ⁷ Gug inu dana ajaca anag memeg ca qisac ali aideg ca gaban doasan. ⁸ Odocob ale devenala osol moasan. ⁹ Euqa ale abesabes qe, ale devenala osol alena. Eu odinu cetech Dogon uqa gabandon eu wagalec nu qe niel. ¹⁰ Age jona bilimeig uqana malogom age uqa haun ceteh inu sisil doin. ¹¹ Odocobil uqa ma-aden, ¹² In oso uqa aideg ca o gemuk ca alena ocobocobec eu wagalimei caja o dana haun oso ufei uqa wal kobol odona aden. ¹³ Dana cajaca age melsim calcal Jesus ca cedi ahoin eu uqa eben ilomagana migian nu. Odocob Jesus na malogom age melsim ahac adein. ¹⁴ Jesus uqa eu fimei uqa gemak ben. odocob maaden, simnagnag culadecebil hoiga ijaca, age cain caac adowain. ¹⁵ Ija age mele maadigina, oso uqa melsim iwe qe ibuldufei uqa Dogon na cul qe ojaun aden. ¹⁶ Eu odi odimei uqa melsim eben na cedi wagoadimei eeladen. ¹⁷ Odi uqa haun uqana jic sananmen nunuen, dana oso guguli uqaca ti gobcehi sisildon, "Iwalgec mebahic, ija ceta odimig me bilec cul ugen, " ¹⁸ Odocob Jesus uqa madon, "Cetanu ina ija me-ec mataga? Oso uqa maha ina mebahic caqe, Dogon uqa himec mebahic." ¹⁹ Ina sisije eu dogona, oso cain qocom cal meaun, wal cain hevegaun, heje cain ogaun, oso cain umqudugaun, uhulec na oso cehewan cain cawaldogaun, memen aninca lalan malaga." ²⁰ Odocob dana eu maden, "Iwalade, ceteh i cunug ca eu ija simna dec todu hedom, " ²¹ Jesus uqa dana eu mecidumei naluk muden. odimei madon, "Ceteh osol eu ina gohic maga nui ceteh cunug inana eu suldu ameg umeg dana cajaca saven euundec adaga odimeg ina sau cul na ehewain cabiligan odimeg hu totaga." ²² Eu qa je i uqa qe cesuldocob, waug culumendoc ca cocobi nuen, cetanu, uqa cehewen geh bahic. ²³ Jesus uqa waldu meci imei uqana malogom maaden, "eu edi dana cehewan ca uqa Dogon na cul na lecnu abulagca aden." ²⁴ Malogom age je inu ben bahic filicit ein. Odocob Jesus uqa haun maaden, "mel calcal, eu adi, Dogon na culna lec nu eu abulakca. ²⁵ Ge euqa kamel uqa lotoc gisec cese gilocna lecnu ihoc odocob dana cehewanca uqa Dogon na culna lec nu ihoc qe?" ²⁶ Eu age mec ca bahic filicit imeig madein. odi qa eu in uqa cahahadoc ugian. ²⁷ Jesus meciadimei maden, "dana ca eu ihoc qe, eu Dogon ca fi eu qa ihoc. Dogon ca eu ceteh cunug ca eu abulag ca qe niel. ²⁸ Jesus uqa je i madeceb Pita sanan mi madon, "Ege ceteteh cunug culimeb ina tohom." ²⁹ Jesus uqa maden, mele maadigina, eu in uqa jo waliagul o anag o memeg o talacul o maha, ija ijani nu, odocob meje nu ca ceteh felacudegina, ³⁰ Eu qa uqa ceseliu 100 dugian mahana ene. ³¹ Eu odi nu in oso uqa hib nijia eu, uqa aqunec aligian oso uqa aqunec dec eu uqa hib aligian. ³² Age jic Jerusalem tecnu eu todu titibileig, Jesus uqa aquni teten todoin. Uqa na malogom age eelein, dana hib toadi tein eu age cucujein. Odocob Jesus malogom 12 gesac na haun cedi ehilimei uqa adi oduduqagan nu maaden. ³³ "Batut feigale, ege Jerusalem toqona. Ono dana melah ihanec dana, iwaladec danaca ebenagana moqagan. Age uqa umqudimeig qocobil calmecnu haiden dana ebenagana moqagan. ³⁴ Age umqudimeig inqoqoig qisa dodoig qocobil calmigian.ge euqa uqa del cijed na haun cesili cajigian." ³⁵ Zebedi melahul, Jems Jon ca aie uqa humesi madosin, "Iwalgec, ele ceteh oso nu sisil hocohul ina ele wawile nijia odi todu ilegan" dosin. ³⁶ Uqa maalen, "ija ceta odi alec nu wawala nijia?" ³⁷ Odocob ale madosin, "ehilecem ina ca ina binain ben dunuh na oso meula na isec bileceb oso anse na isec biligian." ³⁸ Odocob Jesus uqa jejenala hevi ma alen, "ale sisilesina eunu gug qedosina, ija gabin jigen eu ale ihoc jowasan fo? Gagadic mimesi wa joc ija jugen euna ihoc wajowasan?" ³⁹ Ale madosin, ele ihoc. Jesus maalen, "gabin ija jigen euna ha ale ihoc jowasan, wa joc ija jugen euha ale ihoc jowasan. ⁴⁰ Ge eu in ija qehemina oso meula na isec bileceb oso anse na isec eu ale ca nu ijani ceteh qe, qa eu dana ail age oqagan nu saciadoc bilia eu age oqagan." ⁴¹ Malogom age inu dahmimeig Jems Jon ca gemanaga ben. ⁴² Jesus uta adeceb uqa ca lecebil maaden, "age dogina ail age haiden age na ilo eu agenu lalqu jogo egina?" ⁴³ Ge eu qa agenu odi qe nijiaun. cel dana uqa ben biligia fi uqa cunug agena cewel dana biligian. ⁴⁴ Odocob in uqa aqunec bilec nu waug nijia eu uqa cunug agena begabeg biligian. ⁴⁵ Ge euqa dana melah uqa age cewel utocnu qe hol, qa uqa age cewel uadigian nu, odocob uqana cebac eu age cunug gihadocnadec besiadigian nu hon. ⁴⁶ Age Jeriko hoin, sain uqa uqana malogom ca, dana cajaca am mati eu Jeriko cucudedegin, dana oso uqa ijan Bartimaeus uqa Timeaus melah uqa ameg galucmec jic na bilimei ninioloi. ⁴⁷ Uqa Nasaret dec Jesus jic na hona ecdumei, uqa utai i maden, "Jesus Devit melah ijanu wawin qojale." ⁴⁸ Matibahic age cahac dudu on afaqoga doin. euqa uqa meca suladu utai i maden, "Devit melah ijanu wawin qojale." ⁴⁹ Jesus ono telui tawimei, utadocobil hocnu maaden, odocob age utadoin, odi madoin, "cain cucuiagaun, caji tawaga uqa inanu utaena." ⁵⁰ Odocob uqa uqana jamel huli qeqeladei mahucwe aji Jesus ca len. ⁵¹ Jesus jejeg hevi madon, "Ija ceta odihecnu wawin nijia?" Dana ameg galuc mec maden, "Iwalgec ija camalecnu wawi nijia." ⁵² Jesus madon, " nuwuga inani wawin melece eu el hea." Mahuc we bahic uqa haun camalen. Odimei Jesus jicna todocob nuein.