¹ .ಪಸ್ಕ ಪಂಡ್ಗ ಮುಂದ್ರ ಯೇಸು ತಾನು ಈ ಲೋಕoನ್ನಿ ಉಡ್ಸಿ ತಂಡ್ರಿಯ ದೇಗ್ಗರ್ಗಿ ಪಕೈಪಾಯ ಕಾಲಂ ವಚ್ಚಅನಿ ತಿಳ್ಸಗಾನಿ ಲೋಕಂಲಉಂಡ್ನಾ ತನ್ನೋಳ್ನಿ ಪ್ರೀತಿಚ್ಚಿ ಪೂರ್ಣoಗ ವಾಳ್ನಿಪ್ರೀತಿಸ್ತಾ ವಚ್ನಾಡು. ² .ವಾಳು ಊಟಂಗಿ ಕೋಚ್ಗಉಂಡ್ರಿ;ಅಂತಿಟ್ಲೋಗ ಸೈತಾನುಡು ಸೀಮೋನುಡ ಕೊಡ್ಕೈನ ಇಸ್ಕರಿಯೋತ ಯೂದಡು ಮಂಸ್ಲಾ ಯೇಸುನ್ನಿ ಪೊಟ್ಟಿಯಾಲನಿಆಲೋಚನoನ್ನಿ ಪುಟ್ಟಿಚ್ನಾಡು. ³ .ಯೇಸು ತನ್ನ ಸೈಲಾ ತಂಡ್ರಿ ಅಂತದಾನ್ನಿ ಇಚ್ನಾಡನಿಯು ತಾನು ದೇವುಡ ದೇಗ್ಗರ್ನಿಂಕ ಎಲ್ಲಿವಾಚ್ಚಿoದ್ದಿ ಮಲಿ ದೇವುಡ ದೇಗ್ಗರ್ಗಿ ಪಾತಾನನಿಯು ತಿಳ್ಚಗನ್ನವಾಡೈಯು ಊಟಂನ್ನಿ ಉಡ್ಸಿ ಲೇಸಿ ಹೊದ್ದುoಡ ⁴ .ಪೈನೋದಿಕೆನಿ ತೀಸ್ಪೆಟ್ಟಿ ಸೈ ಪಾವಡಂನ್ನಿ ತಿಸ್ಗಾನಿ ನಡುವಿನ ಕಟ್ಗನ್ನಾಡು. ⁵ .ಅಪ್ಡು ಬೋಗುಣಿಲಾ ನೂಳು ಏಸ್ಗನೀ ಶಿಷ್ಯಲ ಕಾಲ್ನಿ ಕಡ್ಗೆದಾನ್ಗು ನಡುವಿನ ಕಟ್ಗನುoಡ್ಡ ಸೈಪಾವಡoನ್ನಿoಕ ಸೀಟೆದಾನ್ಗು ಪ್ರಾರಂಬಿಚ್ನಾಡು. ⁶ .ಇಟ್ಟೆ ಸೀಮೊನ ಪೆತ್ರುಡ ದೇಗ್ಗರ್ಗಿ ವಚ್ಚಾಲು ಊಡು ಆತುಡ್ಗಿ -ಸ್ವಾಮಿ,ನುವ್ವ್ ನಾ ಕಾಲ್ನಿ ಕಡ್ಗಲ್ನೆ?ಅನಿ ಸೋಪ್ನಾಡು. ⁷ .ದಾನ್ಗೆ ಯೇಸು-ನೀನು ಸೇಸೇದಿ ಇಪ್ದು ನಾಕಿ ತಿಳ್ಸೆಲೇದು,ಇಂಕಪೈನ ನಾಕಿ ತಿಳ್ಸತಾದಿ ಅನ್ನಾಡು. ⁸ .ಪೆತ್ರುಡು -ನುವ್ವ ನಾ ಕಾಲ್ನಿ ಎಂದ್ಗೂ ಕಡ್ಗೆಗುಡ್ದು ಅನಿ ಸೊಪ್ಪಿoದಾನ್ಗು ಯೇಸು-ನೀನು ನಿನ್ನಿ ಕಡ್ಗೆಲೆದoಟ್ಟೆ ನಾ ಸಂಗಡಂ ನೀಕಿ ಪಾಲೇದು ಅನ್ನಾಡು. ⁹ .ಸೀಮೋನ ಪೇತ್ರುಡು-ಸ್ವಾಮೀ ನಾ ಕಾಲ್ನಿ ಮಾತ್ರಂಕಾಗುಂಡನೆ ಸೈಲ್ನಿ ತಲಾನ್ನಿ ಸಹ ಕಡ್ಗಲಾ ಅನ್ನಾಡು. ¹⁰ .