¹ .ಮೀ ಹೃದಯಂಮು ಕಳವಳಂಗೊಲ್ಗುoಡ ಉಂಡ್ನಿ;ದೇವುಡ್ನೀ ನಂಬoಡ್ಡಿ,ನನ್ನಿ ನಮ್ಬಂಡ್ಡಿ. ² .ನಾ ತಂಡ್ರಿಯ ಇಂಟ್ಲಾನಿಂಡ ಬಿಡಾರ್ಲು ಉಂಡಾವಿ;ಲೆಗುಂಟ್ಟೆ ಮೀಕಿ ಸೋಪ್ತುoಟ್ಟಿ;ಮೀಕಿ ಸ್ಥಾಳಂನ್ನಿ ಸಿದ್ದಂಸೇಸೆದಾನ್ಗಿ ಪಾತಾನ್ಕಾದ. ³ .ನೀನು ಪಾಯಿ ಮೀಕಿ ಸ್ಥಾಳಂನ್ನಿ ಸಿದ್ದಂಸೆಸ್ನ ಪೈನ ತಿರ್ಗಿ ವಚ್ಚಿ ಮಿಮ್ಮಲ್ನಿ ಪಿಲ್ಚ್ಗಾನೀ ಪಾಯಿನಾ ದೇಗ್ಗರ್ಗಿ ಸೇರ್ಪಗಂಟಾನು;ಯಂದ್ಗoಟ್ಟೆ ನೀನುಂಡ ಸ್ಥಳಂಲ ಮೀಳು ಸಹ ಉಂಡಾಲ. ⁴ .ಮಲಿ ನಾನು ಪಾಯೇ ಸ್ಥಾಳಂನ ಮಾರ್ಗಮು ಮೀಕಿ ತಿಸ್ಲಲೆದೆ ಅನ್ನಾಡು. ⁵ .ತೋಮಡು ಆತುಡ್ನಿ-ಸ್ವಾಮಿ,ನುವ್ವ ಯಾನ್ಗಿ ಪಾತಾವೋ ಮಾಕಿ ತಿಲ್ಸೆಲೇದು;ಮಾರ್ಗಮು ಎಟ್ಟ ತಿಳ್ಸಿoದೋ ಅನಿ ಅಡ್ಗಲು ಯೇಸು ವಾಡ್ಗಿ- ⁶ .ನಾನೇ ಮಾರ್ಗಮು ಸತ್ಯಮು ಜೀಮು ಆಯ್ನಾನು;ನಾ ಮೂಲಕoಮೈ ಹೊರ್ತು ಯವ್ಳು ತಂಡ್ರಿಯ ದೇಗ್ಗರ್ಗಿ ವಚ್ಚೆಲೇದು. ⁷ .ಮೀಳು ನನ್ನಿ ಅರ್ಸುಂಟೆ ನಾ ತಂಡ್ರಿನು ಅರ್ಸುಂಟಾರು;ಇಪ್ಪಡ್ನಿoಕ್ಕ ಆತುಂಡ್ನೀ ಅರ್ಸ್ಗವುoಟಾರು;ಆತುಡ್ನಿ ಸೂಸ್ನಾರುಕದ ಅನಿ ಸೋಪ್ನಾಡು. ⁸ .ಫಿಲಿಪ್ಪಡು-ಸ್ವಾಮಿ,ಮಾಕಿ ತಂಡ್ರಿನ್ನಿ ಸೂಪಿಚ್ಚು,ಮಾಕಿ ಅಂತೆ ಸಾಲು ಅನ್ನಾಡು. ⁹ .ಯೇಸು ವಾಡ್ಗಿ-ಫಿಲಿಪ್ಪಡೆ,ನೀನು ಇಂತ ದಿವಸಂ ಮೀ ಸಂಗಡಂ ಉಂಡ್ನಾನು ನುವ್ವ ಇಂಕ ನನ್ನಿ ಅರಿಲೇದೆ.ನನ್ನಿ ಸೂಸ್ನಾವಾಡು ತಂಡ್ರಿನ್ನಿ ಸೂಸ್ನಾನು.ನಾಕಿ ತಂಡ್ರಿನ್ನಿ ಸೂಪುಅನಿ ನುವ್ವ ಸೋಪ್ಪೇದಿ ಎಟ್ಟ? ¹⁰ .ನೀ ತಂಡ್ರಿಲಾಉಂಡಾನು,ತಂಡ್ರಿಯು ನಾಲ ಉಂಡಾಡು ಅನಿ ನುವ್ವ ನಂಬೆಲೆದೋ?ನೀನು ನೀಕಿ ಸೊಪ್ಪೇ ಮಾಟ್ನೀ ನಾಇಷ್ಟoಮಟ್ಟೇ ನಾನೇ ಆಡೇಲೇದು;ತಂಡ್ರಿಯು ನಾಲ ಉಂಡ್ಗಾನಿ ತನ್ನ ಕ್ರೀಯೇಲ್ನಿ ನಡ್ಪತಾನು. ¹¹ .