¹ ಯೇಸು ಬೆಟ್ಟ್ಮಿಂಚದಿಗಿ ವಚ್ಚೆನಪ್ದು ಜನಲು ಗುಂಪು ಗುಂಪಾಯಿ ಯೇಸು ಎನ್ಕ ಪಾಯ್ರಿ. ² ಒಕ್ಡು ಕುಷ್ಟರೋಗಿಡು ಯೇಸುವಾಡ್ ಅತ್ರುಮ್ಕಿ ವಚ್ಚಿ ವಾಡ್ಕಿ ಅಡ್ಡ್ಮು ಪಡಿ - ಸ್ವಾಮೀ , ನೀಕಿ ಮನ್ಸುಂಟೆ ನನ್ನೀ ಶುಧ್ಮು ಸೇಸ್ತಾವು ಅನೆ. ³ ಯೇಸು ಸೈ ನೀಡಿ ವಾಡ್ನಿ ಮುಟ್ಟಿ - ನಾಕಿ ಮನ್ಸುಂಡಾದಿ , ಶುಧ್ಧ್ಮಾವು ಅನೆ. ಕೂಡ್ಲನೆ ವಾಡ್ ಕುಷ್ಟ್ಮು ವಾಸಿಯಾಯೇ. ⁴ ಒಕ್ಡು ಕುಷ್ಟರೋಗಿಡು ಯೇಸುವಾಡ್ ಅತ್ರುಮ್ಕಿ ವಚ್ಚಿ ವಾಡ್ಕಿ ಅಡ್ಡ್ಮು ಪಡಿ - ಸ್ವಾಮೀ , ನೀಕಿ ಮನ್ಸುಂಟೆ ನನ್ನೀ ಶುಧ್ಮು ಸೇಸ್ತಾವು ಅನೆ. ಯೇಸು ಸೈ ನೀಡಿ ವಾಡ್ನಿ ಮುಟ್ಟಿ - ನಾಕಿ ಮನ್ಸುಂಡಾದಿ , ಶುಧ್ಧ್ಮಾವು ಅನೆ. ಕೂಡ್ಲನೆ ವಾಡ್ ಕುಷ್ಟ್ಮು ವಾಸಿಯಾಯೇ. ⁵ ವಾಡು ಕೆಪೆರ್ನೌಮಿಕಿ ವಚ್ಚ್ನಪ್ದು ದಂಡಿನ ಶತಾದಿಪತಿಡು ವಾಡ್ ಹತ್ರುಮ್ಕಿ ವಚ್ಚಿ ⁶ ಪ್ರಭುವ ನಾ ಆಳು ಪಾರ್ಶ್ವಾವಾಯುವಿನಿಂಚ ಬಹಳ್ಮು ಕಸ್ಟ್ಮು ಪಡ್ತಾ ಇನ್ಟ್ಲ ಪಡ್ನಾಡು ಅನಿ ಸೊಪ್ಕೊನೆ. ⁷ ಯೇಸು ವಾಡ್ಕಿ - ನಾನು ವಚ್ಚಿ ವಾಡ್ನಿ ವಾಸಿ ಸೇಸ್ತಾ ಅನಿ ಸೊಪ್ಪಿನ್ದಾನ್ಕಿ ಆ ಶತಾದಿಪತಿಡು , ⁸ ಪ್ರಭುವಾ, ನುವ್ವ ನಾ ಇನ್ಟ್ಕಿ ವಚ್ಚೆ ಅಂತ ಯೋಗ್ಯತ್ಮು ನಾಲಲೇದು , ನುವ್ವ ಓಕ್ ಮಾಟ ಸೊಪ್ತೆ ಸಾಲು , ನಾ ಆಳ್ಕಿ ಗುಣ್ಮಾಯ್ತಾದಿ. ⁹ ನಾನುವೆ ಇಂಕೊಕ್ಳು ಸೈದುಗುನುಂಡೆವಾಡು , ನಾ ಸೈ ದುಗುನ ಸಿಪಾಯುಲುಂಡಾರು , ನಾನು ವಾಳ್ಳ ಒಕ್ಳುಕಿ ಪೋ ಅನಿ ಸೊಪ್ತೆ ಪಾತಾಡು , ಇಂಕೊಕ್ಡುಕಿ ರಾ ಅನಿ ಸೊಪ್ತೆ ವಸ್ತಾಡು , ನಾ ಆಳ್ಕು ಇಟ್ಟಿಟ್ಟೆದ್ನಿ ಸೆಯ್ಯಿ ಅನಿ ಸೊಪ್ತೆ ಸೇಸ್ತಾಡು ಅನೆ. ¹⁰ ಯೇಸು ದೀನ್ನಿ ಇನಿ ಆಶ್ಚರ್ಯಮು ಪಟ್ಟಿ, ವಾಳ್ ಎನ್ಕ ವಸ್ತ ವುಂಡೋಳ್ಕಿ - ನಾನು ಇಟ್ಟೆ ಪೆದ್ದ ನಂಬ್ಕುಮುನಿ ಇಸ್ರಾಯೇಲುಲು ಜನಮುಲಾನು ಕನ್ಲೇದೆ ಅನಿ ಮೀಕು ಸತ್ಯುಮಾಯಿ ಸೊಪ್ತಾನು. ¹¹ ಇದ್ಕಾಕುನ್ನ ಮೀಕಿ ಸೊಪ್ಪೇದೆಮಂಟೆ ಮೂಡಣ್ಮು ಪಡುವಣ್ಮುದಿಕ್ಲಿಂಚ ಬಹಳ್ಮು ಜನಾಲು ವಚ್ಚಿ ಪರಲೋಕ್ಮು ರಾಜ್ಯುಮುಲ ಅಬ್ರಹಾಮುಡು ಇಸಾಕುಡು ಯಾಕೊಬುಡು ಅನೋಳು ಜೊತ್ಲ ಊಟ್ಮುಕಿ ಕುಚ್ಚೊಂಟಾರು, ¹² ಆಯ್ತೆ ಆ ರಾಜ್ಯುಮು ಭಾದ್ಯಾಸ್ಥುಲು ಆಕ್ಟಾರ ಸೀಕ್ಟ್ಕಿ ಎಸೋಳಾಯ್ತಾರು , ಆನ ಗೋಳಾಟ್ಮು ಕಟ ಕಟ್ಮು ಪಂಡ್ಳು ಕೊರ್ಕೆದಿ ವುಂಟಾದಿ ಅನಿ ಸೊಪ್ಪೇ. ¹³ ಬಳಿಕ್ಮು ಯೇಸು ಶತಾಧಿಪತುಡ್ಕಿ - ನುವ್ವ ನಬ್ನಟ್ಟೆ ನೀಕಾವ್ನಿ , ಪೋ ಅನಿ ಸೊಪ್ಪೇ . ಆ ಗಳ್ಗುಮ್ಲ ವಾಡ್ ಆಳ್ಕಿ ಗುಣ್ಮಾಯೆ. ¹⁴ ಆಮಿಂದ ಯೇಸು ಪೇತೃಡು ಇನ್ಟ್ಕಿ ವಚ್ಚಿ ವಾಡ್ ಅತ್ತ ಜರುಮ್ಲ ಪಡುoಡೆದ್ನಿ ಕನಿ ದಾನ್ ಸೈನಿ ಮುಟ್ಟೆ. ¹⁵ ಮುಟ್ನಪ್ದೆ ಜರ್ಮು ದಾನ್ನಿ ಇಡ್ಸಿ ಪಾಯೇ, ಅದಿ ಲೇಸಿ ಯೇಸುಕಿ ಉಪ್ಚಾರ್ಮು ಸೇಸೆ. ¹⁶ ರಾತ್ರಾಯೇನಪ್ದು ದೈಮು ಪಟ್ಟಿನ ಬಹಳ್ಮು ಜನಲ್ನಿ ಯೇಸು ಹತ್ರುಮ್ಕಿ ತೊಡ್ಕೊನೋಚ್ರಿ, ಯೇಸು ಮಾಟ ಮಾಟಿನ್ಚಾನೆ ದೈಮುಲ್ನಿ ಇಡ್ಬಿಚಿಂದಿ ಕಾಕುನ್ನ ಪೈಲ ನೆಟ್ಗೆಲೆನೋಳ್ಅಂದ್ರುನಿ ವಾಸಿ ಸೇಸೆ. ¹⁷ ದೀನ್ನಿಂಚ ಮಾ ನಪ್ಪಿಲ್ನಿ ಯೇಸುನೆ ಸೀಸ್ಕೊನಿ ಮಾ ರೋಗಲ್ನಿ ಮೋಸ್ಕೋನೆ ಅನಿ ಯೇಶಾಯುಡು ಅನೆ ಪ್ರವಾದಿಯಿಂಚ ಸೊಪ್ಪಿನ ಮಾಟ ನೆರ್ವೆರೆ. ¹⁸ ಯೇಸು ವಾಡ್ ಸುತ್ಲು ವುಂಡಿನ ಬಹು ಜನಲಿನ ಪೆದ್ದ ಗುಂಪ್ನಿ ಕನಿ ಅಕ್ಡು ದಡುಮ್ಕಿ ಪೋವಾಲನಿ ಅಪ್ಪಣೆನಿ ಇಚ್ಚೆ. ¹⁹ ಅಪ್ಡು ಒಕ್ಡು ಶಾಸ್ತ್ರಿಡು ಹತ್ರುಮ್ಕಿ ವಚ್ಚಿ ಯೇಸುಕಿ - ಗುರುಲಾ, ಮೀರು ಯಾನ್ಕು ಪೋತೆನು ನಾನು ನೀ ಎನ್ಕೆ ವಸ್ತಾ ಅನಿ ಸೊಪ್ಪೇ ಯೇಸು ವಾಡ್ಕಿ - ನರಿಲುಂಡಾವಿ, ಗುದ್ದುಲುಂಡಾವಿ , ²⁰ ಆಕಾಶುಮ್ಲ ಪಾರಾಡೆ ಗುವ್ವುಲ್ಕಿ ಗೂಡ್ಲುಂಡಾವಿ, ಆಯ್ತೆ ಮನುಷ್ಯಕುಮಾರುಡ್ಕಿ ತಲ್ಕೈ ಪೆಟ್ಟೆಅಂತ ಜಾಗ್ಮು ಲೇದು ಅನಿ ಸೊಪ್ಪೇ . ²¹ ಶಿಷ್ಯುಲ ಇಂಕೊಂಕ್ಡು- ಸ್ವಾಮೀ, ನಾನು ಮೊದ್ಲು ಪಾಯಿ ನಾ ತಂಡ್ರಿ ಉತ್ತ್ರುಮುಕ್ರೀಯೇನಿ ಸೇಸಿ ವಚ್ಚ್ನಟ್ಗ ನಾಕಿ ಅಪ್ಪಣ್ಮು ಆವಾಲ ²² ಅಟ್ಟನಿ ಯೇಸು ವಾಡ್ಕಿ - ನಾ ಎನ್ಕ ರಾ , ಸಚ್ನೋಳ ಮೀಲ ಸಚ್ಪಾಯ್ನೋಳ ಉತ್ರುಮುಕ್ರಿಯೇಲ್ನಿ ಸೇಯ್ನಿ ಅನಿ ಸೊಪ್ಪೇ. ²³ ಯೇಸು ದೋಣಿನಿ ಎಕ್ಕ್ನಪ್ಡು ವಾಡ್ ಶಿಷ್ಯುಲು ವಾಡ್ ಎನ್ಕ ಪಾಯ್ರಿ. ²⁴ ವಾಳು ದೋಣಿ ಪಾಯೇನಪ್ಡು ಸಮುದ್ರುಮು ಅಲ್ಲೋಲ್ಮು ಕಲ್ಲೋಲ್ಮಾಯಿ ದೋಣಿಲು ತೆರೆಲಿಂಚ ಮೂಸ್ಪಾಯೆ, ಆಯ್ತೆ ವಾಡು ನಿದ್ರು ಎಕ್ಕಿ ಪೊಂಗೊನುಂಡೆ. ²⁵ ವಾಳು ಹತ್ರುಮ್ಕಿ ವಚ್ಚಿ ಯೇಸುನಿ ಲೇಪಿ - ಸ್ವಾಮೀ , ಕಾಪಾಡು , ಸಚ್ಚ್ಪೋತಾಮು ಅನಿ ಯೇಸು ವಾಳ್ಕಿ- ²⁶ ಅಲ್ಪ್ಮು ವಿಶ್ವಾಸಿಲ , ಎಂದ್ಗೂ ಧೈರ್ಮು ಶೆಡ್ತಾರು ಅನಿ ಸೊಪ್ಪಿ , ಲೇಸಿ ಗಾಳಿಲ್ನಿ ಸಮುದ್ರುಮ್ನಿ ಗದ್ರಿಚ್ಚೆ, ಅಪ್ಡು ಅನ್ನಿ ಶಾಂತ್ಮಾಯೇ . ²⁷ ಆ ಜನಲು ಬೆರ್ಗಾಯಿ - ವೂಡ್ನಿ ಎಟ್ಟೋಡಾಯುoಡಾಲ| ಗಾಳಿನಿ ಸಮುದ್ರುಮುಮುವೆ ವೂಡು ಸೊಪ್ಪೇ ಅಟ್ಗಇಂಟಾವೆ ಅನ್ರಿ. ²⁸ ಆಮಿಂದ ಯೇಸು ಅಕ್ಡ ದಡುಮ್ಕಿ ಗದರೇನುಲ ಸೀಮೇಕಿ ಮುಟ್ನಪ್ಡು ದೈಮು ಪಟ್ನೋಲಿದ್ರು ಸಮಾದಿ ಗವಿನೋನಿಂಚ ಲೇಸಿ ವಾಡ್ ಎದ್ರುಕೆ ವಚ್ಚ್ರಿ. ವಾಳು ಬಹಳ್ಮು ಉಗ್ರುಳುಆಯುಂಡೆದಾನ್ನಿಂಚ ಆ ದಾವ್ಲ ಯೋಳು ತಿರ್ಗಾಡ್ಕುನ್ನ ವುಂಡ್ರಿ. ²⁹ ವಾಳು- ದೇವುಡು ಕೊಡ್ಕ, ಮಾ ಗೊಡವ ನೀಕೆನ್ದ್ಗು? ಕಾಲ್ಮು ವಚ್ಚೆಕಿಂತ ಮುಂದ್ರ ಮಮ್ಮುಲ್ನಿ ಕಾಡೇಕಿ ಈನ್ಕಿ ವಸ್ತ್ವಾ ಅನಿ ಕೂಸ್ರಿ. ³⁰ ಕೊಂಚ್ಮು ದೂರ್ಮುಲ ಜಾಸ್ತಿ ಪಂದ್ಲುಲ ಓಕ್ ಹಿಂಡೂ ಮೇಸ್ತಾವುಂಡೆ. ³¹ ಆ ದೈಮ್ಲು - ನುವ್ವ ಮಮ್ಮುಲ್ನಿ ವೂಳಿಂಚ ತೊಂಬ್ರೆದಾಯ್ತೆ ಆ ಪಂದ್ಲುಲು ಗುಂಪ್ನೋನ್ಕಿ ಅಂಪೀಯ್ಯಿ ಅನಿ ಬೇಡ್ಕೊನೆ. ³² ಯೇಸು - ಪೊಂಡ್ರಿ ಅನ್ನಪ್ಪ್ಡುಅವಿ ಆಕ್ಟರ್ಕಿ ವಚ್ಚಿ ಪಂದ್ಲುನೋನ್ಕಿ ಹೊಕ್ಕೋನೆ , ಆ ಕ್ಷಣ್ಮೆ ಆ ಗುಂಪನ್ನಿ ಪರ್ಪಾಯಿ ಆ ಜಾಗ್ಮಿಂಚ ಸಮುದ್ರುನೋನ್ಕಿ ಪಡಿ ನೂಳ್ಳ ಮುಳ್ಗಿ ಸಚ್ಪಾಯೇ . ³³ ಮೇಸೋಳು ಊರ್ನೊನ್ಕಿ ಪರ್ಪಾಯಿ ³⁴ ದೀನ್ನೆಲ್ಲಾ ದೈಮು ಪಟ್ಟಿನೋಳ ಸಂಗತೀಸಹೀತ್ಮಾಯಿ ತಿಲ್ಬಿಚ್ಚೆಕಿ ಊರ್ನೋಳoದ್ರು ಯೇಸು ಎದ್ರುಗ ವಚ್ಚಿ ಯೇಸುನಿ ಕನಿ ವಾಳ್ ಸೀಮೆನಿ ಇಡ್ಸಿಪೋವಾಲನಿ ಬೇಡ್ಕೊನ್ರಿ.