ಯೇಸು ವಾಡ್ಗಿ-ಸ್ನಾನಂಸೇಸ್ಗನ್ನವಾಡಕಾಲ್ನಿ ಕಡ್ಗೆದಿಕಾಗುನ್ನಾನೆ ಬೇರೆಮು ಕಡ್ಗಬೇಕುoಡ್ಲೆ,ವಾಡ ಪೈಯ್ಯಂತ ಶುದ್ದಂಅಯ್ನ್ಡಿ.ಮೀಳು ಶುದ್ದಲೈನಾಳು;ಆಯ್ತೆ ಮಿಲಾ ಅಂದ್ರೂ ಶುದ್ದಲುಕಾದನಿ ಸೋಪ್ನಾಡು. ¹¹ .ಯೇಸು ತನ್ನನು ಪೊಟ್ಟಿಚ್ಚೆವಾಡು ಇಟ್ಟವಾಡೆ ಅನಿ ತಿಳ್ಸುoಡದಾನ್ನಿಂಕ ಮೀಲಾ ಅಂದ್ರೂ ಶುದ್ದಲುಕಾದುಅನ್ನಾಡು. ¹² .ಆತುಡು ವಾಳ ಕಾಲ್ನಿ ಕಡ್ಗನ್ನ ಪೈನ ಪೈನೋದಿಕ್ಕಾನ್ನಿ ಎಸ್ಗಾನ್ನಿ ತಿರ್ಗಿ ಕುಚ್ಗಾನ್ನಿ ವಾಳ್ಗಿ ಸೋಪ್ಪಿಂದೇಮಂಟ್ಟೆ- ¹³ .ಮೀಕಿ ಸೇಸಿಂದಿ ಎಮನಿ ಗೊತ್ತೈನೋ?ಮೀಳು ನನ್ನಿ ಗುರುವನಿ ಕರ್ತುಡನೀ ಪಿಲ್ಸತಾರು;ಮೀಳು ಪಿಲ್ಚೆದಿ ಸರಿ;ನೀನು ಅಟ್ಟವಾಡೆ ಹೌನು. ¹⁴ .ಕರ್ತುಡು ಗುರುವೂ ಆಯ್ನನೀನು ಮೀ ಕಾಲ್ನಿ ಕಡ್ಗುoಡಾಗ ಮೀಳು ಸಹ ಒಕ್ಕಳು ಕಾಲ್ನಿ ಕಡ್ಗೆ ಹಂಗಿನವಾಲೈನಾಳು. ¹⁵ 15.ನೀನು ಮೀಕಿ ಸೇಸ್ನಾ ಮೇರೆಗೆ ಮೀಳು ಸಹ ಸೇಸಟ್ಟ ಮೀಕಿ ಮಾದರಿನ್ನಿ ಸೂಪಿಚ್ನಾನು. ¹⁶ .ಮೀಕಿ ನಿಜನಿಜಂಗ ಸೋಪ್ತಾನು,ಧಣಿಗಿಂತ ಮನ್ಸಿ ಪೆದ್ದೋಡುಕಾದು,ಅಂಪಿಚ್ಚಿಚ್ನಾವಾಡು ಅಂಪಿಚ್ನೋಡ್ಗಿoತ ಪೆದ್ದೋಡುಕಾದು ¹⁷ .ಮೀಳು ದೀನ್ನಿ ತಿಳ್ಸಗಾನಿ ದೀನಟ್ಟೆ ಸೇಸ್ತೆ ಮೀಳು ಧನ್ಯಲು. ¹⁸ .ನೀನು ಮೀಳoದ್ರ ಕುರ್ಚಿ ಇ ಮಾಟ್ನೀ ಸೋಪ್ಲೆದು;ನೀನು ಆರ್ಪಗನ್ನವಾಲ್ನಿ ನಾಕಿ ಗೊತ್ತು;ಆಯ್ತೆ-ನಾ ಕೂಡ ಊಟಂಸೆಸವಾಡೆ ನಾಕಿ ಕಾಲ್ನಿ ಅಡ್ಡಗೊಡ್ನಾಡು ಅನಿ ಶಾಸ್ತ್ರoನಮಾಟ ನೆರವೇರಕಾವಾಲ. ¹⁹ .ಅದಿ ನಡ್ಪೆಪ್ದು ನನ್ನೇ ಆತುಡನೀ ಮೀಳು ನಂಬಟ್ಲಾ ಅದಿ ನಡ್ಸೆದಾನ್ಗಿoತ ಮುಂದ್ರೆ ದಾನ್ನಿ ಇಂದಿನ್ನಿಂಕ ಸೋಪ್ತಾನು. ²⁰ .