¹ Uwosika wo Ubulus, nu Silbanu, nu Utimoty ne, ume againe uchuchi wo Tasalonika ni liye ka Ada Usigapa nu uyesu almasihu ne. ² Riyesi nu liyeba ko usigapa ne ayi ne nene, ni liye ko uyesu. ³ Ya vini agwu usigapa zamzam, gebo kene nyine bani kiki yami. Uye liye gede usayi te gebo ka ga wulu, ni gai kene ne, ni edika gaiye kene ne. ⁴ Niyi ni uwuye ne, yeyi luvu gebo kene nu uchuchu wo Sigapa. Ya gai lika ko ya pun tsi, ni ga wulu kane ne, lika bibi gume utue ne te. ya gai lika ko liye gamo kene. ⁵ Gayi te ana kpu (usheliya) wo Sigapa ni bani me nba zu tuzu sesele te. Gebye kana uvu gede, nyine avu bani me nyina awa gaze ko Sigapa ninki gebo ka liye gume nyine pa te. ⁶ Uvu lika sesele ni geigu ko Sigapa giwa gbwu ibe bibisa me amene te. ⁷ Wa gyene gaze ni liye kene, si niyi. wa mete utume Uyesu wo be gase gume ni male ku ya ntsi yana ne. ⁸ Uyesu wo be ni giwa ne wa gyi bani me nba kpa late liye si bani me nba ba utoezi ana late. ⁹ Ba pa liye nu uzu gabye, ni giwa, gume uwa yi gbogbo agai, ni neme uwa vu wo Sigapa la te. ¹⁰ Wa me lika gume nu utume uwe be gase gume, gi bani yana be su liye kana avo ni inki te. Utuye nyina awulu nu ubeme igaine te ne. ¹¹ Gebo ka yayi te, iya gi upye zamzam gebo kene. ya gi upye gede, Sigapa adene ibo, gina avu bani ivala sesele wa Sigapa. Ya gi upye gede wa mene lika sesele ni eye nyine, sigateme gume nyine wulu ni tsine te. ¹² Ya gi upye te, gebo gede, liye ko Uyesu wawa gaisu evo, wo ninki nu uwoze ne. Upyi woyi uvu gede, wo sune avo ninki gebo ka gaiye kana gume uyi nu Sigapa, si Uyesu almasihu ne te.