¹ ತೀರ್ಪ್ಮು ಸೇಯದಂಡ್ರಿ , ಅಟ್ಟೆ ಮೀಕು ತೀರ್ಪಾಯೇಟ್ಲೇ. ² ಮೀರು ಸೇಸೆ ತೀರ್ಪ್ಕಿ ಸರಿಯಾಯಿ ಮೀಕೂ ತೀರ್ಪಾಯ್ತಾದಿ, ಮೀರು ಅಲ್ಸೆ ಅಲ್ತೇಯಿಂಚಾನೆ ಮೀಕೂ ಅಲ್ಸ್ತಾರು. ನುವ್ವ ನೀ ಕನ್ಲ ವುಂಡೆ ತೊಲೆನಿ ಯೋಚ್ನುಮು ಸೇಕುನ್ನ ನೀ ಸಹೋದರುಡು ಕನ್ಲ ವುಂಡೆ ರವೇನಿ ಯೋಚ್ನುಮು ಸೇಸೇದಿ ಎಂದ್ಗೂ? ನುವ್ವ ನೀ ಸಹೋದರುಡುಕಿ ನೀ ಕನ್ಲನೋನಿಂಚ ರವೇನಿ ಸೀಸ್ತಾ ರಾ ಅನಿ ಸೊಪ್ಪೆದಿ ಎಟ್ಟ? ನೀ ಕನ್ಲ ತೊಲೆವುಂಡಾದಿ ಕದಾ. ³ ನುವ್ವ ನೀ ಕನ್ಲ ವುಂಡೆ ತೊಲೆನಿ ಯೋಚ್ನುಮು ಸೇಕುನ್ನ ನೀ ಸಹೋದರುಡು ಕನ್ಲ ವುಂಡೆ ರವೇನಿ ಯೋಚ್ನುಮು ಸೇಸೇದಿ ಎಂದ್ಗೂ? ⁴ ನುವ್ವ ನೀ ಸಹೋದರುಡುಕಿ ನೀ ಕನ್ಲನೋನಿಂಚ ರವೇನಿ ಸೀಸ್ತಾ ರಾ ಅನಿ ಸೊಪ್ಪೆದಿ ಎಟ್ಟ? ನೀ ಕನ್ಲ ತೊಲೆವುಂಡಾದಿ ಕದಾ. ⁵ ಕಪಟಿಲ, ಮೊದ್ಲು ನೀ ಕನ್ಲ ನೋನಿಂಚ ತೊಲೇನಿ ಸಿಸೇಸ್ಕೋ . ಆಮಿಂಕ ನೀ ಸಹೋದುರುಡು ಕನ್ ನೋನಿಂಚ ರವೇನಿ ಸಿಸೇಕಿ ಬಾಗ ಕಂಟಾದಿ. ⁶ ದೇವುಡು ವಸ್ತುಮ್ನಿ ಕುಕ್ಕುಲ್ಕಿ ಎಯ್ಯದಂಡ್ರಿ, ಮೀ ಮುತ್ತುಲ್ನಿ ಪಂದ್ಲು ಮುಂದ್ರ ಚೆಲ್ಲೋದಂಡ್ರಿ. ಚೆಲ್ತೆ ಮೀ ಕಾಲಿಂಚ ಅವುಟ್ಲುನಿ ತೊಕ್ಕಿ ಎನ್ಕುಕಿ ತಿರ್ಗಿ ವಚ್ಚಿ ಮಿಮ್ಮುಲ್ನಿ ಸೀಳೀ ಇಡ್ಸಿನಿ. ⁷ ಬೇಡ್ಕೊಂಡ್ರಿ ಮೀಕಿ ದೊರ್ಕ್ತಾದಿ , ಹುಡ್ಕಂಡ್ರಿ ಮೀಕಿ ಸಿಕ್ತಾದಿ, ತಟ್ಟoಡ್ರಿ ಮೀಕಿ ತೆರ್ಸ್ತಾದಿ , ⁸ ಎಂದ್ಕಂಟೆ, ಬೇಡ್ಕೊನೆ ಪ್ರತಿಯೋಕ್ಡು ಹೊಂದ್ಕೊಂಟಾಡು, ಹುಡ್ಕೊಡ್ಕಿ ಸಿಕ್ತಾದಿ, ತಟ್ಟೋಡ್ಕಿ ತೆರ್ಸ್ತಾದಿ. ⁹ ಮೀಲಾ ಯೋಳಾರ ರೊಟ್ಟ ಅಡ್ಗೆ ಕೊಡ್ಕುಕಿ ರಾಯ್ನಿ ಇಸ್ತಾಡ? ¹⁰ ಶಾಪನಿ ಅಡ್ಗ್ತೆ ಪಾಮ್ನಿ ಇಸ್ತಾಡ ? ¹¹ ಅಟ್ಟಾಯ್ತೆ ಶೆಡ್ಡೋಲಾಯಿನ ಮೀರು ಮೀ ಬಿಡ್ಲುಕಿ ಮಂಚಿ ಪದಾರ್ಥಾಲ್ನಿ ಇಚ್ಚೋಲಾಯ್ತೆ ಪರಲೋಕುಮ್ಲ ವುಂಡೆ ಮೀ ತಂಡ್ರಿ ವಾಳ್ಳ ಬೇಡ್ಕೊನೆವಾಳ್ಕಿ ಎನ್ನೋ ಜಾಸ್ತಿ ಮಂಚಿ ವರಲ್ನಿ ಇಸ್ತಾಡು ಕದಾ. ¹² ಅಂತು ಜನಲು ಮೀಕಿ ಎಮೇಮಿ ಸೇಯಾಲನಿ ಅಪೇಕ್ಷಿಸ್ತಾಲೋ ದಾನ್ನೇ ಮೀರು ವಾಳ್ಕಿ ಸೇಯಂಡ್ರಿ . ಅದೇ ದರ್ಮಶಾಸ್ತ್ರುಮಿನ ಮಲ್ಲಿ ಪ್ರವಾದಿಲ ತಾತ್ಪರ್ಯಮು. ¹³ ಇಕ್ಕಾಟ್ಟಾಯ್ನ ವಾಕ್ಲಿಂಚ ನೋನ್ಲೇಕಿ ಪೊಂಡ್ರಿ. ನಾಶುಮ್ಕಿ ಪಾಯೇ ವಾಕ್ಲಿ ಪೆದ್ದುದಿ, ದಾವ ಅಗ್ಲುಮು , ದಾಂಟ್ಲ ಪಾಯೋಳು ಬಹು ಜನ್ಮು. ¹⁴ ನಿತ್ಯುಮು ಜೂಡ್ಕಿ ಪಾಯೇ ವಾಕ್ಲಿ ಇಕ್ಕಟ್ದಿ, ದಾವ ಬಿಕ್ಕಟ್ಟು , ದಾನ್ನಿ ಕನ್ಪಟ್ಕೋನೋಳು ಕೊಂಚ್ಮು ಜನ್ಮು. ¹⁵ ಸುಳ್ಳು ಪ್ರವಾದಿಲ ವಿಷಯುಮ್ಲ ಎಚ್ರುಮಾಯಿ ವುಂಡಡ್ರಿ. ವಾಳು ಗೋರ್ರಲು ವೇಷ್ಮು ಏಸ್ಕೋನಿ ಮೀ ಜೊತ್ಕಿ ವಸ್ತಾರು, ಆಯ್ತೆ ನೋನ್ಲಾ ಸೂಸ್ತೆ ವಾಳು ಪಟ್ಕೊನಿ ಪಾಯೇ ಎಂಟುವ್ಲೇ. ¹⁶ ವಾಳ್ ಪಲ್ಮುಲಿಂಚ ವಾಳ್ನಿ ತಿಲ್ಸ್ಕೊಂಟಾರು. ಮುಂಡ್ಲು ಶಟ್ಲುಲ ದ್ರಾಕ್ಷಿ ಪಂಡ್ಲುನಿ ಮಂದು ಗುನ್ಕು ಶಟ್ಲ ಅಂಜೂರುಮುಲ್ನಿ ಕೋಸೆಕಾಯ್ತಾದ ? ¹⁷ ಅಟ್ಟೆ ಮಂಚಿ ಮಾನ್ಲಂತ ಮಂಚಿ ಪಲ್ಮುನಿ ಇಸ್ತಾವಿ , ಹುಲ್ಕು ಮಾನು ಮಂಚಿ ಪಲ್ಮುನಿ ಇಚ್ಚೆಟ್ಲೆದು. ¹⁸ ಮಂಚಿ ಮಾನು ಶೆಡ್ಡೆ ಪಲ್ಮುನಿ ಇಚ್ಚೆಟ್ಲೆ , ಹುಲ್ಕು ಮಾನು ಮಂಚಿ ಪಲ್ಮುನಿ ಇಚ್ಚೆಟ್ಲೆ . ¹⁹ ಮಂಚಿ ಪಲ್ಮುನಿ ಇಯ್ಲೇನ್ ಅನ್ನಿ ಮಾನ್ಲುನಿ ಇರ್ಸಿ ಅಗ್ಲ ಏಸ್ತಾರು . ²⁰ ಇಟ್ಟುoಡೆದಾಯಿ ವಾಳ್ ಪಲಲಿಂಚ ವಾಳ್ನಿ ತಿಲ್ಸ್ಕೊoಟಾರು. ²¹ ನನ್ನೀ ಸ್ವಾಮೀ ಸ್ವಾಮೀ ಅನ್ನೋಳಂದ್ರು ಪರ್ಲೋಕ್ಮುರಾಜ್ಯುಮ್ನಿ ಸೇರ್ತಾರನಿ ನೆನ್ಸ್ಕೊವದನ್ದ್ರಿ , ಪರ್ಲೋಕ್ಮುಲ ವುಂಡೆ ನಾ ತಂಡ್ರಿ ಚಿತ್ಮುಲಾಕ ನಡ್ಸೋಡೆ ಪರ್ಲೋಕ್ಮುರಾಜ್ಯುಮ್ಕಿ ಸೇರ್ತಾಡು. ²² ಸ್ವಾಮೀ ಸ್ವಾಮೀ ನೀ ಪೇರ್ಮಿಂದ ಮಾಮು ಭೋದ್ನೆನಿ ಸೊಪ್ಲೇದ ? ನೀ ಪೇರ್ಮಿಂದ ದೈಮುಲುನಿ ಇಡ್ಬಿಯ್ಲೇದ? ನೀ ಪೇರ್ಮಿಂದ ಅನೇಕ್ಮು ಮಹತ್ಕಾರ್ಯಾಲುನಿ ಸೇಯ್ಲೇದ ಅನಿ ಆ ದಿನ್ಮುಲ ಎನ್ನೋ ಜನ್ಮು ನಾಕಿ ಸೊಪ್ತಾರು . ²³ ಅಪ್ಡು ನಾನು ವಾಳ್ಕಿ - ನಾನೆಪ್ಪ್ದು ಮೀ ಗುರ್ತ್ಮುನಿ ಕಣ್ಲೇ, ದರ್ಮುಮ್ನಿ ಮೀರಿ ನಡ್ಸೋಳಾ , ನಾಇಂಚ ತೊಲ್ಗ್ಪೊಂಡ್ರಿ ಅನಿ ಅಂದ್ರು ಮುಂದ್ರ ಸೋಪ್ಪಿಡ್ಸ್ತಾನು. ²⁴ ದಾನ್ನಿಂಚ ಈ ನಾ ಮಾಟ್ಲುನಿ ಇನಿ ಅವ್ಟ್ಲುಲಾಕ ನಡ್ಸೋಡು ಬಂಡ್ಳು ಮಿಂದ ಇಲ್ನಿ ಕಟ್ಕೊನಿನ ಬುದ್ದಿವುಂಡೆ ಮನುಷ್ಯುಡ್ನಿ ಹೋಲ್ತಾದಿ ²⁵ . ಕಟ್ಟಿನ್ಮಿಂದ ವಾನ ಕುರ್ಸೆ , ಒಂಕ್ಲು ವಚ್ಚೆ , ನಾಲ್ಗು ತೊಟ್ನಿಂಚ ಗಾಲಿ ಬೀಸಿ ಆ ಇಂಟ್ಕು ಕೊಟ್ಟೆ. ಅಟ್ಟಾಯಿ ದಾನ್ ಅಸ್ತಿವಾರ್ಮು ಬಂಡ್ಮಿಂದ ವುಂಡೆದಾನ್ನಿಂಚ ಆದಿ ಪಡ್ಲೇದು . ²⁶ ಆಯ್ತೆ ಈ ನಾ ಮಾಟ್ಲುನಿ ಇನಿನು ಅವುಟ್ಲುಲಾಕ ನಡಿಲೇನಿನ ಪ್ರತಿಯೋಕ್ಡು ಉಸ್ಬುಮಿಂದ ಇಲ್ಲು ಕಟ್ಟಿಕೋನಿನ ಬುದ್ದಲೇನಿನ ಮನುಷ್ಯುಡ್ನಿ ಹೋಲ್ತಾಡು. ²⁷ ಕಟ್ಟಿನ್ಮಿಂದ ವಾನ್ ಕುರ್ಸೆ , ಒಂಕ್ಲು ವಚ್ಚೆ , ನಾಲ್ಗು ತೊಟ್ಟಿಂಚ ಗಾಲಿ ಬೀಸಿ ಆ ಇನ್ಟ್ಕಿ ಕೊಟ್ಟೆ. ಅಪ್ಡು ಆದಿ ದಡ್ಮನಿ ಉರ್ಚ್ಕೊನಿ ಪಡೆ. ²⁸ ಯೇಸು ಈ ಮಾಟ್ಲುನಿ ಸೊಪ್ಪಿ ಮುಗ್ಸಿನ್ಮಿಂದ ಆ ಜನಲು ಗುಂಪುಲು ಯೇಸು ಉಪದೇಶ್ಮುಕಿ ಅತ್ಯಾಶ್ಚರ್ಯುಮು ಪಡ್ರಿ. ²⁹ ಎಂದ್ಕಂಟೆ ಯೇಸು ವಾಳ್ ಶಾಸ್ತ್ರಿಲ್ಲಾಕ ಉಪದೇಶ್ಮು ಸೇಯ್ಕುನ್ನ ಅಧಿಕಾರ್ಮುಂಡೋಡ್ಲಾಕ ವಾಳ್ಕಿ ಉಪದೇಶ್ಮು ಸೇಸ್ತಾವುಂಡೆ.