ಮೀಕಿ ನಿಜನಿಜಂಗ ಸೋಪ್ತಾನು,ನೀನು ಅಂಪಿಚ್ಚಿಚ್ನಾವಾಡ್ನೀ ಅಂಗೀಕರಿಚ್ಚೆವಾಡು ನನ್ನಿ ಅಂಗೀಕರಿಚ್ಚೆವಾಡೈನಾಡು;ನನ್ನಿ ಅಂಗೀಕರಿಚ್ಚೆವಾಡು ನನ್ನಿ ಅಂಪಿಚ್ಚಿಚ್ನತುಡ್ನಿ ಅಂಗೀಕರಿಚ್ಚೆವಾಡೈನಾಡು. ²¹ .ದೀನ್ನಿ ಸೊಪ್ಪಿ ಯೇಸು ಆತ್ಮoಲ ತತ್ತರಂಗನಿ-ಮೀಕಿ ನಿಜನಿಜಂಗ ಸೋಪ್ತಾನು,ಮೀಲಾ ಒಕ್ಕಡು ನನ್ನಿ ಪೊಟ್ಟಿಚ್ಚೋಡನೀ ಸ್ಪಷ್ಟoಗ ಸೋಪ್ನಾಡು. ²² .ಈತುಡು ಯವ್ಲ ವಿಷಯಂಮೈ ಈ ಮಾಟ್ನೀ ಸೋಪ್ತಾಡನೀ ಶಿಷ್ಯಲು ಅವಮಾನಂಪೊಡಿ ಒಕ್ಕಲೋಕ್ಕಲ್ನಿ ಸೂಸೆವಾಲೈನಾಳು. ²³ .ಶಿಷ್ಯಲೋಗ ಯೇಸುಗಿ ಒಕ್ಕಡು ಆತುಡ ಎದೆಯ ದೇಗ್ಗರ ಒರ್ರಿಕ್ಕನುಟಾಡು; ²⁴ .ಊಡ್ಗಿ ಸೀಮೋನಪೇತ್ರುಡು ಸನ್ನೆ ಸೇಸಿ-ಯವ್ವಲ್ನು ಕುರ್ಚಿ ಮಾಟಾಡ್ನಾಡು,ತಿಲ್ಬಿಚ್ಚು ಅನಿ ಸೋಪ್ನಾಡು. ²⁵ .ವಾಡು ಅಟ್ಟೆ ಯೇಸುನ ಎದೆಯ ಕಡ್ಗಿ ವೆಂಗಿ ಸ್ವಾಮಿ,ವಾಡು ಯಾವ್ದು?ಅನಿ ಅಡ್ಗನ್ನಾಡು. ²⁶ .ದಾನ್ಗೆ ಯೇಸು-ನೀನು ಈ ತುತ್ತಿನ್ನಿ ಅದ್ದಿ ಯವ್ವಲ್ಗು ಇಸ್ತಾಡೋ ವಾಡೆ ಅನಿ ಸೊಪ್ಪಿ ಆ ತುತ್ನಿ ಅದ್ದಿ ತಿಸಿ ಸೇಮೊನುಡ ಕೊಡ್ಕೈನ ಇಸ್ಕರಿಯೋತ ಯೂದುಡ್ಗಿ ಇಚ್ನಾಡು. ²⁷ .ವಾಡು ಆ ತುತ್ನಿ ತಿಸ್ಗಾನಿ ಕೂಡ್ಲೇ ಸೈತಾನುಡು ವಾಡ್ಲೋಗ ಹೊಕ್ನಾಡು.ಅಪ್ಡು ಯೇಸು ವಾಡ್ಗಿ-ನುವ್ವ ಸೇಸೆದಾನ್ನಿ ಬಿರ್ನ ಸೇಸುಡಿ ಅನಿ ಸೋಪ್ನಾಡು. ²⁸ .ಆತುಡು ವಾಡ್ಗಿ ದೀನ್ನಿ ಯೆಂದಗೈ ಸೋಪ್ನಾಡನೆದಿ ಊಟನ್ಗಿ ಕುಚ್ಚನ್ನವಾಳಾ ಯವ್ವಲ್ಗು ಗೋತ್ಲೇದು; ²⁹ .ವಾಳಾ ಕೆಲವ್ಳು-ಯೂದುಡ ವಶಂಲ ದುಡ್ಲಾ ಗೊನು ಉನ್ನದ್ಗು ಪಂಡ್ಗೈ ಮಾಕಿ ಕಾಪೈಯ್ಯೇದಾನ್ನಿ ಅನ್ನದೈಯ್ಯೋ ಬಡವುಲ್ಗಿ ಎಮೈನು ಎಯ್ಯಿ ಅನ್ನಿನದೈಯ್ಯು ಯೇಸು ವಾಡ್ಗಿ ಸೋಪ್ತಾಡು ಅನಿ ನೆನಪಿಚ್ನಾರು. ³⁰ .