¹ E̱nyen ebi eli emi na ke re̱ rare, o̱lo̱mo̱e̱n zeli etui egbo̱ea ikpigbe. ² O̱re̱ i ain, "Emilalo̱ lie zukpe bun, aman ekhe̱n ilebia u kere. o̱hio̱ si o̱na, vba do abo̱ ni o̱lo̱mo̱e̱n si asikoko lo̱i yi ilebia so̱i re ovbi asikoko so̱i. ³ Vba shin oshan vba, vba ghoooi, i ye vba ain an re bi ighoogho vbi e̱khe̱n usee si ikoiko. ⁴ Vba nwin ekpe̱ gho, ekpai la re̱ le hee ibato khae vbo̱, vbae rui o̱so vbi ukpode̱ ⁵ Oa li vba ghe o, vba kpao o̱i, "O̱fun re i vbo̱ o̱li iwe i na". ⁶ O̱ia si o̱fun re kha ri vbaan, o̱funre vba lo̱ muzain vbi egbe, so̱i vbi iyo̱, o̱lo̱ chie buu vba re. ⁷ Vba dia vbi o̱li iwe ain, vba ya e vba o̱o̱n emi lo̱ iu le mie̱n re̱la vba. O̱hio̱ khi osa la hae o̱i o̱e o̱i vbi egbe. vba e o̱ ya ze̱lo̱ vbi iwe di iwe. ⁸ Evbo li vba oi, la za ga obo̱ mie̱n vba, vba e mi khe mi la re̱ la vba. ⁹ Vba ekho̱n le ri vbaan egbe daan. Vba i ain, " E̱ghe̱ o̱ba si Oise̱le̱bua a vare sike̱ a vba". ¹⁰ E̱ghe̱ ikhe̱ ghe̱ li vba re̱ o vbi evbo khi ei ga obo̱ mii e̱n vba, vba o vbi oee si ain, vba i ain, ¹¹ E dabu si avba achie̱ lo to ba vbi vbi o̱e̱ mai, mai khakhai lo̱i ri o̱se̱e̱ o̱ vbi vba, Aman, vba e̱n o̱na, e̱ghe̱ o̱ba si Oise̱le̱bua o̱ ke sike̱ mai re. ¹² I tai yi vba, khi ukpe̱di ighae̱zo̱n o̱lo̱ mo̱n aregbe mie̱n le̱ isodom le̱ o̱li e̱vboi ain. ¹³ Ikhue o o̱ yi vba, ik ora zin, ikhueo o̱ yie̱, Ibetshae̱da, Akhai khi obia la biai vbi e̱ke̱n e̱n, Itia bi Isido̱ni e kha ke da o e̱ke̱n o̱te̱e̱ te̱e̱, lei dia vbi ese̱se̱ mi ikpun bi emon. ¹⁴ Ama, a lo̱ mo̱n ari egbe zie̱n le̱ Itaia bi Isido̱ni, vbi ighae̱zo̱n le̱i vba. ¹⁵ Vba vba, Ikapanio̱ni, vba e̱gbe̱ khi alo̱ khuae yi okhumieimi? o̱gho̱, alo̱ dee vba re ovbo to̱i yi Ihadi ¹⁶ O̱lo̱ daa vba eho̱n, e dan me̱ eho̱n eli asin vba egbo sin me̱n bi o̱li o̱ia lo̱ sin me̱n gbo sin o̱li o̱ye me̱ re̱. ¹⁷ Eli etui egbo̱ea ikpigbo ri egho̱ngho̱n vare, ere̱ o̱i, "Olomo̱e̱n ekhe̱n ivbiesun akie̱ o̱ de uhunmi re̱ yi mai, vbi eni se̱". ¹⁸ Ijesun re̱i ain, "Ya kae̱o gho esun ebo̱i za vbi okhumi eimi dere bi ihian. ¹⁹ Kae̱o gho, i ri ase̱ la vba ya re̱ ri iza gbii e̱yaen, ehiagho bi utomomi ere̱me̱n si oli oghian (o̱be) ai mii emi o̱so lo̱lo̱ ruan vba. ²⁰ O̱re̱ de iyo̱ vbae gho̱gho̱n o̱ vbi ōna uo̱kpa, khi eli etin yain de egbere la vba, aman, gho̱gho̱n go̱o̱n o̱vbo̱ khi avin eni vba o̱ vbi okhuieimi". ²¹ O̱li e̱ghe̱ ain, o̱ zukpe gho̱gho̱n vbi e̱ke̱n etin Lo̱fuan an, o̱re̱ o̱i "I ree̱ Era O̱lo̱mo̱e̱n si okhuieimi bi agbo̱n, erimidi eri emi na hee ni ize̱ wain be eli emi o̱ nwin ain e̱o kuere, ure̱ ri ain vbie̱ eli ai vbie, li eu bi ivbiekhan li kekere he, Era eri o̱ hume̱n lesen vbe̱ o se̱" ²² "Emi ere̱me̱n la uwun o̱ me̱n vbi obo̱ re̱ za vbi obo̱ si Erame̱n