ನೀನು ತಂಡ್ರಿಲಾ ಉಂಡಾನು,ತಂಡ್ರಿಯು ನಾಲ ಉಂಡಾಡನೀ ನಾ ಮಾಟ್ನೀ ನಂಬoಡ್ಡಿ;ಲೆಗುಂಟ್ಟೆ ಆ ಕ್ರೀಯೇಲ್ನಿ ಸೂಸಿ ನಾ ಮಾಟ್ನೀ ನಂಬಂಡ್ಡಿ. ¹² .ಮೀಕಿ ನಿಜನಿಜಂಗ ಸೋಪ್ತಾನು,ನನ್ನಿ ನಂಬೆವಾಡು ನೀನು ನಡ್ಪೆ ಕ್ರೀಯೇಲ್ನಿ ತಾನು ನಡ್ಪೆವಾಡು;ಮಲಿ ಅವುಟ್ಲಿಗಿಂತ ಮಹತ್ತಮೈನ ಕ್ರೀಯೇಲ್ನಿ ನಡ್ಪತಾನು ಯಂದ್ಗoಟ್ಟೆ ನೀನು ತಂಡ್ರಿಯ ದೇಗ್ಗರ್ಗಿ ಪಾತಾನು. ¹³ .ಇದಿಕಾಗುನ್ನಾನೆ ಮೀಳು ನಾ ಪೆರ್ಲಾ ಎಮೇಮಿ ಬೇಡ್ಗಂಟಾರೋ,ದಾನ್ನಿ ನೆರವೇರಿಸ್ತಾನು;ಇಟ್ಟೆ ಕೊಡ್ಕ ಮೂಲಕಂಮೈ ತಂಡ್ರಿಗಿ ಮಹಿಮೆ ಉಂಟೈತಾದಿ. ¹⁴ .ಮೀಳು ನಾ ಪೆರ್ಲಾ ನನ್ನಿ ಎಮೈನ ಬೇಡ್ಗoಟ್ಟೆ ದಾನ್ನಿ ನೆರವೇರ್ಪತಾನು. ¹⁵ .ಮೀಳು ನನ್ನಿ ಪ್ರೀತಿಚ್ಚೆದೈತೆ ನಾ ಆಜ್ಞೆಲ್ನಿ ಸೈಗನಿ ನದಂಡ್ಡಿ. ¹⁶ .ಅಪ್ಡು ನೀನು ತಂಡ್ರಿನ್ನಿ ಅಡಿಕ್ಕoಟಾನು;ಆತುಡು ಮೀಕಿ ಬೇರೊಕ್ಕ ಸಹಾಯಕುಡ್ನೀ ಸದಕಾಲಂ ಮೀ ಸಂಗಡಂ ಉಂಡೆದಾನ್ಗಿ ಇಸ್ತಾನು. ¹⁷ .ಆ ಸಹಾಯಕುಡು ಯವ್ವಡoಟ್ಟೆ ಸತ್ಯಂನ್ನ ಆತ್ಮಡೆ.ಲೋಕಂಮು ಆತುಡ್ನಿ ಸೂಡೆಗುಂಡೆನು ತಿಳ್ಗುoಡಾನು ಉಂಡೆದಾನ್ನಿಂಕ ಆತುಡ್ನಿ ಹೋದೆಲೈಯ್ಯೇಲೇದು.ಮೀಳು ಆತುಡ್ನಿ ಬಲ್ಲಂಡಿ ಯಟ್ಟoಟ್ಟೆ ಮೀ ದೇಗ್ಗರ್ಲಾ ವಾಸಂಸೇಸ್ತಾಡು ಮಲಿ ಮೀಲೋಗ ಉಂಟಾಡು. ¹⁸ .ನೀನು ಮಿಮ್ಮಲ್ನಿ ಅನಾಥಲೈ ಉಡ್ಸೆಲೇದು;ಮೀ ದೇಗ್ಗರ್ಗಿ ವಸ್ತಾನು. ¹⁹ .ಇಂಕ ಕೊಂಚಂ ಕಾಲಂಮೈನ ಲೋಕಂಮು ನನ್ನಿ ಸೂಸೆಲೆದು,ಆಯ್ತೆ ಮೀಳು ನನ್ನಿ ಸೂಸ್ತಾರು;ನೀನು ಬದ್ಕೆದಾನ್ನಿಂಕ ಮೀಳು ಬದ್ಕತಾರು. ²⁰ .ನೀನು ನಾ ತಂಡ್ರಿಲಾ ಮೀಳು ನಾಲಾನು ನಾನು ಮೀಲಾನು ಉಂಡೆದಾನ್ನಿ ಮೀಳು ಆ ದಿನಂಲಾ ತಿಳ್ಚಗಂಟಾರು. ²¹ .ನಾ ಆಜ್ಞೆಲ್ನಿ ಹೊಂದಿ ಅವುಟ್ಲಿ ಸೈಗನಿ ನಡ್ಸವಾಡೆ ನನ್ನಿ ಪ್ರೀತಿಚ್ಚೆವಾಡು.