1
I Jesus Kristus Dogon melah na me je sanan
2
men, eu profet Aisaia uqa na jaqoc na madena; ija dana inana jic tutuc mudihigian suldugen, eu ina ni jic mudihigian.
3
Dana jejeg oso wadau na eu odi alen, Meca na jic tutuc muduga. Uqa na jic tutuc mudecem me alea.
4
John uqa wajoadec dana, wadau na ono tulu i falecdumeig silail cagaseebil wajoadec nu ma-aden.codocob
5
Juda hatu na dec, Jerusalem hatu na dec dana caja ca cunug Jon ca leig silail qasalecbil uqa Jodan wana wajoaden.
6
Jon uqa kamel bagic jamel mudec tacimei um olowandu olgam taqan, odimei uqa sis mehut bik bahude joloi.
7
Uqa je gagadic maaden, dana oso ija hibilemi hona uqani gagadic odoc eu ija woltec.Ija mebahic qe, uqana jaih tacec halu eu hulec;
8
Ija wa na wajoadigina, uqa age kis gun na wajoadigian.
9
Sain eu na Jesus uqa Nasaret dec hocob Galili ono jordan wana Jon uqa wajoudon.
10
Sain Jesus uqa wajoc umei mecien sau na jic hudeceb kis gun eu cuhudit inwe nenen fen.
11
Ododon Jejeg oso sau na alen, "I ija melami bahic, ija uqa ben bahic gavigina.
12
Odocob kis gun uqa ehudi wadau na
13
nuwen.Odocob uqa wadau na del 40 bibilen Satan uqa hu tem don uqa dol cus gami bibilegin engel age humeig cesuldoin.
14
Sain Jon uqa gihacdoc na mudecibil, Jesus uqa Galili ono humei Dogon na je eu nu maaden.
15
Sain wele ono ca qe mea Dogon na cul eu hugian nu age tului falecdumeig mei je nu wawaga melecea.
16
Sain Jesus uqa Galili wa gat cacog gesac na cocobihuhubili macas na dol cedec dana waliag ca meicialen ale ijanala eu Saimon Andru ca.
17
Ale wana dol cedowasan bilinu cimec helesin.
18
Jesus uqa maalen hu totesia odocob ija ale dana cedec nu iwalaligen alen. Odocob ale na cimec culimesi wasi todosin.
19
Ono ca qelec, uqa Sebedi melahul leis meci alen ale ijanala eu Jems, john ca cimec tutuc mumudi niniesin meic alen.
20
Jesus uqa utaaleceb ale memela sebedi uqa na cabi mel gami culadimesi Jesus todosin.
21
Age cuha del eu na kapenaum hoin odocob Jesus uqa Juda age na cuha jo dunuh limei me je nu iwaladen.
22
Uqa me je iwaladen eu nu age tumatuma ein, age doin eu uqa dana doc ben na dec iwaladegina odiwe fein.
23
Dana oso titiuadec hag ca Juda agena cuha jo dunuh nijinanu, uqa utai maden,
24
Jesus Nasaret dec ina ege adi odigigan? Adi ina ege meqec migigan nu hoga fo?
25
Ege doqona ina indec.Ina Dogon melach gun bahic.
26
Jesus eu odi dah mimei uqa gagala ibilei kis meqec maadon con cafaqoga odimeg calaga odocb kis meqec dana eu hevi qeleceb maha na toni qon, odidi utai calihu nuen.
27
Dana caja age i fimeig filicit ein, age dodoc sisil docob sisil docob ein, I cetah? je ihaun bahic fa? Kis meqec ha jei dah mimeig cali beleiga.
28
Odocob je i jobon jobon cunug Galili dunuh na nuwi ihoc len.
29
Age cuha jo culimeig Saimon, Andru ca alena jo na lein, Jems, Jon ca osoben.
30
Odimeig age Jesus madoin, Saimon huhig caja eu deweg dain doc caec madoin.
31
Odocob Jesus uqa hu ebeh hewi mei sulodocob cajeceb hag medon, odocob uqa dana cevel uaden.
32
Infagaca odi, age ha ca o kis meqec ca eu cedi Jesus ca ahoin, cunugca ebenega na medeqoin.
33
Uqa dana cajaca hag gug filfil ca memamadi, kis meqec ititac adi en.
34
Qa uqa kis meqec qe culacadeeb je madelein, cetahnu age uqanu dogina.
35
Uqa qasil wele bahic hatu qe fiagoc uqa caji cudun tiliec na nuwi inondon.
36
Saimon ca dana leih uqa todoin age memegi li guluh doin.
37
Odimeig madoin. dana cajaca cunug ina megihegina doin.
38
Odocob maaden, beloqa cudun cunug na jobon ben alil doc euna ha ija me je madigen.
39
Uqa Galili hatu na cunug obon, cuha jo na me je mamadi ca kis meqec ititac a-adien.
40
Dana oso uqa gegel hag ca uqa ha hon, uqa gob qahimei sisil don, ina galeheceb fi, hag i memuditaga don.
41
Jesus uqa feci dumei waug ben bahic qon, odocob ebeh ilo na mimei madon, ija ina mehigian nu nalug migina.
42
Odocob gegel hag euna bahic felah culden odocobi deweg mebahic alen.
43
Odimei Jesus uqa je gagadic dahic fafali sul docob nuen.
44
Jesus uqa odi madon, dana oso ha cain bahic madogaun ceteh i dewein na alea nu, odimeg nuwi ihanec dana dewein ihac adimeg ihan i hetaga ec madaga dewein me alea nu, Moses maden odi odocom hib dodo inwe biligian dana leih doqagan nu.