¹ Ba luaka kuna simu dia n'kaka dia mb'u kuna nsi ya Gananeni. ² Vana vawu yesu ka kulumuka mu n'lungu ko, wa mona vana n'tula ani muntu wa vayika kuna ziami wa kala ye mpeve ya mbi. ³ Muntu ndondo wa zinidinge kuna ziami. Ye ka muntu ko lendele diaka ku n'kanga, kani mu n'singa mia sengua. ⁴ Kadi konso ntangua wa kala ye sengua mu malu ye wa kangua min'singa mia sengua. Kansi wa kala dabuna mi n'singa ye muangisa bi sengua, ye ka muntu ko wa kala ye ngolo mu kum'baka. ⁵ Wa kala konso kua ntangu, fuku ye muini kuna ziami ye muna miongo, wa kayikidingi ye wa kiluekelenge mu matadi. ⁶ Wa mona yesu kua nda, wa zawula ye wa n'kunda, ⁷ ye wa kaya mu ndinga ya ngolo:"nkia diambu va kati kua mono ye ngeye? Yesu muana Nzambi a zangama. Yi ku lombele mu nkumbu a Nzambi, kunkuamisi ko. ⁸ Kadi yesu wa n'telanga; " Vayika mu muntu ndondo, mpeve a mbi." ⁹ Ye wa n'yuvula:"nani nkumbu'aku?" Lengo i nkumbu'ame, kadi tua mbidi tuna, ka m'vutula. ¹⁰ Ye wa toma kun'dodokela mu lembi kua fila kuna nganda nsi. ¹¹ Kua kala kuna ndambu ya mongo buka kia ana ngulu akala kuendanga. ¹² Ye mpeve za mbi za n'dodokele za n'tela:" wu tu fila mu ana ngulu bobo mpasivo tua kota mu yawu. ¹³ Wa ba vana luve ye mpeve za vayika za kota mu ngulu ye buka kia wonso kia kulumuka mongo mu n'sualu nate kuna m'bu. Ba kala mafunda mole ma dimuka muna m'bu. ¹⁴ Bo ba kala ku bavungula vungulanga ba lemoka ye ba muangisa n'samu muna m'banza ye muna mavata. Bntu bayenda tala mana ma vioka. ¹⁵ Ba yiza kua yesu ba mona nkua mpeve za mbi, nduna wa kala lengio,wa vuanda, wa vuata,ye ngindu za singama,ye ba builua kua wonga. ¹⁶ Bobo ba mona mana ma vioka ba telanga nsangu za mana ma luaka mu nkua mpeve za mbi ye kua buka kia ana ngulu. ¹⁷ Mudina ba toma dodokela yesu ka katuka ku zunga kiau. ¹⁸ Kio ka kala kota muna n'lungu, ndo wa kala ye mpeve za mbi wa lomba luve kua yesu kenda yani. ¹⁹ Yesu ka m'vana luve lolo ko. Kansi wa n'tela:" wenda kuna nzo'aku, kua mpangi zaku, ye wu ba tela ma wonso mfumu ka sadidi mu ngeye, ye weyi ka ku muenene kiadi. ²⁰ Wa yenda ye wa samuna nsangu muna Dekapoli ma wonso yesu ka vanga mu yani. Ye bawonso ba yituka. ²¹ Yesu muna n'lungu, wa vutuka ku simu dia n'kaka, n'kangu wa yingi wa kutakana va mbel'ani. Wa kala va simu dia m'bu. ²² Bosi va luaka zi mfumu za nzo a Nzambi, nkumbu Zailisi, wa mona, wa kituba va malu mani, ye wa n'lombela sambu. ²³ Muana ku wa n'kento weka ku nsuka, wiza tua n'sambidila mpasi ka vuka ye kakala moyo. ²⁴ Yesu wa yenda ye yani. Ye n'kangu wa yingi wa n'landa , an'fietakesa. ²⁵ Kiongolo, vakala n'kento wa kala ye kimbevo kia menga tuka mvula kumi ye zola. ²⁶ Yani wa toma mona mpasi, mu moko ma madokotolo mayingi ye wa futa mvuilu ya wonso ya kala yani, kabaka luniakusu ko. Kansi wa yelelenge lutila diaka. ²⁷ Kio ka wa avovela yesu, wa yiza kuna nima ya n'kangu ye wa simba kinkutu kiani kadi wa vova: ²⁸ "Vo ndendele kaka simba yinkutu yani si ya kolela." ²⁹ Vanavawu kimbevo kia menga kia manisa ye wa mona vo nitu ani ya mana mpasi. ³⁰ Yesu wa zaya mu yani ki beni vo ngolo zi vayikidi mu yani ye wa baluka kua n'kangu wa vova:" Nani simbi yinkutu yamue?" ³¹ Min'longoki miani mia n'tela:"tala n'kangu wuta ku fietakesa ye ngeye wuta vova nani wu simbidi?" ³² Ye wa tala va mbel'ani mu mona nduna venge wo. ³³ N'kento wa zakama bu ka zaya momo ma luta mu yani, wa kituba va malu mani ye wan'tela kieleka kia wonso. Kansi yesu wan'tela: ³⁴ " muan'amu an'kento minu kiaku ki ku vuluzi. Wenda mu luvuvamu ye kolela mu mpasi zaku. ³⁶ Kansi yesu wa wa mambu momo, wa vova kua mfumu'a zo a lukutakanu:" kukadi wonga ko, leka minu." ³⁷ Yani ka yambula muntu kan'landa ko voka petelo ko ye yakobi ye kua Yowani mpangi'a Yakobi. ³⁸ Ye ba luaka ku nzo ya mfumu'a lukutakanu; yesu wa mona n'kangu wa kala tula mazu ye wa finama, wa mona antu adididingi ye yawula beni. ³⁹ Wa kota, wa vova kua yawu:" Mu diambu dianki luta yawula ye didile? Muana ka fuidi ko kansi lele. ⁴⁰ Yawu ban'seva kibeni. Yani wa vayikisa bawonsono, wa bokela se dia fimuana ye ngudi'ani ye bawonso bakala ye yesu. Wa kota muna mua kala fimuana. ⁴³ Wa n'simba mu koko ye wa vova:" Talita kuni, disonele ntuenia n'kento, yi tele telama." ⁴² Vana vawu ntuenia n'kento wa telama ye wa diata kadi wa kala ye mvula kumi ye zole. Ye bakala mu ngitukulu ye nene. ⁴¹ Yesu wa bakanikina beni mpasi muntu ka zayi dio ko ye wa batela ba vana madia kua ntuenia n'kento.