ನನ್ನಿ ಪ್ರೀತಿಚ್ಚೆವಾಡು ನಾ ತಂಡ್ರಿಗಿ ಪ್ರೀಯಡೈನಾಡು ನೀನು ವಾಡ್ನಿ ಪ್ರೀತಿಚ್ಚಿ ವಾಡ್ಗಿ ಕಂಬಿಚ್ಚಗ್ಗಾoಟಾನು ಅನಿ ಸೋಪ್ನಾಡು. ²² .ಯೂದಡು(ಊಡು ಇಸ್ಕರಿಯೋತಡುಕಾದು)ಸ್ವಾಮೀ,ನುವ್ವ ಲೋಕನ್ಗಿ ಕನ್ಬಿಚ್ಚಗುಂಡ ಮಾಕಿ ಮಾತ್ರಂ ಕನ್ಬಿಚ್ಗನದಾನ್ಗಿ ಏಮಿ ಸoಭವಿಚ್ಚೆ ಅನಿ ಅಡ್ಗಿoದಾನ್ಗು ಯೇಸು ವಾಡ್ಗಿ- ²³ .ಯವ್ವಲೈನ ನನ್ನಿ ಪ್ರೀತಿಚ್ಚೆದೈತೆ ನಾ ಮಾಟ್ನೀ ಸೈಗನಿ ನಡ್ಸತಾಡು;ವಾಡ್ನಿ ನಾ ತಂಡ್ರಿಯು ಪ್ರೀತಿಸ್ತಾಡು,ಮಲಿ ಮಾಮಿದ್ರು ವಾಡ ದೇಗ್ಗರ್ಗಿ ವಚ್ಚಿ ವಾಡ ದೇಗ್ಗರ್ಲಾ ಬಿಡಾರಂನ್ನಿ ಸೇಸ್ಗoಟಾಮು. ²⁴ .ನನ್ನಿ ಪ್ರೀತಿಚ್ಚೆಗುಂಡ ಉಂಡೆವಾಡು ನಾ ಮಾಟಲ್ನಿ ಸೈಗನಿ ನಡ್ಸೆಲೇದು;ನುವ್ವ ಆಲಿಚ್ಚೆ ಮಾಟ ನಾದಿಕಾದು,ನನ್ನಿ ಅಂಪಿಚ್ಚಿಚ್ನ ತಂಡ್ರಿಯ ಮಾಟೆ. ²⁵ .ಈ ಮಾಟಲ್ನಿ ನಾನು ಇಂಕ ಮೀ ದೇಗ್ಗರುಂಡ ಮೀಕಿ ಸೋಪ್ನಾನು. ²⁶ .ಆಯ್ತೆ ಆ ಸಹಾಯಕುಡು ಅoಟ್ಟೆ ನಾ ಪೆರ್ಲಾ ತಂಡ್ರಿಯು ಅಂಪಿಚ್ಚಿಚ್ಚೆ ಪವಿತ್ರಾತ್ಮುಡೆ ಮೀಕಿ ಅಂತದಾನ್ನಿ ಉಪದೇಶಿಚ್ಚಿ ನೀನು ನೀಕಿ ಸೋಪ್ನಾನುಕದ ಮೀ ನೆನಪ್ಗಿ ತಿಸ್ಗವಸ್ತಾನು. ²⁷ .ಶಾಂತಿನ್ನಿ ಮೀಕಿ ಉಡ್ಸಿಪಾತಾನು,ನಾಲಾ ಉಂಡ ಶಾಂತಿನ್ನಿ ಮೀಕಿ ಇಸ್ತಾನು;ಲೋಕಮು ಇಚ್ಛೆ ರೀತಿನ್ನಿoಕ್ಕ ನಾನು ಮೀಕಿ ಇಚ್ಛೆಲೇದು.ಮೀ ಹೃದಯಂಮು ಕಳವಳಂಕಾಗುಂಡಉಂಡ್ನೀ ,ದಡೆಗುಂಡಉಂಡ್ನೀ . ²⁸ .ನೀನು ಪಾಯಿ ತಿರ್ಗಿ ಮೀ ದೇಗ್ಗರ್ಗಿ ವಸ್ತಾನನಿ ಮೀಕಿ ಸೊಪ್ಪಿನದಾನ್ನಿ ²⁹ ಇನ್ನಾಳು.ಮೀಳು ನನ್ನಿಪ್ರೀತಿಚ್ಚೆವಾಲೈತೆ ನೀನು ತಂಡ್ರಿಯದೇಗ್ಗರ್ಗಿ ಪಾತಾವು ವಿಷಯಂಲಾ ³⁰ ಸಂತೋಷಂಪೋಡ್ತಾರು.ಯಂದ್ಗoಟ್ಟೆ ತಂಡ್ರಿಯು ನಾಗಿಂತ ಪೆದ್ದೋಡು. ³¹ .ಅದಂತ ನಡ್ಸೆಪ್ದು ಮೀಳು ನನ್ನಿ ನಂಬಟ್ಲಾ ಆದಿ ನಡ್ಸೆದಾನ್ಗಿಂತ ಮುಂದ್ರೆಇಪ್ದು ಮೀಕಿ ಸಾಪ್ತಾವುoಡಾನು.