¹ .ಮನುಷ್ಯಲ ಕಡ್ನಾನಿಂಕಾಯಿ ಮನುಷ್ಯಲ ಮುಖಾಂತಯೇಯಿ ಅಪೋಸ್ತಲುಕಾಗುಂಡಾ ಯೇಸುಕ್ರಿಸ್ತನ ಮುಖಾಂತರು ಅತುಡ್ನಿ ಸಚ್ಚಿನಾ ವಾಲ್ನಿಂಕಾ ಲೇಪುಂಡಿ ತಂಡ್ರಿ ಐನ ದೇವುಡು ನಿಂಕಾ ಅಪೋಸ್ತಲೋದ್ಯೋಗಮನ್ನು ಹೊಂದ್ನ ಪೌಲು ಡಾನ ನೀನು ನಾ ಜೋತ್ಲ ಉಂಡ್ನ ² .ಅಂತ ಸಹೋದರಲು ಗಲಾತ್ಯಲಾ ಉನ್ನ ಸಭೆಲಿಗಿ ರಾಸಾದಮ೦ಟೆ . ³ .ತಂ ಡ್ರಿ ಆಯೇನ ದೇವುಡು ನಿಂಕಾನು ಮಾ ಕರ್ತುಡೈನಾ ಯೇಸು ಕ್ರಿಸ್ತುಡ್ನಿ೦ ಕಾನು ಮೀಕಿ ಕೃಪೆಯು ಶಾಂತಿಯು ಕಾನಿ . ⁴ .ಈತುಡ ಮಮ್ಮಲಾ ಸೆಡ್ಡ ದೈದು೦ಡ ಇಪ್ಪುಡ್ನ ದುಷ್ಟಯುಗಗಲಿಂಕನು ಉಡ್ಬಿಚ್ಹಾಲಾನಿ ಮಾತಂಡ್ರಿ ಯಾನ ದೇವುಡ ಚಿತ್ತಂನ್ಗಿ ಅನುಸಾರಂಗ ಮಾ ಪಾಪಲ ದೆಸೆನ್ನಿಂಕಾ ತನ್ನನ್ನಿ ಮರಣಾನ್ಗಿ ಒಪ್ಪಿಚ್ನಾಡು. ⁵ ದೇವ ಡ್ಗಿ ಯುಗಯುಗಾಂತರಲು ಸ್ತೋತ್ರಂ ಕಾನಿ ⁶ .ಕ್ರಿಸ್ತುಡ ಕ್ರುಪೆನ್ನಿಂಕಾ ಮಿಮ್ಮಲ್ನಿ ಪಿಲ್ಪಿ ನಾತುಡ್ನಿ ಮಿಳು ಇಂತ ಬಿರ್ನಾಳುಡ್ನಿ ಬೇರೆ ಸುವಾರ್ತೆನ್ನಿ ಪೊಟ್ಟು೦ಡಾ ದಾನ್ಗಿ ಆಶ್ಚರ್ಯಂ ಪೋಡ್ತಾನು. ⁷ .ಆದಿ ಸುವಾರ್ತೆನೆ ಕಾದು ಆಯ್ತೆ ಕೆಲವುಲು ಮಿಲಾ ಬೇದಂಮ್ನಿ ಪುಟ್ಟಿಸ್ತಾ ಕ್ರಿಸ್ತುಡಾ ಸುವಾರ್ತೆಯನ್ನಿ ಮಾರ್ಪಡಿಚಿ೦ಕಿ ಅಪೇಕ್ಷಿ ಸುತ್ತಾ ಉಂಡ್ಲಿ ⁸ .ಆಯಿನ ಮನಮು ಮೀಕಿ ಸಾರ್ನ ಸುವಾರ್ತೆಗಿ ವಿರುದ್ದ ಆಯಿದ್ದನ್ನಿಮಾಕಿ ಐನ ಪರಲೋಕಮುಂ ದೇವದೂ ತಡ್ನಿಂಕಾ ಮಿಮ್ನಿ ಸಾರ್ತೆಸೋಪ್ನೆ ಶಪಗ್ರಸ್ತುದೈನಾ. ⁹ .