ವಾಡು ಆ ತುತ್ನಿ ತಿಸ್ಗನಿ ಕೂಡ್ಲೇ ಅತರ್ಗಿ ಪೈನಾಡು.ಅಪ್ಡು ರಾತ್ರಿಆಯ್ಡೆ. ³¹ .ವಾಡು ಅತರ್ಗಿ ಪೈನಂಕ ಯೇಸು-ಇಪ್ದು ಮನುಷ್ಯಕುಮಾರುಡು ಮಾಹಿಮ ಪಟ್ನಾಡು,ಮಲಿ ದೇವುಡು ಆತುಡ್ಲಾ ಮಹಿಮೆಪಟ್ನಾಡು. ³² .ದೇವುಡು ಆತುಡ್ಲ ಮಹಿಮೆಪಟ್ಟುoಡಲಾಗ ತನ್ನಲಾ ದೇವುಡು ಆತುಡ್ನಿ ಮಹಿಮೆಪಡ್ಬಿಸ್ತಾಡು,ಕೂಡ್ಲೇ ಮಹಿಮೆ ಪಡ್ಬಿಸ್ತಾಡು. ³³ .ಪ್ರೀಯ ಬಿಡ್ಲೇ,ಇಂಕ ಕೊಂಚಂಕಾಲ್ಮೆ ಮೀ ಸಂಗಡಂ ಉಂಟಾನು.ನನ್ನಿ ಹುಡುಕ್ತಾರು,ಅಯ್ತೆ ನೀನು ಪಾಯಾನ್ಗಿ ಮೀಳು ವಚ್ಚೆಲೇದು ಅನಿ ನೀನು ಯೆಹೂದ್ಯಲ್ಗಿ ಸೋಪ್ನಟ್ಟೆ ಇಪ್ದು ಮೀಕು ಸೋಪ್ತಾನು. ³⁴ .ನೀನು ಮೀಕಿ ಒಕ್ಕ ಆಜ್ನೆನ್ನಿ ಇಸ್ತಾನು;ಯೆಮಂಟ್ಟೆ ಮೀಳು ಒಕ್ಕಾನೋಕ್ಕಳು ಪ್ರೀತಿಚ್ಚಾಲ;ನಾನು ಮಿಮ್ಮಲ್ನಿ ಪ್ರೀತಿಚ್ನ ಮೇರೆಗೆ ಮೀಳು ಸಹ ಒಕ್ಕಾನೋಕ್ಕಳು ಪ್ರೀತಿಚ್ಚಾಲ ಅನ್ನೆದೆ. ³⁵ .ಮಿಲೋಗ ಒಕ್ಕಳು ಪೈನೋಕ್ಕಲ್ಗಿ ಪ್ರೀತಿಉಂಟೆ ಅಂದ್ರೂ ಮಿಮ್ಮಲ್ನಿ ನಾ ಶಿಷ್ಯಲನಿ ತಿಳ್ಚಗಂಟಾರು ಅನ್ನಡು. ³⁶ .ಸೀಮೋನ ಪೇತ್ರುಡು ಆತುಡ್ನಿ-ಸ್ವಾಮೀ,ಯಾನ್ಗಿ ಪಾತಾವು?ಅನಿ ಅಡ್ಗಿoದಾನ್ಗು ಯೇಸು ನೀನು ಪಾಯಾನ್ಗಿ ನುವ್ವ ಇಪ್ದು ನಾ ಯನ್ಕ ವಚ್ಚೆಲೆದು,ತರುವಾಯಂ ನಾ ಯನ್ಕ ವಸ್ತಾವು ಅನ್ನಾಡು. ³⁷ .ಪೇತ್ರುಡು ಆತುಡ್ಗಿ-ಸ್ವಾಮಿ,ನಾನು ಯಂದ್ಗು ಇಪ್ದು ನೀ ಯನ್ಕ ವಚ್ಚೆಲೇದು?ನೀಕೈಯ್ಯಿ ನಾ ಪ್ರಾಣಂನೈನಾನು ಇಚ್ನಾನು ಅನಿ ಸೋಪ್ಪಾಲು ³⁸ .ಯೇಸು-ನಾಕೈ ಪ್ರಾಣಂ ಇಸ್ತಾವಾ?ನೀಕಿ ನಿಜನಿಜಂಗ ಸೋಪ್ತಾನು;ನುವ್ವ ನಾ ವಿಷಯಂಲಾ ವಾಡ್ನಿ ಅರಿಲೇದನೀ ಮೂಡು ಸಾರಿ ಸೊಪ್ಪೇ ತನ್ಕ ಕೊಡಿ ಕೂಸೇನೆಲೇದು ಅನ್ನಾಡು.