¹ Pawula, ntumua Klisto Yisu mu luzolo lua Nzambi, ye Tomoteo mpangi eto, ² Kua minkuikizi ye kua nkangu wa Nzaambi zimpangi mu Yisu ena ku kolosayi. Boka nlemvo wakala yeno ye luvuvamu lua Nzambi se dieto. ³ Tueti tanga Nzambi, se dia mfumu eto yisu Klisto, ye tueti sambila lumbu yayo mu diambu dieno. ⁴ Tueti tonda Nzambi, se dia mfumu eto Klisto Yisu, ye zola kunuena mu awo a tulua va mbela mu Nzambi. ⁵ Nuena zola koko mu diambu dia vuvu kia lundua mu diambu dieto muzulu. Nua teka wa ntete vuvu kiokio va kia vovilua mu mambu ma kedika, ma nsangu za mbote. ⁶ Za yiza kua yeno. Nsangu zazo za mbote zinatanga mbutu ye muangananga munza ya muimba. Ma salanga mpe kua yeno tuka lumbu ki luamowa ye kilua zaya mo mu diambu dia nlemvo wa Nzambi mu kedika. ⁷ Nsangu za mbote bonso wu luazayila zo kua Epafala, sadi yeto kia ntuadi kia nzolua, endu wena sala kia kuikama mu Klisto mu yeto. ⁸ Epfala wukulu zayisanga mu zola kueno mu mpeve. ⁹ Mu diambu dia zola koko, tuka mu lumbu ki nuawa mo mudiadi, katua beba ko musambila mu diambu dieno. Tu lombanga mu ntatumunu vo nua zadusua mu nzayilu ya luzolo luani mu ndunga ye mpisulu ya kimpeve. ¹⁰ Tueti tatamana mu kunu sambidila vo nudiatila buasonga mu mfumu, mu mpila ya zolakana. Tueti tatamana mu kunu sambidila vo nua wuta mbutu mukonso salu kiambota, ye nua kala mu mpisulu ya Nzambi. ¹³ Watu kula mu lulendo lua tombe, ye wa soba mu kimfumu kia muana ani wa nzolua. ¹⁴ Kua muana ani tuena ye ngiambudulu ye nlemvo mu masumu. ¹⁵ Muana yi mbonokono ya mona meso ya Nzambi wulembi monikanga. I yani wantete mu wutuka mu nsemono. ¹⁶ Kadi mu yani, lekua yayo ya sadilua, yoyo yena mu mazulu ye yoyo yena vantoto, lekua yi monekanga ye lekua yi lembua monikanga. Evo kikala biandu, bia kimfumu luzitu, tulendo evo yimfumu, biabio bia vangua kua yani ye mu ani. ¹⁷ Wa kikadila tekila lekua ya yonsono, ye lekua ya yonsono yakikadila mu yani. ¹⁸ Ye wena ntu mu nitu, dibundu. Yani wena ntonono ye wantete mu wutuka va kati kua bafua; wena mu diodio va fulu kia ntete va kati kia lekua yayo. ¹⁹ Kadi dia zolakana kua Nzambi co nzadusulu ani yayo yakala mu yani, ²⁰ Ye mu didika lekua ya yonsono ye yani kibeni mu nzila muana. Nzambi wa vutula luvuvamu mu menga mu kulunsi diani. Nzambi mu wawosa lekua yena va ntoto ye vo lekua yena mu zulu. ²¹ Ye yeno diaka, ntangua mosi, nua kala anzenza kua Nzambi ye nuakala atantu mu ngindu ye mavanga mambi. ²² Kansi wawu, walu wawasa mu mfuilu ani mu nzila nitu ani ya kimuntu. Wa sadila dio mpasi nua kimonikisa anlongo, avedila akondua lusembo va ntadisi ani; ²³ Votu sinua zingila mu minu, nua mena mianzi ye sikila nakekete, siama nakekete vatufulu tuasiama ye lembua vanga ma vuvu kia nsangu za mbote zinua wa. Yi zwu zozo nsangu za zayikusua kua muntu wa wonso wa vangua kunsi ya zulu. Yizozo nsangu mu zau mono, Paulu, ngieka sielo. ²⁴ Wawu, ngieti yangalala mu zinzungu mu diambu dieno. Ye ngieti lungisa mu nitu ame, zinzungu za kondua mu Klisto mu luzolo lua nitu ani yi dibundu. ²⁵ Yi mu dibundu diodio ngienina kisielo, landila zitu kia Nzambi eki lingia vewa mu beno, mulungisa nsangu za Nzambi. ²⁶ Yi kiaku kedika kia nsueki kiokio kia sueka tuka mu zimbandu ye zinsemono. Kansi wawu, kiawu kia monukusua kua eba bakuikila mu yani. ²⁷ Yikua yau Nzambi ka zola zayikisa yi mvuama ya nzitusu ya kadila kiokio kia nsueki kua mi mpakanu. I savo Klisto wena mu beno, vuvu kia nzitusu kia ntangu yana kuiza. ²⁸ I yanu teuti samuna. tueti bombidila muntu wawonsono, ye tueti longa muntu wa wonsono mu nduenga, mpasi tuelenda songa muntu wawo wa lunga mu Klisto. ²⁹ Yi mudiodio ngieti sadila ye nuana ye nkuma wu salanga mu lulendo kua mono.