ಮೀಕಿ ಸ್ವಿಕರಿಸ್ತಂ ಸುವಾರ್ತೆಯಂ ಲಾ ವಿರುದ್ದ ಅಯಿದ್ದನ್ನಿ ಯಪ್ಪುಡು ಸಾರ್ತೆನ್ನಿ ಅವುಳ್ನಿ ಶಾಪಗ್ರಸ್ತೂ ಉಂಟಾನು ಇಟ್ಲಾ ಮೀಮು ಮೊದ್ಲೇ ಸೊಪ್ನೆಉನ್ದದಿ ಇಪ್ಪುಡು ನಾನು ತಿರುಗಿಸೋಪ್ತಾನು. . ¹⁰ .ಮಾಕಿ ಯಾವಳ್ನಿ ಒಲಿಪ್ಪಿಚ್ಕತಾ ಉಂಟಾನು.?ಮನುಷ್ಯಳಲ್ನಿ ?ದೆವುಡುನ್ನಿ ?ನೇನು ಮನುಷ್ಯಳನ್ನಿ ಮೆಚ್ಚಿಸ್ಕಾದಾನ್ಗಿ ಪ್ರಯತ್ನಿ ಸೇಸ್ತಾ ಮನುಷ್ಯ ಳನ್ನಿ ಉಂಟೈನ ?ನೇನು ಮನುಷ್ಯ ಳನ್ನಿ ಮೆಚ್ಚಿಸ್ತಾದಾನಿಕಿ ಮಾ ಕ್ರಿಸ್ತುಡಾ ದಾಸಡ್ನ ಕಾದು ¹¹ .ನೇನು ಸಾರ್ನ ಸುವಾರ್ತೆಯೆಂತೋ ಮನುಷ್ಯಡಾ ಕಲ್ಪನೆಯಮುಕಾದು ಮೀಕಿ ತಿಳಿಯ ಪಡ್ಬಿಸ್ತಾನು . ¹² .ನೀನು ದಾನ್ನಿ ಮನುಷ್ಯಡ್ನಿ0ಕಾ ಹೊಂದ್ಲೆದು,ನಾಕಿ ಯವ್ವಳೋ ಉಪದೆಶಿಚ್ಲೆದು,ಯೇಸುಕ್ರಿಸ್ತುಡೇ ದಾನ್ನಿ ನೀಕಿ ಪ್ರಕಟಿಚ್ನಾಡು . ¹³ .ಯನ್ನ ನೀನು ಯಹುದ್ಯಮತಂಲಾ ಉಡ್ನಪ್ಪು ನಾ ನಡ್ತ ಎಟ್ಟ ದಾನಿ ಮಿಳು ಇನ್ನಾಳಂತೆ,ನಾನು ದೇವುಡ ಸಭೆನ್ನಿ ಅತ್ಯಂತ ಮೈ ಹಿಂಸೆ ಪಡ್ಬಿಚ್ಚಿ ಪಾಡ್ಸೆಸ್ತಾವುಂಟಿ . ¹⁴ .ಇದೇಕಾದನಿ ನೀನು ನಾ ಪಿತ್ರುಲ್ನಿಂಕಾ ವಚ್ಚಾ ಸಂಪ್ರದಾಯಂಲಾ ನಿಂಡಾ ಅಭಿಮಾನಂ ವುಳ್ಳ ವಾಡೈನಾ ಜನಲೋಗ ಸಂಪ್ರದಾಯ ವಾಳೈನ ಅನೆಕಲ್ನಿಂಕಾ ಯಹೂದ್ಯ ಮತಾಚಾರಂಲಾ ಆಶಕ್ತ ಡೈಯಿ೦ ಟ್ಟಿ . ¹⁵ .