¹ Kwi zizwa enkani nokusa shuwana hakati kenu? Kali ye zizwa ku ntakazo zenu ezo zilirwisa mukati kenu? ² Mu rakaza mi mwazya. Muyaya noku shaka, mi kamuoli kuziwana. Murwa noku kanana. Mwazya kakuli kamu kumbili. ³ Mukumbira mi kamuwani kakuli mukumbira ko bubbi, kuti ye muzi sebelise ku ntakazo zenu. ⁴ Enwe kaba sepahali kwa Nyambe! Kanti kamuzyi ye chilikani ne fasi chitoyo ne Nyambe. Mi cware ozyu ashaka kuba muyenze wefasi alizora e chira cha Nyambe. ⁵ Kapa haho muhupura kuti ye entimana zi amba zintu za azya ntuso, "O Ruho oru nabika mwetu rukwesi hawa muna?" ⁶ Kono Nyambe aha e chisemo chingi, cware e ntimana ita ye, "Nyambe a rwisa balitemba, kono aha chisemo kubena bali bozekeza hanshi." ⁷ Cware mulihe kwa Nyambe. Mukane Diyabulosi mi mbwa butuke kuzwa kwenu. ⁸ Mukezye kumbali ne Nyambe, mi mbwa kezye kumbali nenwe. Muchenese ma anja enu, enwe batendi be chibi, mi mu chenese myozyo yenu, enwe be ngana zobire. ⁹ Muchoke myozyo, mu kumba kumbe, mi mulire! Okusheka kwenu kuzoke kube kuchoka myozyo, ne ntabo yenu izoke ibe ku lishonda. ¹⁰ Muli bozekeze hanshi habuso bwa Nyambe, mi mbwa minanune. ¹¹ Mwasha ambi zibbi kuamana nabakwenu, bakwangu. O muntu zyo a amba zibbi kuamana nomuyenze kapa ku atura muyenze, a amba zibbi kuamana no murao mane a atura o murao. Haiba mu atura o murao, koshibi o mutendi wo murao, kono muatuli. ¹² Yenke bulyo ozyu aha murao noku atura. Ndeye yenke zyo awora kuhaza nokushinya. Ndiweni we, ewe o atura muyenzo? ¹³ Cware muteeze, enwe mu amba ye, "Shunu kapa zyona mbotu ka kabire mou munzi, no kuka kara mo mwaka, nokuka wulisa, noka tenda mali." ¹⁴ Ndini azyi ezo shaka nezi tendahare zyona, no buharo bwako chinji? Kakuli oli mume ubonahara kenako endana no kumana. ¹⁵ Kono, mu ambe bulyena, "Heba ashaka Nyambe, tura hara noku tenda echi ne china." ¹⁶ Kono hanu mukitemba ke mirero yenu ya azya e ntuso. Okuli temba kobulyaho kubbi. ¹⁷ Cware ku yenshe ozyo azyi kutenda zirotu kono kazitendi, kwakwe chibi.