¹ Muanki nzolele nua zaya wonso wena nene kua nkindu eyi ngia tona mu diambu dieno, ye wowo ena ku Laodikia, ye kua wowo a nkaka ka amona zizi kiame ko. ² Ngi salanga mpasi vontima miawu mia kindusua mu nkutakanu zeto mu zola ye mu bi muana bia bionsono mu vuvu kia fuluka ye mu mbakusulu mu nzayulu ya kedika ya kinsueki ya nzambi, i savo Klisto. ³ Mu yani nua suakua biabio bia mfumu bia nduenga ye nzayilu ⁴ Ngieti dio kunu zayisa mpasi vo ka muntu ko wuna lenda ku nuvana mu mpova za ndengo. ⁵ Ye vo ngina wa tatuka mu kimuntu, ngiena kaka yeno mu mpeve. Ngiena wa yangalala mu mona ludedamu lua mbote lua siama lua mini kieno mu Klisto. ⁶ Mpila mosi vo nuatambula Klisto wa mfumu nu diata mu yani. ⁷ Nu kala asiama na kekete nate ye mena mianzi mu yani, nu tungua mu yani, nu sikalala mu minu wonso wu nualongulua, ye nu zola ye mbambukulua moyo. ⁸ Lukikenga mpasi vo ka muntu ko kalukitula minanga mu malongi ma ndengo ma luvunu ye ma yindu malu vunu ye makondua salu wonso wenina malongi ma kikulu kia antu, mena mu mbangudulu ya kimuntu, ndedakani ye mambu ma nza malembua dedakana kua Klisto. ⁹ Kadi nzadusulu ya nlongo yayo ya Nzambi yi kundanga mu nitu ani. ¹⁰ Nua zadusua mu yani. Yani yi mfumu ya bikuluntu ye tulendo. ¹¹ Mu yani yeno nuakala npe a zengua mu nzengolo ya lembua salua kua antu mu katula niti mu nsuni, kansi mu nzengolo ya Klisto. ¹² Yeno nua zikua ye yani mu mbotokolo, ye nua fulukusua mu yani mu nitu mu lendo kia Nzambi ekikia fulukisa Klisto mu ba fua. ¹³ Ntangu lua kala afua mu ntulumunu zeno ye mu nzengolo ye nsuni mieno,, yani wanu vutula kua yani mu luzingu ye watu yambudila ntulumunu zazo. ¹⁴ Yani wavinzikisa nzangolo za mfuka ye zi ntumunu ezi za sonukua mu yeto. Wa katula mo nadede ye wa komazo vana kulunsi. ¹⁵ Wa siat tulendo ye yimfumu, wa senzika bio vantadisi a awonsono ye nunga bio mu nzila ya kulunsi ¹⁶ Mu diodio kanu yambud muntu kanu fundisa mu diambu ditedi ndilu evo nduinu ko, mu diambu ditedi mi nkembo evo mu mpayikulu ya mpa ya ngonda, evo lumbu ya mvundulu. ¹⁷ Biobio bia wonsono bieti tunga kini kia lekua bina kuiza ku ntuala, kansi nzingulu yena mu Klisto ¹⁸ Ka luyambudi muntu kalu bedisa ko mu diambu dia luyinunu lua luvunu mu nsambudulu ya zi mbasi mu kunu ziona mfutu. Muntu wa mpila yoyo wu kotanga mu lekua keti mona ye kifuka kitumpidiki mu mbanzulu za kimuntu. ¹⁹ Kena wa yikakana ye ntu ko. Ituka mu ntu nitu yayo yi dikuluanga ye simbununua mu kintuadi mu yayikulu ye mu mianzi ye bundusua ye nitu yikudusuanga mu nkudusulu yi vunanga Nzambi ²⁰ Vo wena wa fua mu Klisto mu medi nza, mu diodio bala nki nueti zingila wonso ngavo nueti komunua kua nza. ²¹ "Ka nusimbuzula ko! evo biba! evo simba!". ²² Lekua yoyo yayonsono ya vangulu mu vombila mu nsadulua zau, landila zi nsikudukusu ye zindingolo za antu. ²³ Mina miomio mena mbonokono ya nduenga za mambu ma Nzambi ma salua kua mau mosi, luyinunu ye nkuamusu a nitu. Kansi ka miena widi mfumu ko mu nzinunu za nsuni.