ಆಯ್ತೇ ನೀನು ತಲ್ಲಿ ಗರ್ಭಂಟಾಲುಡಪ್ಪೆ ನನ್ನಿ ಪ್ರತ್ಯೇಪಿಚ್ಚಿ ತನ್ನ ಕೃಪೆನ್ನಿಂಕ ಪಿಲ್ಚಿನ ದೇವುಡು ತನ್ನ ಕೊಡಕ್ಕಿ . ¹⁶ .ನೀನು ಅನ್ಯಜಲಾ ಪ್ರಸಿದ್ದಿ ಪದ್ಬಿಚ್ಚವಾಡು ಕಾವಲನಿ ಆತುಡ್ನಿ ನಾಲೋಗ ಪ್ರಕಟಿಚ್ಹದಾನ್ಗಿ ಇಚ್ಹೈಚ್ಚಿ ನಪ್ಪೆ ನೀನು ಮನುಷ್ಯಲ ಆಲೋಚೆನ್ನಿ . ¹⁷ .ವಿಚಾರಿಚ್ಗುಂಡ ಯೆರುಸಲೆಮ್ಲಿ ನಾಗಿಂತ ಮುಂದ್ರೆ ಅಪೋಲಸ್ತ ಲೈನಪ್ಪೆ ಬಳಿಗೂ ಪೋಗುಂಡ ಅರಬಿಸ್ತಾನಾನ್ಗಿ ಪಾಯಿತಿರ್ಗಿ ದಮಸ್ಕಾನೀ ವಚ್ಚಾಡು . ¹⁸ .ಮಿಕಿಮಂ ಎಂ ಡ್ಲೈನ ಪೈನಾ ಕೆಪೆನಡೂ ಪಂಚಿ ತಿನ್ನಿ ಸೇಸ್ಗಾ ವಾಲನಿ ಯೆರುಸಲೆಮಿಗಿ ಪಾಯಿ ವಾಡ ದೆಗ್ಗರ ಪದೈದು ದಿನಂ ಉಂಟಾಡು . ¹⁹ .ಕರ್ತುಡೂ ತಮ್ಮ ಡೈನ ಯಕೊಬಡು ಕಾಗುಂಡಾ ಅಪೋಸ್ತಲಾ ಬೇರೆ ಯವ್ವುಳುನಿ ಸೂಡ್ಲ್ಯೇ ದು . ²⁰ .ನೀನು ಮೀಕಿ ರಾಸೆ ಸಂಗತಿಲೇ ಯಂದು ಸುಳ್ಳುಕಾದನೆ ದಾನ್ಗಿ ಇನೋ ದೇವುಡೇ ಸಾಕ್ಷಿ. ²¹ .ಆ ಪೈನಾ ಸಿರಿಯಮಲಿ ಕಿಲಿಕ್ಯ ಪ್ರಾಂತ್ಯಲ್ಗಿ ಪೈನಾಡು . ²² .ಆಯ್ತೆ ಕ್ರಿಸ್ತುಡ್ಲಾ ಉಂಡಾ ಯುದಾಯಂನಸಭೆಲ್ಗಿ ವಾಡ ಗುರುತುಂ ಡೇಟ್ಲೆದು . ²³ .ಪೂರ್ವಂ ಲಾ ಮಮ್ಮಲ್ನಿ ಹಿಂಪೆ ಪಬ್ಬಿಚ್ನಾವಾಡು ತಾನು ಪಾಡ್ಸೆಸ್ತಾವುಂಡ್ನಾ ಮತಮ್ನಿ ಈಪ್ಪು ಪ್ರಸಿದ್ದಿ ಪಡ್ಬಿಚ್ಹಾ ತಾನನಿ . ²⁴ .ಸುದ್ದಿನಿ ಮಾತ್ರಂ ವಾಳು ಇನಿ ನಾದೆಸೇನ್ನಿಂಕ ದೇವುಡ್ನೀ ಕೊಂಡಾಡ್ನಾಳು .