¹ Ni utu, ka gabe ko Uyesu Almasihu, ni ga gwo keyi na ne, bani kiki yami, ma gaine gede ² Iye nyine age bibi, ko yana aze iva la, geebo ko gumunu udika, ko gebo ko uta kada me, agede ufu ni uwozyi be uwoze ne te, gede uzume Uyesu ebe te uni bee be ³ Nyina aga wulu gi unide azene la. gede uzuye wo bela, sai uni ubibisa ume uwa zaa bani te ubebe gase gume tse, ubyi me ama ganu te. ⁴ nna uvu unime uweye a su guki ko Sigapa usu iwu yana pe gyengye wa Sigapa. Ni gayi te ninki, usu iwu yana gede nna vu Sigapa. ⁵ Nyine te wa li, utu me nde nene te, ngaine ebeme. ⁶ Keke me nyine pku ube me ugigi uwobe be late. gebo gede wo be nu utu me ugwote. ⁷ Utowozi ubibisa wo bani enize, wa zutuzu keke me ngase gume li, aka ibibi ime iyi ni gase te, yayi gbogbo agai utume azi gede wo bye te. ⁸ ni gayi te, uni nneki ge zo wo be, nde Uyesu wa waa ni afu ya ganu ka na ne. Wa vu gyengye ne gegu ko Sigapa nu uzu age be kana ne la. ⁹ Uni inniki gezo gume, wo be gebo ko ibe ibibi you usa lan ni ntsi ne, si bani gase. ¹⁰ Wa za bani na aka ibibi ne. Aka me yayi ni bani me nba gu utowozi wo liye te, gebo gede, ba gu geye ko Uyesu gi ba wa gase la. ¹¹ Gebo ka gayi te, Sigapa wo ne bani aka ibibi evo ba gi nba wulu na ami ne. ¹² Gabye kana, uvu gede ame ba, Usheliye gbi, bani me nba wulu ni lika kwukwasi ne la te, nde ba fulu ata na aka ibibi. ¹³ Nde ni, ya vini agi Sigapa gebo ke ne, yine bani ikiki me Sigapa yene te. Sigapa usi vu unime uvale ne nin ngbogbo, uyi nene nu uluhu ana, ume nyine wulu nu utoezi sesele ne te. ¹⁴ Ubeme usi vala ene nu utoezi wo ubisala te, ute, gede ya waa gaisu vo ninki, nu Uyesu Almasihu. ¹⁵ Gebo ka gaite bani yami, nyine agyengye ni ntsi ne nyine vo lika usele me atsinene te, ko ni lika gage, ko ni ebe yeyi me ikaa te. ¹⁶ Keke me, Uyesu alimasihu ni iwu yana ne nu Sigapa Ada, ume uwe yeyi te, wa gi yi liyesi ni yapu tsi sesele ne, gi ya paa gaiye kana ni ngyana. ¹⁷ Nyine sine eye tize, gi nyine ame lika sesele ni gatime kane, si lika kene.