vare, o̱ so i e̱n o̱li ovbpo̱i u lo̱i Erai, o̱so e̱n o̱li Era u lo̱i vbi ovbio̱i bi eli Ovbio̱i elo̱i kho̱ lo̱ ro̱i vbie̱. ²³ O̱kese̱, o̱ fii egbe de li egbe yi ivbiuokho o̱ doo talian ho̱n khi "Ihianba li khi eli eia le mii emi li vba mie̱n. ²⁴ I tala vba ho̱n, eli yan mie̱o lo̱bun bi ije hoo lei re̱ mii emi li vba mie̱n, ei mii ain, lei re̱ hin emi li vba ho̱n, ei hin ain". ²⁵ Kae̱o gho, o̱lo̱vbie o̱kpa si uhi si e̱khe̱n Ijus sho̱re muzan lo̱i damai gho, o̱ re̱ o̱i " O̱lo̱vbie̱ emi o̱ evbo̱ liu, li re̱ uku si agbo̱n lo̱i mo̱n ire̱so" ²⁶ Ijesu re̱ o̱i, "Emi a vin vbi e̱ke̱n uhi?" Ebi u i ko̱o̱i?. ²⁷ O̱ri e anye̱n re, o̱ re̱ o̱i, "Ulo̱ ri udu se̱ ere̱me̱n bi ekein se̱ ere̱me̱n hume̱nke̱n o̱li o̱mo̱e̱n li Oise̱le̱bua se̱ bi o̱lo̱ zi eva se̱ bi egbe se̱" ²⁸ Ijesu re̱ o̱i "u an ye̱n i lesen. Ui ina, u lo̱ uagbo̱n". ²⁹ O̱li o̱lo̱vbie̱ o̱ ke hoo lo̱i re̱ o̱ khi yo̱n e̱n re̱ i Ijesu, "O̱i khi O̱lo̱zieva me̱n" ³⁰ Ijesu anyie̱n o̱n lo̱ re̱ o̱i, "O̱mo̱he o̱kpa za vbi Ijerusalemu shan lode̱ vbi Ijeriko. O̱de o vbi usee si ekhe̱n arakhua le mio̱in emi ere̱me̱n so̱i, e gbe o̱i, ekpe̱ ko̱ e̱mio̱n kere zo̱i vbi unu. ³¹ Ebi emi o̱i ho e̱o, ohe̱n o̱kpa o̱ shan yi evbo̱ o̱ke mio̱in, o̱ shan ra i re hiabai a vbi obo̱i no̱i. ³² Iyo̱ igbo khi o̱la i Ileviti, e̱ghe lo̱ re̱ di aan re lo̱ re̱ mio̱in, o̱ shan vbi obo̱ lo̱ zi eva rare. ³³ Ama, o̱mo̱hi samarita o̱kpa, ebi o̱i za vban shan lo̱ rere vade, o̱ di ebi o̱ ri re, E̱ghe̱ lo̱ re̱ mio̱in, o̱ too̱i vbi egbe. ³⁴ O̱za si ke̱ a i a gbali ebo̱ za ria egbe a, o̱ kui evbi bi waini (enyo̱n) o̱ vbi ain. O̱za nwuo̱in dia vbi okhumi eami so̱i, o̱ re̱ nwuo̱in di ebi ire o̱vaan, o̱re̱ gbe̱o gho o̱i. ³⁵ Ukpe̱de̱ lo̱zi eva o̱za nwin ide̱narai eva diaan re, lo̱ re̱ ni o̱lo̱ vaan kpe̱ e̱n, o̱re̱ o̱i "Gbe̱o kae̱o gho o̱i, eka lo̱ ke i u lu chie wee baai, i kha ke chiere, i lo̱ ha ai na". ³⁶ "I yi o̱lo̱ u vbi eli e ea ria, lo̱ vbi o̱ze va re̱ yi o̱i, lo̱ de o vbi usee si ekhe̱n arakhua?. ³⁷ O̱li o̱lo̱ vbie̱ re̱ o̱i, "O̱lo̱ mo̱n itue̱ke̱n yo̱i". Ijesu re̱ o̱i, "ya shan u ui ebi o̱i u. "Ya shan u ui iyo̱". ³⁸ E̱ nyan ebi yan kei shin o̱li oshan, o̱ vbi igue o̱kpa, o̱kposo o̱kpa lae cho̱i Imarta mie̱n o vbi eke̱n iwe so̱i. ³⁹ O̱mo̱n omio̱n lae cho̱i Imari, lo̱ dia kpe̱n Ijesu lo̱ re̱ hin eta so̱i. ⁴⁰ Aman, imarta o̱ li izeze vbi emae liain lo̱ e uhen mi. O̱ di Ijesu egbe re, o̱ re̱ o̱i, o̱lo̱mo̱e̱n, u e̱n khi o̱mio̱n me̱n (lo̱kposo) zi me̱ uo̱kpa obo̱ li ya hoo emi lalo̱e? O̱hio̱ si o̱na, ta nai ho̱n lo̱i kpaa me̱n obo̱". ⁴¹ Aman, O̱lo̱mo̱e̱n anye̱n o̱n o̱ re̱ o̱i, Imarta, Imarta, emi lo̱ bun wa hoo. ⁴² Aman, emi o̱kpa lo̱ e o̱ vbo̱, imari o̱zi emi lo̱ hume̱n le̱, la kha meti mio̱in vbo bo".