¹ Yesu wa telama diaka ye wa longela va simu dia m'bu. Ndonga ya yingi ya kutakana kua yani. Wa kota ye wa vuanda muna n'lungu , muna kati m'bu. Ndonga ya wonso ya kala ya vuanda va ntoto kuna simu dia m'bu. ² Wa ba longa mambu mayingi mu zi ngana ye mu malongi mani, wa batela: ³ Lu wa. N'kuni wa vayika mu kuna. ⁴ Kina ka kala kuna, ndambu ya mbongo ya bua muna zila, nuni za yiza ye za dia yo. ⁵ Ndambu ya n'kaka ya bua va fulu kia matadi, va kondua n'toto a yingi; mbongo yoyo ya mena mu n'sualu, kadi ka va kala n'to a fuana ko. ⁶ Kansi ntangu kio ka vayika, bia via ye bia yuma mudiambu dia kondua kua mianzi. ⁷ Ndambu ya n'kaka ya bua va nsende: Nsende za tomboka ye za fietikisa bio ye ka bia vana m'butu ko. ⁸ Ndambu ya n'kaka ya bua va n'toto wa mbote, ya mena ya kula ye ya vana m'butu makumatatu, makumasambanu et nkama mosi mu n'ti wu mosi wu mosi. ⁹ Ye wa ta:" konso wuna yemtatu ma wa bika ka wa. ¹⁰ Kina yesu kakala va yani mosi, bo ba kuba zungidila ye kumi ye zole, akua yuvula nsasa kingana. ¹¹ Wa batela:" Kua yeno kua vewa masuekamu ma ma Nzambi. Kansi kua bo bena ku mbazi, mawonso ma lutilanaga mu zingana; ¹² Mpasivo kio beta tala, ba mona kansi kaba bakusa kima ko ye kio beta wa, ba dimba, kansi kaba bakusa kima ko. mpasi vo ba lebua viluka ye masumu mawu ka ma lolokua ko. ¹³ Wa ba tela diaka: Ka luta visa kingana kiaki kue? Weyi wana si lua bakusila zi ngana za wonso? ¹⁴ N'kuni kunanga mambu. ¹⁵ Ba n'kaka bena mu zila momo diambu dia kunua; kio bawa diambu diodio, satana wa yiza ye wa katula diambu dia kunua mu yawu. ¹⁶ Ba n'kaka yi mpila mosi, ba tambulanga m'butu vana ntandua matadi, kina ba wanga mambu,ntete ba tambulangamo mu kiese; ¹⁷ kansi ba kondolo mianzi mu yawu kibeni, ka bena ba kuikama ko, ye kio mpasi zi kuizanga ye nzomono mu matadidi mambu, bawu ba vitumukanga. ¹⁸ Ba n'kaka ba tambulanga mambu vana sangi kia nsende; yi yawu ba wanga mambu, ¹⁹ kansi mayindu ma nza yayi, mpukumuni za kimvuama ye nkotoso mu nsatu za n'kaka, zi fietikisanga mambu ye ba kitunanga ba kondua m'butu. ²⁰ Ba n'kaka ba tabulanga mbono mu n'toto wa mbote; yi bawu ba wanga mambu, ba tambulanga mo ye ba butanga m'butu: makumatatu, makumasambanu, nkama mu wu mosi wu mosi. ²¹ Wa batela diaka: " Nga muinda wu natuanga mu tulua ku nsi a meza? Vo ku nsi a mfulu? Ka yi mu tula wo va lundilu kia muinda kue? ²² Kadi ka vena diambu dia suekama di lembi sololua ko, ka vena mbumba ko yi lembi sengomonua." ²³ Ndo wuna ye matu bika ka wa. ²⁴ Wa ba tela diaka: lu keba kueno mu mo luta wa. Si lua lutezelua mu tezo kiokio si lua tezela, Ye ba kulu kudika va zulu. ²⁵ Kadi ba singa vana kua ndo wuna ye kima, kansi kua do kondolo se ba singa ku n'kuata kutu kina kena kiawu. ²⁶ Wa ta diaka:" yi wowo mpe mena muna kimfumu kia Nzambi, bonso muntu wuta tuba m'butu va n'toto. ²⁷ Ka leka yevo ka kaya meso,mpimpa ye muini,m'butu se wa mena ye kula kondua kua zaya. ²⁸ N'toto wawu mosi wu wutanga ntete matiti, bosi m'butu ye nginga zina muna m'butu. ²⁹ Ye m'butu vo miyelele, bazengele mio kadi ntangu a sala yi fuene. ³⁰ Ye wa vova diaka:" Nki tu fuete fuanisa ye kimfumu kia Nzambi, evo mu kia kingana tu fuete kio songela? ³¹ Kifuanane ye m'butu a seneve, vo wu kununu mu n'toto wu lutidi ke mu kunua ya wonso ya nza. ³² Kansi kina ka kunua seka mena ye sika kuma wa nda luta ndunda za wonso ye vanganga ntayi za nene ye nuni za zulu zi kundanga va kimpozi kiandi. ³³ Yi mu zi ngana za yingi za mpila yoyo ka kala ku kalongela mambu ma Nzambi landila ngolo zawu mu ku wa. ³⁴ Ka ba longela kutu ko kondua kua zi ngana, kansi, va bawu mosi, wa sasila mawonso kua n'longoki miani. ³⁵ Mu lumbu kia kaka, mu nkokela, yesu wa ba tela:" tu sawuka kuna simu dia n'kaka. ³⁶ kio ka mana sindika n'kangu, wa banata muna n'lungu wuna ka kala. Va kala mpe ye n'lungu mia n'kaka ye yani . ³⁷ Va bua tembo kia nene ye mayo ma kala kota muna n'lungu nate wa vita zala. ³⁸ Ye yani wakala wa leka vana konko kia n'lungu vana mfika n'tu. Ba n'sikamesa ye ba n'tela:" N'longi kuta kikuamisa ko vo situ fue?" ³⁹ Kina ka sikama, wa nuanisa tembua ye wa ta kua m'bu:" na pi! Dingala! Ye vento ya dingalala. Ye kua kala luvuvamu lua yingi. ⁴⁰ Bosi kaba tela:" Mu diambu dia nki lukadidi ye wonga? Ne Ka luna ye minu kue? ⁴¹ Ba zala kua wonga ye ba vovana yawu ye yawu:" Nani ndondo wiluanga kani kua mupepe ye m'bu?"