¹ Keke me, bani kiki yami nyine gi upye gebo kaye, gi lika ko Sigapa wa gesu vo ni nki ka ko me osiyi nenene te. ² Nyine gi upye gede Sigapa efune yi ni ibwo ya bani ibibi gebo gede wa vu gbi nbani wulu la. ³ Nde Sigapa uwa me gyege wa de nene ne, gi uwo funene ni bani ibibi ⁴ Niyi iwulu nene ne, gede Sigapa wa ba nene ne gi nyine ame ube me igene te. ⁵ Sigapa ni eyeye ne atsine ne gaye ka na ni liye ga mou ne nu Uyesu. ⁶ Keke me bani kiki yami, ya gene ni liye ko Uyesu Almasihu gede, nyina aga gou lulu ni bani me nba ye gatime game la te ne la, gede wa vu ubeme itsine ne te te la. ⁷ Nde nyine ni uwu yene ne kpu, gede nyine me ubeme itsine ne te. ya de nene ne kanko bani me nba kpu ubeme ugwo gede ba me la te la. ⁸ Ya libe you gengwo gutala. nde ime gatime uzu nu utune, ipa liye gebo gede bani aka gyi gyi kili la. ⁹ Ugou gede nyine asa mete agyi, nde yeye gede ya gbagba ya me ni iwu yeyi ne gyi nyina apaa ni ne. ¹⁰ Utume ide nene ne te igine gede, unime ugede ni na ame gatime la, nyine aka si gya ebe ilili la. ¹¹ Iwu gede, bani de ngyiye kene be ye gede ni ba ame gatime la. Ba me gyengye la nde ba vu bani lika ge ye bane. ¹² Ya sene ibo ni liye ko Uyesu keke me, gede gwongo amwo iwu yana ibo gi wa me gatime ni iwu yana ne. ¹³ Nde nyine bani kiki, nyine ga ni eye zaa iva la, nde yine ame lika gume uyi nu utozi te. ¹⁴ Uni me u gede ina aba ubeme igaine nu uta kada me te la, nyine mwo unawa yapu, gungwo etune ibo aki unawa, gi azi amua. ¹⁵ Nyine aga nyine gede uvu uni ubibi la, nde nyine aza iwa, kan ko uni uvuva ene. ¹⁶ Sigapa uni liyesi, wa gyine liyesi ka na zamzam. Sigapa wa ba ne ne ne gbyi. ¹⁷ Ni me Ubulus ni uwu yami ne nma liene atsu, ni gubo kami ne. Usi yite nu itaka da me ima kate. nsi ma kei ibe te. ¹⁸ geye ko Uyesu alimasihu ade nene ne gbyi.